ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់ក្រោយបរិញ្ញាបត្រនៅសាកលវិទ្យាល័យ Loughborough នៃចក្រភពអង់គ្លេសឆ្នាំសិក្សា២០២៤-២០២៥។ អាហារូបករណ៍ផ្ដល់ជូនចាប់ពី៥០% ដល់១០០% សម្រាប់ការសិក្សានៅសាកលវិទ្យាល័យ Loughborough។
សិទ្ធក្នុងការដាក់ពាក្យ ត្រូវជាបេក្ខជន ដែលបានបញ្ចប់ការសិក្សាថ្នាក់បរិញ្ញាបត្រ, ជាប្រជាជននៃប្រទេសមួយចំនួនដែលសាកលវិទ្យាល័យផ្ដល់ជូនរួមទាំងប្រទេសកម្ពុជា, មានប្រវត្តិការសិក្សាឆ្នើម (ជាធម្មតាសញ្ញាបត្រកិត្តិយសថ្នាក់ដំបូង), មានការតាំងចិត្ត និងការប្ដេជ្ញាចិត្តក្នុងការសិក្សាដើម្បីអភិវឌ្ឍន៍ប្រទេសជាតិកំណើត។ ជាបេក្ខជនដែលមានភាពជាអ្នកដឹកនាំ និងបានយល់ដឹងអំពីការចំណាយពាក់ព័ន្ធលើការសិក្សា និងរស់នៅក្នុងចក្រភពអង់គ្លេស និងជាបេក្ខជនបានបញ្ចប់ការសិក្សាថ្នាក់បរិញ្ញាបត្រជាមួយនឹងលទ្ធផលល្អ ។
គួរបញ្ជាក់ថា បេក្ខជននឹងត្រូវទទួលពាក្យទៅពិចារណាក្នុងលក្ខខណ្ឌដែលបេក្ខជនមានបានបំពេញពាក្យពេញលេញ និងមុនពេលបិទពាក្យ ។ ក្នុងករណីដែលបេក្ខជនត្រូវបានទទួលពាក្យនឹងមាន Email បញ្ជាក់ពីភាគីអាហារូបករណ៍ និងដំណើរការផ្សេងៗក្នុងអំឡុងពេលជ្រើសរើសបេក្ខជន និងសេចក្ដីណែនាំបន្តបន្ទាប់។
បេក្ខជនដែលមានចំណាប់អារម្មណ៍ក្នុងការស្នើពាក្យអាហារូបករណ៍អាចចុះឈ្មោះតាមរយៈ https://www.lboro.ac.uk/study/postgraduate/fees-funding/masters-funding/global-impact-scholarship/apply/ ។
សម្រាប់ព័ត៌មានបន្ថែមអាចចូលទៅកាន់តំណភ្ជាប់ loughborough University ។ ផុតកំណត់ទទួលពាក្យថ្ងៃទី៣០ ខែមេសា ឆ្នាំ២០២៤៕
