ការ​គ្រប់គ្រង​ហិរញ្ញវត្ថុ​សម្រាប់​និស្សិត​ឆ្ងាយ​ផ្ទះ​ ​៖​ ​ក្បួន​ទាំង​ ​៧​ ​ដើម្បី​ចាយវាយ​ប្រកបដោយ​ភាព​ឆ្លាតវៃ​

​ការ​ចាកចេញ​ពី​ទ្រនំ​គ្រួសារ​មក​បន្ត​ការ​សិក្សា​នៅ​ទីក្រុង​ ​ឬ​ទីប្រជុំជន ​គឺជា​ចំណុច​ចាប់ផ្តើម​នៃ​ការ​ឈានចូល​ជីវិត​ជា​មនុស្ស​ពេញ​វ័យ​។ ​ទន្ទឹម​នឹង​សេរីភាព​នៃ​ការ​រស់នៅ​ដោយ​ខ្លួនឯង​ ​បញ្ហា​ប្រឈម​ធំ​បំផុត​មួយ​ដែល​និស្សិត​ភាគ​ច្រើន​ជួបប្រទះ ​គឺ​ «​ការ​គ្រប់គ្រង​លុយកាក់​»​។ ​នៅក្នុង​សៀវភៅ​ល្បី​ឈ្មោះ​ ​Broke​ ​Millennial​ ​របស់​អ្នកនិពន្ធ​ ​Erin​ ​Lowry​ ​បាន​គូសបញ្ជាក់​យ៉ាង​ច្បាស់​ថា​ ​ការ​រៀន​គ្រប់គ្រង​ហិរញ្ញវត្ថុ​ចាប់តាំងពី​វ័យ​ក្មេង​ ​គឺជា​ការ​រៀន​បង្កើត​ «​ទំនាក់ទំនង​ល្អ​ជាមួយ​លុយ​» ​និង​ការ​កសាង​ទម្លាប់​រឹងមាំ​សម្រាប់​អនាគត​។​

​ដើម​ឡើយ​ និស្សិត​ជាច្រើន​តែង​ធ្លាក់​ចូល​ក្នុង​អន្ទាក់​ «​ការ​ចំណាយ​តាម​អារម្មណ៍​»​។ ​ដើម្បី​ជួយ​ឱ្យ​ការ​រស់នៅ​ឆ្ងាយ​ផ្ទះ​ដំណើរការ​ទៅ​ដោយ​រលូន​ ​និង​មិន​បាច់​ទូរស័ព្ទ​ទៅ​ប៉ា​ម៉ាក់​នៅ​ពាក់កណ្តាល​ខែ ​ខាងក្រោម​នេះ​ជា​ក្បួន​ ​៧​ ​យ៉ាង​ ​ដែល​រួមបញ្ចូល​នូវ​យុទ្ធសាស្ត្រ​ជាក់ស្តែង​ និង​ទ្រឹស្តី​ហិរញ្ញវត្ថុ​ ​៖​

​១.​ កត់ត្រា​រាល់​ការ​ចំណាយ​ ​និង​តម្លាភាព​ជាមួយ​ខ្លួនឯង​

​ទម្លាប់​ដំបូង​គេ​បង្អស់​ ​គឺ​ការ​ទាញយក​កម្មវិធី​កត់ត្រា​ថវិកា​ ​(​Budgeting​ ​App​) ​ឬ​ប្រើប្រាស់​សៀវភៅ​កំណត់ហេតុ ​ដើម្បី​កត់ត្រា​រាល់​ប្រតិបត្តិការ​ហិរញ្ញវត្ថុ​ទាំងអស់​។ ​នៅក្នុង​ ​Broke​ ​Millennial​ ​អ្នកនិពន្ធ​ ​Erin​ ​Lowry​ ​បាន​លើកឡើង​អំពី​គំនិត​ ​”​Financial​ ​Cash​ ​Flow​ ​Check​-​in​” ​ពោលគឺ​ការ​ពិនិត្យមើល​លំហូរ​ប្រាក់​ចំណូល​ ​និង​ចំណាយ​ឱ្យ​បាន​ទៀងទាត់​។ ​ការ​ដឹង​ច្បាស់​ថា​ប្រាក់​ដែល​ឪពុក​ម្តាយ​ផ្ញើ​ឱ្យ​ ​ឬ​ប្រាក់​ចំណូល​ខ្លួនឯង​ហូរ​ចេញ​ទៅ​ណា​ខ្លះ​ ​គឺជា​ជំហាន​ដំបូង​នៃ​ការ​គ្រប់គ្រង​វា​។​

