វិទ្យាស្ថានជាតិបណ្ដុះបណ្ដាលបច្ចេកទេស (NTTI) ផ្ដល់អាហារូបករណ៍ថ្នាក់បរិញ្ញាបត្រ និងកម្រិតសញ្ញាបត្រជាន់ខ្ពស់បច្ចេកទេស ចំនួន១០កន្លែង ក្រោមការឧបត្ថម្ភ និងគាំទ្រពី ឯកឧត្ដមអភិសន្តិបណ្ឌិត ស សុខា និង លោកជំទាវ កែ សួនសុភី ឆ្នាំសិក្សា២០២៥-២០២៦។

ជំនាញដែលអាហារូបករណ៍ផ្ដល់ឱ្យសិក្សាថ្នាក់បរិញ្ញាបត្ររួមមាន អគ្គិសនី ១កន្លែង ព័ត៌មានវិទ្យា ២កន្លែង។ សម្រាប់កម្រិតសញ្ញាបត្រជាន់ខ្ពស់បច្ចេកទេសមាន អគ្គិសនី ២កន្លែង, មេកានិច ២កន្លែង, ព័ត៌មានវិទ្យា ៣កន្លែង។ កាលបរិច្ឆេទនៃចូលរៀនសម្រាប់វគ្គមានចំនួន៣ ៖ លើកទី១ នៅថ្ងៃទី២៧ ខែតុលា ឆ្នាំ២០២៥, លើកទី២ ថ្ងៃទី១៧ ខែវិច្ឆកា ឆ្នាំ២០២៥, លើកទី៣ ថ្ងៃទី១ ខែធ្នូ ឆ្នាំ២០២៥។

លក្ខខណ្ឌជ្រើសរើស ៖ បេក្ខជនស្នើថ្នាក់បរិញ្ញាបត្រត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃសមមូល សម្រាប់កម្រិតសញ្ញាបត្រជាន់ខ្ពស់បច្ចេកទេស ត្រូវមានសញ្ញាបត្រមធ្យមសិក្សាទុតិយភូមិ ឬប្រឡងធ្លាក់មធ្យមសិក្សាទុតិយភូមិ។

លក្ខខណ្ឌនៃការដាក់ពាក្យអាហារូបករណ៍ ៖ ជាសិស្ស-និស្សិតទូទាំងប្រទេស សិស្សធ្លាប់ចូលរួមសកម្មភាពការងារសង្គម ឬមានជីវភាពខ្វះខាតនឹងទទួលបានអាទិភាព (ត្រូវភ្ជាប់ជាមួយលិខិតសរសើរ ឬ លិខិតថ្លែងអំណរគុណដែលបញ្ជាក់ពីការចូលរួមសកម្មភាពការងារសង្គម ឬ លិខិតបញ្ជាក់ភាពក្រីក្រដែលចេញដោយអាជ្ញាធរ និងត្រូវ Upload ឯកសារទាំងនេះចូលក្នុងApp អាហារូបករណ៍អភិសន្តិបណ្ឌិត ស សុខា)។ សិស្ស និស្សិត ត្រូវបំពេញបែបបទនានាសម្រាប់ដាក់ពាក្យស្នើសុំអាហារូបករណ៍តាមជំហាននីមួយក្នុងកម្មវិធី(App) អាហារូបករណ៍អភិសន្តិបណ្ឌិត ស សុខា និងត្រូវគោរពតាមខ្លឹមសារនៃកិច្ចសន្យាខិតខំរៀនសូត្រ ដែលបានបញ្ជាក់ជូនក្នុង App ដាក់ពាក្យស្នើសុំអាហារូបករណ៍។

សម្រាប់ព័ត៌មានបន្ថែមអាចទំនាក់ទំនងទៅកាន់គ្រឹះស្ថានសិក្សាដែលមានអាសយដ្ឋាននៅសង្កាត់ទឹកថ្លា ខណ្ឌសែនសុខ រាជធានីភ្នំពេញ។ សម្រាប់ជំនាញ ព័ត៌មានវិទ្យា អាចទំនាក់ទំនងទៅកាន់ ០១២ ៨៥៩ ៩៣៤ / ០៩៣ ៥៩៣ ៩៤៤ ។ សម្រាប់ជំនាញ អគ្គិសនី និងអេឡិចត្រូនិក អាចទំនាក់ទំនងទៅកាន់ ០១០ ៧៨៧ ៧០៩ ។

ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៥ ខែតុលា ឆ្នាំ២០២៥៕