កម្ពុជាកំពុងអប់រំធនធនមនុស្សឱ្យក្លាយជាពលរដ្ឋសកលនៅថ្ងៃអនាគត

ភាពជាពលរដ្ឋសកល គឺសំដៅទៅលើការដែលមនុស្សម្នាក់យល់ថា ខ្លួនជាផ្នែកមួយនៃសហគមន៍ ឬក៏ជាពិភពដែលមានភាពទូលំទូលាយ និងមានជាលក្ខណៈអន្តរជាតិ។ ក្នុងនោះភាពជាមនុស្សជាតិ មិនមែនគ្រាន់តែយើងជាផ្នែកមួយនៃប្រទេសកម្ពុជា ឬក៏ជារបស់តំបន់ទេ ប៉ុន្តែជារបស់ពិភពលោកទាំងមូលដែលទាមទារឱ្យអាចរស់នៅជាមួយគ្នាបាន និងមានសុខសន្តិភាពពេញលេញ។ បើតាមលោកជំទាវ ឃួន វិច្ឆិកា បច្ចុប្បន្ន​ក្រសួងអប់រំ កំពុងអប់រំធនធានមនុស្សកម្ពុជា ឱ្យ​ក្លាយជា​ពលរដ្ឋ​សាកលនាពេលអនាគត។

លោកជំទាវ ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា មានប្រសាសន៍ថា នៅក្នុងការអប់រំ គឺផ្ដោតទៅលើ ៣ចំណុចសំខាន់ដើម្បីអប់រំភាពជាពលរដ្ឋសកល រួមមាន ៖ ១. ចំណេះដឹង គឺធ្វើយ៉ាងណាឱ្យសិស្សានុសិស្សទទួលបានចំណេះដឹង និងចេះគិតពីបញ្ហានៅក្នុងថ្នាក់មូលដ្ឋាន ថ្នាក់ជាតិ តំបន់ និងសកលលោក ក៏ដូចជាបង្ហាញអំពីការទំនាក់ទំនង ការប្រស្រ័យទាក់ទងគ្នាទៅវិញមករវាងប្រទេសមួយ និងពីប្រជាជតិមួយទៅប្រជាជាតិមួយដែរ។ ទី២. ចិត្តសង្គម មានន័យថា​ ធ្វើឱ្យអ្នកសិក្សាទទួលបានអារម្មណ៍ថា ជាផ្នែកមួយនៃមនុស្សជាតិទូទៅ តាមរយៈការចែករំលែកតម្លៃ ក៏ដូចជាការទទួលខុសត្រូវ សេចក្ដីអាណិតអាសូរ សាមគ្គីភាព និងការគោរពចំពោះភាពខុសគ្នានៅក្នុងពិភពលោកផងដែរ។ ទី៣. ឥរិយាបទ សំដៅឱ្យពលរដ្ឋទាំងអស់ធ្វើសកម្មភាពប្រកបដោយប្រសិទ្ធភាព និងការទទួលខុសត្រូវ ទាំងកម្រិតសហគមន៍មូលដ្ឋានដែលខ្លួនរស់នៅ ប្រទេសជាតិរបស់ខ្លួន និងសកលលោកទាំងមូល ដើម្បីឱ្យទទួលបាននូវពិភពលោកមួយដែលមានសុខសន្តិភាព ក៏ដូចជានិរន្តរភាពរួមគ្នា។