​២.​ ញែក​ «​តម្រូវការ​» ​ចេញ​ពី​ «​ចំណង់​» ​ឱ្យ​ដាច់ស្រឡះ​

​ការ​យល់​ច្រឡំ​រវាង​អ្វី​ដែល​ «​ត្រូវតែ​មាន​» ​(​Needs​) ​និង​អ្វី​ដែល​ «​ចង់បាន​» ​(​Wants​) ​គឺជា​មូលហេតុ​ចម្បង​ដែល​ធ្វើឱ្យ​លុយ​ហោះ​ចេញ​ពី​ហោប៉ៅ​យ៉ាង​លឿន​។ ​ដូច្នេះ​ត្រូវ​ដឹង​ ពី​តម្រូវ​ការ​ចាំបាច់​ ​ដែល​មាន​ដូចជា​ ​ថ្លៃ​សាលា ​សៀវភៅ​ពុម្ព ​ថ្លៃ​ជួល​បន្ទប់​ ​និង​អាហារ​ហូបចុក​ប្រចាំ​ថ្ងៃ​។ ​ដោយឡែក​ចំណង់​បណ្តោះអាសន្ន ​មាន​ដូចជា​ ​កាហ្វេ​ម៉ាក​ល្បី​ៗ​ ​ការ​ដើរ​ជប់លៀង​ ​ឬ​ការ​ទិញ​ខោអាវ​តាម​ទម្លាប់​។ ​ការ​កាត់បន្ថយ​ចំណង់​ ​មិន​មែន​ជា​ការ​ធ្វើបាប​ខ្លួនឯង​ទេ ​ប៉ុន្តែ​ជា​ការ​ផ្តល់​អាទិភាព​លើ​អ្វី​ដែល​ចាំបាច់​បំផុត​មុន​គេ​។​

​៣. ​រៀន​ចម្អិន​អាហារ​ដោយ​ខ្លួនឯង​

​ការ​ទិញ​ម្ហូប​ស្រាប់​ៗ​ ​ឬ​ការ​ញ៉ាំ​អី​នៅ​ខាងក្រៅ​ជារៀងរាល់​ថ្ងៃ​ ​អាច​ស៊ី​ដាច់​ថវិកា​ប្រចាំ​ខែ​រហូតដល់ទៅ​ ​៤០​%​-​៥០​%​។ ​ការ​ទិញ​គ្រឿងទេស​មក​ធ្វើ​ម្ហូប​ញ៉ាំ​ខ្លួនឯង​នៅ​បន្ទប់​ ​មិន​ត្រឹមតែ​ជា​វិធី​សន្សំ​ប្រាក់​បាន​យ៉ាង​ច្រើន​សន្ធឹកសន្ធាប់​ប៉ុណ្ណោះ​ទេ​ ​ប៉ុន្តែ​ថែមទាំង​ជួយ​ធានា​នូវ​អនាម័យ​ ​អាហារូបត្ថម្ភ​ ​និង​សុខភាព​រាងកាយ​រឹងមាំ​។​

​៤.​ ​ប្រើប្រាស់​ «​បុព្វសិទ្ធិ​ជា​និស្សិត​» ​ឱ្យ​អស់​លទ្ធភាព​

​កាត​និស្សិត​របស់​អ្នក​ ​មិន​មែន​គ្រាន់តែ​ជា​ប័ណ្ណ​សម្គាល់​ខ្លួន​សម្រាប់​ចូល​ប្រឡង​នោះ​ទេ​។ ​ហាង​លក់​សៀវភៅ​ ​ហាង​ឧបករណ៍​អេឡិចត្រូនិក ​សេវាកម្ម​កម្មវិធី​កុំព្យូទ័រ​ និង​កន្លែង​កម្សាន្ត​ជាច្រើន​ ​តែងតែ​មាន​ការ​បញ្ចុះ​តម្លៃ​ពិសេស​សម្រាប់​សិស្ស​-​និស្សិត​ ​(​Student​ ​Discounts​)​។ ​ចាត់ទុក​ការ​បង្ហាញ​កាត​និស្សិត​ជា​ទម្លាប់​ស្វ័យប្រវត្តិ​ ​រាល់​ពេល​ទូទាត់​ប្រាក់​។​

