លោក អ៉ីង វន្នី ចំណាយពេលជាង ៨ឆ្នាំ ចងក្រងសៀវភៅ “ជំនាញចិញ្ចឹមអប់រំកូន” ដើម្បីរួមចំណែកកសាងគ្រួសារខ្មែរ និងសង្គមស៊ីវិល័យសម័យថ្មី

ភ្នំពេញ — លោក អ៉ីង វន្នី អ្នកជំនាញខាងចិត្តសាស្ត្រ ការអប់រំកុមារតូច និងការបណ្តុះបណ្តាលឪពុកម្តាយ បានចំណាយពេលតស៊ូ និងស្រាវជ្រាវអស់រយៈពេលជាង ៨ឆ្នាំ ដើម្បីចងក្រង និង​បោះពុម្ពផ្សាយសៀវភៅមួយក្បាលដ៏មានតម្លៃសម្រាប់ឪពុកម្តាយ​គ្រប់រូប មានចំណងជើងថា “ជំនាញចិញ្ចឹមអប់រំកូន៖ ការវិនិយោគដែលមិនអាចកាត់ថ្លៃបាន” ។ គោលបំណងចម្បងនៃសៀវភៅនេះ គឺដើម្បីជំរុញការចិញ្ចឹមអប់រំកូនសម័យថ្មី និងរួមចំណែកកសាងគ្រួសារខ្មែរឱ្យមានសុភមង្គល និងសង្គមស៊ីវិល័យកម្ពុជាឱ្យកាន់តែរីកចម្រើន។

ហេតុអ្វីត្រូវរៀនជំនាញចិញ្ចឹមអប់រំកូន?

ក្នុងនាមជាឪពុកដែលមានកូនស្រី ២នាក់ និងមានបទពិសោធន៍ជាង ២០ឆ្នាំ ក្នុងវិស័យបណ្តុះបណ្តាលជំនាញទន់ លោក អ៉ីង វន្នី បានលើកឡើងថា ពាក្យ “ជំនាញ” ត្រូវបានរំលេចក្នុងចំណងជើងសៀវភៅនេះ ពីព្រោះឪពុកម្ដាយភាគច្រើនមិនបានគិតថា ការចិញ្ចឹមអប់រំកូនគឺជាជំនាញដែលត្រូវរៀននោះទេ ពោលគឺពួកគាត់គ្រាន់តែធ្វើតាមអ្វីដែលធ្លាប់ឃើញ ឬយល់ឃើញប៉ុណ្ណោះ។

លោក អ៉ីង វន្នី អ្នកនិពន្ធសៀវភៅ «ជំនាញចិញ្ចឹមអប់រំកូន»

លោក អ៉ីង វន្នី បានសង្កត់ធ្ងន់ថា «ប្រសិនបើឪពុកម្ដាយអត់រៀនពីជំនាញចិញ្ចឹមអប់រំកូន គឺអត់ចេះ បើអត់ចេះ ចិញ្ចឹមកូនអត់បានល្អទេ។ ហើយយើងមិនអាចពឹងផ្អែកលើសំណាង ឬចៃដន្យទៀតទេ យើងត្រូវតែមានប្រព័ន្ធរួម ពោលគឺជំនាញចិញ្ចឹមអប់រំកូនឱ្យបានត្រឹមត្រូវ»

ការមើលឃើញពីគម្លាតនៃការអប់រំកុមារតូចនៅក្នុងប្រទេសកម្ពុជា ក៏ដូចជាទស្សនៈវិស័យចង់ឃើញកុមារកម្ពុជាក្លាយជា «ទំពាំងដ៏ល្អ» នេះ បានជំរុញទឹកចិត្តលោក វន្នី សរសេរសៀវភៅនេះឡើង ហើយលោកជឿជាក់ថា ប្រសិនបើយើងមិនចង់ឃើញអ្នកជំនាន់ក្រោយពិបាកដូចយើង ការចិញ្ចឹមអប់រំកុមារតូច គឺសំខាន់បំផុត។

