ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងពិធីសំណេះសំណាលជាមួយសិស្សនិទ្ទេស A នៅស្រុកកងមាស កាលពីពេលថ្មីៗនេះ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានណែនាំដល់សិស្សានុសិស្ស ត្រូវពិចារណាឱ្យបានម៉ត់ចត់ក្នុងការជ្រើសរើសយកមុខវិជ្ជាសិក្សាបន្ត ដោយឱ្យស្របតាមចំណង់ចំណូលចិត្ត និងទីផ្សារការងារក្នុងសង្គម។
រដ្ឋមន្ត្រីក្រសួងអប់រំ មានប្រសាសន៍ថា ការជ្រើសរើសយកមុខវិជ្ជាណាដែលស្របតាមចំណង់ចំណូលចិត្ត និងទីផ្សារការងារក្នុងសង្គម គឺជាទុនដ៏សំខាន់ក្នុងការកសាងជីវភាពរស់នៅផ្ទាល់ខ្លួន គ្រួសារ និងការចូលរួមអភិវឌ្ឍប្រទេសជាតិ ជាពិសេសត្រូវអភិវឌ្ឍជំនាញទន់របស់ខ្លួន ដើម្បីពង្រឹងភាពជាពលរដ្ឋក្នុងសង្គម ប្រកបដោយសីលធម៌ គុណធម៌ និងសុជីវធម៌ ក្នុងការចូលរួមចំណែកអភិវឌ្ឍមូលធនមនុស្សសម្រាប់ប្រទេសជាតិ។
ក្នុងឱកាសនោះ ឯកឧត្តមបណ្ឌិតសភាចារ្យ ក៏បានថ្លែងអំណរគុណ និងអបអសាទរដល់មាតាបិតា អាណាព្យាបាល លោកគ្រូ អ្នកគ្រូ ក្រុមការងារគ្រប់លំដាប់ថ្នាក់ដែលបានយកចិត្តទុកដាក់ជួយជ្រោមជ្រែងដល់សិស្សានុសិស្សទាំងអស់ រហូតដល់ការសិក្សារបស់សិស្សទទួលបានលទ្ធផលល្អ។ ឯកឧត្តមថា លទ្ធផលនេះ បានសរបញ្ជាក់ឱ្យឃើញពីការខិតខំប្រឹងប្រែង បង្ហាត់បង្រៀនអស់ពីកម្លាំងកាយកម្លាំងចិត្ដ ការយកចិត្តទុកដាក់របស់លោកគ្រូ អ្នកគ្រូ គណៈគ្រប់គ្រងសាលា ការលើកទឹកចិត្តពីមាតាបិតា អាណាព្យាបាល និងការខិតខំប្រឹងប្រែងផ្ទាល់ខ្លួនរបស់ក្មួយៗសិស្សានុសិស្ស។
សូមជំរាបថា ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង ៖ ២៨ សីហា ២០២៥ មានបេក្ខជនប្រឡងជាប់សរុបចំនួន ១២២,៤៧៣នាក់ ដែលត្រូវជា៨៤.៥៦ភាគរយ នៃចំនួនបេក្ខជនមកប្រឡង។ ដោយឡែកអត្រាសិស្សប្រឡងជាប់ក្នុងស្រុកកងមាសមានដល់ទៅ ៩៩%៕
