ពហុប្រព័ន្ធផ្សព្វផ្សាយមានឥទ្ធិពលផ្លាស់ប្តូរផ្នត់គំនិតយុវជនឱ្យងាកមកចាប់អារម្មណ៍លើកិច្ចការសង្គមច្រើនជាងមុន

កាលពីពេលថ្មីៗនេះ BBC Media Action បានបង្ហាញពីលទ្ធផលស្រាវជ្រាវរបស់ខ្លួន ដោយរកឃើញថា ការចូលរួមរបស់យុវជនតាមរយៈពហុប្រព័ន្ធផ្សព្វផ្សាយ បានរួមចំណែកជំរុញឱ្យយុវជន ចូលរួមចូលរួមកិច្ចការសង្គមកាន់តែច្រើនទៅៗ នេះបើធៀបទៅនឹងពេលដែលពួកគេមិនទាន់បានឃើញការផ្សព្វផ្សាយអំពីសារៈសំខាន់នៃការរួមចំណែករបស់យុវជន ទៅកាន់សហគមន៍ ដែលពួកគេកំពុងរស់នៅ ឬការចូលរួមជាមួយកិច្ចការសង្គមជាទូទៅ។

ការស្រាវជ្រាវរបស់ BBC Media Action គឺតាមរយៈការស្វែងយល់ពីឥទ្ធិពលនៃខ្លឹមសារ និងសកម្មភាពពហុប្រព័ន្ធផ្សព្វផ្សាយទៅលើគម្រោង Klahan9 SPACE ដែលផ្តោតលើយុវជន និងចំណេះដឹង និងអាកប្បកិរិយារបស់ឪពុកម្តាយ ដើម្បីបង្កើនការចូលរួមរបស់យុវជនជាមួយ​សហគមន៍។

យោងតាមសេចក្តីប្រកាសរបស់ BBC Media Action បានឱ្យដឹងថា Klahan9 SPACE បានរីកសាយភាយទៅដល់ប្រជាជនជាង ២,៤លាននាក់នៅកម្ពុជា តាមរយៈមាតិកាប្រព័ន្ធផ្សព្វផ្សាយ និងសកម្មភាពផ្សព្វផ្សាយផ្សេងៗ ហើយ​តាមរយៈលទ្ធផលនៃការស្ទង់មតិបង្ហាញថា គម្រោងនេះបានជួយលើកកម្ពស់ការចូលរួមរបស់ពលរដ្ឋ និងផ្តល់អំណាចដល់យុវជនកម្ពុជាជំនាន់ថ្មីឱ្យចូលរួមក្នុងសហគមន៍។ ជាឧទាហរណ៍ អត្រាចូលរួមផ្លូវការបានកើនឡើងពី ២៦ភាគរយក្នុងឆ្នាំ ២០២១ ដល់ ៤២ភាគរយក្នុងឆ្នាំ២០២៤។ និន្នាការស្រដៀងគ្នានេះត្រូវបានគេសង្កេតឃើញក្នុងចំណោមក្រុមមនុស្សវ័យចំណាស់ដែលបានចូលរួមក្នុងគម្រោង Klahan9 SPACE បានបង្ហាញឱ្យឃើញថា ៩០ភាគរយនៃក្រុមនេះ បានគាំទ្រដល់ការចូលរួមរបស់យុវជនក្នុងការប្រជុំសហគមន៍ផ្សេងៗ បើធៀបទៅនឹង ៧២ភាគរយក្នុងចំណោមអ្នកដែលមិនបានចូលរួម។

សេចក្តីរាយការណ៍ដដែល ក៏បានបង្ហាញថា ភាពអវិជ្ជមាននៃយេនឌ័រ និងបទដ្ឋាននៃសង្គម ក៏បានវិវត្តផងដែរ ដោយមានយុវជនវ័យក្មេងបានរាយការណ៍ថា ពួកគេមានអារម្មណ៍ទទួលបានការគាំទ្រកាន់តែច្រើន ខណៈពេលដែលមនុស្សចាស់ចាប់ផ្តើមផ្លាស់ប្តូរឥរិយាបថ និងអាកប្បកិរិយារបស់ពួកគេ ដែលបង្ហាញពីការទទួលស្គាល់កាន់តែច្រើនលើសមត្ថភាពរបស់យុវវ័យ។

ក្នុងវេទិកាបង្ហាញលទ្ធផលសិក្សាស្រាវជ្រាវស្តីពី “នវានុវត្តន៍ពហុប្រព័ន្ធផ្សព្វផ្សាយដើម្បីការចូលរួមរបស់យុវជន” ឯក​ឧត្ដម ចឹក លីម អគ្គលេខាធិការរង កជយ អគ្គនាយករងយុវជន នៃក្រសួងអប់រំ យុវជន និងកីឡា មានប្រសាសន៍ថា នៅក្នុងសហគមន៍នីមួយៗ សក្តានុពលរបស់យុវជន គឺគ្មានព្រំដែនទេ យុវជន មានថាមពល ភាពច្នៃប្រតិដ្ឋ និងចក្ខុវិស័យ ជាកត្តាចាំបាច់ក្នុងការជំរុញអនាគតដ៏ល្អប្រសើរ ហើយ​បើយើងក្រឡេកមកមើលបរិបទប្រទេសជាតិរបស់យើង យោងតាមជំរឿនទូទៅ ប្រជាជននៅក្នុងព្រះរាជាណាចក្រកម្ពុជាឆ្នាំ២០១៩ របស់វិទ្យាស្ថានជាតិស្ថិតិ យុវជនកម្ពុជាមានចំនួន២៣,៣ ភាគរយ នៃចំនួនប្រជាជនសរុបគឺ ស្មើនឹង​៤,០៤១,២៧៥ នាក់។ យុវជនកម្ពុជា ត្រូវបានចាត់ទុក ជាកាតាលីករដ៏មានសក្តានុពលក្នុងការនាំមកនូវ ការអភិវឌ្ឍសេដ្ឋកិច្ចជាតិ ការផ្លាស់ប្តូរឥរិយាបថក្នុងសង្គម សេរីភាព បរិស្ថាន នាវានុវត្តន៍ និងសង្គមឌីជីថល។

“ដើម្បីបន្តលើកម្ពស់ និងបន្តពង្រឹងសមត្ថភាពយុវជន កម្ពុជាចាំបាច់ត្រូវមានការចូលរួមពីដៃគូអភិវឌ្ឍន៍ជាតិ និងអន្តរជាតិ ស្ថាប័នថ្នាក់ជាតិ និងថ្នាក់ក្រោមជាតិ អង្គការដៃគូរទាំងអស់ ក្នុងការ​បំពាក់បំប៉នចំណេះដឹង ជំនាញរឹង ជំនាញទន់ សីលធម៌ និងការថែទាំសុខភាព ព្រមទាំងដុសខាត់យុវជនជំនាន់នេះឱ្យក្លាយជាអ្នកបន្តវេន និងក្លាយជាអ្នកដឹងនាំ ដើម្បីកសាងភាពធន់ និងនាវានុវត្តន៍ភាពរបស់សង្គមកម្ពុជា”

ឯក​ឧត្ដម ចឹក លីម អគ្គលេខាធិការរង កជយ អគ្គនាយករងយុវជន នៃអយក និងតំណាងឯកឧត្តមឧបនាយករដ្ឋមន្ត្រី​ក្រសួងអប់រំ យុវជន និងកីឡា

ឯក​ឧត្ដម ចឹក លីម បន្តថា យុវជនជាសរសៃឈាមរបស់កម្ពុជា យុវជនកម្ពុជាជាង៦០ភាគរយ នៃចំនួនប្រជាពលរដ្ឋរបស់យើងគឺមានអាយុក្រោម៣០ឆ្នាំ មានសក្តានុពលដ៏ធំសម្រាប់ការរៀបចំអនាគត ដល់កម្ពុជាឱ្យជឿនលឿន មានភាពស៊ីវិល័យ ។ យ៉ាងណាក៏ដោយ ដើម្បីឱ្យសក្តានុពល នេះសម្រេចបានពេញលេញ យើងត្រូវផ្តល់សិទ្ធអំណាចដល់យុវជនរបស់យើង ជាមួយនឹងឧបករណ៍ ពោលគឺចំណេះដឹង ជំនាញ និងទំនុកចិត្ត។

លោក ចឹក លីម បន្តរំលេចបន្ថែមថា គំនិតផ្តួចផ្តើមរបស់ Klahan9 SPACE ដែលគាំទ្រ និងសហការណ៍ដោយក្រសួងអប់រំ យុវជន និងកីឡា បង្កប់នូវចង្ខុវិស័យ រួមទាំង ជំរុញឱ្យយុវជន ចូលរួមយ៉ាងសកម្មក្នុងនាមជាប្រជាពលរដ្ឋ និងរួមចំណែកទៅដល់សហគមន៍របស់ពួកគេ តាមរយៈការរួមបញ្ជូលគ្នា នៃឥទ្ធិពល ពហុព័ត៌មាន ការផ្សព្វផ្សាយ ដល់សហគមន៍ និងការកសាងសមត្ថភាព។ “យើងឃើញថា យុវជន ២,៤លាននាក់ នៅទូទាំងប្រទេសកម្ពុជា បានទទួលផល តាមរយៈខ្លឹមសារប្រព័ន្ធផ្សព្វផ្សាយ និងសកម្មភាពផ្សព្វផ្សាយយ៉ាងសកម្ម ។ ភាគរយនៃការចូលរួមរបស់យុវជន ក្នុងនាមជាប្រជាពលរដ្ឋជាផ្លូវការបានកើនឡើងជាខ្លាំងពី២៦ភាគរយ ក្នុងឆ្នាំ២០២១ ដល់៤២ ភាគរយក្នុងឆ្នាំ២០២៤។ ហើយសមិទ្ធិផលទាំងនេះបង្ហាញពីសារៈសំខាន់ នៃការបង្កើតវេទិកា​ បំផុសសម្លេងយុវជន បណ្តុះគំនិតច្នៃប្រតិដ្ឋរបស់ពួកគេ និងបង្កើនទំនុកចិត្តដើម្បីយកឈ្នះលើបញ្ហាប្រឈមនានា។ បន្ថែមពីលើការផ្តល់សិទ្ធអំណាចដល់យុវវជន ក៏បានជំរុញប្រព័ន្ធអេកូឡូស៊ី ដែលគាំទ្រដល់មាតាបិតា និងអប់រំអ្នកដឹកនាំសហគមន៍ ដែលជាដៃគូដ៏សំខាន់ និងបង្ហាញពីសមត្ថភាព របស់កម្មវិធី ក្នុងការជំរុញឱ្យមានការរីកចម្រើន និងការយល់ដឹងស៊ីជម្រៅ”៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍រដ្ឋាភិបាលចិន CSC Type B ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 31/03/2026

សាកលវិទ្យាល័យ China University of Geosciences, Beijing នៅរដ្ឋធានីប៉េកាំង តាមរយៈ​សមាគមនិស្សិតកម្ពុជា​ប្រចាំ​សាធារណរដ្ឋប្រជាមានិតចិន នឹង​ជ្រើសរើស​និស្សិត​កម្ពុជាឆ្នើម​ចំនួន ៥ សម្រាប់អាហារូបករណ៍...

ឱកាសស្នាក់នៅបណ្ដោះអាសន្ននៅអន្តេវាសិកដ្ឋានវិទ្យាស្ថានបច្ចេកវិទ្យាកម្ពុជាឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 06/01/2025

សមាគមនិស្សិតវិទ្យាស្ថានបច្ចេកវិទ្យាកម្ពុជា ប្រកាសដំណឹងជូនដល់សិស្សនិស្សិតដែលកំពុងសិក្សានៅវិទ្យាស្ថានបច្ចេកវិទ្យាកម្ពុជាឱ្យទទួលបានកន្លែងស្នាក់នៅបណ្ដោះអាសន្ននៅអន្តេវាសិកដ្ឋានចំនួន៤៥នាក់ក្នុងឆ្នាំសិក្សា២០២៤-២០២៥...

អាហារូបករណ៍ទឹកប្រាក់ សម្រាប់និស្សិតក្រោយឧត្តមសិក្សា ជំនាញភូគព្ភសាស្ត្រ នៅ​ប្រទេសណូវ៉េលហ្សេឡង់

ព័ត៌មានអាហារូបករណ៍, ព្រឹត្តិការណ៍

• 25/07/2024

អាហារូបករណ៍ទឹកប្រាក់រហូតដល់ ៥ពាន់ដុល្លារ ដើម្បីជួយដល់និស្សិតស្រាវជ្រាវក្រោយឧត្តមសិក្សា ដើម្បីសិក្សាអំពីភូគព្ភសាស្ត្រ (geological research) ដែលមានមូលដ្ឋាននៅ ណូវ៉ែលហ្សេឡង់...

អាហារូបករណ៍រយៈពេល៦ខែនៅសាកលវិទ្យាល័យ Hiroshima សម្រាប់និស្សិតមហាវិទ្យាល័យទន្តវទនសាស្ត្រ

ព័ត៌មានអាហារូបករណ៍, ព្រឹត្តិការណ៍

• 03/06/2024

ឱកាសសិក្សាអាហារូបករណ៍រយៈពេល៦ខែសម្រាប់និស្សិតមហាវិទ្យាល័យទន្តវទនសាស្ត្រនៃសាកលវិទ្យាល័យវិទ្យាសាស្ត្រសុខាភិបាល(ស.វ.ស)...

ឱកាសសិក្សាអាហារូបករណ៍ចំនួន២៣០កន្លែងនៅវិទ្យាស្ថានខ្មែរជំនាន់ថ្មី ពី ស.ស.យ.ក រាជធានីភ្នំពេញ

ព័ត៌មានអាហារូបករណ៍, ព្រឹត្តិការណ៍

• 16/11/2023

ឱកាសសិក្សាអាហារូបករណ៍ថ្នាក់បរិញ្ញាបត្ររង ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់នៅវិទ្យាស្ថានខ្មែរជំនាន់ថ្មី ចំនួន២៣០កន្លែង ពីសហភាពសហព័ន្ធយុវជនកម្ពុជារាជធានីភ្នំ...

អាហារូបករណ៍សាច់ប្រាក់ពីមូលនិធិបុប្ផាគន្ធ សម្រាប់ថ្នាក់បរិញ្ញាបត្រចំនួន៥កន្លែង

ព័ត៌មានអាហារូបករណ៍, ព្រឹត្តិការណ៍

• 06/10/2025

ឱកាសទទួលបានអាហារូបករណ៍សាច់ប្រាក់សម្រាប់ការសិក្សាថ្នាក់បរិញ្ញាបត្រចំនួន ៤ឆ្នាំ នៅសាកលវិទ្យាល័យផ្សេងៗក្នុងទីក្រុងភ្នំពេញ ពីមូលនិធិ បុប្ផាគន្ធ ឆ្នាំសិក្សា២០២៥-២០២៦។

អាហារូបករណ៍ថ្នាក់ស្រាវជ្រាវនៅសាកលវិទ្យាល័យ Caltech នារដូវក្តៅឆ្នាំ 2025

ព័ត៌មានអាហារូបករណ៍, ព្រឹត្តិការណ៍

• 29/01/2025

ឱកាសសិក្សាអាហារូបករណ៍ថ្នាក់ស្រាវជ្រាវនៅ California Institute of Technology នៃសាកលវិទ្យាល័យ Caltech សហរដ្ឋអាមេរិក នារដូវក្ដៅសម្រាប់ឆ្នាំសិក្សា២០២៥...

វិទ្យាស្ថានពហុបច្ចេកទេស​ភូមិភាគ​តេជោសែនស្វាយរៀង ជ្រើសរើស​សិស្ស​ចូលរៀនជំនាញ​បច្ចេកទេស ចំនួន៣៣០កន្លែង​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 04/10/2024

ជា​ឱកាស​សម្រាប់​យុវជន យុវនារី ដែល​មក​ពី​គ្រួសារក្រីក្រ ឬ​គ្រួសារ​ងាយរងហានិភ័យ និង​សាធារណៈជន​ទូទៅ ដែលមានបំណង​ចង់ទទួលបានជំនាញមួយ​ច្បាស់លាស់សម្រាប់ជីវិត, វិទ្យាស្ថានពហុបច្ចេកទេស​ភូមិ​ភាគ​តេជោសែនស្វាយរៀង ប្រកាស​ជ្រើសរើស​សិស្ស​ចូលរៀន​...

វិទ្យាស្ថានបច្ចេកវិទ្យាកម្ពុជាប្រកាសជ្រើសរើសនិស្សិតសិក្សាអាហា​រូបករណ៍​១០០%​ចំនួន៨០​កន្លែង សម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 17/11/2023

វិទ្យាស្ថានបច្ចេកវិទ្យាកម្ពុជា(រាជធានីភ្នំពេញ)ប្រកាសជ្រើសរើសនិស្សិតចូលថ្នាក់ឆ្នាំសិក្សាមូលដ្ឋានកម្រិតវិស្វករចំនួន១៣០០កន្លែងក្នុងនោះក៏មានផ្ដល់....



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *