ឱកាសផ្លាស់ប្ដូរការសិក្សានៅសាកលវិទ្យាល័យ ​Chulalongkorn នៃកម្មវិធី Asian International Mobility for Student និង The ASEAN University Network-ASEAN Credit Transfer System(AUN-ACTS) សម្រាប់ឆ្នាំ២០២៤។

លក្ខខណ្ឌជ្រើសរើសសម្រាប់បេក្ខជនក្នុងការដាក់ពាក្យ ជានិស្សិតឆ្នាំទី២ ឬទី៣ នៃដេប៉ាតឺម៉ង់ភាសាអង់គ្លេស (នៃសាកលវិទ្យាល័យភូមិន្ទភ្នំពេញ) មានប្រត្តិបត្តិពិន្ទុ CGPA យ៉ាងតិច៣.០០ឡើងទៅ មានIELTS ៦.០ឡើងទៅ មានសុខភាពល្អទាំងផ្លូវកម្លាំងកាយ និងស្មារតី និងមានការប្ដេជ្ញាចិត្តចំពោះកម្មវិធីសិក្សាតាំងពីចាប់ផ្ដើមរហូតដល់ចប់កម្មវិធីផ្លាស់ប្ដូរការសិក្សា។

ឯកសារដាក់ពាក្យដែលបេក្ខជនត្រូវភ្ជាប់ដើម្បីស្នើពាក្យរួមមាន Cover Letter, សេចក្តីថ្លែងការណ៍អំពីគោលបំណងរបស់សិស្ស (500-800 ពាក្យ), ប្រតិចារិកសិក្សាផ្លូវការ នៃកំណត់ត្រា (ពិន្ទុបូករហូតដល់ពេលថ្មីៗនេះ), កំណត់ត្រាពិន្ទុជំនាញភាសាអង់គ្លេស ឬសមមូល, ច្បាប់ចម្លងនៃលិខិតឆ្លងដែននៅលើទំព័រព័ត៌មាន, រូបថតថ្មីៗរបស់សិស្សនៅលើផ្ទៃខាងក្រោយពណ៌ស,  បញ្ជីនៃវគ្គសិក្សាដែលសិស្សប្រាថ្នាចង់ចូលរៀន (BALAC2), កិច្ចព្រមព្រៀងយល់ព្រមជាមួយហត្ថលេខារបស់អ្នកដាក់ពាក្យ (ទម្រង់ដែលបានផ្តល់) និង លិខិតយោងចំនួនពីរ ពីអ្នកគ្រប់គ្រងការសិក្សា ឬសាស្ត្រាចារ្យ។

ដើម្បីពិនិត្យមើលជំនាញពី BALAC អាចចួលទៅកាន់ https://www.arts.chula.ac.th/balac/index.php/curriculum/courses-offered/ ។ ដើម្បីទាញយកពាក្យលិខិតព្រមព្រៀងអាហារូបករណ៍អាចចូលទៅកាន់ https://www.inter.chula.ac.th/exchange/inbound/ ។

អ្នកដាក់ពាក្យត្រូវតែបំពេញតាមលក្ខណៈវិនិច្ឆ័យនៅក្នុងផ្នែកដែលបានរៀបរាប់ខាងលើ ឯកសារចាំបាច់ទាំងអស់ទៅកាន់ការិយាល័យទំនាក់ទំនងអន្តរជាតិដោយតាមរយៈ Telegram: +៨៥៥​ ១៥ ៨៩០ ៤៣៤ (បណ្ដាញទំនាក់ទំនងផ្លួវការរបស់ ការិយាល័យទំនាក់ទំនងអន្តរជាតិ – សភភព)។ បេក្ខជនដែលមានលក្ខខណ្ឌគ្រប់គ្រាន់នឹងទទួលបានការអញ្ចើញទៅសម្ភាសន៍។

សម្រាប់ព័ត៌មានបន្ថែមអាចចូលទៅកាន់https://www.chula.ac.th/en/academics/admissions/scholarships/ ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១២ ខែកុម្ភៈ ឆ្នាំ២០២៤៕