ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាជំនាញវិជ្ជាជីវៈវគ្គខ្លីនៅវិទ្យាស្ថានជាតិសហគ្រិនភាព និងនវានុវត្តន៍ សម្រាប់យុវជន យុវនារី ឥតគិតថ្លៃក្នុងវគ្គសិក្សាថ្មី។ អាហារូបករណ៍ផ្ដល់ជូនការសិក្សាសម្រាប់យុវជន យុវនារី មកពីគ្រួសារក្រីក្រ គ្រួសារងាយរងហានិភ័យ កម្មករនិយោជិតនៃសេដ្ឋកិច្ចក្នុង និងក្រៅប្រព័ន្ធ និងសាធារណៈជនទូទៅ។
ជំនាញដែលអាហារូបករណ៍ផ្ដល់ជូនរួមមាន ការផលិតនំ, ធុរកិច្ចភេសជ្ជៈ (ការឆុងកាហ្វេ និងភេសជ្ជៈ), ការធ្វើម្ហូបខ្មែរ, សេវាកម្មសម្អាងកាយ, ការរចនាក្រាហ្វិកដោយកុំព្យូទ័រ, ការដំឡើងបណ្តាញអគ្គិសនីក្នុងអគារ និង សេវាកម្មបរិក្ខារត្រជាក់ក្នុងគេហដ្ឋាន។ សម្រាប់វេនសិក្សារួមមាន វេនចន្ទ-សុក្រ (ព្រឹក) វេនចន្ទ-សុក្រ (រសៀល) វេនចន្ទ-សុក្រ (យប់) និងវេនសៅរ៍-អាទិត្យ (ព្រឹក-រសៀល)។
អត្ថប្រយោជន៍ដែលសិស្សទទួលបានពីវគ្គបណ្តុះបណ្តាល ៖ ទទួលបានជំនាញមួយច្បាស់លាស់ដែលទីផ្សារកំពុងត្រូវការ មានឱកាសការងារសមរម្យ និងចំណូលទៀងទាត់។ លើសពីនេះ ទទួលបានប្រាក់ឧបត្ថម្ភចំនួន២៨ម៉ឺនរៀលក្នុង១ខែ សម្រាប់សិស្សដែលមានប័ណ្ណសមធម៌ ឬប័ណ្ណសំគាល់គ្រួសារងាយរងហានិភ័យ។
បេក្ខជនដែលមានបំណងចុះឈ្មោះចូលរៀន អាចចុះឈ្មោះតាមរយៈ https://scholarship.tvet.gov.kh/home/search-school/info/64d49368c76cb4475c0d5ccb ឬអាចទៅកាន់វិទ្យាស្ថានជាតិសហគ្រិនភាព និងនវានុវត្តន៍ (NIEI) ដែលមានទីតាំងស្ថិតនៅតាមបណ្តោយមហាវិថីសហព័ន្ធរុស្ស៊ី ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ រាជធានីភ្នំពេញ (ផ្លូវចូលខាងកើតវត្តទឹកថ្លា ចម្ងាយប្រហែល ២០០ម៉ែត្រ)។
សម្រាប់ព័ត៌មានអាចទំនាក់ទំនងទូរស័ព្ទលេខ ០១០ ២៦៦ ២៩៦, ០៨១ ៤២៩ ៩៦៩។ វគ្គសិក្សាថ្មីនេះនឹងចាប់ផ្តើមនៅថ្ងៃទី១ ខែតុលា ឆ្នាំ២០២៤៕
