ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ស្ថានទូតនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា បានជូនដំណឹងជាផ្លូវការហើយ ពីការផ្តល់អាហារូបករណ៍របស់ក្រសួងពាណិជ្ជកម្មចិន (MOFCOM Scholarship) សម្រាប់ឆ្នាំសិក្សា ២០២៦ ដើម្បីជួយបណ្តុះបណ្តាលធនធានមនុស្ស និងពង្រឹងកិច្ចសហប្រតិបត្តិការអប់រំរវាងប្រទេសកម្ពុជា-ចិន។
កម្មវិធីអាហារូបករណ៍នេះ ត្រូវបានរៀបចំឡើងក្នុងគោលបំណងជំរុញការផ្លាស់ប្តូរចំណេះដឹង និងបទពិសោធន៍រវាងប្រទេសចិន និងប្រទេសកំពុងអភិវឌ្ឍន៍។ សម្រាប់ឆ្នាំ២០២៦ នេះ អាហារូបករណ៍ត្រូវបានផ្តល់ជូនលើពីរជម្រើស៖
១. ថ្នាក់បរិញ្ញាបត្រជាន់ខ្ពស់ (Master’s Degree): សិក្សារយៈពេល ១ ទៅ ២ ឆ្នាំ។
២. ថ្នាក់បណ្ឌិត (PhD Program): សិក្សារយៈពេល ៣ ឆ្នាំ។
អត្ថប្រយោជន៍ដែលទទួលបាន
បេក្ខជនដែលត្រូវបានជ្រើសរើសនឹងទទួលបានការជួយឧបត្ថម្ភពេញលេញ រួមមាន៖
- ការលើកលែងថ្លៃសិក្សាទាំងស្រុង
- សំបុត្រយន្តហោះទៅ-មកអន្តរជាតិ (ចំនួន ១ លើក)
- ការស្នាក់នៅឥតគិតថ្លៃក្នុងអន្តេវាសិកដ្ឋាន (Dormitory) នៅក្នុងបរិវេណសាកលវិទ្យាល័យ។
ដោយឡែក ចំពោះការចំណាយលើការធ្វើលិខិតឆ្លងដែន (Passport), ទិដ្ឋាការ (Visa), ការពិនិត្យសុខភាព, និងការចំណាយផ្ទាល់ខ្លួនផ្សេងៗទៀត គឺជាបន្ទុករបស់បេក្ខជនផ្ទាល់។
លក្ខខណ្ឌ និងរបៀបដាក់ពាក្យ
បេក្ខជនត្រូវជ្រើសរើសជំនាញសិក្សាពីបញ្ជីសាកលវិទ្យាល័យដែលកំណត់ដោយ MOFCOM សម្រាប់ឆ្នាំ២០២៦។ រាល់ឯកសារពាក់ព័ន្ធត្រូវដាក់ជូនទៅកាន់សាកលវិទ្យាល័យដោយផ្ទាល់ ហើយស្ថានទូតចិននឹងផ្តល់លិខិតបញ្ជាក់ (Recommendation Letter) បន្ថែម។
កាលបរិច្ឆេទឈប់ទទួលពាក្យ៖ ត្រឹមថ្ងៃទី១៥ ខែឧសភា ឆ្នាំ២០២៦។
ព័ត៌មានលម្អិតបន្ថែម បេក្ខជនអាចចូលទៅកាន់គេហទំព័រ https://www.china-aibo.cn/en/info/1005/1497.htm ។
ក្រោយពីទទួលបានការណែនាំពីក្រសួងពាក់ព័ន្ធរបស់កម្ពុជា ស្ថានទូតចិននឹងរៀបចំការសម្ភាសន៍បេក្ខជនក្នុងរយៈពេលមួយសប្តាហ៍ ដើម្បីចម្រាញ់រកអ្នកដែលមានសមត្ថភាពពិតប្រាកដ៕
