លោក អ៊ួ ដារិទ្ធ

Description

លោក អ៊ួ ដារិទ្ធ សិល្បករគំនូរស្រមោល បាននិយាយថា បើនិយាយដល់ស្រមោល គេមិនសូវចាប់អារម្មណ៍ពីលក្ខណៈសម្បត្តិពិសេសរបស់វាទេ តែស្រមោលបានផ្តល់​ទស្សនីយ៍ភាពកម្សាន្តដល់មនុស្សជាតិជាច្រើន។ យើងអាចបង្កើតរូបរាងណាមួយក្នុងស្រមោលបានតាមរយៈម្រាមដៃ ឬវត្ថុផ្គុំណាមួយ សូម្បីតែដូនតាខ្មែរក៏មានសិល្បៈស្រមោល មានដូចជាល្ខោនស្បែកជាដើម។ លោក អ៊ួ ដារិទ្ធ បានបង្កើតគំនិតច្នៃប្រតិដ្ឋផ្ទាល់ខ្លួន ចំណាយពេលផលិតរូបភាពពីស្រមោលចាំងឆ្លុះអំពូលភ្លើង រំលេចចេញជារូបរាងនៃគំនូរស្រមោល ដើម្បីចំអែតអារម្មណ៍ទាំងលោកផ្ទាល់ និងអ្នកដែលស្រឡាញ់ការបង្កើតថ្មី។