គន្លឹះសំខាន់ ៤ចំណុចដែលយុវជន សាន គឹមស័ង ត្រៀមខ្លួនប្រឡង សិស្សពូកែគណិតវិទ្យា

ភ្នំពេញ៖ ប្រឡងជាប់និងបានពិន្ទុគណិតល្អសិក្សានុសិស្សត្រូវប្តេជ្ញាចិត្តខិតខំរៀន អនុវត្តទាំងទ្រឹស្ដី និងលំហាត់ជាប្រចាំ។ គណិតវិទ្យាជាមុខវិជ្ជាមួយដែលទាមទារការគណនាលេខច្បាស់លាស់ ចងចាំទាំងរូបមន្ត និងចេះដោះស្រាយលំហាត់។ ទន្ទឹមនឹងនេះការប្រឡងសិស្សពូកែសិស្សានុសិស្សត្រូវត្រៀមខ្លួនឱ្យបានរួចរាល់ជាមុន និងយល់ឱ្យបានច្បាស់ពីប្រភេទលំហាត់ដែលចេញប្រឡង។ ខាងក្រោមនេះជាគន្លឹះសំខាន់ៗដែលយុវជន សាន គឹមស័ង សិស្សពូកែគណិតវិទ្យា និងជាអតីតសិស្សនិទ្ទេសA ឆ្នាំ ២០១៩ បានអនុវត្តន៍ និងត្រៀមប្រឡងសិស្សពូកែគណិតវិទ្យា។

ទី១ រៀនមេរៀននីមួយៗឱ្យបានច្បាស់ ៖ សិស្សត្រូវរៀនឱ្យយល់ពីរូបមន្ត ឬទ្រឹស្តីបទនានាដែលជាចំណេះមូលដ្ឋាននៃគណិតវិទ្យា ដើម្បីជាទុនក្នុងការដោះស្រាយលំហាត់គ្រប់ប្រភេទ។ រាល់រូបមន្តឬទ្រឹស្តីបទគួររៀនឲ្យចេះនិងយល់ពីរបៀបស្រាយបញ្ជាក់របស់វា។ បន្ថែមពីនេះគួររៀនធ្វើ ឬមើលឧទាហរណ៍គំរូមួយចំនួនដើម្បីយល់ និងចេះប្រើប្រាស់រូបមន្តឱ្យបានច្បាស់។ ម្យ៉ាងទៀតមានវិញ្ញាសាប្រឡងសិស្សពូកែខ្លះមានលំហាត់ដាក់ឱ្យស្រាយរូបមន្តណាមួយផងដែរ។

ទី២ រៀនធ្វើលំហាត់ឱ្យបានច្រើន៖ បន្ទាប់ពីសិក្សាមេរៀនបានច្បាស់លាស់រួច វាជាពេលសម្រាប់ធ្វើលំហាត់ធម្មតានិងលំហាត់ប្រភេទសិស្សពូកែសាកល្បង។ លំហាត់អាចជ្រើសពីវិញ្ញាសាចាស់ៗ ឬឯកសារនានា។ កាធ្វើលំហាត់តាមសៀវភៅឯកសារនានាគួរខំដោះស្រាយលំហាត់ឱ្យអស់ចិត្តសិន រួចចាំបើកមើលចម្លើយតាមក្រោយ។ ចំណែកការធ្វើលំហាត់តាមវិញ្ញាសាចាស់ៗ បើវិញ្ញាសាដាក់ថាប្រឡងពីរឬបីម៉ោង គួរធ្វើវិញ្ញាសានោះពីរឬបីម៉ោងដូចគ្នា ដោយគិតពីពេលវេលានិងរើសទីកន្លែងតាមការគួរ មិនឱ្យមានការរំខាន (ធ្វើឱ្យដូចការប្រឡងមែនទែន) បន្ទាប់មកមើលអត្រាកំណែផ្ទៀងផ្ទាត់ចម្លើយដោយខ្លួនឯង។

ក្រោយពីផ្ទៀងផ្ទាត់អត្រាកំណែរួចហើយ សិស្សអាចដឹងពីចំណុចខ្វះខាតរបស់ខ្លួនឯង ហើយរកវិធីកែលម្អជាបន្តបន្ទាប់។ វិធីនេះជួយឱ្យយើងកើនសមត្ថភាពដោះស្រាយលំហាត់ ចេះលៃពេលធ្វើលំហាត់ ចងចាំបានយូរ និងចេះកែតម្រូវចំណុចខ្សោយរបស់ខ្លួនឯងឱ្យល្អជាលំដាប់។ ម្យ៉ាងទៀតមានវិញ្ញាសារប្រឡងសិស្សពូកែខ្លះយកលំហាត់ពីវិញ្ញាសាចាស់ៗមកចេញផងដែរ ហើយធ្វើលំហាត់កាន់តែច្រើនកាន់តែល្អការសិក្សា។