​៥. ​ជ្រើសរើស​ទិញ​សៀវភៅ​ ​និង​សម្ភារៈ​ជជុះ​

​ការ​រៀន​នៅ​មហាវិទ្យាល័យ​មិន​តម្រូវឱ្យ​អ្នកប្រើប្រាស់​សៀវភៅ​ថ្មី​ស្រឡាង​ ​ឬ​សម្ភារៈ​ថ្លៃ​ៗ​គ្រប់​មុខ​នោះ​ទេ​។ ​ការ​ស្វែងរក​ទិញ​សៀវភៅ​សិក្សា​ ​ឬ​សម្ភារៈ​ប្រើប្រាស់​បន្ត​ពី​សិស្ស​ច្បង​ជំនាន់​មុន​ ​(​Second​-​hand​) ​គឺជា​យុទ្ធសាស្ត្រ​ឈ្នះ​-​ឈ្នះ​ ​អ្នក​ទទួលបាន​ចំណេះដឹង​ដូចគ្នា​ ​ក្នុង​តម្លៃ​ធូរ​ថ្លៃ​ជាង​មុន​ពាក់កណ្តាល​ ​ហើយ​សិស្ស​ច្បង​ក៏​ទទួលបាន​ចំណូល​ខ្លះ​មកវិញ​ដែរ​។​

​៦. ​ប្រយ័ត្នប្រយែង​ចំពោះ​ «​ខ្ចី​-​ឱ្យ​គេ​ខ្ចី​»​

​រឿង​លុយកាក់​ ​គឺជា​កត្តា​ជួរ​មុខ​ដែល​លោក​ ​Erin​ ​Lowry​ ​បាន​ព្រមាន​យ៉ាង​ច្បាស់​អំពី​ឥទ្ធិពល​នៃ​ ​”​Peer​ ​Pressure​” ​ឬ​សម្ពាធ​ពី​មិត្តភក្តិ​។ ​ការ​ខ្ចី​ប្រាក់​គេ​មក​ចាយវាយ​លើស​ពី​លទ្ធភាព​ ​ឬ​ការ​ឱ្យ​មិត្តភក្តិ​ខ្ចី​ប្រាក់​ដោយ​គ្មាន​ការ​ពិចារណា​ច្បាស់លាស់​ ​អាច​បង្កើត​ជា​ជម្លោះ​ ​និង​បំផ្លាញ​មិត្តភាព​បាន​យ៉ាង​ងាយ​។ ​ចេះ​និយាយ​ពាក្យ​ថា​ «​ទេ​» ​ដោយ​គួរ​សម ​នៅ​ពេល​ដែល​វា​ប៉ះពាល់​ដល់​ស្ថេរភាព​ហិរញ្ញវត្ថុ​របស់​អ្នក​។​

​៧.​ ​បង្កើត​ប្រភព​ចំណូល​បន្ថែម​ពី​ការងារ​ក្រៅ​ម៉ោង​

​ប្រសិនបើ​ពេលវេលា​អំណោយផល​ ​ហើយ​មិន​ប៉ះពាល់​ដល់​ការ​សិក្សា​ ​ការ​ស្វែងរក​ការងារ​ក្រៅ​ម៉ោង​ ​(​Part​-​time​ ​job​) ​ដូចជា​ ​ការ​បង្រៀន​គួរ​ ការ​ធ្វើការ​នៅ​បណ្ណាគារ ​ឬ​ការ​ទទួល​ការងារ​សេរី ​(​Freelance​) ​គឺជា​បទពិសោធន៍​ដ៏​មាន​តម្លៃ​។ ​វា​មិន​ត្រឹមតែ​ជួយ​បង្កើន​ប្រាក់​ចំណូល​បន្ថែម​សម្រាប់​គ្របដណ្តប់​ការ​ចំណាយ​ផ្សេង​ៗ​ប៉ុណ្ណោះ​ទេ​ ​ប៉ុន្តែ​ថែមទាំង​បង្រៀន​អ្នក​ឱ្យ​យល់​ពី​ «​តម្លៃ​នៃ​កម្លាំង​ញើស​ឈាម​» ​និង​បង្កើត​បណ្តាញ​ទំនាក់ទំនង​សង្គម​សម្រាប់​អនាគត​ការងារ​ទៀតផង​៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឡាវ ​ផ្តល់​អាហារូបករណ៍​ថ្នាក់​បរិញ្ញាបត្រ ​១៥​ កន្លែង​ ដល់​និស្សិត​កម្ពុជា​

ព័ត៌មានអាហារូបករណ៍, ព្រឹត្តិការណ៍

• 29/07/2026

​សាធារណរដ្ឋ​ប្រជាធិបតេយ្យ​ប្រជាមានិត​ឡាវ ​បាន​ប្រកាស​ផ្តល់​អាហារូបករណ៍​ថ្នាក់​បរិញ្ញាបត្រ​ចំនួន​ ​១៥​ កន្លែង​ ដល់​និស្សិត​កម្ពុជា​ ​ទៅ​សិក្សា​លើ​ ​៧​មុខជំនាញ​ខុស​ៗ​គ្នា​ក្នុង​ឆ្នាំ​សិក្សា​២០២៦​-​២០២៧​។​

ឱកាសអាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាង ប្រទេសវៀតណាម

ព័ត៌មានអាហារូបករណ៍, ព្រឹត្តិការណ៍

• 02/03/2023

ភ្នំពេញ - សាកលវិទ្យាល័យភូមិន្ទភ្នំពេញបានប្រកាសជ្រើសរើសនិស្សិតទៅសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាងប្រទេសវៀតណាមក្នុងឆ្នាំ...

