ម្ចាស់ជ័យលាភីរងកម្មវិធីតិចណូវេសិន ៖ សិស្សស្រី​ដែលមានចំណូលចិត្តផ្នែកបច្ចេកវិទ្យា គួរតែសាកល្បង និង​ពង្រឹងចំណេះដឹងផ្នែកស្ទែម

យុវតី អ៊ុង ស្រីពេជ្រ បច្ចុប្បន្ន​ជា​សិស្ស​ថ្នាក់ទី១២ នៃសាលារៀនអន្តរជាតិ អាយ ស៊ី អេស ។ នាង​ក៏​ជា​ម្ចាស់​ជ័យ​លាភី​លំដាប់រង នៃកម្មវិធីតិចណូវេសិន នៅ​ឆ្នាំ​២០២០ផងដែរ ។ ម្ចាស់ជ័យ​លាភីរងរូបនេះ​លើក​ឡើងថា បច្ចេកវិទ្យា​អាច​ជួយ​ស្រ្តី និង​ក្មេង​ស្រី​បាន​ច្រើន​ក្នុង​សតវត្សទី២១នេះ ហើយ​នាង​លើកទឹកចិត្ត​ដល់​សិស្សស្រីដែលចូលចិត្ត​បច្ចេកវិទ្យា​គួរ​តែចាប់ផ្តើម​សាកល្បង និង​ត្រូវ​ពង្រឹងចំណេះដឹង​ផ្នែកស្ទែម​របស់​ខ្លួន​។

ស្រីពេជ្រ លើក​ឡើងថា កាលពីមុន​ខ្លួន​មិ​ន​មាន​បទពិសោធន៍​ទាក់ទង​នឹង​បច្ចេកវិទ្យា​នោះទេ និង​ក៏​មិន​ធ្លាប់​ចូលរួម​កម្មវិធី​ប្រកួត​ផ្នែកបច្ចេកវិទ្យាផងដែរ ប៉ុន្តែដោយ​នាង​មើលឃើញថា ផ្នែកបច្ចេកវិទ្យា​អាច​ជួយ​ស្រ្តី និង​ក្មេងស្រី​បាន​ច្រើន​នៅ​ក្នុង​សតវត្ស​ទី២១នេះ ខណៈ​សង្គម​ចាប់ផ្តើមត្រូវ​ការ​ចាំបាច់​ឱ្យ​ប្រជាជន​ប្រើប្រាស់​ទម្រង់ឌីជីថលនោះ ទើបនាង​ជំរុញ​ខ្លួន​ឯង​ឱ្យ​សាកល្បង​ស្វែង​រកបទពិសោធន៍​ក្នុង​វិស័យ​បច្ចេកវិទ្យា។

យុវតី អ៊ុង ស្រីពេជ្រ និយាយថា រូបគេគេបានសម្រេចចិត្តចូលរួមក្នុងកម្មវិធីបច្ចេកវិទ្យាមួយមានឈ្មោះថា តិចណូវេសិន (Technovation Girls Cambodia) ព្រោះនាងគិតថា កម្មវិធីនេះល្អសម្រាប់ក្មេងស្រី ជួយបណ្ដុះឱ្យមានគំនិតក្នុងការបង្កើតថ្មី និងការបង្កើតនូវបច្ចេកវិទ្យាជឿនលឿន ។

យុវតី អ៊ុង ស្រីពេជ្រ

“ក្រោយចូលរួមកម្មវិធីបច្ចេកវិទ្យានេះ បានធ្វើឱ្យខ្ញុំចេះបង្កើតវេបសាយ បង្កើតApp និងការកាត់តវីដេអូផ្សេងៗ និងអាចចូលរួមកម្មវិធីប្រកួតប្រជែងបច្ចេកវិទ្យាជាច្រើនទៀត… នៅពេលរៀនបង្កើត App នាំឱ្យខ្ញុំ​កាន់តែយល់ដឹងបន្ថែមអំពីបច្ចេកវិទ្យា និងចំណេះដឹងថ្មីៗផ្នែកបច្ចេកវិទ្យាដែលមិនមានបង្រៀននៅក្នុងសាលា”

