ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សា និងហាត់ការងារសម្រាប់សិស្សនិស្សិតកំពុងសិក្សានៅផ្នែករូបវិទ្យា និងកុំព្យូរទ័រពីកម្មវិធី DESY Summer Student សិក្សានៅប្រទេសអាល្លឺម៉ង់ សម្រាប់ឆ្នាំសិក្សា២០២៤។ ការសិក្សា និងហាត់ការងារមានរយៈពេល ៨សប្ដាហ៍ ដែលជ្រើសរើសអ្នកចូលរួមចំនួន៣០០០នាក់។
លក្ខខណ្ឌជ្រើសរើសសម្រាប់បេក្ខជន ជានិស្សិតបានបញ្ចប់ឆ្នាំទី៣ ឬបានបញ្ចប់ការសិក្សាថ្នាក់បរិញ្ញាបត្រនៅសាកលវិទ្យាល័យផ្នែករូបវិទ្យា កុំព្យូទ័រ មុខជំនាញដែលពាក់ព័ន្ធ។ បេក្ខជនដែលបានបញ្ចប់ថ្នាក់បរិញ្ញាបត្រ និងកំពុងបន្តថ្នាក់បរិញ្ញាបត្រជាន់ខ្ពស់ត្រូវបានលើកទឹកចិត្តឱ្យដាក់ពាក្យ។ ជាបេក្ខជនដែលមិនធ្លាប់បានចូលរួមក្នុងកម្មវិធី DESY ពីមុន និងមានជំនាញភាសាអង់គ្លេស និងកុំព្យូទ័រ និងជាបុគ្គលដែលមានការតាំងចិត្ត និងប្ដេជ្ញាចិត្តក្នុងការសិក្សា និងហាត់ការងារ។
អត្ថប្រយោជន៍ដែលបេក្ខជននឹងទទួលបានពីអាហារូបករណ៍រួមមាន ប្រាក់ឧបត្ថម្ភចំនួន១២០០អឺរ៉ូក្នុងមួយខែ (សម្រាប់និស្សិតអន្តរជាតិ) ការចំណាយលើការធ្វើដំណើរ (គ្រប់ប្រភេទ)។
ឯកសារដែលបេក្ខជនស្នើពាក្យអាហារូបករណ៍រួមមាន ប្រវត្តិរូបសង្ខេប (CV ១ ទៅ ២ទំព័រ) តែងសេចក្ដីអំពីព័ត៌មានផ្ទាល់ខ្លួនលម្អិត បទពិសោធន៍ទាក់ទងនឹងរូបវិទ្យា និងកុំព្យូទ័រ។ ជាមួយគ្នានេះត្រូវភ្ជាប់ជាមួយ លិខិតឆ្លងដែនមានសុពលភាព លិខិតចម្លងនៃវិញ្ញាបនបត្រ ឬសញ្ញាបត្រនៅសាកលវិទ្យាល័យ។ បេក្ខជនត្រូវដាក់ឯកសារទាំងអស់ convert ទៅជា PDF ចូលគ្នា។
សម្រាប់ព័ត៌មានបន្ថែមអាចចូលទៅកាន់ http://tinyurl.com/489xujaj ៕
