ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សេចក្តីថ្លែងការណ៍ជាសាកលស្តីពីសិទ្ធិមនុស្ស និងអនុសញ្ញាអង្គការសហប្រជាជាតិស្តីពីសិទ្ធិកុមារបានចែងថា កុមារទាំងអស់មានសិទ្ធិទទួលបានកិច្ចគាំពារ ។ ទន្ទឹមនឹងនេះ សាលារៀនបំពេញតួនាទីស្នូលក្នុងការផ្តល់ការអប់រំដល់កុមារ និងការគោរពសិទ្ធិរបស់ពួកគេផងដែរ។ ដូច្នេះ តើសិស្សមានសិទ្ធិ និងទំនួលខុសត្រូវអ្វីខ្លះនៅក្នុងការសិក្សា?
បើយោងតាមឯកសាររបស់ក្រសួងអប់រំ ស្ដីពី កម្មវិធីសាសាកុមារមេត្រី សិស្សមានសិទ្ធិចំនួន២ចំណុចធំៗ ក្នុងនោះរួមមាន៖
– សិស្សគ្រប់រូបមានសិទ្ធិរៀនដោយគ្មានការរំខានពីអ្នកដទៃ ស្ថិតក្នុងបរិយាកាសរៀនសូត្រដែលមានសុវត្ថិភាព និងសុខភាពល្អ ព្រមទាំងគោរពគ្នាទៅវិញទៅមកតាមរយៈសហគមន៍សាលារៀន ។ ទន្ទឹមនឹងនេះ សិស្សមិនមែនជាកម្មវត្ថុនៃទណ្ឌកម្មលើរាងកាយ និងផ្នែកស្មារតី ឬអំពើហិង្សាតាមរូបភាព ។ លើសពីនេះ សិស្សមិនមែនជាកម្មវត្ថុនៃការបៀតបៀន និងសម្លុតធ្វើបាបដោយសិស្សរួមថ្នាក់ ឬបុគ្គលិកផ្សេងៗឡើយ ។
– សិស្សមានសិទ្ធិដឹងអំពីការដាក់បន្ទុកមកលើពួកគេនៅក្នុងស្ថានភាពនៃការដាក់វិន័យ និងនិយាយក្នុងនាមខ្លួនឯង ដឹងអំពីគោលការណ៍សាលារៀន និងការពន្យល់អំពីគោលការណ៍ទាំងនោះពីបុគ្គលិកនៅពេលចាំបាច់ ។ ទន្ទឹមនឹងនេះ សិស្សមានសិទ្ធិរំពឹងថាបានទទួលការអប់រំគុណភាពខ្ពស់ដោយប្រើគំនិតនិងស្មារតីរបស់ពួកគេ ការយកចិត្តទុកដាក់ដូចគ្នា និងគ្មានការរើសអើង ។ ជាពិសេស សំដែងយោបល់ក្នុងករណីដែលមិនបង្កការរំខាន ។
ដោយឡែកការទទួលខុសត្រូវរបស់សិស្សក្នុងការសិក្សាវិញរួមមាន៖
ទី១.ប្រតិបត្តិចំពោះគ្នាទៅវិញទៅមកប្រកបដោយសុជីវធម៌ និងការគោរពគ្នាទៅវិញទៅមក ។ ទន្ទឹមនឹងនេះ សិស្សទាំងអស់គួរគោរពការយល់ឃើញរបស់គ្នាទៅវិញទៅមក និងប្រើប្រាស់ភាសាសុភាពរាបសារ សមរម្យដែលមិនមែនជាការមាក់ងាយដល់អ្នកដទៃ ។