ទី៣ វិធីសាស្ត្ររៀនឱ្យចំទិសដៅ ៖ រៀនឱ្យចំទិសដៅជាការរៀនត្រូវនឹងប្រភេទលំហាត់ដែលវិញ្ញាសាចេញ។ ចំណុចនេះសិស្សត្រូវមានសៀវភៅឯកសារច្រើនសម្រាប់រៀនត្រៀមប្រឡងសិស្សពូកែ ជាពិសេសត្រូវមានវិញ្ញាសាប្រឡងរួចប៉ុន្មានឆ្នាំចុងក្រោយ (តាមលទ្ធភាពអាចរកបាន) ហើយពិនិត្យវិញ្ញាសាទាំងនោះឱ្យដឹងពីប្រភេទលំហាត់ដែលគេតែងចេញ។ សិស្សត្រូវសន្និដ្ឋាន លំហាត់បែបណាដែលគេអាចនឹងចេញហើយយកលំហាត់ពីណាមកចេញ។

បើយើងអាចដឹងពីឯកសារយោងរបស់អ្នកចេញវិញ្ញាសា គួររៀនធ្វើលំហាត់ក្នុងឯកសារនោះឱ្យចេះចាំស្ទាត់ជាការស្រេច។ តែជាទូទៅការរកឯកសារយោងរបស់អ្នកចេញវិញ្ញាសាជារឿងពិបាក ដូច្នេះខ្ញុំត្រូវខំធ្វើលំហាត់ប្រភេទណាដែលគេធ្លាប់ចេញឱ្យបានច្រើនតាមលទ្ធភាព
យុវជន សាន គឹមស័ង

ទី៤ សិស្សត្រូវដាក់ផែនការរៀនឱ្យបានល្អ ៖ ការកំណត់និងដាក់ផែនការសិក្សាត្រូវធ្វើដោយផ្អែកតាមឯកសារនិងពេលវេលាសម្រាប់រៀន។ ឧទាហរណ៏ថានៅសល់មួយខែមុនប្រឡង និងសៀវភៅបួនក្បាលត្រូវមើល សិស្សត្រូវមើលសៀវភៅមួយក្បាលឱ្យចប់មុនមួយសប្តាហ៏ ហើយបួនសប្តាហ៍ត្រូវមើលចប់បានបួនក្បាល ប្រសិនបើសល់ពេលបន្តិចបន្តួចរំលឹកឡើងវិញ។ យុវជន សាន គឹមស័ង បានរំលឹកថា បើសៀវភៅមួយក្បាលមានកម្រាស ៨០-១០០ លំហាត់ត្រូវគិតថាមួយថ្ងៃមើលប៉ុន្មានលំហាត់ហើយលៃពេលយ៉ាងណាឱ្យធ្វើអស់តាមផែនការ។ សិស្សត្រូវព្យាយាមធ្វើតាមផែនការឱ្យអស់លទ្ធភាព។ ជាទូទៅដាក់ផែនស្រួលតែអនុវត្តពិបាក សិស្សត្រូវមានអំណត់ ហើយរៀបផែនឱ្យណាស្របតាមស្ថានភាពរៀងៗខ្លួន៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

អាហារូបករណ៍សិក្សាជំនាញវិជ្ជាជីវៈចំនួន៣៦០ន្លែងនៅវិទ្យាស្ថានពហុបច្ចេកទេសខេត្តកំពង់ធំ

ព័ត៌មានអាហារូបករណ៍, ព្រឹត្តិការណ៍

• 25/09/2024

ឱកាសសិក្សាអាហារូបករណ៍ជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ធំ ចំនួន៣៦០កន្លែងសម្រាប់វគ្គសិក្សាថ្មី។ អាហារូករណ៍ផ្ដល់ជូនការសិក្សាចំនួន១២មុខជំនាញទៅកាន់យុវជន យុវនារីដែលមកពីគ្រួសារក្រីក្រ និងគ្រួសារងាយរងហានិភ័យ...

ឱកាសបន្តការសិក្សាថ្នាក់អនុបណ្ឌិត ឬបណ្ឌិតនៅសហរដ្ឋអាមេរិក ជាមួយនឹងអាហារូបករណ៍ Fulbright

ព័ត៌មានអាហារូបករណ៍, ព្រឹត្តិការណ៍

• 03/02/2026

ផ្នែកកិច្ចការសាធារណៈ នៃស្ថានទូតសហរដ្ឋអាមេរិកប្រចាំនៅភ្នំពេញ បានប្រកាសបើកទទួលពាក្យសុំអាហារូបករណ៍ Fulbright Foreign Student Program សម្រាប់ការសិក្សាកម្រិតក្រោយឧត្តមសិក្សា (ថ្នាក់បរិញ្ញាបត្រជាន់ខ្ពស់ ឬថ្នាក់បណ្ឌិត)

អាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀប ចំនួន២០កន្លែងសម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 29/09/2025

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន២០កន្លែង នៅវិទ្យាស្ថានជាតិកសិកម្មព្រែកលៀបសម្រាប់ឆ្នាំសិក្សា២០២៥-២០២៦។ អាហារូបករណ៍សិក្សាក្រោមកម្មវិធីអាហារូបករណ៍អភិសន្តិបណ្ឌិត ស សុខា ពីការគាំទ្ររបស់ឯកឧត្ដមអភិសន្តិបណ្ឌិត...

