ព្រឹត្តិការណ៍​ ​”​រត់​ដើម្បី​ការ​អប់រំ​កុមារ​ព្រំដែន​” ​ប្រមូលផ្តុំ​អ្នកចូលរួម​ជាង​ ​២,៥០០​នាក់​ ​ដើម្បី​កុមារ​ភៀស​សឹក​

​មនុស្សម្នា​មកពី​គ្រប់​មជ្ឈដ្ឋាន​សរុប​ជាង​ ​២,៥០០​នាក់​ បាន​រួមគ្នា​ក្នុង​ស្មារតី​សាមគ្គីភាព​ ​បោះជំហាន​រត់​ក្នុង​ព្រឹត្តិការណ៍​ «​រត់​ដើម្បី​ការ​អប់រំ​កុមារ​ព្រំដែន​» ​កាលពី​ថ្ងៃអាទិត្យ​ ​ទី​១២​ ​ខែកក្កដា ​ឆ្នាំ​២០២៦​ ក្នុង​គោលបំណង​ប្រមូល​មូលនិធិ​សប្បុរសធម៌ ​ជួយ​ទ្រទ្រង់​ដល់​ការ​សិក្សា​របស់​កុមារ​ជាង​ ​៦,០០០​នាក់​ ​ដែល​កំពុង​បន្ត​ស្នាក់​នៅក្នុង​ជំរុំ​ភៀស​សឹក​។​

​លោក​ ​ហុង ​លីម ​ប្រធាន​សហព័ន្ធ​សេវា​អប់រំ​នៅ​កម្ពុជា​ ​(​FESC​) ​មានប្រសាសន៍​ថា​ សហព័ន្ធ​មិន​ត្រឹមតែ​បំពេញ​បេសកកម្ម​លើ​វិស័យ​អប់រំ​ប៉ុណ្ណោះ​ទេ​ ​ប៉ុន្តែ​ក៏​ផ្តោត​លើ​ការងារ​សង្គម ​ដើម្បី​ពង្រឹង​សាមគ្គីភាព​ ​បណ្តុះ​ស្មារតី​ជួយ​គ្នា​ទៅវិញទៅមក​ និង​បង្កើត​ផល​វិជ្ជមាន​ដល់​សហគមន៍​, ​លោក​ថា​ ​ព្រឹត្តិការណ៍​ «​រត់​ដើម្បី​ការ​អប់រំ​កុមារ​ព្រំដែន​» ​បាន​ឆ្លុះបញ្ចាំង​ពី​ស្មារតី​រួបរួម​ និង​ការ​ចូលរួម​គាំទ្រ​ការ​អប់រំ​របស់​សង្គម​ទាំងមូល​។​

​លោក​បន្ត​ថា​ «​រាល់​ជំហាន​ដែល​ពួកយើង​បាន​បោះ​ទៅ​មុខ​ក្នុង​ថ្ងៃ​នេះ​ ​គឺជា​ជំហាន​ឆ្ពោះ​ទៅកាន់​អនាគត​ដ៏​ភ្លឺស្វាង​របស់​កុមារ​នៅ​តាម​តំបន់​ព្រំដែន​ដាច់ស្រយាល ​ជាពិសេស​ក្មួយ​ៗ​សិស្សានុសិស្ស​ដែល​ទទួលរង​ផលប៉ះពាល់​ពី​សង្គ្រាម​កន្លងមក​»​។​

​ព្រឹត្តិការណ៍​នេះ​ត្រូវបាន​រៀបចំ​ដោយ​សហព័ន្ធ​សេវា​អប់រំ​នៅ​កម្ពុជា​ ​សហការ​ជាមួយ​ក្រសួង​អប់រំ ​យុវជន​ និង​កីឡា​ ​និង​ទទួល​ការ​គាំទ្រ​ពី​ក្រុមហ៊ុន​ជីប ​ម៉ុង ​ក្នុង​គោលបំណង​ប្រមូល​មូលនិធិ​សប្បុរស​ធម៌​ប្រគល់​ជូន​ក្រសួង​អប់រំ ​យុវជន​ និង​កីឡា ​ដើម្បី​ជួយ​ឱ្យ​កុមារ​ដែល​រង​ផលប៉ះពាល់​ពី​ជម្លោះ​ព្រំដែន​កម្ពុជា​-​ថៃ ​អាច​បន្ត​ការ​សិក្សា​ ​និង​អភិវឌ្ឍ​ខ្លួន​ជា​ធនធាន​មនុស្ស​សម្រាប់​ប្រទេសជាតិ​។​

