សៀវភៅសីលធម៌ពលរដ្ឋវិជ្ជាថ្នាក់ទី១២ ផលិតថ្មីបញ្ចូលលក្ខណៈវិទ្យាសាស្រ្ត ជាប់ជ័យលាភីលេខ១ ក្នុងពិព័រណ៍អប់រំស្នាដៃគរុនិស្សិត

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត។

សៀវភៅ​សិក្សា​គោល​មុខវិជ្ជា​សីលធម៌ ពលរដ្ឋ​វិជ្ជា​ថ្នាក់ទី១២ ត្រូវ​បាន​ក្រុមគរុនិស្សិតបរិញ្ញាបត្រ+២ ឯកទេស​សីលធម៌ពលរដ្ឋ​វិជ្ជា នៃវិទ្យាស្ថានជាតិអប់រំ មួយ​ក្រុម ផលិតឡើងវិញ ដោយ​បានដាក់បន្ថែម​នូវ​ខ្លឹមសារពីការស្រាវជ្រាវ ដើម្បី​ឱ្យ​សៀវភៅមួយនេះ កាន់តែមានគុណតម្លៃក្នុងការបង្រៀនសិស្សបន្ថែមទៀត។ គុណតម្លៃបន្ថែមថ្មី​ បានធ្វើ​ឱ្យ​សៀវភៅមួយនេះ ត្រូវ​គណៈកម្មការវាយតម្លៃឱ្យ​ជាប់ជ័យលាភីលេខ១ នៅ​ក្នុង​ឱកាស​ពិព័រណ៌​អប់រំស្នាដៃស្រាវជ្រាវ​របស់គរុនិស្សិតផងដែរ។

លោក ឈឿន ស៊ីណា គរុនិស្សិតបរិញ្ញាបត្រ+២  ឯកទេសសីលធម៌ពលរដ្ឋវិជ្ជា នៃវិទ្យាស្ថានជាតិអប់រំ មានប្រសាសន៍ថា ក្រុមរបស់ខ្លួនផលិតសៀវភៅសិក្សាគោលមុខវិជ្ជាសីលធម៌ពលរដ្ឋវិជ្ជាថ្នាក់ទី១២នេះឡើង គឺដើម្បីជាជំនួយសម្រាប់គ្រូបង្រៀនសិក្សាបន្ថែមក្នុងការបង្រៀនសិស្ស ។ លោកបន្តថា សៀវភៅសិក្សាគោលមុខវិជ្ជាសីលធម៌ពលរដ្ឋវិទ្យាថ្នាក់ទី១២នេះ បានប្រើមាតិការួមស្របតាមកម្មវិធីសិក្សាលម្អិតថ្មីរបស់ក្រសួងអប់រំយុវជននិងកីឡាដែលបានដាក់ចេញកាលពីឆ្នាំ២០១៨ ដែលមិនទាន់មានខ្លឹមសារលម្អិតនៅឡើយ ទើបគរុនិស្សិតប្ដេជ្ញាចិត្តថា នឹងរៀបចំខ្លឹមសារនៃសៀវភៅនេះឱ្យមានគុណភាពបន្ថែម។

ពិព័រណ៍អប់រំស្នាដៃស្រាវជ្រាវរបស់គរុនិស្សិតបរិញ្ញាបត្រជាន់ខ្ពស់អប់រំ វិជ្ជាជីវៈគ្រូបង្រៀនកម្រិតឧត្តម (បរិញ្ញាបត្រ+២) ជំនាន់ទី២ នៅវិទ្យាសា្ថនជាតិអប់រំ