ឱកាសអាហារូបករណ៍ស្រាវជ្រាវថ្នាក់បណ្ឌិត (PhD) សម្រាប់គ្រូពេទ្យ ពីមូលនិធិ VCRF នៅសាកលវិទ្យាល័យ RMIT ប្រទេសអូស្ត្រាលី

ព័ត៌មានអាហារូបករណ៍, ព្រឹត្តិការណ៍

• 17/06/2026

សាកលវិទ្យាល័យ RMIT នៃប្រទេសអូស្រ្តាលី បានប្រកាសពីការផ្តល់អាហារូបករណ៍ស្រាវជ្រាវថ្នាក់បណ្ឌិត (VCRF Scholarship) ផ្តោតលើការសិក្សាស្រាវជ្រាវអំពី «របួសជង្គង់ចំពោះកីឡាករ-កីឡាការិនី» ជាពិសេសគឺ...

អាហារូបករណ៍សម្រាប់សិស្សមានជីវភាពលំបាក ចង់សិក្សានៅសាកលវិទ្យាល័យ និងសាលាជំនាញបច្ចេកទេស ឆ្នាំសិក្សា២០២៤-២០២៥ ពីអង្គការកុមារមេគង្គ

ព័ត៌មានអាហារូបករណ៍, ព្រឹត្តិការណ៍

• 05/04/2024

ឱកាសសម្រាប់ប្អូនៗថ្នាក់ទី១២ ដែលមានជីវភាពលំបាក និងមិនមានលទ្ធភាពរៀនបន្ត ហើយមានបំណងចង់បានអាហារូបករណ៍ពីអង្គការកុមារមេគង្គទៅសិក្សានៅសាកលវិទ្យាល័យ សាលាជំនាញឯកទេស....

Fulbright ផ្ដល់អាហារូបករណ៍៤ពាន់នាក់សម្រាប់និស្សិតអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 17/01/2023

កម្មវិធីអាហារូបករណ៍ Fulbright USA កំពុងបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិគ្រប់ជាតិសាសន៍ច្រើនជាង១៦០ប្រទេសចំនួន៤ពាន់...

វេសឡាញសហការជាមួយសាកលវិទ្យាល័យ DPU ប្រទេសថៃ ផ្តល់ឱកាសសិក្សា និងអាហារូបករណ៍ដល់សិស្សានុសិស្សកម្ពុជា

ព័ត៌មានអាហារូបករណ៍, ព្រឹត្តិការណ៍

• 29/11/2024

បណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប និងសាកលវិទ្យាល័យ Dhurakij Pundit (DPU) ប្រទេសថៃ កាលពីពេលថ្មីៗនេះ បានចុះ MoU ជាមួយគ្នា ក្នុងការផ្តល់ឱកាសសិក្សា និងអាហារូបករណ៍ដល់សិស្សានុសិស្សកម្ពុជា ដែលមានបំណង...

ក្រសួងអប់រំជ្រើសរើសគ្រូបង្រៀនមធ្យមសិក្សា ៥០០នាក់ ដើម្បីបណ្តុះបណ្តាលក្នុងកម្មវិធីលើកកម្ពស់គុណវុឌ្ឍិគ្រូបង្រៀន ជំនាន់ទី១

ព័ត៌មានអាហារូបករណ៍, ព្រឹត្តិការណ៍

• 06/04/2026

ក្រសួងអប់រំ យុវជន និងកីឡា កំពុងប្រកាសជ្រើសរើសលោកគ្រូ អ្នកគ្រូ នៃគ្រឹះស្ថានមធ្យមសិក្សាចំណេះទូទៅក្នុងសាលាគោលដៅ និងសាលាទទួលផលជះ នៃគម្រោងកែលម្អការអប់រំចំណេះទូទៅ (GEIP និងGEIP-AF)

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ YALE ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 19/11/2025

ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ YALE សហរដ្ឋអាមេរិក ឆ្នាំសិក្សា២០២៦។ ការសិក្សាផ្ដល់តាមរយៈកម្មវិធីអាហារូបករណ៍ Yale University Scholarship 2026។