ទី២. បង្កលក្ខណៈឱ្យការបង្រៀន និងរៀនប្រព្រឹត្តទៅបានដោយងាយស្រួល តាមរយៈការគោរពពេលវេលា ចូលរួមឱ្យបានសកម្ម ក្នុងការពិភាក្សាតាមថ្នាក់រៀន និងសកម្មភាពនានាក្នុងសាលារៀន សហការជាមួយគ្នាទៅវិញទៅមក និងជាមួយគ្រូរបស់ពួកគេ ។ ទន្ទឹមនឹងនេះ ធ្វើរាល់កិច្ចការសាលាទាំងអស់ឱ្យបានទាន់ពេលវេលា និងត្រូវធ្វើកិច្ចការសាលាឱ្យចប់ សម្រាប់ការដាក់ពិន្ទុ ចៀសវាងការលួចចម្លង ឬការបន្លំផ្សេងៗ នៅក្នុងពេលធ្វើតេស្ត និងពេលប្រឡង និងបង្ហាញការគោរពដល់មនុស្សផ្សេងទៀតនៅក្នុងការប្រឡង ។
ទី៣. រួមចំណែកថែទាំសាលារៀនឱ្យមានភាពស្អាតបាត និងមានសណ្តាប់ធ្នាប់ តាមរយៈ ការចោលសំរាមក្នុងធុងសម្រាមសាលា រក្សាផ្ទៃជញ្ជាំង និងសង្ហារឹមក្នុងសាលារៀនឱ្យស្អាតដោយគ្មានការសរសេរ ជាពិសេសជញ្ជាំងបង្គន់ និងចូលរួមដោយផ្ទាល់ក្នុងការសំអាតខាងក្នុងបរិវេណសាលារៀន ។
ទី៤. រក្សាភាពស្ងប់ស្ងៀម និងចៀសវាងការបង្កសម្លេងរំខានមិនចាំបាច់នានា ជាពិសេសនៅក្នុងពេលសម្រាកចេញលេង ។
ទី៥. បំពេញនាទីជាមធ្យោបាយទាក់ទងពីផ្ទះទៅសាលារៀន និងពីសាលារៀនទៅផ្ទះ តាមរយៈការយកលិខិតឆ្លើយឆ្លងពីសាលារៀនទៅឱ្យឪពុកម្តាយ ឬអាណាព្យាបាល និងយកលិខិតពីឪពុកម្តាយ ឬអាណាព្យាបាលមកវិញ ដោយពន្យល់ពីមូលហេតុដែលនាំឱ្យសិស្សអវត្តមានពីសាលារៀន និងរាយការណ៍ពីរាល់ស្ថានភាពទាំងអស់ដែលអាចមានគ្រោះថ្នាក់ ។ លើសពីនេះ សិស្សត្រូវប្រឹងប្រែងឱ្យអស់ពីសមត្ថភាពនៅក្នុងការសិក្សា និងខិតខំសម្រេចឱ្យបាននូវលទ្ធផលសិក្សាល្អ និងគោរពតាមសេចក្តីណែនាំពាក់ព័ន្ធនឹងការស្លៀកពាក់ និងការរៀបចំខ្លួនឱ្យសមជាសិស្សផងដែរ ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសម្រាប់អ្នកស្រាវជ្រាវ ៖ ស្ថានទូតបារាំងផ្តល់ «អាហារូបករណ៍ការផ្លាស់ប្តូរការស្រាវជ្រាវភាសាបារាំង ឆ្នាំ២០២៦»
ព័ត៌មានអាហារូបករណ៍, ព្រឹត្តិការណ៍
• 09/06/2026
សម្រាប់អ្នកស្រាវជ្រាវកម្ពុជា និងមានអាយុក្រោម ៤៥ ឆ្នាំ ដែលចង់ទៅបំពេញការស្រាវជ្រាវនៅប្រទេសបារាំង ពេលនេះស្ថានទូតបារាំងប្រចាំកម្ពុជាបានប្រកាសបើកទទួលពាក្យជាផ្លូវការសម្រាប់ វគ្គទី១ នៃកម្មវិធីផ្លាស់ប្តូរការស្រាវជ្រាវ...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Hubei ប្រទេសចិន
ព័ត៌មានអាហារូបករណ៍, ព្រឹត្តិការណ៍
• 29/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍រដ្ឋាភិបាលចិននៅសាកលវិទ្យាល័យ Hubei ឆ្នាំសិក្សា២០២៤។ ...