បើតាម​យុវតី អ៊ុង ស្រីពេជ្រ បច្ចុប្បន្ន​មាន​សិស្សស្រីភាគតិចណាស់ដែលចាប់អារម្មណ៍ផ្នែកបច្ចេកវិទ្យា បើទោះបីជាពួកគាត់មានចំណូលចិត្តលើវិស័យបច្ចេកវិទ្យាក៏​ដោយ ទាំង​នោះ​គឺដោយសារតែពួកគាត់​គ្មានលទ្ធភាពសិក្សា និងខ្វះចំណេះដឹងផ្នែកបច្ចេកវិទ្យា។ ទន្ទឹមគ្នានេះ នៅក្នុងវិស័យបច្ចេកវិទ្យា សព្វថ្ងៃយើងអាចឃើញបានថា នៅផ្នែកព័ត៌មានវិទ្យា ផ្នែកវិទ្យាសាស្រ្តកុំព្យូទ័រជាដើម គឺសិស្សភាគច្រើនជាបុរសជាអ្នកសិក្សា។ ចំណែកសិស្សស្រីមួយចំនួនទៀតដែលចង់រៀនផ្នែកបច្ចេកវិទ្យា តែងបារម្ភខ្លាចថា នឹងត្រូវរៀនតែម្នាក់ឯង ទើបសម្រេចចិត្តជ្រើសរើសរៀនជំនាញផ្សេង។

យ៉ាងណាក៏ដោយ​ម្ចាស់ជ័យលាភីលំដាប់រងនៃកម្មវិធីតិចណូវេសិនឆ្នាំ២០២០ រូបនេះ លើកទឹកចិត្ត​ដល់​សិស្សស្រីទាំងអស់​ដែល​មានចំណូលចិត្តទៅលើផ្នែកបច្ចេកវិទ្យា គួរសាកល្បងចូលរួមកម្មវិធីក្រៅសាលាឱ្យបានច្រើនទាក់ទងនឹងបច្ចេកវិទ្យា ដើម្បីពង្រឹងចំណេះដឹងផ្នែកស្ទែម និងយល់ដឹងពីការបង្កើតវេបសាយ ការបង្កើត App និងចំណេះដឹងថ្មីៗជាច្រើនទៀត។ ទន្ទឹមគ្នានេះ ប្រសិនបើមិនចង់ចូលរួមប្រកួតកម្មវិធី ឬគ្រាន់តែចង់យល់ដឹងពីបច្ចេកវិទ្យាបន្ថែម គឺអាចចូលរួមកម្មវិធី Code for Girls បានផងដែរ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អន្តេវាសិកដ្ឋានតេជោសន្តិភាពជ្រើសរើសនិស្សិតក្រីក្រជាង៣០០នាក់ស្នាក់នៅ សម្រាប់ឆ្នាំសិក្សាថ្មី

ព័ត៌មានអាហារូបករណ៍, ព្រឹត្តិការណ៍

• 23/09/2026

អគារអន្តេវាសិកដ្ឋានតេជោសន្តិភាព នៃពុទ្ធិកសាកលវិទ្យាល័យព្រះសីហមុនីរាជា គ្រោងជ្រើសរើសនិស្សិតក្រីក្រជាង ៣០០នាក់

ស.ស.យ.ក រាជធានីភ្នំពេញ ផ្ដល់អាហារូបករណ៍៣កន្លែងសិក្សានៅសាកលវិទ្យាល័យប៊ែលធីអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 19/09/2024

ដើម្បីបន្តចូលរួមចំណែកជាមួយរាជរដ្ឋាភិបាលក្នុងការលើកកម្ពស់វិស័យអប់រំ និងបណ្ដុះបណ្ដាលធនធានមនុស្ស សហភាពសហព័ន្ធយុវជន​កម្ពុជា​រាជធានីភ្នំពេញ នឹង​ផ្តល់អាហារូបករណ៍​ថ្នាក់បរិញ្ញាបត្រ​ចំនយន៣កន្លែង​នៅ​សាកលវិទ្យាល័យ​ប៊ែលធីអន្តរជាតិ...