គរុនិស្សិតបរិញ្ញាបត្រ+២  ឯកទេស សីលធម៌ពលរដ្ឋវិជ្ជា រូបនេះ បន្ថែមថា សៀវភៅសិក្សាគោលមុខវិជ្ជាសីលធម៌ពលរដ្ឋវិជ្ជាថ្នាក់ទី១២ ដែលមាន​កម្រាស់ជាង៦រយទំព័រនេះ ត្រូវ​បានប្រើរយៈពេលរៀបចំឡើងវិញ​មួយឆមាស ឬប្រហែលជា៥ខែ ដោយមានសមាជិកចូលរួម​ចំនួន៣០រូប។ លោក ស៊ីណា បន្តថា ក្នុងដំណើរការរៀបចំសៀវភៅនេះ ក្រុមរបស់លោកបានប្រឈមការលំបាកច្រើន ដូចជា ពិបាកក្នុង​ការរកឯកសារ ព្រោះ​ឯកសារ​ភាគច្រើន​ជាភាសាបរទេស ដែល​ត្រូវការពេលវេលាសម្រាប់បកប្រែ ការកែសម្រួលពាក្យពេចន៍ជាដើម។ មួយ​ទៀត ក្នុង​ការចងក្រងសៀវភៅនេះ ក៏ស្របពេលដែល​គរុនិស្សិតរវល់ចុះកម្មសិក្សា ធ្វើកិច្ចតែងការ ធ្វើសម្ភារឧបទេសផ្សេងៗ ដើម្បីបង្រៀនសិស្ស ដែលវាមានផលវិបាកក្នុងការបែងចែកពេលវេលា។ តែទោះជាយ៉ាងនេះក្ដី ក៏សមាជិកក្រុមនៅតែបន្តខិតខំប្រឹងប្រែងធ្វើកិច្ចការងារនេះ ដោយទទួលបានការចង្អុលបង្ហាញ ការកែតម្រូវពីគ្រូណែនាំ ឃិន វណ្ឌី រហូតអាចសម្រេចលទ្ធផលបាន។

គរុនិស្សិត មកពីខេត្តស្វាយរៀង រូបនេះ បន្ថែមថា លក្ខណៈពិសេសនៃសៀវភៅសិក្សាគោលមុខវិជ្ជាសីលធម៌ពលរដ្ឋវិជ្ជាថ្នាក់ទី១២ ដែលធ្វើឱ្យក្រុមរបស់ខ្លួនទទួលបានជ័យលាភីលេខ១ ក៏ដោយសារសៀវភៅនេះ មានខ្លឹមសារល្អ និងច្បាស់ មានលក្ខណៈវិទ្យាសាស្រ្ត មានឯកសារយោងត្រឹមត្រូវ ការរចនាទំព័រស្អាតស្របតាមបច្ចេកទេស និងការពិនិត្យអក្ខរាវិរុទ្ធ។ ជាពិសេស ក្រដាសសៀវភៅមានគុណភាព និងរូបរាងសមល្មម។

កញ្ញា ផ អៃសាស់ ជាគរុនិស្សិតបរិញ្ញាបត្រ+២ ឯកទេសសីលធម៌ពលរដ្ឋវិជ្ជា នៃវិទ្យាស្ថានជាតិអប់រំ និងជាសមាជិកក្រុម និយាយថា ក្រុមរបស់ខ្លួនធ្លាប់រំពឹងថា នឹងយកជ័យលាភីឆ្នើមនេះឱ្យបាន ដោយសារការផលិតស្នាដៃសៀវភៅសិក្សាគោលមុខវិជ្ជាសីលធម៌ពលរដ្ឋវិជ្ជាថ្នាក់ទី១២នេះ ក្រុមរបស់ខ្លួនធ្វើឡើងដោយយកចិត្តទុកដាក់ និងចង់បានគុណភាពល្អ។ កញ្ញា បន្តថា នៅពេលដឹងថាក្រុមខ្លួនទទួលបានជ័យលាភីលេខ១ គឺសមាជិកក្រុមទាំងអស់មានចិត្តត្រេកអរ ដោយមិននឹងស្មានថា អ្វីដែលបានខិតខំប្រឹងប្រែង និងឆ្លងកាត់ការលំបាកជាច្រើនបានទទួលជោគជ័យ។

ស្នាដៃគរុនិស្សិត សៀវភៅសិក្សាគោលមុខវិជ្ជាសីលធម៌ពលរដ្ឋវិជ្ជាថ្នាក់ទី១២ ស្របតាមកម្មវិធីសិក្សាថ្មីរបស់ក្រសួងអប់រំ យុវជន និងកីឡា

គរុនិស្សិតបរិញ្ញាបត្រ+២ រូបនេះ បន្ថែមថា មុខវិជ្ជាសីលធម៌ពលរដ្ឋវិជ្ជា ពិតជាសំខាន់ ព្រោះមនុស្សរស់នៅក្នុងសង្គមត្រូវការមានសីលធម៌។ ទន្ទឹមគ្នានេះ សៀវភៅសិក្សាគោលមុខវិជ្ជាសីលធម៌ពលរដ្ឋវិទ្យាថ្នាក់ទី១២នេះ ចងក្រងឡើងតាមកម្មវិធីសិក្សាថ្មីរបស់ក្រសួង ដែលលោកគ្រូ អ្នកគ្រូ អាចប្រើសម្រាប់ ជំនួយបន្ថែមក្នុងការបង្រៀនសិស្ស។