​នា​ឱកាស​នោះ​ ​ឯកឧត្តម​បណ្ឌិត​សភាចារ្យ​ ​ហង់​ជួន​ ណារ៉ុន ​បាន​មានប្រសាសន៍​ថា​ ​កម្មវិធី​នេះ​មិន​ត្រឹមតែ​ជា​ការ​ប្រមូល​មូលនិធិ​ជួយ​ដល់​សាលារៀន​ ​និង​កុមារ​នៅ​តាម​ព្រំដែន​ប៉ុណ្ណោះ​ទេ​ ​ប៉ុន្តែ​ក៏​ជា​ការ​លើកកម្ពស់​ស្មារតី​ស្នេហាជាតិ ​សាមគ្គីភាព​ ​និង​ឯកភាព​ជាតិ​ តាមរយៈ​វិស័យ​កីឡា ​ព្រមទាំង​ជំរុញ​ឱ្យ​ប្រជាពលរដ្ឋ​ថែរក្សា​សុខភាព​ និង​រួមគ្នា​គាំទ្រ​អនាគត​របស់​កុមារ​កម្ពុជា​។​

​សូម​ជម្រាប​ថា​ រហូតមកទល់​ពេលនេះ​នៅ​មាន​កុមារ​ប្រមាណ​ជាង​៦,០០០​នាក់​ បន្ត​ស្នាក់​នៅក្នុង​ជំរុំ​ភៀស​សឹក​ បន្ទាប់ពី​ភូមិក​រ ​និង​ផ្ទះ​សំបែង​របស់​ពួកគេ​ត្រូវបាន​យោធា​ថៃ​ចូលកាន់កាប់​ ​និង​បំផ្លិចបំផ្លាញ​ដោយ​ខុស​ច្បាប់​ក្រោយ​បទ​ឈប់​បាញ់​ចូល​ជាធរមាន​៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសម្រាប់និស្សិតកម្ពុជាជំនាញវិចិត្រសិល្បៈទៅផ្លាស់ប្តូរបទពិសោធន៍សិក្សានៅ Korea National University of Heritage

ព័ត៌មានអាហារូបករណ៍, ព្រឹត្តិការណ៍

• 14/10/2026

ជា​ឱកាសសម្រាប់និស្សិតកម្ពុជា​ដែលកំពុងសិក្សាចាប់ពីឆ្នាំទី២ រហូត ដល់ឆ្នាំទី៤ នៃមហាវិទ្យាល័យបុរាណវិទ្យា មហាវិទ្យាល័យស្ថាបត្យកម្មនិងនគរូបនីយវិទ្យា និងមហាវិទ្យាល័យ

អាហារូបករណ៍រដ្ឋាភិបាលចិន CSC Type B ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 31/03/2026

សាកលវិទ្យាល័យ China University of Geosciences, Beijing នៅរដ្ឋធានីប៉េកាំង តាមរយៈ​សមាគមនិស្សិតកម្ពុជា​ប្រចាំ​សាធារណរដ្ឋប្រជាមានិតចិន នឹង​ជ្រើសរើស​និស្សិត​កម្ពុជាឆ្នើម​ចំនួន ៥ សម្រាប់អាហារូបករណ៍...