សៀវភៅកើតចេញពីបេះដូង និងបទពិសោធន៍

សៀវភៅ «ជំនាញចិញ្ចឹមអប់រំកូន» នេះមានកម្រាស់ ២៧០ទំព័រ ចែកចេញជា ១០ជំពូក និង ៤៨មេរៀន។ មេរៀនទាំងអស់​ក្នុងសៀវភៅនេះ ត្រូវ​បានបំប្លែងពីបទពិសោធន៍ដែលផ្អែកលើលក្ខណៈវិទ្យាសាស្រ្ត ឱ្យទៅជាភាសាដ៏សាមញ្ញបំផុតសម្រាប់ឪពុកម្ដាយ និងសាធារណជនទូទៅងាយយល់។

លោក អ៉ីង វន្នី បានសម្តែងនូវមោទនភាពយ៉ាងខ្លាំង ដោយចាត់ទុកសៀវភៅនេះ មិនមែនជាសៀវភៅធម្មតានោះទេ ប៉ុន្តែជា «ផលិតផលបញ្ញា» ដែលកើតចេញពីបេះដូង បទពិសោធន៍ និងបេសកកម្មរបស់លោកក្នុងការកសាងគ្រួសារដោយសុភមង្គល និងជួយឱ្យកុមារមានបញ្ញាខាងអារម្មណ៍ និងគុណភាពនៃការគិតខ្ពស់។

ជំរុញការចិញ្ចឹមអប់រំកូនសម័យថ្មី

ពិន្ទុវិជ្ជមានពីអ្នកអាន

សៀវភៅ “ជំនាញចិញ្ចឹមអប់រំកូន” បានបោះពុម្ពផ្សាយ​ជាលើកដំបូង​កាលពីប៉ុន្មានខែមុននេះ ហើយទទួល​បាន​ការឆ្លើយតបជាវិជ្ជមានពីអ្នកអានដែលជាឪពុកម្ដាយភាគច្រើន។ ពួកគាត់លើកឡើងថា សៀវភៅនេះបានជួយកាត់បន្ថយស្រ្តេស ដោយបង្រៀនពួកគាត់ឱ្យក្លាយជា «ឪពុកម្ដាយធម្មតា» ដែលចេះបន្តរៀន មិនចាំបាច់ជាឪពុកម្ដាយល្អឥតខ្ចោះនោះទេ។ សៀវភៅនេះ ក៏​ជួយឪពុកម្ដាយឱ្យយល់ពីគោលដៅវែងឆ្ងាយ ក្នុងការអប់រំកូនឱ្យបានល្អ ដោយឈប់ប្រើវិធីសម្លុត ឬគំរាមកូន។

លោក អ៉ីង វន្នី រីករាយបំផុតនៅពេលឪពុកម្ដាយចាប់ផ្ដើមយល់ថា ការសម្លុតកូន ដើម្បីចង់ឱ្យកូនមានទំនុកចិត្ត ភាពក្លាហាន និងស្មោះត្រង់ គឺមិនមែនជាវិធីល្អនោះទេ។ ដូច្នេះ ឪពុកម្ដាយភាគច្រើនបានកែប្រែមកជាការរស់នៅធ្វើជាគំរូល្អសម្រាប់កូន គោរពកូន និងមិនកុហកកូនវិញ ទើបអាចជួយបណ្ដុះកូនឱ្យមានទំនុកចិត្ត ភាពក្លាហាន ស្មោះត្រង់ និងក្លាយជាធនធានមនុស្សល្អសម្រាប់សង្គម។

