ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងគោលបំណងរួមចំណែកលើកកម្ពស់គុណភាពអប់រំ និងជំរុញការអភិវឌ្ឍមូលធនមនុស្សឆ្លើយតបបានទៅនឹងតម្រូវការ នៃការអភិវឌ្ឍសេដ្ឋកិច្ច-សង្គម ពិសេសសម្រាប់ខេត្តបន្ទាយមានជ័យ, សាកលវិទ្យាល័យជាតិមានជ័យ កាលពីថ្ងៃពុធ (១៣ ឧសភា) បានចុះអនុស្សរណៈ នៃការយោគយល់គ្នា (MoU) ជាមួយគ្រឹះស្ថានមធ្យមសិក្សារដ្ឋទាំង៣០ ក្នុងខេត្តបន្ទាយមានជ័យ។
កិច្ចសហប្រតិបត្តិការរវាងសាកលវិទ្យាល័យជាតិមានជ័យ ជាមួយវិទ្យាល័យទាំង៣០នេះ រួមមាន គាំទ្រ និងជំរុញសិស្សានុសិស្សឱ្យបន្តការសិក្សានៅសាកលវិទ្យាល័យ, រៀបចំពិព័រណ៍មគ្គុទ្ទេសក៍អាជីព និងការទស្សនកិច្ចសិក្សា, សហការស្វែងរក និងអនុវត្តគម្រោងអភិវឌ្ឍន៍នានា, រៀបចំវគ្គបំប៉នមុខវិជ្ជាសំខាន់ៗសម្រាប់សិស្សត្រៀមប្រឡងសញ្ញាបត្រមធ្យមសិក្សាទុតិយភូមិ, ជំរុញការគាំទ្រគ្នាទៅវិញទៅមក ពិសេសការប្រើប្រាស់ធនធានមួយចំនួន ហេដ្ឋារចនាសម្ព័ន្ធរូបវ័ន្តរបស់សាកលវិទ្យាល័យ និងសហការផ្តល់ឱកាសអាហារូបករណ៍ឱ្យកាន់តែទូលំទូលាយដល់សិស្សានុសិស្ស និងគ្រូបង្រៀន។
ឯកឧត្តម សាន វឌ្ឍនា រដ្ឋលេខាធិការ ក្រសួងអប់រំ យុវជន និងកីឡា និងជាប្រធានក្រុមប្រឹក្សាភិបាលសាកលវិទ្យាល័យជាតិមានជ័យ មានប្រសាសន៍ថា តាមរយៈ MoU នេះ នឹងមានការចែករំលែកធនធានរូបវ័ន្តរបស់សាកលវិទ្យាល័យចំពោះសិស្សវិទ្យា ក៏ដូចជា ផ្តល់ឱកាសដល់សិស្សវិទ្យាល័យ អាចមកទស្សនៈកិច្ចសិក្សា និងឈ្វេងយល់ពីជំនាញនៅសាកលវិទ្យាល័យ ក្នុងមួយឆ្នាំ២ដង។
ពិសេសទៅទៀតនោះ សាកលវិទ្យាល័យ នឹងជួយផ្តល់បច្ចេកទេសក្នុងការជួយបង្រៀនជំនាញកុំព្យូទ័រ និងភាសាបរទេសដល់សិស្សានុសិស្ស៕
