ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងគោលបំណងដើម្បីលើកកម្ពស់ស្តង់ដារវេជ្ជសាស្ត្រ កាត់បន្ថយគម្លាតសេវាសុខាភិបាល ពង្រីកឱកាសសិក្សា និងបង្កើតធនធានមនុស្សផ្នែកសុខាភិបាលដែលមានគុណភាពសម្រាប់តំបន់អាស៊ាន, ប្រទេសជប៉ុន តាមរយៈវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា (ERIA) សម្រេចផ្តល់អាហារូបករណ៍ ដោយជ្រើសរើសនិស្សិតពីកម្ពុជា ព្រមទាំងនិស្សិតពីបណ្តាប្រទេសសមាជិកអាស៊ាន ដើម្បីសិក្សាថ្នាក់វេជ្ជបណ្ឌិតរយៈពេល ៦ឆ្នាំ នៅប្រទេសជប៉ុន និងបន្តការបណ្ដុះបណ្ដាលជំនាញគ្លីនិក (Clinical Training) រយៈពេល ២ឆ្នាំ។
អត្ថប្រយោជន៍អាហារូបករណ៍
-ឥតគិតថ្លៃសិក្សា និងថ្លៃចុះឈ្មោះទាំងស្រុង
-ប្រាក់ឧបត្ថម្ភសម្រាប់ការរស់នៅ
-សំបុត្រយន្តហោះទៅ-មករវាងប្រទេសកំណើត និងជប៉ុន
-សៀវភៅសិក្សា
លក្ខខណ្ឌនៃការដាក់ពាក្យ
ដើម្បីទទួលបានអាហារូបករណ៍នេះ បេក្ខជនត្រូវគោរពតាមលក្ខខណ្ឌដូចជា ៖ ត្រូវជានិស្សិតឆ្នាំទី១ ឬឆ្នាំទី២ ផ្នែកវេជ្ជសាស្ត្រ, ពាក្យសុំអាហារូបករណ៍, ព្រឹត្តិបត្រពិន្ទុថ្នាក់វិទ្យាល័យ, ព្រឹត្តិបត្រពិន្ទុថ្នាក់ឆ្នាំទី១ នៅសាកលវិទ្យាល័យ, បកប្រែជាភាសាអង់គ្លេស (ប្រសិនបើឯកសារមិនមែនជាភាសាអង់គ្លេស), សរសេរលិខិត Essay, លិខិតណែនាំ ១ច្បាប់ពីមហាវិទ្យាល័យ, វិញ្ញាបនបត្រភាសាអង់គ្លេស (ប្រសិនបើមាន)។
របៀបដាក់ពាក្យ
បេក្ខជនត្រូវបម្លែងឯកសារពាក្យសុំជាឯកសារ PDF រួចផ្ញើទៅកាន់អ៊ីមែល hcu.ajmsp@eria.org ដោយដាក់ចំណងជើងអ៊ីមែល ៖ Application for ASEAN-Japan Medical Scholarship Programme ។ កុំភ្លេចចម្លង (CC) ទៅកាន់ ៖ achmad.solikhin@eria.org , nanda.putri@eria.org។
ចំពោះបេក្ខជនដែលចង់ដាក់ពាក្យយកអាហារូបករណ៍នេះ សូមរួសរាន់ធ្វើការដាក់ពាក្យឱ្យបានត្រឹមថ្ងៃទី៣១ ខែសីហា ឆ្នាំ២០២៦ ខាងមុខនេះ វេលាម៉ោង ៥:០០ ល្ងាច (GMT+7 ម៉ោងទីក្រុងហ្សាកាតា)។ សម្រាប់ព័ត៌មានបន្ថែម [សូមចូលទៅកាន់គេហទំព័រ Eria] ៕