លោកជំទាវ ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា

លោកជំទាវ ឃួន វិច្ឆិកា បញ្ជាក់បន្ថែមថា កិច្ចការដែលក្រសួងអប់រំ កំពុងធ្វើ គឺដាក់បញ្ចូលការអប់រំពលរដ្ឋសាកលទៅក្នុងកម្មវិធីសិក្សា។ ជាក់ស្ដែង ក្របខណ្ឌកម្មវិធីសិក្សា ក៏ដូចជាកម្មវិធីសិក្សាលំអិត ដែលបានដាក់ចេញនៅក្នុងឆ្នាំ២០១៨ កន្លងមក ស្នូលសំខាន់នៃកម្មវិធីសិក្សា គឺការអប់រំពលរដ្ឋខ្មែរឱ្យក្លាយជាពលរដ្ឋពេញលេញ។ ដើម្បីសម្រេចគោលដៅនេះ ទី១. ក្រសួងអប់រំ បានធ្វើការសហការយ៉ាងជិតស្និទជាមួយអង្គការយូណេស្កូ នៅក្នុងការដាក់បញ្ចូលការអប់រំពលរដ្ឋសកលនៅក្នុងកម្មវិធីសិក្សាមុខវិជ្ជាសីលធម៌ពលរដ្ឋ និងមុខវិជ្ជាប្រវត្តវិទ្យា។ ក្នុងនោះ ធ្វើយ៉ាងណាផ្ដោតសំខាន់ឱ្យកុមារកម្ពុជា បានដឹងអំពីរឿងរ៉ាវទាំងឡាយដែលកើតមានជុំវិញពិភពលោក ដើម្បីឱ្យមើលឃើញពីភាពខុសគ្នាទាំងជំនឿ សាសនា ជាតិសាស្រ្ត ពណ៌សម្បុរ របស់មនុស្សជុំវិញពិភពលោក ហើយក៏ដើម្បីឱ្យពួកគាត់អាចរស់បានជាមួយប្រជាជននៅលើពិភពលោកប្រកបដោយសន្តិភាព។ ទី២. ក្រសួងអប់រំ ផ្ដោតសំខាន់ឱ្យប្អូនៗសិស្សានុសិស្សមានបំណិនសតវត្សទី២១ ដើម្បីជំរុញឱ្យសិស្សអាចធ្វើការជាក្រុមប្រកបដោយប្រសិទ្ធភាព ។ ក្នុងនោះ ក្រសួងជំរុញ​កម្មវិធីរៀនក្រៅម៉ោងសិក្សា ការរៀនដោយប្រើប្រាស់វិធីសាស្រ្តបង្រៀនសិស្សមជ្ឈមណ្ឌល ឬវិធីសាស្រ្តតាមបែបរិះរក ដើម្បីឱ្យសិស្សអាចផ្ដួចផ្ដើមនៅក្នុងការសួរសំណួរ ស្វែងរកចម្លើយ និងធ្វើការងារជាក្រុម ។ ទី៣. ចរិយាសម្បទារ ការបណ្ដុះបណ្ដាលនឹងជំរុញឱ្យប្រជាជនកម្ពុជា មានការទទួលខុសត្រូវខ្ពស់រាល់ការសម្រេចចិត្ត ក្នុងការប្រព្រឹត្តរបស់ខ្លួន មានហេតុផល ចេះត្រិះរិះពិចារណា និងចេះប៉ានស្មានពីឧបសគ្គ ចេះផ្ដួចផ្ដើម និងចេះច្នៃប្រឌិតក្នុងការដោះស្រាយបញ្ហា​ មានភាពសុទិថិនិយម និងអំណត់ មិនទន់ជ្រាយចំពោះបញ្ហានិងការលំបាក មានការធ្វើការជាក្រុម និងមានសីលធម៌ សុជីវធម៌ សីលធម៌ គុណធម៌ ព្រមទាំងគិតពីប្រយោជន៍រួម ជាពិសេសប្រយោជន៍របស់មនុស្សជាតិ។

ដើម្បីសម្រេចបាននូវចរិយាសម្បទារនេះ លោកជំទាវ ឃួន វិច្ឆិកា បានប្រាប់ឱ្យដឹងថា ក្រសួងអប់រំ ក៏បានសហការជាមួយប្រទេសជិតខាង និងដៃគូនានា ដើម្បីរៀបចំជាកម្មវិធីសម្រាប់កុមារ សិស្ស និស្សិត កម្មវិធីផ្លាស់ប្ដូរការសិក្សា កម្មវិធីទស្សនកិច្ចសិក្សាផ្សេងៗ ដែលធ្វើឱ្យសិស្ស និស្សិតមានឱកាសចេញទៅសិក្សានៅក្រៅប្រទេសរយៈពេលខ្លី និងចូលរួមកម្មវិធីកម្រិតអន្តរជាតិនានាតាមរយៈអាហារូបករណ៍។ នេះជាការបើកទូលាយមួយឱ្យសិស្ស​ និស្សិតកម្ពុជាមាន​ឱកាសបានស្វែងយល់ ឬសិក្សា ក៏ដូចជាមានបទពិសោធផ្ទាល់ជាមួយមនុស្សជុំវិញភពលោកដែលមានបទពិសោធ ឬជំនឿខុសគ្នា ក្នុងទិសដៅដើម្បីឱ្យកូនខ្មែរ អាចរស់នៅក្នុងសង្គមមួយដែលជួបមនុស្សខុសៗគ្នាដោយសុខសន្ដិភាព ។ លើសពីនេះ រាជរដ្ឋាភិបាលកម្ពុជា ក៏ជំរុញឱ្យកម្ពុជារៀបចំព្រឹត្តិការណ៍អន្តរជាតិ រួមមាន កិច្ចប្រជុំកំពូលអាស៊ាន ព្រឹត្តិការណ៍ប្រកួតកីឡាស៊ីហ្គេម និងអាស៊ានប៉ារាហ្គេម ដែលជាឱកាសមួយដែលជំរុញឱ្យយុវជនកម្ពុជា ក៏ដូចជាពលរដ្ឋកម្ពុជា មើលឃើញពីសារៈសំខាន់នៃកិច្ចសហប្រតិបត្តិការ ក៏ដូចជាការធ្វើការងារស្ម័គ្រចិត្ត ឬទំនាក់ទំនងផ្ទាល់ជាមួយមនុស្សដែលមកពីប្រទេសនានា ហើយមើលឃើញពីសារៈសំខាន់នៃការរស់នៅរួមគ្នា ជាប្រជាជាតិនៅលើពិភពលោក។

