ខេត្តពោធិ៍សាត់ ដង្ហែពានរង្វាន់ជ័យលាភីមេដាយមាសជជែកដេញដោលយុវជនថ្នាក់ជាតិ ២០២៥ ជំរុញទឹកចិត្តសិស្សានុសិស្សឱ្យខិតខំរៀនសូត្រ

អាជ្ញាធរ​ខេត្តពោធិ៍សាត់កាលពីថ្ងៃម្សិលមិញ (២១ សីហា) បានរៀបចំពិធីដង្ហែពានរង្វាន់ជ័យលាភីចំណាត់ថ្នាក់លេខ១ មេដាយមាស នៃកម្មវិធីជជែកដេញដោលយុវជនថ្នាក់ជាតិ ២០២៥ ដែលក្រុមសិស្ស​នៃវិទ្យាល័យ​ពោធិ៍សាត់ បានទទួល​ជ័យ​ជំនះ ដើម្បីជំរុញលើកទឹកចិត្តដល់សិស្សានុសិស្ស​ដទៃ​ទៀត​ឱ្យ​ខិតខំប្រឹងប្រែងរៀនសូត្រ និងក្លានហានបញ្ចេញសមត្ថភាពប្រកួតប្រជែងក្នុងកម្មវិធីនានា។

អ្នកស្រី ហេង សុវណ្ណ ជាគ្រូបង្រៀននៅវិទ្យាល័យពោធិ៍សាត់ និងជាគ្រូដឹកនាំ មានប្រសាសន៍ថា ឯកឧត្តមអភិបាលខេត្តពោធិ៍សាត់ ប្រធានមន្ទីរអប់រំ នាយកសាលា បានរៀបចំកម្មវិធីដង្ហែពានរង្វាន់ជ័យលាភីដាយមាសនេះ ដើម្បីលើកទឹកចិត្តប្អូនៗទាំងអស់ដែលបានខិតខំប្រឹងប្រែងរហូតទទួលបានជ័យលាភីចំណាត់ថ្នាក់លេខ១ មេដាយមាស ក្នុងកម្មវិធីជជែកដេញដោលយុវជនថ្នាក់ជាតិ ២០២៥។

អ្នកស្រី ហេង សុវណ្ណ ជាគ្រូបង្រៀនវិទ្យាល័យពោធិ៍សាត់ និងជាគ្រូដឹកនាំ

អ្នកគ្រូ ហេង សុវណ្ណ ជឿជាក់ថា កម្មវិធីដង្ហែពានរង្វាន់ជ័យលាភីនេះ គឺជាគំរូមួយដ៏ល្អមួយក្នុងការលើកទឹកចិត្តយុវជនជំនាន់ក្រោយឱ្យខិតខំប្រឹងប្រែងបណ្ដុះចំណេះដឹង បង្កើនសមត្ថភាព និងជួយឱ្យមានឆន្ទៈក្នុងការសិក្សារៀនសូត្រ ព្រោះកាលណាយុវជន មានបំណិនសម្បទា វិជ្ជាសម្បទា មានឥរិយាបទល្អ ពួកគេនឹងមានអនាគតភ្លឺស្វាងរុងរឿង។ លើសពីនេះ ការដង្ហែក្បួនមួយនេះ ក៏កំពុងលើកទឹកចិត្តយុវជនខេត្តពោធិ៍សាត់ឱ្យខិតខំប្រឹងប្រែងសិក្សារៀនសូត្រ ហើយត្រូវគិតថា ជោគជ័យដែលបានមកនេះ គឺកើតចេញមកពីការខិតខំប្រឹងប្រែងរបស់យុវជនដំបូងគេ បន្ទាប់មកមានការគាំទ្រពីសំណាក់អាណាព្យាបាលខេត្ត និងអាណាព្យាបាល លោកគ្រូអ្នកគ្រូផងដែរ។

ក្នុងនាមជាអ្នកដឹកនាំបង្វឹកប្អូនៗ តាំងពីវគ្គដំបូងមក អ្នកគ្រូ ហេង សុវណ្ណ បានបង្ហាញក្ដីរំភើបរីករាយក្រៃលែង និងមានមោទនភាពចំពោះប្អូនៗដែលបានខិតខំប្រឹងប្រែងលះបង់អស់កម្លាំងកាយចិត្ត នៅក្នុងការសិក្សាស្រាវជ្រាវ ស្វែងរកឯកសារ ទឡ្ហីករណ៍ជាច្រើនដើម្បីការពារប្រធានបទរបស់ខ្លួន។ អ្នកគ្រូ បានសម្តែងមោទនភាពចំពោះប្អូនៗ ចំពោះឆន្ទៈ មសិកា ឧត្តមគតិ របស់ប្អូនៗទាំង៥នាក់ដែលចង់បាននូវជ័យលាភីជូនខ្លួនឯង គ្រួសារ និងសាលារៀន។

ជ័យលាភីមេដាយមាសជជែកដេញដោលយុវជនថ្នាក់ជាតិ ២០២៥

យុវសិស្ស យូ រិទ្ធិវ៉ាន់ ជាសិស្សថ្នាក់ទី១១ នៃវិទ្យាល័យពោធិ៍សាត់ ខេត្តពោធិ៍សាត់ និងជាសមាជិកក្រុមជ័យលាភីចំណាត់ថ្នាក់លេខ១ ក្នុងកម្មវិធីជជែកដេញដោលយុវជនថ្នាក់ជាតិ ២០២៥ និយាយថា នៅពេលវិទ្យាល័យពោធិ៍សាត់បានរៀបចំឱ្យមានការដង្ហែពានរង្វាន់ជ័យលាភីមេដាយមាសនេះ រូបគេ និងសមាជិក្រុមទាំងអស់ ពិតជាមានអារម្មណ៍រំភើបសប្បាយរីករាយ ដែលបានមកពីការខិតខំប្រឹងប្រែងរបស់ក្រុម ហើយក៏មិននឹកស្មានដល់ថា អាចមានការដង្ហែពានរង្វាន់ជ័យលាភីនៅវិទ្យាល័យនោះដែរ។

យុវសិស្ស យូ រិទ្ធិវ៉ាន់ ក៏បានថ្លែងអំណរគុណដល់ឯកឧត្តមអភិបាលខេត្តពោធិ៍សាត់ ដែលតែងតែលើកទឹកចិត្តដល់ក្រុមរបស់ខ្លួន ដូចជា ការផ្ដល់ដំបូន្មានល្អៗ គាំទ្រថវិកា និងបានផ្ដួចផ្ដើមរៀបចំដង្ហែពានរង្វាន់ជ័យលាភីមាសដាយមាសនេះ។ ហើយរូបគេ ក៏អរគុណដល់ឪពុកម្ដាយដែលតែងតែលើកទឹកចិត្ត​ និងបើកឱកាសឱ្យពួកគេបានចូលរួមប្រកួតក្នុងកម្មវិធីតាំងពីដើមដល់ចប់ និងអរគុណលោកគ្រូ អ្នកគ្រូដែលតែងតែបង្វឹក និងបង្ហាត់បង្រៀនក្រុមរបស់ខ្លួនរហូតមានថ្ងៃនេះ។

ជាមួយគ្នានេះ យុវតី សាន ស្រីពេជ្រ ជាសមាជិកក្រុម ក៏បានថ្លែងអំណរគុណដល់លោកគ្រូ អ្នកគ្រូ ដែលបានជួយដឹកនាំក្រុមរបស់ខ្លួនរហូតទទួលបានជោគជ័យ ដោយសារពួកគាត់ និងមិត្តរួមក្រុមដទៃទៀតបានលះបង់ពេលវេលា កម្លាំងកាយ កម្លាំងចិត្តក្នុងការចូលរួមប្រកួតក្នុងកម្មវិធីមួយនេះ។ ស្រីពេជ្រ បន្តថា គោលបំណងរបស់ក្រុម គឺចង់បាននូវជ័យជំនះ ដើម្បីលើកមុខមាត់ដល់ខេត្តរបស់ខ្លួន និងជាគំរូល្អសម្រាប់ប្អូនៗជំនាន់ក្រោយ ដើម្បីធ្វើឱ្យវិស័យអប់រំក្នុងខេត្តពោធិ៍សាត់កាន់តែមានភាពរីកចម្រើន។

