ឯកឧត្តម សេរី ជំនះ ៖ “ការងារស្ម័គ្រចិត្ត គឺជាសាលារៀនជីវិតដ៏អស្ចារ្យ សម្រាប់យុវជន”

សៀមរាប — ឯកឧត្តម សេរី ជំនះ រដ្ឋលេខាធិការ​ក្រសួងអប់រំ យុវជន និងកីឡា បានលើកទឹកចិត្ត និងផ្តល់​តម្លៃ​ចំពោះ​ចំពោះ​ការងារស្ម័គ្រ​ ដោយថា ការងារនេះ គឺជាសាលារៀនជីវិតដ៏អស្ចារ្យសម្រាប់យុវជន និងជាការវិនិយោគសង្គមដ៏មានតម្លៃបំផុត ក្នុងការផ្លាស់ប្តូរជីវិតបុគ្គល និងការអភិវឌ្ឍសហគមន៍ឱ្យកាន់តែប្រសើរឡើង។

ការលើកឡើងបែបនេះ បានធ្វើឡើងនៅក្នុងពិធីបិទវគ្គបណ្ដុះបណ្ដាលថ្នាក់ជាតិដល់យុវជនស្ម័គ្រចិត្ត នៃកម្មវិធី “ការស្ម័គ្រចិត្តដើម្បីសហគមន៍ខ្ញុំ ឆ្នាំ២០២៦” កាលពីសប្តាហ៍​កន្លងទៅនេះ នៅមជ្ឈមណ្ឌលជាតិយុវជនកម្ពុជា ខេត្តសៀមរាប។

នៅក្នុងឱកាសនោះ ឯកឧត្តមរដ្ឋលេខាធិការបានសង្កត់ធ្ងន់ថា គុណតម្លៃនៃការងារស្ម័គ្រចិត្ត គឺស្ថិតនៅត្រង់ «ការផ្ដល់ឱ្យដោយមិនរំពឹងផលតបស្នងជាប្រាក់កាស ប៉ុន្តែទទួលបានមកវិញនូវការផ្លាស់ប្តូរជីវិត និងសង្គមឱ្យកាន់តែប្រសើរ»។ ការងារស្ម័គ្រចិត្តមិនចាំបាច់ទាល់តែធ្វើរឿងធំដុំទើបមានន័យនោះទេ ហើយទំហំ នៃលទ្ធផលក៏មិនសំខាន់ជាងទំហំនៃទឹកចិត្តដែលបានដាក់បញ្ចូលក្នុងសកម្មភាពនោះដែរ។

សកម្មភាពស្ម័គ្រចិត្តតូចៗ ដែលចេញពីចិត្តរួមគ្នា ‘ផ្ដល់ដោយចិត្ត ជួយដោយកម្លាំង និងកសាងដោយសេចក្តីស្រឡាញ់’ គឺជាកម្លាំងរុញច្រានការផ្លាស់ប្តូរដ៏អស្ចារ្យ និងជាគ្រាប់ពូជនៃក្ដីសង្ឃឹមសម្រាប់ថ្ងៃស្អែក។

ឯកឧត្តម សេរី ជំនះ

បន្ថែមពីនេះ ការចូលរួមការងារស្ម័គ្រចិត្តក៏ជាខែលការពារយុវជនពីបញ្ហាសង្គមផងដែរ។ ឯកឧត្តមពន្យល់ថា នៅពេលយុវជនចំណាយពេលប្រកបដោយផលិតភាពលើការងារមនុស្សធម៌ ពួកគេនឹងចៀសឆ្ងាយពីល្បែងស៊ីសង គ្រឿងញៀន និងអំពើអបាយមុខផ្សេងៗ ដែលរួមចំណែកធ្វើឱ្យសង្គមមានសុវត្ថិភាព និងសុខដុមរមនា។

ដើម្បីឱ្យ «សាលារៀនជីវិត» មួយនេះទទួលបានជោគជ័យ ឯកឧត្តម សេរី ជំនះ បានផ្ដល់នូវមគ្គទេសក៍ និងការផ្ដាំផ្ញើចំនួន ៥ ចំណុច ដល់យុវជនស្ម័គ្រចិត្តទាំងអស់ ដែលត្រូវចុះអនុវត្តគម្រោងរយៈពេល ៦ខែ នៅតាមសហគមន៍គោលដៅ រួមមាន ៖

១. អនុវត្តតាមផែនការ ប៉ុន្តែត្រូវមានភាពបត់បែន៖ ផែនការសកម្មភាពដែលប្អូនៗបានសរសេរ គឺជាត្រីវិស័យ ប៉ុន្តែការងារសហគមន៍ជួនកាលមានបញ្ហាប្រឈមដែលមិនបានគ្រោងទុក។ ដូចនេះ ចូរប្រើប្រាស់ចំណេះដឹងដែលបានរៀនមកដោះស្រាយបញ្ហាដោយភាពវៃឆ្លាត និងភាពអត់ធ្មត់។

២. តស៊ូ និងម៉ត់ចត់៖ ៦ខែ គឺជាពេលវេលាវាស់ស្ទង់ភាពអត់ធ្មត់ និងភាពធន់របស់យុវជន។ សូមធ្វើសកម្មភាពឱ្យបានទៀងទាត់តាមផែនការដែលបានកំណត់។

៣. ការងារស្ម័គ្រចិត្តចេញពីបេះដូង៖ ការចុះជួយសហគមន៍រយៈពេល ៦ខែ មិនមែនជាពេលវេលាខ្លីឡើយ គឺទាមទារនូវឆន្ទៈមោះមុត ភាពស្មោះត្រង់ និងការគោរពឱ្យតម្លៃដល់ប្រជាពលរដ្ឋក្នុងមូលដ្ឋាន។ ប្អូនៗ គឺជាស្ពានចម្លងនូវការផ្លាស់ប្តូរវិជ្ជមាន។ សូមចុះទៅរកសហគមន៍ដោយភាពដាក់ខ្លួន និងការរៀនសូត្រពីពួកគាត់។

៤. កត់ត្រានិងវាយតម្លៃ៖ រាល់សកម្មភាពដែលប្អូនៗធ្វើ ត្រូវមានការកត់ត្រា និងតាមដានឱ្យបានច្បាស់លាស់ ដើម្បីធានាថា ក្នុងរយៈពេល៦ខែនេះ សហគមន៍ពិតជាទទួលបានផលប្រយោជន៍ពិតប្រាកដ និងមាននិរន្តរភាព។

៥. សុវត្ថិភាព និងសីលធម៌៖ ក្នុងនាមជាយុវជនគំរូ សូមរក្សាសេចក្តីថ្លៃថ្នូរ និងយកចិត្តទុកដាក់លើសុវត្ថិភាពផ្ទាល់ខ្លួនក្នុងពេលចុះបេសកកម្ម។

សូមជំរាបថា វគ្គបណ្ដុះបណ្ដាលថ្នាក់ជាតិដល់យុវជនស្ម័គ្រចិត្ត នៃកម្មវិធី “ការស្ម័គ្រចិត្តដើម្បីសហគមន៍ខ្ញុំឆ្នាំ២០២៦” មានរយៈពេលបីថ្ងៃ រៀបចំឡើងដោយនាយកដ្ឋានអភិវឌ្ឍកម្មវិធីយុវជន នៃក្រសួងអប់រំ យុវជន និងកីឡា ក្រោមកិច្ចសហការជាមួយដៃគូអភិវឌ្ឍន៍នានា។ ក្នុងរយៈពេល ៣ថ្ងៃនោះ យុវជនទាំងអស់ត្រូវបានបំពាក់បំប៉ននូវជំនាញសំខាន់ៗជាច្រើនដូចជា ៖ ការរៀបចំ និងសរសេរគម្រោង, វិធីសាស្ត្រគ្រប់គ្រងធនធាន និងកៀរគរការចូលរួម, ការវិភាគបញ្ហាសហគមន៍ និងការដាក់ចេញផែនការសកម្មភាពដែលអាចវាស់វែងបាន ដើម្បីត្រៀមខ្លួនចុះបម្រើសហគមន៍យ៉ាងពេញលេញនាពេលខាងមុខ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Prince of Songkla ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 29/04/2025

មហាវិទ្យាល័យវិទ្យាសាស្ត្រ នៃសាកលវិទ្យាល័យ Prince of Songkla ប្រកាសជ្រើសរើសនិស្សិតនិស្សិតបរទេស​ក្នុងការ​សិក្សាតាមរយៈអាហារូបករណ៍ថ្នាក់ឧត្ដមសិក្សាឆ្នាំ២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់...

ឱកាស​អាហារូបករណ៍រៀនជំនាញ TVET ចំនួន ៦៦៥កន្លែង នៅវិទ្យាស្ថានពហុបច្ចេកទេសខេត្តកំពង់ឆ្នាំង

ព័ត៌មានអាហារូបករណ៍, ព្រឹត្តិការណ៍

• 30/05/2025

វិទ្យាស្ថានពហុបច្ចេកទេសខេត្តកំពង់ឆ្នាំង ដែលជាគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈរបស់រដ្ឋតែមួយគត់ចំណុះក្រសួងការងារ និងបណ្ដុះបណ្ដាលវិជ្ជាជីវៈនៅខេត្តកំពង់ឆ្នាំង បានប្រកាសផ្ដល់អាហារូបករណ៍១០០%...

ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ HTW Berlin University ប្រទេសអាល្លឺម៉ង់

ព័ត៌មានអាហារូបករណ៍, ព្រឹត្តិការណ៍

• 17/02/2026

ឱកាសទទួលបានអាហារូបករណ៍ថ្នាក់បរិញ្ញាបត្រជាន់ខ្ពស់ ទៅសិក្សា​នៅសាកលវិទ្យាល័យ HTW Berlin ពីកម្មវិធីអាហារូបករណ៍ DAAD MIDE Scholarship 2026 ប្រទេសអាល្លឺមង់។ ជំនាញដែលអាហារូបករណ៍ផ្ដល់ឱ្យសិក្សា...

អាហារូបករណ៍ថ្នាក់ស្រាវជ្រាវនៅសាកលវិទ្យាល័យ Caltech នារដូវក្តៅឆ្នាំ 2025

ព័ត៌មានអាហារូបករណ៍, ព្រឹត្តិការណ៍

• 29/01/2025

ឱកាសសិក្សាអាហារូបករណ៍ថ្នាក់ស្រាវជ្រាវនៅ California Institute of Technology នៃសាកលវិទ្យាល័យ Caltech សហរដ្ឋអាមេរិក នារដូវក្ដៅសម្រាប់ឆ្នាំសិក្សា២០២៥...

អាហារូបករណ៍ថ្នាក់វេជ្ជបណ្ឌិតវេជ្ជសាស្ត្រសិក្សានៅសាធារណរដ្ឋគូបាឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 29/06/2023

ក្រសួងអប់រំ យុវជន និងកីឡាប្រកាសដំណឹងជ្រើសរើសនិស្សិតសិក្សាអាហារូបករណ៍ថ្នាក់វេជ្ជបណ្ឌិតវេជ្ជសាស្ត្រនៅសាធារណរដ្ឋគូបាចំនួន០១កន្លែងសម្រាប់ឆ្នាំសិក្សា២០២៣-២០២៤ ។...

អាហារូបករណ៍តាមនិទ្ទេសនៅសាកលវិទ្យាល័យអន្តរជាតិ ផារ៉ាហ្គន សម្រាប់សិស្សទើបប្រឡងបាក់ឌុបរួច

ព័ត៌មានអាហារូបករណ៍, ព្រឹត្តិការណ៍

• 25/09/2025

សាកលវិទ្យាវិទ្យាល័យ ផារ៉ាហ្គន ប្រកាសផ្ដល់អាហារូបករណ៍ផ្អែកលើនិទ្ទេស សម្រាប់សិស្សានុសិស្សទាំងអស់ដែលបានប្រឡងជាប់សញ្ញាបត្រមធ្យមសិក្សាទុតិយភូមិឆ្នាំ២០២៥

អាហារូបករណ៍ថ្នាក់វេជ្ជបណ្ឌិត ផ្នែកវេជ្ជសាស្ត្រ នៅប្រទេសជប៉ុន រយៈពេល៦ឆ្នាំ

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 08/07/2026

អាហារូបករណ៍សិក្សាពេញថ្លៃផ្នែកវិជ្ជសាស្ត្រ នៅប្រទេសជប៉ុន សម្រាប់ឆ្នាំសិក្សា២០២៧-២០៣៥

អាហារូបករណ៍សិក្សា​ជំនាញ​វិស្វកម្មឧស្សាហកម្ម នៅវិទ្យាស្ថានពហុបច្ចេកទេស​ខេត្តកំពង់ស្ពឺ

ព័ត៌មានអាហារូបករណ៍, ព្រឹត្តិការណ៍

• 28/11/2025

ដោយ​មានការ​គាំទ្រពីគម្រោង​អភិវឌ្ឍន៍ជំនាញសម្រាប់សេដ្ឋកិច្ចនាពេលអនាគត (SFESDP) របស់ក្រសួងការងារ និង​បណ្តុះបណ្តាលវិជ្ជាជីវៈ, វិទ្យាស្ថានពហុបច្ចេកទេស​ខេត្តកំពង់ស្ពឺ បានប្រកាស​ពីការ​បណ្តុះបណ្តាល​ឥតគិតថ្លៃ​ទៅលើ...

កូរ៉េប្រកាសជ្រើសរើសបេក្ខភាពឱ្យទៅចូលរួមកម្មវិធី K-POP as Global Cultural Industry

ព័ត៌មានអាហារូបករណ៍, ព្រឹត្តិការណ៍

• 20/05/2026

សាធារណរដ្ឋ​កូរ៉េ កំពុង​ប្រកាស​ជ្រើសរើស​បេក្ខភាព​ចំនួន ២០ រូប ពីតំបន់ និង​ស្ថាប័ន​ខុសៗគ្នា ដើម្បី​ឱ្យ​ទៅ​ចូល​រួម​កម្ម​វិធី​K-POP as Global Cultural Industry របស់ Korea Development Institute (KDI) សម្រាប់​ឆ្នាំ​២០២៦ នេះ។