បើតាម លោក ឈឿន ស៊ីណា ស្នាដៃសៀវភៅសិក្សាគោលមុខវិជ្ជាសីលធម៌ពលរដ្ឋវិទ្យាថ្នាក់ទី១២ ដែលរៀបចំដោយគរុនិស្សិតនេះ ត្រៀមនឹងធ្វើសិក្ខាសាលា ដើម្បីស្នើឱ្យក្រសួងត្រួតពិនិត្យ និងអនុញ្ញាឱ្យដាក់ឱ្យប្រើប្រាស់ជាផ្លូវការនៅពេលណាមួយ។

លោក ឈឿន ស៊ីណា ក៏បានលើកទឹកចិត្តដល់សិស្សានុសិស្សត្រូវប្រកាន់យកសីលធម៌ល្អក្នុងការរស់ហើយកុំបោះបង់ចោលមុខវិជ្ជាសីលធម៌ពលរដ្ឋវិជ្ជា។ លើសពីនេះ លោកគ្រូ អ្នកគ្រូ ដែលចេញទៅបង្រៀនសិស្ស អាចប្រើសៀវភៅសិក្សាគោលមុខវិជ្ជាសីលធម៌ពលរដ្ឋវិទ្យាថ្នាក់ទី១២នេះ សម្រាប់ធ្វើជាឯកសារជំនួយដល់ការបង្រៀន និងរៀន។ លោកក៏សំណូមពរក្រសួងអប់រំ ឱ្យមានការដាក់បញ្ជូលមុខវិជ្ជាសីលធម៌ពលរដ្ឋវិជ្ជា ជាមុខវិជ្ជាជម្រើសក្នុងការប្រឡងបាក់ឌុបផងដែរ ដើម្បីឱ្យសិស្សានុសិស្សងាកមកចាប់អារម្មណ៍លើមុខវិជ្ជាសីលធម៌ពលរដ្ឋវិជ្ជា សិក្សាឱ្យស៊ីជម្រៅ ដើម្បីឱ្យការរស់នៅក្នុងសង្គមមានភាពល្អប្រសើរ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ស្ពឺជាច្រើនកន្លែងសម្រាប់៤២ជំនាញ

ព័ត៌មានអាហារូបករណ៍, ព្រឹត្តិការណ៍

• 07/10/2024

ជាឱកាសល្អសម្រាប់ការសិក្សាជំនាញវិជ្ជាជីវៈចំពោះយុវជន យុវនារី ដែលបោះបង់ការសិក្សា ឬមិនមានលទ្ធភាពបន្តការសិក្សាឱ្យសិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ស្ពឺជាច្រើនកន្លែង។ ការសិក្សាផ្ដល់ជូនក្រោមកម្មវិធីសិក្សា TVET ១,៥លាន

សាកលវិទ្យាល័យបូណាម៉ារី ផ្តល់អាហារូបករណ៍១០០% សម្រាប់ថ្នាក់បរិញ្ញាបត្រ ដល់​កូនៗ​របស់​វីរកងទ័ពពលី និង​ពិការ

ព័ត៌មានអាហារូបករណ៍, ព្រឹត្តិការណ៍

• 22/08/2025

ដើម្បី​ចូលរួម​ចំណែក​ជាមួយ​រាជរដ្ឋាភិបាល​កម្ពុជា​ក្នុងការ​អភិវឌ្ឍធនធាន​មនុស្ស និង​ដើម្បី​ចូលរួម​សម្រាល​បន្ទុក​ហិរញ្ញវត្ថុ​ក្នុង​គ្រួសារ​វីរកងទ័ព សាកលវិទ្យាល័យ​បូណាម៉ារី (BMU) បានប្រកាស​ថា សាកលវិទ្យាល័យនឹង​ផ្តល់អាហារូបករណ៍ ១០០%

អាហារូបករណ៍ថ្នាក់បរិញ្ញាបត្រជាន់ខ្ពស់ ១៥០កន្លែង ដល់លោកគ្រូ-អ្នកគ្រូតាមគ្រឹះស្ថានមធ្យមសិក្សាគោលដៅ នៅសាកលវិទ្យាល័យភូមិន្ទភ្នំពេញ