អាហារូបករណ៍សិក្សាជំនាញវិជ្ជាជីវៈចំនួន៥០០នាក់នៅវិទ្យាស្ថានជាតិវិជ្ជាជីវៈបាត់ដំបង

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 26/09/2024

ឱកាសសិក្សាអាហារូបករណ៍ជំនាញវិជ្ជាជីវៈនៅវិទ្យាស្ថានជាតិវិជ្ជាជីវៈបាត់ដំបង ចំនួន៥០០កន្លែងសម្រាប់វគ្គសិក្សាថ្មី។ អាហារូករណ៍ផ្ដល់ជូនការសិក្សាចំនួន១៥មុខជំនាញទៅកាន់យុវជន យុវនារីដែលមកពីគ្រួសារក្រីក្រ និងគ្រួសារងាយរងហានិភ័យឱ្យចូលសិក្សាដោយឥតគិតថ្លៃ។

ក្រសួងប្រៃសណីយ និងទូរគមនាគមន៍ ផ្ដល់អាហារូបករណ៍១០០% សិក្សាវគ្គខ្លីផ្នែកសន្តិសុខបច្ចេកវិទ្យា

ព័ត៌មានអាហារូបករណ៍, ព្រឹត្តិការណ៍

• 07/06/2023

ក្រសួងប្រៃសណីយ និងទូរគមនាគមន៍ប្រកាសផ្ដល់អាហារូបករណ៍ ១០០% ចំនួន​៤០កន្លែងសម្រាប់ការ​សិក្សាផ្នែកសន្តិសុខបច្ចេកវិទ្យា ។ ជំនាញដែល...

ឱកាសសិក្សាអាហារូបករណ៍ពីកម្មវិធីអាហារូបករណ៍រដ្ឋាភិបាលជប៉ុនឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 25/04/2025

តាមរយៈស្ថានទូតជប៉ុនប្រចាំកម្ពុជា កម្មវិធីអាហារូបករណ៍រដ្ឋាភិបាលជប៉ុន MEXT ( Japanese Government Scholarship 2026) ប្រកាសផ្ដល់អាហារូបករណ៍ដល់និស្សិត​កម្ពុជា​សម្រាប់​ការ​សិក្សា​ថ្នាក់ឧត្ដមចំនួន៤កម្រិត​ នៅឆ្នាំសិក្សា២០២៦។

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Sydney ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 01/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Sydney នៃប្រទេសអូស្ដ្រាលីឆ្នាំសិក្សា២០២៣ ។ការសិក្សាផ្ដល់ដោយកម្មវិធី...

អាហារូបករណ៍ថ្នាក់បរិញ្ញាបត្រ ២០កន្លែង នៅសាកលវិទ្យាល័យវ៉ាន់ដា ពីកម្មវិធីអាហារូបករណ៍អភិសន្តិបណ្ឌិត ស សុខា សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 11/09/2026

ក្រុមការងារអាហារូបករណ៍អភិសន្តិបណ្ឌិត ស សុខា ប្រកាសផ្ដល់អាហារូបករណ៍ថ្នាក់បរិញ្ញាបត្រចំនួន ២០កន្លែង សិក្សានៅសាកលវិទ្យាល័យវ៉ាន់ដា សម្រាប់ឆ្នាំសិក្សា២០២៦-២០២៧។

អាហារូបករណ៍ថ្នាក់ឧត្ដមសិក្សានៅអាល្លឺម៉ង់ ពីកម្មវិធី Neudert-Foundation ២០២៦

ព័ត៌មានអាហារូបករណ៍, ព្រឹត្តិការណ៍

• 25/11/2025

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅប្រទេសអាល្លឺម៉ង់សម្រាប់ឆ្នាំសិក្សា២០២៦ ពីកម្មវិធីអាហារូបករណ៍ Neufert Founation Scholarship 2026។ អាហារូបករណ៍ផ្ដល់ការសិក្សារយៈពេល ១ឆ្នាំ ទៅ២ឆ្នាំ តាមកម្មវិធីសិក្សា។

ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍សិល្បៈអមតៈ អាន ចន ផន លើជំនាញសិល្បៈ និងមិនមែនសិល្បៈ

ព័ត៌មានអាហារូបករណ៍, ព្រឹត្តិការណ៍

• 25/05/2023

កម្មវិធីអាហារូបករណ៍សិល្បៈអមតៈ អាន ចន ផន បើកទទួលពាក្យស្នើសុំអាហារូបករណ៍សាច់ប្រាក់សម្រាប់សិស្ស និស្សិតសិក្សាជំនាញសិល្បៈ និងជំនាញមិនមែនសិល្បៈ ។ ...