អាហារូបករណ៍ ៥០ភាគរយ សម្រាប់មន្រ្តីរាជការបម្រើការនៅក្រសួងមហាផ្ទៃ

ព័ត៌មានអាហារូបករណ៍, ព្រឹត្តិការណ៍

• 03/11/2025

អាហារូបករណ៍អភិសន្តិបណ្ឌិត ស សុខា បាន​ប្រកាស​ផ្តល់​អាហារូបករណ៍ ៥០% សម្រាប់ការ​សិក្សា​ថ្នាក់​បរិញ្ញាបត្រ ថ្នាក់បរិញ្ញាបត្រជាន់ខ្ពស់ (អនុបណ្ឌិត) និង​ថ្នាក់បណ្ឌិត សិក្សា​នៅ​សាកលវិទ្យាល័យ​អាស៊ីអឺរ៉ុប...

ឱកាសសិក្សានៅសាកលវិទ្យាល័យ Aarhus ពីកម្មវិធីអាហារូបករណ៍ប្រទេសដាណឺម៉ាក ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 06/09/2024

ឱកាសទទួលបានការសិក្សាអាហារូបករណ៍នៅសាកលវិទ្យាល័យ Aarhus ពីកម្មវិធីអាហារូបករណ៍ដាណឺម៉ាកសម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់សម្រាប់មុនវិជ្ជាផ្សេងៗ និងផ្ដល់ជូននិស្សិតអន្តរជាតិជាច្រើនកន្លែង។

អាហារូបករណ៍រយៈពេល៦ខែនៅសាកលវិទ្យាល័យ Hiroshima សម្រាប់និស្សិតមហាវិទ្យាល័យទន្តវទនសាស្ត្រ

ព័ត៌មានអាហារូបករណ៍, ព្រឹត្តិការណ៍

• 03/06/2024

ឱកាសសិក្សាអាហារូបករណ៍រយៈពេល៦ខែសម្រាប់និស្សិតមហាវិទ្យាល័យទន្តវទនសាស្ត្រនៃសាកលវិទ្យាល័យវិទ្យាសាស្ត្រសុខាភិបាល(ស.វ.ស)...

CGTI កម្ពុជាផ្ដល់អាហារូបករណ៍ថ្នាក់សញ្ញាបត្រជាន់ខ្ពស់ចំនួន១១០កន្លែងសម្រាប់​ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 13/01/2023

វិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា ហៅកាត់ថា CGTI បានប្រកាសផ្ដល់អាហារូបករណ៍ថ្នាក់សញ្ញាបត្រជាន់ខ្ពស់ចំនួន១១០កន្លែង...

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ENS de Lyon ប្រទេសបារាំងឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 10/09/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ENS de Lyon ចំនួន២០កន្លែងពីកម្មវិធីអាហារូបករណ៍ Ampere Scholarship ក្នុងឆ្នាំសិក្សា២០២៥។ ជំនាញដែលអាហារូបករណ៍ផ្ដល់ជូនរួមមាន ផ្នែកវិទ្យាសាស្ត្រពិត ផ្នែកសិល្បៈ និងផ្នែកមនុស្សសាស្ត្រ និងសង្គមសាស្ត្រ។

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យមហាសារ៉ាខាម នៃព្រះរាជាណាចក្រថៃ ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 25/12/2023

ក្រសួងអប់រំ យុវជន និងកីឡា កម្ពុជាប្រកាសជូនដំណឹងពីការប្រឡងអាហារូបករណ៍ថ្នាក់ឧត្ដមសិក្សានៅសាកលវិទ្យាល័យមហាសារ៉ាខាម នៃព្រះរាជាណាចក្រថៃចំនួន១៤កន្លែង...

វគ្គបណ្តុះបណ្តាលភាពយន្តខ្លីកម្ពុជា២០២៥ បើក​ទទួលពាក្យ​

ព័ត៌មានអាហារូបករណ៍, ព្រឹត្តិការណ៍

• 05/06/2025

ក្រោម​គំនិតផ្តួចផ្តើម​របស់​ក្រសួងវប្បធម៌ និង​វិចិត្រ​សិល្បៈ ដែល​មាន​គោល​បំណង​ចូលរួម​ចំណែក​ក្នុងការ​ធ្វើ​ឱ្យ​ប្រសើរ​ឡើង​នូវ​វិស័យ​ឧស្សាហកម្ម​ភាពយន្ត​កម្ពុជា ដោយ​ធ្វើ​ការ​កសាង​សមត្ថភាព ពង្រឹងជំនាញ និង​បង្កើត​ឱកាស​សម្រាប់យុវជន​...