ព័ត៌មានអាហារូបករណ៍, ព្រឹត្តិការណ៍

• 14/10/2026

តាមរយៈគម្រោងមធ្យមសិក្សាសម្រាប់ការប្រកួតប្រជែងមូលធនមនុស្ស (SE4HC) ក្រសួងអប់រំ យុវជន និងកីឡា នឹងផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ផ្នែក

វិទ្យាស្ថានពហុបច្ចេកទេសខេត្តកំពង់ស្ពឺប្រកាសផ្ដល់ការបណ្ដុះបណ្ដាលវិជ្ជាជីវៈកម្រិត១ដោយឥតបង់ថ្លៃ ៧៧៥កន្លែង

ព័ត៌មានអាហារូបករណ៍, ព្រឹត្តិការណ៍

• 02/06/2025

វិទ្យាស្ថានពហុបច្ចេកទេសខេត្តកំពង់ស្ពឺបានប្រកាសផ្ដល់ជូនអាហារូបករណ៍ ១០០% សម្រាប់ការបណ្ដុះបណ្ដាលជំនាញវិជ្ជាជីវៈកម្រិត១ ចំនួន៧៧៥កន្លែង ដល់ក្រុមយុវជនមកពីគ្រួសារក្រីក្រ និងគ្រួសារងាយរងហានិភ័យ...

ក្រសួងទេសចរណ៍ ជ្រើសរើសសិក្ខាកាមចូលរៀនជំនាញឆុងកាហ្វេ និងសេវាកម្មម្ហូបអាហារ និងភេសជ្ជៈ សម្រាប់ខេត្តបាត់ដំបង

ព័ត៌មានអាហារូបករណ៍, ព្រឹត្តិការណ៍

• 24/08/2023

គណៈកម្មការគ្រប់គ្រងគម្រោង ហូកា នៃក្រសួងទេសចរណ៍ ក្រោមកិច្ចសហការជាមួយគម្រោង “គាំទ្រនិរន្តរភាពហេដ្ឋារចនាសម្ព័ន្ធជនបទ ដើម្បីទីផ្សារកសិករ និងពាណិជ្ជូបនីយកម្មកសិកម្មនៅកម្ពុជា (SAAMBAT)”...

ឱកាសសិក្សាថ្នាក់ឧត្ដមសិក្សា៤០០កន្លែង ពីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 25/10/2023

ឱកាសសិក្សាអាហារូបករណ៍ថ្នាក់ឧត្ដមសិក្សានៅវិទ្យាស្ថានខ្មែរជំនាន់ថ្មីចំនួន៤០០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤។អាហារូបករណ៍ផ្ដល់ជូនក្រោមការ.....

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Nalanda ប្រទេសឥណ្ឌា

ព័ត៌មានអាហារូបករណ៍, ព្រឹត្តិការណ៍

• 03/07/2025

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតចំពោះប្រជាពលរដ្ឋដែលជាប្រទេសសមាជិកអាស៊ាន នៅសាកលវិទ្យាល័យ Nalanda នៃប្រទេសឥណ្ឌា សម្រាប់ឆ្នាំសិក្សា២០២៥-២០២៦។ សាកលវិទ្យាល័យផ្ដល់ការសិក្សារយៈពេល៤ឆ្នាំ

ឱកាសសិក្សាហាត់ការងារផ្នែករូបវិទ្យា និងកុំព្យូទ័រពីកម្មវិធី DESY នៅប្រទេសអាល្លឺម៉ង់ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 30/01/2024

ឱកាសសិក្សា និងហាត់ការងារសម្រាប់សិស្សនិស្សិតកំពុងសិក្សានៅផ្នែករូបវិទ្យា និងកុំព្យូរទ័រពីកម្មវិធី DESY Summer Student សិក្សានៅប្រទេសអាល្លឺម៉ង់ សម្រាប់ឆ្នាំសិក្សា២០២៤។ ការសិក្សា...

អាហារូបករណ៍ថ្នាក់បរិញ្ញាបត្រជាន់ខ្ពស់នៅចក្រភពអង់គ្លេស

ព័ត៌មានអាហារូបករណ៍, ព្រឹត្តិការណ៍

• 17/04/2025

កម្មវិធីអាហារូបករណ៍ Commonwealth Distance Learning Scholarship 2025-2026 ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យផ្សេងៗនៃចក្រភពអង់គ្លេស សម្រាប់ឆ្នាំសិក្សា២០២៥-២០២៦។