ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់យុវជន ក៏ដូចជាប្រជាពលរដ្ឋទូទៅដែលកំពុងស្វែងរកការសិក្សាជំនាញបច្ចេកទេស ពេលនេះវិទ្យាស្ថានពហុបច្ចេកទេសខេត្តកំពង់ឆ្នាំង កំពុងជ្រើសរើសសិស្សឱ្យចូលរៀនជំនាញបច្ចេកទេស និងវិជ្ជាជីវៈ ទៅលើ ១៣ជំនាញដោយឥតគិតថ្លៃ ក្រោមកម្មវិធី TVET 1.5M។
ជំនាញទាំង១៣ដែលផ្តល់ជូននោះរួមមាន ៖ សេវាកម្មកុំព្យូទ័រ, ការរចនាក្រាហ្វិចដោយកុំព្យូទ័រ, ការដំឡើង និងអនុវត្តបច្ចេកវិទ្យាឌីជីថល, ការថែទាំ និងជួសជុលរថយន្ត, ការថែទាំ និងជួសជុលម៉ាស៊ីនត្រជាក់រថយន្ត, ការដំឡើងបណ្តាញអគ្គិសនីក្នុងអគារ, ការថែទាំ និងជួសជុលម៉ូទ័រអគ្គិសនី, ការដំឡើង និងថែទាំកាមេរ៉ាសុវត្ថិភាព, សេវាកម្មបរិក្ខាត្រជាក់ក្នុងគេហដ្ឋាន, សេវាកម្មសម្អាងកាយ, ការថែទាំ និងជួសជុលម៉ាស៊ីនធុនតូច, ការថែទាំ និងជួសជុលអគ្គិសនីរថយន្ត, ការកែច្នៃបន្លែ និងផ្លែឈើ។
វេនសិក្សាមាន ពីថ្ងៃចន្ទ ដល់ថ្ងៃសុក្រ ព្រឹកនិងរសៀល, ថ្ងៃចន្ទ ដល់ថ្ងៃសុក្រ វេនយប់ សិក្សារយៈពេល ៤ខែ និង វេនសិក្សាថ្ងៃសៅរ៍ អាទិត្យ សិក្សារយៈពេល ៨ខែ។
លក្ខខណ្ឌនៃការចុះឈ្មោះ ៖ ត្រូវមានអាយុចាប់ពី ១៥ឆ្នាំឡើងទៅ, សម្រាប់យុវជនមកពីគ្រួសារដែលមានបណ្ណក្រីក្រ១ និង២ និងគ្រួសារដែលមានបណ្ណសម្គាល់ជនងាយរងហានិភ័យ ទទួលបានការសិក្សាដោយមិនបង់ថ្លៃ និងបានប្រាក់ឧបត្ថម្ភ ១៨ម៉ឺនរៀលក្នុង១ខែ, សម្រាប់ពលករដែលត្រឡប់មកពីប្រទេសថៃ, សម្រាប់យុវជនទូទៅដែលមិនមែនជានិស្សិតកំពុងសិក្សានៅគ្រឹះស្ថានសិក្សាទទួលបានការសិក្សាដោយឥតគិតថ្លៃ។
ចាប់ផ្តើមទទួលពាក្យចាប់ពីថ្ងៃផ្សាយដំណឹងនេះតទៅ ហើយកាលបរិច្ឆេទចូលរៀននៅរៀងរាល់ដើមខែ ឆ្នាំ២០២៦នេះ។
សម្រាប់ព័ត៌មានលម្អិតអំពីការចុះឈ្មោះ សូមទំនាក់ទំនងទៅកាន់វិទ្យាស្ថានពហុបច្ចេកទេសខេត្តកំពង់ឆ្នាំង ដែលមានទីតាំងនៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ជាប់មន្ទីរអប់រំ យុវជន និងកីឡា ខេត្តកំពង់ឆ្នាំង ឬទំនាក់ទំនងតាមរយៈទូរស័ព្ទលេខ 012 474 341៕