យ៉ាងណាក៏ដោយ លោក អ៉ីង វន្នី រំពឹងថា សៀវភៅ “ជំនាញចិញ្ចឹមអប់រំកូន” នឹងក្លាយជាមគ្គុទ្ទេសក៍ ដ៏មានប្រយោជន៍សម្រាប់សាធារណៈជនទូទៅ ជាពិសេស អ្នកដែលត្រៀមយកគ្រួសារ និងមានកូន, ឪពុកម្ដាយថ្មីថ្មោង ឬយូរឆ្នាំ, គ្រូបង្រៀន និងអ្នកថែទាំកុមារ។ លោកក៏សង្ឃឹមដែរថា សៀវភៅនេះ ក៏នឹងទៅដល់ដៃមនុស្សគ្រប់រូប ទាំងសៀវភៅធម្មតា និងសៀវភៅសំឡេង ដើម្បីឱ្យពួកគាត់អាចបន្ថែមជំនាញចិញ្ចឹមអប់រំកូន យល់ពីចិត្តសាស្រ្តកុមារ និងការអប់រំកូនដោយសេចក្ដីស្រឡាញ់ ដើម្បីកសាងមនុស្សជំនាន់ក្រោយឱ្យក្លាយជាពលរដ្ឋដ៏មានគុណភាពសម្រាប់សង្គមជាតិ និងពិភពលោក៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

សិក្សាជំនាញបច្ចេកទេសរថយន្តឥតបង់ថ្លៃ នៅវិទ្យាស្ថានបច្ចេកទេស ហ្ស៊ី វ៉េ សេ

ព័ត៌មានអាហារូបករណ៍, ព្រឹត្តិការណ៍

• 12/03/2026

ជាឱកាស​សម្រាប់យុវជន​ដែលចង់ចេះជំនាញជួសជុលរថយន្ត ពេលនេះវិទ្យាស្ថានបច្ចេកទេស ហ្ស៊ី វ៉េ សេ បានប្រកាស​ចុះឈ្មោះចូលរៀន​ដោយ​ឥតគិតថ្លៃ ក្រោម​គម្រោងកម្មវិធីសិក្សា TVET 1.5M របស់រាជរដ្ឋាភិបាល។

ក្រសួងអប់រំ ជ្រើសរើសគ្រូបង្រៀនទៅផ្លាស់ប្ដូរការបង្រៀននៅសាធារណរដ្ឋកូរ៉េ

ព័ត៌មានអាហារូបករណ៍, ព្រឹត្តិការណ៍

• 19/02/2025

ឱកាសផ្លាស់ប្ដូរបទពិសោធន៍ការបង្រៀនសម្រាប់គ្រូកម្ពុជា ទៅបង្រៀននៅសាធារណរដ្ឋកូរ៉េចំនួន៨៩ថ្ងៃ ក្រោមការសហការរបស់ ក្រសួងអប់រំ យុវជន និងកីឡា និង អង្គការអាស៊ី-ប៉ាស៊ីហ្វិក នៃការអប់រំសម្រាប់ការយល់ដឹងសកល នៃសាធារណរដ្ឋកូរ៉េ...

PSU-TUYF ប្រកាសផ្ដល់អាហារូបករណ៍ថ្នាក់បរិញ្ញាបត្រគណិតវិទ្យា និងវិទ្យាសាស្ត្រកុំព្យូទ័រ សិក្សានៅប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 27/02/2023

កម្មវិធីអាហារូបករណ៍ PSU-TUYF បានប្រកាស​ផ្ដល់អាហារូបករណ៍ថ្នាក់បរិញ្ញាបត្រសិក្សាជំនាញគណិតវិទ្យា និងវិទ្យាសាស្ត្រកុំព្យូទ័រដល់និស្សិតកម្ពុជាសម្រាប់ឆ្នាំសិក្សា២០២៣ ។...

អាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare ប្រទេសជប៉ុន

ព័ត៌មានអាហារូបករណ៍, ព្រឹត្តិការណ៍

• 03/05/2023

សាកលវិទ្យាល័យ International University of Health and Welfare ប្រទេសជប៉ុនប្រកាសជ្រើសរើសនិស្សិតឆ្នាំមូលដ្ឋាន និងឆ្នាំទី២ផ្នែកវេជ្ជសាស្ត្រនៃសាកលវិទ្យាល័យវិទ្យាសាស្ត្រ...

អាហារូបករណ៍ថ្នាក់បរិញ្ញាបត្រនៅសហរដ្ឋអាមេរិកពីកម្មវិធីអាហារូបករណ៍ SHE-CAN ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 26/09/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅសហរដ្ឋអាមេរិកពីកម្មវិធីអាហារូបករណ៍SHE-CAN សម្រាប់ឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូនសម្រាប់សិស្សស្រីដែលមានភាពជាអ្នកដឹកនាំ និងចង់បន្តការ.....

អាហារូបករណ៍ភាសាអង់គ្លេសសម្រាប់សិស្សថ្នាក់ទី១២ ដើម្បីត្រៀមប្រឡងបាក់ឌុប

ព័ត៌មានអាហារូបករណ៍, ព្រឹត្តិការណ៍

• 04/06/2025

ក្រសួងអប់រំ យុវជន និងកីឡា ក្រោមកិច្ចសហការ និងការគាំទ្រពី មជ្ឈមណ្ឌលអូស្ត្រាលីសម្រាប់ការបណ្តុះបណ្តាល (ACE) និងសាលាអន្តរជាតិកម្ពុជាអូស្រ្តាលី (Australia Cambodia Education Academy – AusCam Academy)

ឱកាស​អាហារូបករណ៍រៀនជំនាញ TVET ចំនួន ៦៦៥កន្លែង នៅវិទ្យាស្ថានពហុបច្ចេកទេសខេត្តកំពង់ឆ្នាំង

ព័ត៌មានអាហារូបករណ៍, ព្រឹត្តិការណ៍

• 30/05/2025

វិទ្យាស្ថានពហុបច្ចេកទេសខេត្តកំពង់ឆ្នាំង ដែលជាគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈរបស់រដ្ឋតែមួយគត់ចំណុះក្រសួងការងារ និងបណ្ដុះបណ្ដាលវិជ្ជាជីវៈនៅខេត្តកំពង់ឆ្នាំង បានប្រកាសផ្ដល់អាហារូបករណ៍១០០%...

អាហារូបករណ៍ ទៅសិក្សានៅប្រទេសហុងគ្រី (HUNGARY) សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 17/12/2025

សម្រាប់ឆ្នាំសិក្សា​២០២៦-២០២៧ ក្រោម​កម្មវិធីអាហារូបករណ៍ Stipendium Hungaricum Programme របស់រដ្ឋាភិបាល នៃប្រទេស​ហុងគ្រី នឹង​ផ្តល់អាហារូបករណ៍ ចំនួន ៣០កន្លែង ដល់និស្សិត​កម្ពុជា ដើម្បី​ទៅបន្ត​ការ​សិក្សា...

ឱកាស​អាហារូបករណ៍​ទៅ​សិក្សា​នៅ​ប្រទេសចិន តាមរយៈអាហារូបករណ៍​រដ្ឋាភិបាលចិន​ឆ្នាំ​២០២៥

ព័ត៌មានអាហារូបករណ៍, ព្រឹត្តិការណ៍

• 17/12/2024

តាមរយៈ​ស្ថានទូត​ចិន​ប្រចាំ​ព្រះរាជាណាចក្រ​កម្ពុជា សហការជាមួយ​សហភាពសហព័ន្ធ​យុវជន​កម្ពុជា នឹងផ្តល់​អាហារូបករណ៍​ដល់​យុវជន​កម្ពុជា​ដើម្បី​បន្ត​ការសិក្សា​ថ្នាក់​ឧត្តមសិក្សា​នៅ​ប្រទេសចិនសម្រាប់ឆ្នាំសិក្សា​២០២៥។