ធនធនមនុស្សកម្ពុជាក្លាយជាពលរដ្ឋសកលនៅថ្ងៃអនាគត

បើតាមការបញ្ជាក់របស់ អ្នកនាំពាក្យក្រសួងអប់រំ ដើម្បីអាចអភិវឌ្ឍខ្លួនក្លាយជាពលរដ្ឋសកល យុវជនគួរស្វែងយល់ឱ្យបានច្បាស់ពីបច្ចុប្បន្នភាព សាកលភាវូប​នីយកម្ម និងការរស់នៅមានឥទ្ធិពលចំពោះគ្នាទៅវិញទៅមកនៅលើពីភពលោក។ លើសពីនេះ ចូលរួមសកម្មភាពនានាដែលសាលារៀន ក៏ដូចជារដ្ឋាភិបាលផ្ដល់ឱកាស ដើម្បីអាចធ្វើការងារស្ម័គ្រចិត្ត ឬចូលរួមក្នុងសហគមន៍ ដែលសកម្មភាពនេះ នឹងជួយឱ្យគាត់ក្លាយជាពលរដ្ឋមួយល្អពេញលេញ មិនមែនសម្រាប់កម្ពុជាជាប៉ុណ្ណោះទេ តែសម្រាប់ពិភពលោកទាំងមូល។

គួរជម្រាបជូនថា ការអប់រំភាពជាពលរដ្ឋសកល ជាគំនិតផ្ដួចផ្ដើមរបស់អង្គការយូណេស្កូនៅឆ្នាំ២០១២ ក្នុងគោលដៅជំរុញការអប់រំប្រជាពលរដ្ឋទូទៅឱ្យក្លាយជាពលរដ្ឋសកល។ ក្រឡេកមើល​នៅក្នុង​សង្គម​ខ្មែរ ការអប់រំ​ភាពជា​ពលរដ្ឋ​សកល ជា​កិច្ចការ​មួយ ដែល​ក្រសួង​អប់រំ យុវជន និង​កីឡា បាននិងកំពុង​បន្ដ​ខិតខំ​ប្រឹងប្រែង​បង្រៀន​អ្នកសិក្សា​។ ក្នុងន័យនេះ ក្រសួង​អប់រំ យុវជន និង​កីឡា​បានដាក់​ចេញ​នូវ​គោលនយោបាយ យុទ្ធសាស្ដ្រ និង​សកម្មភាព​តាម​កម្មវិធីសិក្សា​មួយចំនួន ដើម្បី​ផ្ដល់​ជា​ពុទ្ធិ​ដល់​លោកគ្រូ អ្នកគ្រូ សិស្សានុសិស្ស​ឱ្យ​យល់​កាន់តែច្បាស់​ពី​ភាពជា​ពលរដ្ឋ​សកល​៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍​ ​១០០​%​ ​សម្តេច​តេជោ​ ហ៊ុន សែន ​និង​សម្តេច​កិត្តិ​ព្រឹទ្ធ​បណ្ឌិត​ ​ផ្តល់​ជូន​ការ​សិក្សា​នៅ​វិទ្យាស្ថាន​បច្ចេកវិទ្យា​កម្ពុជា​ ​(​IT​C​)​ ​ចំនួន​ ២០​កន្លែង​

ព័ត៌មានអាហារូបករណ៍, ព្រឹត្តិការណ៍

• 03/09/2026

​គណៈកម្មាធិការ​អាហារូបករណ៍​សិស្ស​-​និស្សិត​ក្រីក្រ ​សម្តេច​អគ្គ​មហា​សេនាបតី​តេជោ ហ៊ុន​ សែន ​និង​សម្តេច​កិត្តិ​ព្រឹទ្ធ​បណ្ឌិត​ ​តាមរយៈ​សម្តេច​មហា​បវរធិបតី​ ​ហ៊ុន​ ម៉ាណែត ​និង​លោក​ជំទាវ​បណ្ឌិត​ ​ពេជ ​ចន្ទ​មុន្នី ​បាន​ប្រកាស​ផ្តល់​អាហារូបករណ៍​ ​១០០​%​