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តរតនគិរី ផ្តល់ការសិក្សាជំនាញ១១ ដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 18/11/2024
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តរតនគិរី បានប្រកាសផ្តល់ការសិក្សាជំនាញចំនួន១១ ដោយឥតគិតថ្លៃ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក៏ដូចជាកម្មករនិយោជិកក្រៅប្រព័ន្ធ។
ឱកាសថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីអាហារូបករណ៍អូស្ត្រាលីឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 20/02/2025
កម្មវិធីអាហារូបករណ៍រដ្ឋាភិបាលអូស្ត្រាលីឆ្នាំសិក្សា២០២៦ ចាប់បើកទទួលពាក្យសម្រាប់សិស្ស និសិ្សត និងសាធារណជនកម្ពុជាហើយ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ...
វិទ្យាស្ថានជាតិពហុបច្ចេកទេសតេជោសែន ជ្រើសរើសយុវជនជាង២ពាន់នាក់ ចូលរៀនជំនាញបច្ចេកទេសឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 27/05/2026
ក្រោមកម្មវិធី TVET 1.5M វិទ្យាស្ថានជាតិពហុបច្ចេកទេសតេជោសែន កំពុងប្រកាសជ្រើសរើសយុវជន និងសាធារណៈជនទូទៅ សរុបចំនួន ២៣៤០នាក់ ឱ្យចូលរៀនជំនាញបច្ចេកទេស និងវិជ្ជាជីវៈ (TVET) ក្នុងកម្រិតសញ្ញាបត្របច្ចេកទេស
អាហារូបករណ៍ទៅសិក្សានៅប្រទេសរុស្ស៊ីចំនួន ៤០កន្លែង សម្រាប់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 08/01/2025
ជាឱកាសសម្រាប់សិស្ស និស្សិត និងមន្រ្តីរាជការកម្ពុជា ដែលចង់បន្តការសិក្សាថ្នាក់ជំនាញឯកទេស បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត នៅសហព័ន្ធរុស្ស៊ី។ ពេលនេះរដ្ឋាភិបាលរុស្ស៊ីបានផ្តល់អាហារូបករណ៍ចំនួន ៤០កន្លែង សម្រាប់ឆ្នាំសិក្សា២០២៥-២០២៦។
អាហារូបករណ៍ថ្នាក់បរិញ្ញាបត្រនៅសាកលវិទ្យាល័យមហាសារ៉ាខាម នៃព្រះរាជាណាចក្រថៃឆ្នាំ២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 05/05/2023
កម្មវិធីអាហារូបករណ៍ព្រះអង្គម្ចាស់ក្សត្រីយ៍មហាក្សត្រីយ៍មហាចក្រី សិរិនថន ចំនួន0៦កន្លែងកំពុងប្រកាសជ្រើសរើសសម្រាប់សាធារណជនកម្ពុជាទាំងពីរភេទសម្រាប់ឆ្នាំសិក្សា២០២៣-២០២៤ ។...
ឱកាសសិក្សាអាហារូបករណ៍ថ្នាក់ឧត្ដមសិក្សាពីរដ្ឋាភិបាលរុស្សីឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 15/11/2023
ឱកាសសិក្សាអាហារូបករណ៍ថ្នាក់បរិញ្ញបត្រ ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់ឯកទេស(Specialist)ចំនួន៤០កន្លែងនៅសហព័ន្ធរុស្សីពីកម្មវិធីអាហារូបករណ៍...
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន៥០០កន្លែងពីកម្មវិធីអាហារូបករណ៍ទេពកោសល្យឌីជីថលតេជោ
ព័ត៌មានអាហារូបករណ៍, ព្រឹត្តិការណ៍
• 17/10/2024
ឱកាសសិក្សាអាហារូបករណ៍ចំនួន៥០០កន្លែង សម្រាប់សិស្សានុសិស្សសិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល នៅសាកលវិទ្យាល័យល្បីៗចំនួនប្រាំមួយរបស់កម្ពុជា។ អាហារូបករណ៍ផ្ដល់ជូនក្រោមកម្មវិធីអាហារូបករណ៍ទេពកោសល្យឌីជីថលតេជោ...
កម្មវិធីពិសេសរបស់ AMS EDUCATION
ព័ត៌មានសង្ខេប
