ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កាលពីថ្ងៃទី២៧ ខែកុម្ភៈ ឆ្នាំ២០២៥ លោក Bryan Abichandani តំណាងវិទ្យាស្ថានអន្តរជាតិ TAIE មកពីប្រទេសកាណាដា បានមកបំពេញទស្សនកិច្ចនៅបណ្តាញសាលារៀនវ៉េសឡាញ ព្រមទាំងពិភាក្សា លើការសិក្សាលទ្ធភាពសហការភាពជាដៃគូ និងផ្តល់ឱកាសដល់សិស្សានុសិស្សដែលមានបំណងផ្ទេរការសិក្សាកម្រិតវិទ្យាល័យទៅបន្តការសិក្សានៅទីនោះប្រកបដោយភាពងាយស្រួល។
វិទ្យាស្ថានអន្តរជាតិ TAIE គឺជាវិទ្យាល័យឯកជនដ៏ល្បីមួយដែលមានទីតាំងនៅក្នុងទីក្រុងតូរុនតូ ប្រទេសកាណាដា។ វិទ្យាស្ថាននេះផ្តល់សេវាកម្មអប់រំដល់សិស្សានុសិស្សអន្តរជាតិមកពីជុំវិញពិភពលោក ដែលមានបំណងបន្តការសិក្សាកម្រិតវិទ្យាល័យ ក៏ដូចសិក្សាត្រៀមសម្រាប់មហាវិទ្យាល័យ។ កម្មវិធីសិក្សាតាមប្រព័ន្ធក្រេឌីត ដែលបង្កលក្ខណៈងាយស្រួលមកពីបណ្តាប្រទេសផ្សេងៗសិក្សានៅទីនោះបាន។
គួរបញ្ជាក់ថា បណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប បាននិងកំពុងបន្តសហការជាមួយគ្រឹស្ថានអប់រំក្នុងស្រុក និងក្រៅប្រទេសជាច្រើន ដែលជាផ្នែកមួយនៃការប្តេជ្ញាចិត្តរបស់ស្ថាប័នក្នុងការជំរុញកិច្ចសហការជាតិ និងអន្តរជាតិ ដើម្បីបង្កើតឱកាសថ្មីៗសម្រាប់សិស្សានុសិស្សរបស់ខ្លួន៕