សាន ស្រីពេជ្រ បន្ថែមថា ក្នុងនាមជាយុវជនអ្វីដែលអាចចូលរួមជួយទៅដល់សាលារៀន ឬប្រទេសជាតិបាន គឺការខិតខំប្រឹងប្រែងរៀនសូត្រឱ្យក្លាយជាមនុស្សដែលមានចំណេះដឹង​ ពីព្រោះសង្គមជាតិត្រូវការមនុស្សដែលមានចំណេះដឹង។ ដូច្នេះ សិស្សានុសិស្សត្រូវចាប់យកចំណេះដឹងថ្មីៗសម្រាប់ការសិក្សារៀនសូត្រ ហើយអ្វីដែលសំខាន់គួរចូលរួមក្នុងកម្មវិធីប្រកួតប្រជែងក្នុងវិស័យអប់រំនេះ ដើម្បីឱ្យមានជំនាញ ហើយយកជំនាញទាំងនោះមកអភិវឌ្ឍខ្លួន ដើម្បីក្លាយខ្លួនជាមូលធនមនុស្ស ជាអ្វីដែលសង្គមជាតិចង់បាន។ អ្វីដែលសំខាន់ គឺសាលារៀនមានមុខមាត់ មានកិត្តិយស ដែលមានសិស្សឆ្នើម។ លើសពីនេះ ក្រុមរបស់ខ្លួនក៏ត្រៀមខ្លួនរួចជាសម្រេចដើម្បីបណ្ដុះបណ្ដាលប្អូនៗជំនាន់ក្រោយក្នុងការចូលរួមកម្មវិធីប្រកួតជជែកដេញដោលយុវជនថ្នាក់ជាតិផងដែរ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រ និងបរិញ្ញាបត្ររងនៅវិទ្យាស្ថានអលណេសិនចំនួន១៧០នាក់សម្រាប់ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 26/11/2024

អាហារូបករណ៍អភិសន្តិបណ្ឌិត ស សុខា ថ្នាក់ជាតិ ផ្ដល់ជូនការសិក្សាអាហារូបករណ៍ថ្នាក់បរិញ្ញាបត្រ និងថ្នាក់បរិញ្ញាបត្ររង នៅវិទ្យាស្ថានអលណេសិន ចំនួន១៧០កន្លែងសម្រាប់ឆ្នាំសិក្សា២០២៤-២០២៥។

អាហារូបករណ៍ព្រះមហាក្សត្រថៃ សិក្សានៅសាកលវិទ្យាបច្ចេកវិទ្យា SURANAREE ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 15/02/2023

សាកលវិទ្យាល័យបច្ចេកវិទ្យា SURANAREE នៃប្រទេសថៃ បានបើកផ្ដល់អាហារូបករណ៍ថ្នាក់បរិញ្ញាបត្រចំនួន២០កន្លែងដល់សិស្សនិស្សិតក្នុងតំបន់អាស៊ានពីកម្មវិធីអាហារូបករណ៍...

អាហារូបករណ៍ថ្នាក់បរិញ្ញាបត្រចំនួន១០កន្លែងនៅវិទ្យាស្ថានជាតិបណ្ដុះបណ្ដាលបច្ចេកទេសឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 18/09/2025

វិទ្យាស្ថានជាតិបណ្ដុះបណ្ដាលបច្ចេកទេស (NTTI) ផ្ដល់អាហារូបករណ៍ថ្នាក់បរិញ្ញាបត្រ និងកម្រិតសញ្ញាបត្រជាន់ខ្ពស់បច្ចេកទេស ចំនួន១០កន្លែង ក្រោមការឧបត្ថម្ភ និងគាំទ្រពី ឯកឧត្ដមអភិសន្តិបណ្ឌិត ស សុខា និង លោកជំទាវ កែ សួនសុភី ឆ្នាំសិក្សា២០២៥-២០២៦។

ឱកាសផ្លាស់ប្ដូរការសិក្សានៅសាកលវិទ្យាល័យ Yale ពីកម្មវិធី Yale Young Scholars ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 25/12/2024

កម្មវិធីអាហារូបករណ៍ Yale Young Scholars (YYGS) ផ្ដល់ឱកាសផ្លាស់ប្ដូរការសិក្សានៅសាកលវិទ្យាល័យ Yale ចំនួន២សប្ដាហ៍សម្រាប់និស្សិតអន្តរជាតិទាំងអស់ដែលមានអាយុចាប់ពី១៦ឆ្នាំ ដល់១៨ឆ្នាំ សិក្សានៅសហរដ្ឋអាមេរិក។

ឱកាសចូលរូមសិក្ខាសាលានៅប្រទេសឥណ្ឌា ពីកម្មវិធីភាពជាអ្នកដឹកនាំលើទី១១ ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 13/02/2025

ឱកាសសម្រាប់យុវជន ចូលរួមក្នុងកម្មវិធីសិក្ខាសាលាភាពជាអ្នកដឹកនាំយុវជនលើកទី១១ ឆ្នាំ២០២៥ នៅមជ្ឈមណ្ឌលអប់រំសម្រាប់ការយល់ដឹងអន្តរជាតិរបស់អង្គការយូណេស្កូអាស៊ីប៉ាហ្វិក (APCEIU)។ កម្មវិធីនឹងជ្រើសរើស យុវជន យុវនារី ចំនួន៤០នាក់...

ឱកាសសិក្សា​ថ្នាក់បរិញ្ញាបត្រ និង​បរិញ្ញាបត្រជាន់ខ្ពស់ នៅ​សាកលវិទ្យាល័យលីមកុកវីង ពីកម្មវិធីអាហារូបករណ៍ អ.ម.ត.

ព័ត៌មានអាហារូបករណ៍, ព្រឹត្តិការណ៍

• 10/12/2025

គណៈកម្មាធិការ​អាហារូបករណ៍​សិស្ស-និស្សិត​ក្រីក្រ សម្តេចអគ្គមហាសេនាបតីតេជោ ហ៊ុន សែន និង​សម្តេចកិត្តិព្រឹទ្ធបណ្ឌិត បានប្រកាស​ផ្តល់អាហារូបករណ៍តាមរយៈ​សម្តេចមហាបវរធិបតី ហ៊ុន ម៉ាណែត និង​លោកជំទាវ​បណ្ឌិត ពេជ ចន្ទមុន្នី សិក្សា​នៅ...

អាហារូបករណ៍សិក្សាភាសាចិនរយៈពេល ១ ឆ្នាំ នៅសាកលវិទ្យាល័យ Yunnan Normal University

ព័ត៌មានអាហារូបករណ៍, ព្រឹត្តិការណ៍

• 26/01/2026

សាកលវិទ្យាល័យ Yunnan Normal University កំពុងផ្តល់អាហារូបករណ៍សម្រាប់វគ្គបណ្តុះបណ្តាលភាសាចិន ចំនួន ៣០ កន្លែង ដែលជាអាហារូបករណ៍បានចុះ MoU រវាងសាកលវិទ្យាល័យ និងសមាគមនិស្សិតកម្ពុជា​ប្រចាំ​...

អាហារូបករណ៍ទឹកប្រាក់ សម្រាប់និស្សិតក្រោយឧត្តមសិក្សា ជំនាញភូគព្ភសាស្ត្រ នៅ​ប្រទេសណូវ៉េលហ្សេឡង់

ព័ត៌មានអាហារូបករណ៍, ព្រឹត្តិការណ៍

• 25/07/2024

អាហារូបករណ៍ទឹកប្រាក់រហូតដល់ ៥ពាន់ដុល្លារ ដើម្បីជួយដល់និស្សិតស្រាវជ្រាវក្រោយឧត្តមសិក្សា ដើម្បីសិក្សាអំពីភូគព្ភសាស្ត្រ (geological research) ដែលមានមូលដ្ឋាននៅ ណូវ៉ែលហ្សេឡង់...

វិទ្យាស្ថានពហុបច្ចេកទេសភូមិភាគតេជោសែនតាកែវផ្ដល់អាហារូបករណ៍សិក្សាជំនាញវិជ្ជាជីវៈ១៧៩កន្លែង

ព័ត៌មានអាហារូបករណ៍, ព្រឹត្តិការណ៍

• 23/05/2023

គម្រោងគាំទ្រនិរន្តភាពហេដ្ឋារចនាសម្ព័នជនបទដើម្បីទៅផ្សារកសិករ និងពាណិជ្ជូបនីយកម្ម(SAAMBAT) សហការណ៍ជាមួយវិទ្យាស្ថានពហុបច្ចេកទេសភូមិភាគតេជោសែនតាកែវ...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *