ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ស្ថានទូតតួកគីប្រចាំប្រទេសកម្ពុជា បានប្រកាសពីការផ្តល់អាហារូបករណ៍សិក្សាថ្នាក់ឧត្ដមសិក្សានៅប្រទេសខ្លួនសម្រាប់ឆ្នាំសិក្សា២០២៤។ កម្មវិធីអាហារូបករណ៍នេះ គឺជាការផ្ដល់ជូនពីរដ្ឋាភិបាលតួកគីសម្រាប់សិស្សនិស្សិតអន្តរជាតិគ្រប់សញ្ជាតិ។
ជំនាញដែលអាហារូបករណ៍ផ្ដល់ជូនរួមមាន វិស្វកម្មថាមពលនុយក្លេអ៊ែរ, ថាមពលកកើតឡើងវិញ, វិស្វកម្មថាមពល និងជំនាញជាច្រើនទៀត។
ដើម្បីដាក់ពាក្យ បេក្ខជនត្រូវធ្វើតាមដំណាក់កាលចំនួន៥ ដោយ ទី១បង្កើតគណនីផ្ទាល់ខ្លួននៅលើប្រព័ន្ធអាហារូបករណ៍ (Scholarship Application System) ទី២ ជ្រើសរើសសាកលវិទ្យាល័យដែលចូលចិត្ត និងចង់សិក្សា។ ទី៣ បន្ទាប់ពីពិនិត្យមើលដំណាក់កាល និងឯកសារសូមចុចយល់ព្រមលើពាក្យស្នើសុំ។ ទី៤ ក្រោយបំពេញពាក្យ និងឯកសារទាំងអស់នឹងផ្ដល់ជាទុនសំខាន់របស់អ្នកដែលអាចបន្ថែមសកម្មភាពក្រៅកម្មវិធីសិក្សា និងសមិទ្ធិផលរបស់អ្នកនៅក្នុងវិស័យផ្សេងៗ និងទី៥ សរសេរតែងសេចក្ដីអំពីចេតនា ចំណូលចិត្ត ការរំពឹងទុក និងគោលដៅរបស់អ្នកសម្រាប់ពេលអនាគត។
អត្ថប្រយោជន៍ដែលបេក្ខជនជ័យលាភីអាហារូបករណ៍ទទួលបានរួមមាន ថ្លៃសិក្សា, ការសិក្សាថ្នាក់ភាសាទួកគីមួយឆ្នាំ, ថ្លៃស្នាក់នៅ, ថ្លៃធ្វើដំណើរតែម្តងគត់ (ពេលត្រឡប់ទៅស្រុកកំណើតក្រោយបញ្ចប់ការសិក្សា), សេវាធានារ៉ាប់រងសុខភាព, និងប្រាក់ចំណាយប្រចាំខែ។
ឯកសារចាំបាច់ដែលបេក្ខជនត្រូវភ្ជាប់មានដូចជា អត្តសញ្ញាណបណ្ណ ឬលិខិតឆ្លងដែនដែលមានសុពលភាព រូបថតថតថ្មី (ថតមួយឆ្នាំចុងក្រោយ) សញ្ញាបត្រមធ្យមសិក្សាទុតិយភូមិ សញ្ញាបត្រប្រឡងថ្នាក់ជាតិ (បើមាន) ប្រតិចារិក លិខិតបញ្ជាក់ភាសា TOEFL ឬ DELF។ ជាមួយគ្នានេះ សម្រាប់បេក្ខជនស្នើថ្នាក់បរិញ្ញាបត្រជាន់ខ្ពស់ត្រូវភ្ជាប់មានសញ្ញាបត្រថ្នាក់បរិញ្ញាបត្រ សម្រាប់ថ្នាក់បណ្ឌិតត្រូវភ្ជាប់សញ្ញាបត្របរិញ្ញាបត្រជាន់ខ្ពស់ និង សំណើរសម្រាប់ស្រាវជ្រាវ និងឧទាហរណ៍ជាលាយលក្ខណ៍អក្សរដែលធ្លាប់បានសិក្សា។
សម្រាប់ព័ត៌មានលម្អិត និងការដាក់អាចចូលទៅកាន់ https://www.turkiyeburslari.gov.tr/ ឬអាចទំនាក់ទំនងទៅកាន់ Email: iroffice.camatom@gmail.com ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី២០ ខែកុម្ភៈ ឆ្នាំ២០២៤៕