ក្រសួងអប់រំជ្រើសរើសបេក្ខជនជាង៣ពាន់នាក់ឱ្យ​ទទួល​អាហារូបករណ៍ថ្នាក់បរិញ្ញាបត្ររង និង​ថ្នាក់បរិញ្ញាបត្រ លើជំនាញបច្ចេកទេស និងវិជ្ជាជីវៈ

ព័ត៌មានអាហារូបករណ៍, ព្រឹត្តិការណ៍

• 27/10/2025

តាមរយៈកម្មវិធី Competency Based ក្រសួងអប់រំ យុវជន និងកីឡា បានប្រកាស​ជ្រើសរើស​សិស្សានុសិស្ស​ដែលបានប្រឡង​ជាប់សញ្ញាបត្រ​បច្ចេកទេស និង​វិជ្ជាជីវៈកម្រិត៣ ​សរុបចំនួន ៣ ០២៥កន្លែង...

អាហារូបករណ៍សិក្សាថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែងពី CGTI ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 11/08/2023

វិទ្យាស្ថានបណ្តុះបណ្តាលសម្លៀកបំពាក់កម្ពុជា(CGTI) ប្រកាស់ប្រលងជ្រើសរើសសិស្សសិក្សាអាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែង។ សិស្សជាប់​ ឬធ្លាក់...

អាហារូបករណ៍ថ្នាក់បរិញ្ញាបត្រចំនួន១០កន្លែងនៅវិទ្យាស្ថានជាតិសហគ្រិនភាព និងនវានុវត្តន៍ ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 05/12/2023

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិសម្រាប់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សា...

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Ubon Ratchathani ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 20/09/2024

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Ubon Ratchathani នៃប្រទេសថៃសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រក្រោមជំនាញសិក្សាជាច្រើន។

មជ្ឈមណ្ឌលស៉ីមេអូ RELC ផ្ដល់អាហារូបករណ៍ដល់បុគ្គលិកអប់រំចំនួន១៤កន្លែង លើវគ្គបណ្ដុះបណ្ដាល និងបច្ចេកទេសបង្រៀនភាសាអង់គ្លេស

ព័ត៌មានអាហារូបករណ៍, ព្រឹត្តិការណ៍

• 25/07/2025

ក្រសួងអប់រំ យុវជន និងកីឡា បានប្រកាសជ្រើសរើស បុគ្គលិកអប់រំ និងគ្រូបង្រៀនភាសាអង់គ្លេស ចំនួន១៤នាក់ ទៅសិក្សាអាហារូបករណ៍ វគ្គបណ្ដុះបណ្ដាលភាសាអង់គ្លេស នៅ មជ្ឈមណ្ឌលស៊ីមេអូ RELC សម្រាប់ឆ្នាំ២០២៦។ វគ្គបណ្ដុះបណ្ដាល..

ក្រសួងអប់រំ ជ្រើសរើសគ្រូប្រឹក្សាគរុកោសល្យថ្នាក់បរិញ្ញាបត្រជាន់ខ្ពស់អប់រំចំនួន៣២កន្លែង

ព័ត៌មានអាហារូបករណ៍, ព្រឹត្តិការណ៍

• 02/06/2023

ក្រសួងអប់រំ យុវជន និងកីឡា ប្រកាសជ្រើសរើសគ្រូប្រឹក្សាគរុកោសល្យថ្នាក់បរិញ្ញាបត្រជាន់ខ្ពស់អប់រំឯកទេសប្រឹក្សាគរុកោសល្យ ជំនាន់ទី៥ ឆ្នាំសិក្សា២០២៣-២០២៤ ។ ...

អាហារូបករណ៍ថ្នាក់បរិញ្ញាបត្រចំនួន ៣៣០កន្លែងនៅវិទ្យាស្ថានជាតិសង្គមកិច្ចឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 04/09/2024

ឱកាសសិក្សាអាហារូបករណ៍ចំនួន៣៣០កន្លែងថ្នាក់បរិញ្ញាបត្រនៅវិទ្យាស្ថានជាតិសង្គមកិច្ចសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាលើមុខជំនាញដែលកំពុងមានតម្រូវការទីផ្សារការងារជាច្រើនមុខជំនាញ។

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ MGIMO ចំនួន៣កន្លែង

ព័ត៌មានអាហារូបករណ៍, ព្រឹត្តិការណ៍

• 26/05/2025

យោងតាមសមាគមនិស្សិតខ្មែរប្រចាំសហព័ន្ធរុស្សី ពេលនេះ សាកលវិទ្យាល័យ MGIMO បាន​ប្រកាសជ្រើសរើសនិស្សិតចំនួន៣កន្លែង សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ក្នុង​ឆ្នាំសិក្សា២០២៥-២០២៦។