ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានបច្ចេកទេសឧស្សាហកម្មបន្តផ្ដល់ការសិក្សាជំនាញវិជ្ជាជីវៈ ជាច្រើនកន្លែងសម្រាប់ សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈដោយឥតគិតថ្លៃ។ ការសិក្សាផ្ដល់ជូនក្រោមកម្មវិធីសិក្សា ១លាន៥សែននាក់ ដែលគាំទ្រដោយរាជរដ្ឋាភិបាលកម្ពុជា។
ជំនាញដែលអាហារូបករណ៍បន្តជ្រើសរើសរួមមាន ៖ ការដំឡើងបណ្ដាញអគ្គិសនីក្នុងអគារ, ការថែទាំ និងជួសជុលរថយន្ត, ការថែទាំ និងជួសជុលអគ្គិសនីរថយន្ត, សេវាកម្មបរិក្ខាត្រជាក់ក្នុងគេហដ្ឋាន, ការផ្សារអគ្គិសនី, ការផ្សារឧស្ម័ន, ការបន្ស៊ីលោហៈ, សេវាកម្មកុំព្យូទ័រ, ការរចនាក្រាហ្វិកដោយកុំព្យូទ័រ, ការថែទាំ និងជួសជុលដណ្ដើរយន្ត និងជំនាញជាច្រើនទៀត។
លក្ខខណ្ឌនៃការជ្រើសរើស ៖ បេក្ខជន បេក្ខនារីទាំងពីរភេទជាយុវជនមកពីគ្រួសារក្រីក្រ ឬងាយរងហានិភ័យ ជាបុគ្គលនៃសេដ្ឋកិច្ចក្រៅប្រព័ន្ធ និងក្នុងប្រព័ន្ធ បេក្ខជនបានជាប់ ឬធ្លាក់មធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ ។
បេក្ខជន បេក្ខនារី នឹងទទួលបានអត្ថប្រយោជន៍ពីកម្មវិធីសិក្សាជាច្រើនរួមមាន ការសិក្សាដោយឥតគិតថ្លៃ មានឧបករណ៍សិក្សា សម្ភារៈអនុវត្តគ្រប់គ្រាន់ ទទួលបានសៀវភៅគោលតាមជំនាញដោយឥតគិតថ្លៃ ប្រាក់ឧបត្ថម្ភប្រចាំខែ (សម្រាប់សិស្សមានបណ្ណក្រីក្រ១ ឬក្រីក្រ២ ឬបណ្ណងាយរងហានិភ័យ) ទទួលបានសញ្ញាបត្របច្ចេកទេស និងវិជ្ជាជីវៈ១ និងឱកាសបន្តការសិក្សា មានឱកាសចុះកម្មសិក្សានៅតាមសហគ្រាស គ្រឹះស្ថាន ឧស្សាហកម្ម និងក្រុមហ៊ុនឯកជន មានជំនាញពិតប្រាកដ មានការងារធ្វើ និងប្រាក់ខែសមរម្យ។
សម្រាប់ព័ត៌មានបន្ថែមសូមទាក់ទងទៅកាន់វិទ្យាស្ថានដែលមានទីតាំងស្ថិតនៅតាមបណ្តោយមហាវិថីសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ឬទំនាក់ទំនងតាមរយៈទូរស័ព្ទលេខ ០៧០ ៧១៩ ៦០០, ០៨៧ ៥២៥ ៥០៩ ៕