អាហារូបករណ៍២០%សិក្សាផ្នែក STEM នៅប្រទេសអូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 05/08/2024

ឱកាសទទួលបាnនអាហារូបករណ៍២០% សិក្សាផ្នែក STEM ពីកម្មវិធីអាហារូបករណ៍ Deakin STEM នៅប្រទេសអូស្រ្តាលីសម្រាប់ការសិក្សាថ្នាក់បរិញ្ញាបត្រ ក្រោយបរិញ្ញាបត្រ...

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសវៀតណាម ពី TUAF-AEP ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 28/08/2023

ឱកាសសិក្សាថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់នៅសាកលវិទ្យាល័យមួយចំនួនក្នុងប្រទេសវៀតណាម ឬសាកលវិទ្យាល័យជាដៃគូផ្សេងទៀត ។...

ឱកាសសិក្សានៅសាកលវិទ្យាល័យល្បីៗចំនួន៤ក្នុង​ប្រទេស​សិង្ហបុរី ពីអាហារូបករណ៍ Dr.GOH KENG SWEE

ព័ត៌មានអាហារូបករណ៍, ព្រឹត្តិការណ៍

• 11/01/2023

កម្មវិធីអាហារូបករណ៍ Dr. GOH KENG SWEE ឬហៅកាត់ថា GKS Scholarship ប្រកាស​ផ្ដល់អាហារូបករណ៍ថ្នាក់បរិញ្ញាបត្រដល់និស្សិតបរទេសឆ្នើម...

ក្រសួងអប់រំ ប្រកាសប្រឡងជ្រើសរើសនិស្សិតសិក្សាអាហារូបករណ៍កម្មវិធី ACYLS នៅប្រទេសចិន ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 15/02/2024

ក្រសួងអប់រំ យុវជន និងកីឡាប្រកាសប្រឡងជ្រើសរើសសិស្ស-និស្សិតសិក្សាអាហារូបករណ៍​ពីកម្មវិធី ASEAN-CHINA YOUNG LEADERS ...

វិទ្យាស្ថានជាតិសហគ្រិនភាព និងនវានុវត្តន៍ ផ្តល់អាហារូបករណ៍​ដល់យុវជន រៀនធ្វើនំ ធ្វើម្ហូប ភេសជ្ជៈ ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 31/05/2024

សម្រាប់យុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិតនៃសេដ្ឋកិច្ចក្នុងនិងក្រៅប្រព័ន្ធ ដែលមាន​បំណងចង់រៀន​ធ្វើ​នំ ធ្វើ​ម្ហូប ក៏​ដូចជា​ធ្វើភេសជ្ជៈ ពេលនេះ វិទ្យាស្ថានជាតិសហគ្រិនភាព និងនវានុវត្តន៍...

អាហារូបករណ៍ថ្នាក់បរិញ្ញាបត្ររង ជំនាញគិលានុបដ្ឋាក ២៥កន្លែង ទៅសិក្សា​នៅប្រទេសចិន

ព័ត៌មានអាហារូបករណ៍, ព្រឹត្តិការណ៍

• 01/06/2026

សមាគមនិស្សិត​កម្ពុជា​ប្រចាំ​សាធារណរដ្ឋ​ប្រជាមានិតចិន សហការជាមួយ​គ្រឹះស្ថាន​ឧត្តម​សិក្សា​នៅ​ខេត្ត​ជឺជាំង (Zhejiang) ប្រទេសចិន កំពុងតែជ្រើសរើស​និស្សិត​..

ឱកាសផ្លាស់ប្ដូរការសិក្សានៅសាកលវិទ្យាល័យ Yale ពីកម្មវិធី Yale Young Scholars ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 25/12/2024

កម្មវិធីអាហារូបករណ៍ Yale Young Scholars (YYGS) ផ្ដល់ឱកាសផ្លាស់ប្ដូរការសិក្សានៅសាកលវិទ្យាល័យ Yale ចំនួន២សប្ដាហ៍សម្រាប់និស្សិតអន្តរជាតិទាំងអស់ដែលមានអាយុចាប់ពី១៦ឆ្នាំ ដល់១៨ឆ្នាំ សិក្សានៅសហរដ្ឋអាមេរិក។