ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – វិទ្យាស្ថានជាតិសហគ្រិន និងនវានុវត្តន៍ប្រកាសជ្រើសរើសបេក្ខជនសិក្សាជំនាញបច្ចេកទេស និងវិជ្ជាជីវៈរយៈពេលខ្លីសម្រាប់ឆ្នាំសិក្សា២០២៣។ ការសិក្សាជំនាញបច្ចេកទេសមានរយៈពេល ៤ខែ ។
អាហារូបករណ៍ផ្ដល់ជូនជំនាញសិក្សាដូចជា ការរចនាក្រាហ្វិកដោយកុំព្យូទ័រ, ការថែរក្សាសម្ផស្ស និងសម្អាងកាយ, ការឆុងកាហ្វេ និងភេសជ្ជៈ, ការដុតនំប៉័ង, ការក្រឡុកស្រា, ជំនាញម្ហូបខ្មែរ ថៃ ជប៉ុន និង ចិន ។ អត្ថប្រយោជន៍ដែលសិស្សទទួលបានពីវគ្គបណ្តុះបណ្តាលរួមមាន ទទួលបានជំនាញមួយច្បាស់លាស់, សញ្ញាបត្រក្រោយបញ្ចប់ការសិក្សា មានសមត្ថភាពអាចស្វែងរកការងារធ្វើទទួលបានប្រាក់ខែសមរម្យ និងមានឱកាសបើកអាជីវកម្មផ្សេងៗ ។
ឱកាសសិក្សាផ្ដល់ជូនសម្រាប់ កម្មករ-កម្មការនីដែលបានព្យួរការងារ ឬបោះបង់ការងារ និងសាធារណជនទូទៅដែលមិនមានជំនាញ ឬមុខរបរច្បាស់លាស់អាចដាក់ពាក្យសុំចុះឈ្មោះចូលរៀនបាន ។
ជាមួយគ្នានេះ បេក្ខជនដែលមានចំណាប់អារម្មណ៍សិក្សាសូមភ្ជាប់ជាមួយឯកសារដូចជា អត្តសញ្ញាណប័ណ្ណ (ថតចម្លង)ចំនួន០១ច្បាប់, សំបុត្រកំណើត (ថតចម្លង) ចំនួន០១ច្បាប់, សៀវភៅការងារ(ថតចម្លង)ចំនួន០១ច្បាប់, ប័ណ្ណសំគាល់ខ្លួនកម្មករនិយោជិតខ្មែរ (ថតចម្លង) ចំនួន ០១ ច្បាប់, រូបថត 4*6 ផ្ទៃពណ៌ខៀវ (ពាក់អាវធំ) ចំនួន០៦សន្លឹក ។
សម្រាប់ព័ត៌មានបន្ថែមអាចទំនាក់ទំនងទៅកាន់វិទ្យាស្ថានជាតិសហគ្រិនភាព និងនវានុវត្តន៍ដែលមានអាស័យដ្ឋានស្ថិតនៅតាមបណ្ដោយមហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ ៕
