ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
រូបភាពគ្មានសណ្តាប់ធ្លាប់នៅតាមមណ្ឌលបោះឆ្នោត គ្មានទៀតឡើយនៅក្នុងការបោះឆ្នោតជ្រើសតាំងតំណាងរាស្រ្តនីតិកាលទី៧ ដែលបានប្រព្រឹត្តទៅកាលពីថ្ងៃទី២៣ ខែកក្កដា ឆ្នាំ២០២៣កន្លងទៅ ។ ជាការកត់សម្គាល់ គេឃើញប្រជាពលរដ្ឋទៅចូលរួមបោះឆ្នោតប្រកបដោយសណ្តាប់ធ្លាប់ របៀបរៀបរាយ ដែលបង្ហាញថា ប្រជាពលរដ្ឋកម្ពុជាកាន់តែមានភាពចាស់ទុំ។
លោកបណ្ឌិត ឈត ប៊ុនថង ប្រធានវិទ្យាស្ថានទំនាក់ទំនងវប្បធម៌ អប់រំ និងទេសចរណ៍ នៃរាជបណ្ឌិតសភាកម្ពុជា មានប្រសាសន៍ថា សម្រាប់ប្រជាពលរដ្ឋខ្មែរដែលគ្រប់អាយុបោះឆ្នោត ចាប់តាំងពីសម័យអ៊ុនតាក់មក ឬអាណត្តិទី១ ដែលកម្ពុជាយើងរៀបចំការបោះឆ្នោតដោយខ្លួនឯង យើងមានចំណេះដឹង មានបទពិសោធន៍ និងពីរបៀបរបបបោះឆ្នោត ដោយមិនចាំបាច់មានអាជ្ញាធរមកបង្រៀន ក៏ប្រជាពលរដ្ឋអាចទៅបោះឆ្នោតបាន ព្រោះតែមានបទពិសោធន៍។
អញ្ចឹងហើយបានឆ្លុះបញ្ចាំងនៅអាណត្តិទី៧នេះ គឺប្រជាពលរដ្ឋយើងគាត់ដឹងថា គាត់អ្វីគួរធ្វើ អ្វីមិនគួរធ្វើ ដឹងថា ត្រូវធ្វើយ៉ាងម៉េចនៅពេលបោះឆ្នោតហ្នឹង
លោកបណ្ឌិត ឈត ប៊ុនថង
បើតាមលោកបណ្ឌិត ឈត ប៊ុនថង ឥរិយាបទរបស់ប្រជាពលរដ្ឋនៅក្នុងការបោះឆ្នោតជ្រើសតាំងតំណាងរាស្រ្តនីតិកាលទី៧នេះ ក៏អាចបង្ហាញបានថា ប្រជាពលរដ្ឋយើងមានភាពចាស់ទុំខាងនយោបាយ ខាងសង្គមប្រជាធិបតេយ្យ ស្គាល់អ្វីជាការឃោសនា អ្វីទៅជាច្បាប់ អ្វីទៅជាការពិត ពោលគឺប្រជាពលរដ្ឋយើងកាន់តែមានភាពចាសទុំ។
សូមបញ្ជាក់ថា ការបោះឆ្នោតជ្រើសតាំងតំណាងរាស្រ្តនីតិកាលទី៧ បានប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ ដោយមានប្រជាពលរដ្ឋទៅបោះឆ្នោតជាង ៨,២លាននាក់ ដែលស្មើនឹងប្រមាណ ៨៤,៥៨ភាគរយ ។ អ្នកសង្កេតការណ៍អន្តរជាតិបានបង្ហាញចំណាប់អារម្មណ៍ថា ដំណើរការបោះឆ្នោតនេះ អ្នកមានសិទ្ធិបោះឆ្នោតបានគោរពច្បាប់ និងគោរពបទបញ្ជាពាក់ព័ន្ធ ហើយអ្នកមានសិទ្ធិទៅបោះឆ្នោតក៏បានចូលរួមទៅបោះឆ្នោតយ៉ាងសកម្ម ៕
