អាជ្ញាធរគ្រប់គ្រងអ៊ីនធឺណិតរបស់ចិន កាលពីសប្ដាហ៍មុន បានចេញសេចក្ដីព្រាងច្បាប់ លើការបញ្ចេញមតិជាសាធារណៈ ដែលនឹងរឹតបន្តឹងការត្រួតពិនិត្យសេវាកម្មបញ្ញាសិប្បនិម្មិត (AI) ដែលរចនាឡើង ដើម្បីធ្វើត្រាប់តាមបុគ្គលិកលក្ខណៈរបស់មនុស្ស និងទាក់ទាញអ្នកប្រើប្រាស់ឱ្យមានទំនាក់ទំនងអារម្មណ៍។

សកម្មភាពនេះ គូសបញ្ជាក់ពីកិច្ចខិតខំប្រឹងប្រែងរបស់រដ្ឋាភិបាលទីក្រុងប៉េកាំង ក្នុងការបង្កើត និងដាក់ឱ្យប្រើប្រាស់យ៉ាងឆាប់រហ័សនៃបច្ចេកវិទ្យា AI ដែលអ្នកប្រើប្រាស់អាចទំនាក់ទំនងជាមួយបាន តាមរយៈការពង្រឹងសុវត្ថិភាព និងសីលធម៌។

ច្បាប់ដែលបានស្នើឡើង នឹងអនុវត្តចំពោះផលិតផល និងសេវាកម្ម AI ដែលផ្ដល់ជូនសាធារណជននៅក្នុងប្រទេសចិន ដែលបង្ហាញពីបុគ្គលិកលក្ខណៈរបស់មនុស្ស គម្រូនៃការគិត និងរបៀបទំនាក់ទំនង ធ្វើត្រាប់តាម និងធ្វើអន្តរកម្មជាមួយអ្នកប្រើប្រាស់ តាមរយៈអត្ថបទ រូបភាព សំឡេង វីដេអូ ឬមធ្យោបាយផ្សេងទៀត។

សេចក្ដីព្រាងច្បាប់នេះ បានដាក់ចេញនូវវិធីសាស្ត្របទប្បញ្ញត្តិមួយ ដែលតម្រូវឱ្យអ្នកផ្ដល់សេវាព្រមាន អ្នកប្រើប្រាស់អំពីការប្រើប្រាស់ហួសប្រមាណ និងធ្វើអន្តរាគមន៍ នៅពេលអ្នកប្រើប្រាស់ មានអាការញៀន។

ក្រោមសំណើរនេះ អ្នកផ្ដល់សេវានឹងត្រូវទទួលខុសត្រូវសុវត្ថិភាពពេញមួយវដ្តជីវិតផលិតផល និងបង្កើតប្រព័ន្ធសម្រាប់ការពិនិត្យឡើងវិញ នូវក្បួនដោះស្រាយ សុវត្ថិភាពទិន្នន័យ និងការការពារព័ត៌មានផ្ទាល់ខ្លួន។

សេចក្ដីព្រាងច្បាប់នេះ ក៏ផ្ដោតលើហានិភ័យផ្លូវចិត្ត ដែលអាចកើតមានផងដែរ។ អ្នកផ្ដល់សេវានឹងត្រូវបានគេរំពឹងថា នឹងកំណត់អត្តសញ្ញាណស្ថានភាពអ្នកប្រើប្រាស់ និងវាយតម្លៃអារម្មណ៍របស់អ្នកប្រើប្រាស់ និងកម្រិតនៃការពឹងផ្អែកលើសេវាកម្មរបស់ពួកគេ។ សេចក្ដីព្រាងច្បាប់នេះ បាននិយាយថា ប្រសិនបើអ្នកប្រើប្រាស់ត្រូវបានគេរកឃើញថា បង្ហាញអារម្មណ៍ខ្លាំង ឬអាកប្បកិរិយាញៀន អ្នកផ្ដល់សេវាគួរតែចាត់វិធានការចាំបាច់ ដើម្បីអន្តរាគមន៍។

​វិធានការទាំងនេះ ក៏​បានកំណត់ខ្លឹមសារ និងអនុវត្តបន្ទាត់ក្រហម ដោយបញ្ជាក់ថា សេវាកម្មមិនត្រូវបង្កើតខ្លឹមសារ ដែលបង្កគ្រោះថ្នាក់ដល់សន្ដិសុខជាតិ ផ្សព្វផ្សាយពាក្យចចារអារ៉ាម ឬលើកកម្ពស់បង្កើតខ្លឹមសារ ដែលបង្កគ្រោះថ្នាក់ដល់សន្តិសុខជាតិ ផ្សព្វផ្សាយពាក្យចចាមអារ៉ាម ឬជំរុញការប្រើអំពើហិង្សា ឬភាពអាសអាភាស៕