ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ អាហារ នំផ្អែម និងភេសជ្ជៈផ្អែម នឹងផ្តល់ផលប៉ះពាល់ច្រើនយ៉ាងដល់សុខភាពអ្នកផឹក ឬទទួលទាន ប្រសិនបើអាហារទាំងនោះមានជាតិស្ករលើសកម្រិត។ កុមារងាយរងបំផុតបើពួកគេមានទម្លាប់ទទួលទានរបស់ផ្អែមដូចជា ស្ករគ្រាប់ ស្ករផ្អែម ភេសជ្ជៈកំប៉ុង នំកញ្ចប់ផ្អែម ឬស្ករសូកូឡាជាដើម។ កុមារងាយនឹងពុកធ្មេញ (ដង្កូវស៊ីធ្មេញ) មានជំងឺធាត់ ជំងឺទឹកនោមផ្អែមទាំងវ័យកុមារ និងជំងឺមេតាប៉ូលីសផ្សេងទៀត។ នេះបើតាមការបញ្ជាក់របស់អ្នកជំនាញសុខាភិបាល។
សម្រាប់មនុស្សដែលមានវ័យចំណាស់អាហារនិងភេសជ្ជៈដែលមានជាតិផ្អែម ជាពិសេសភេសជ្ជៈកំប៉ុងប៉ូវកម្លាំង មានជាតិកាហ្វេអ៊ីន និងជាតិស្ករច្រើនលើសលប់ អាចដល់ឬលើសពី១០ ស្លាបព្រាកាហ្វេបាយ។ ចំនួននេះលើសពីតម្រូវស្ករសម្រាប់រាងកាយ។ មនុស្សចាស់ អាចមានជាតិស្ករច្រើននៅក្នុងឈាម ប្រឈមនឹងបញ្ហាឡើងទំម្ងន់ បង្កឱ្យឡើងសម្ពាធឈាមខ្ពស់ កម្រិតជាតិខ្លាញ់កើនឡើងបង្កឱ្យមានជំងឺបេះដូង ទឹកនោមផ្អែម វ័យឆាប់ចាស់ជាងអាយុ និងមានជំងឺផ្សេងៗទៀត។
លោកវេជ្ជបណ្ឌិត លី សូវ៉ាន់ អ្នកនាំពាក្យក្រសួងសុខាភិបាលថា សម្រាប់អ្នកដែលចូលចិត្តទទួលទានភេសជ្ជៈមានជាតិផ្អែម និងមានជាតិកាហ្វេអ៊ីនលើសកម្រិតអាចបណ្ដាលឱ្យប៉ះពាល់ទៅលើអារម្មណ៍ ឆាប់មួរម៉ៅ និងថប់អារម្មណ៍ខ្លាំង ដោយសារចង្វាក់បេះដូងដើរញាប់ និងអាការៈធ្ងន់ធ្ងរអាចបណ្ដាលឱ្យសន្លប់ឬប្រកាច់បាន។ លោកវេជ្ជបណ្ឌិតបានបន្តថា ក្នុងជីវភាពរស់នៅប្រចាំថ្ងៃគួរចៀសវាងទទួលទានផ្អែមជ្រុល ដែលជាមូលហេតុងាយគ្រោះថ្នាក់ដល់សុខភាព។
គួរបញ្ជាក់ផងដែរថា ភេសជ្ជៈផ្អែមត្រូវបានបែងចែកជាពីរប្រភេទ រួមមានភេសជ្ជៈបន្ថែមជាតិផ្អែម និងភេជ្ជៈប៉ូវកម្លាំង។ កន្លងទៅដើម្បីលើកកម្ពស់សុខភាពសិស្សានុសិស្ស និងបុគ្គលិគសិក្សា ក្រសួងអប់រំ យុវជន និងកីឡា បានហាមឃាត់ការលក់ចំណីអាហារចំនួនប្រាំមួយប្រភេទនៅក្នុងគ្រឹះស្ថានសិក្សា ចំណីអាហារគ្រប់ប្រភេទដែលហួសកំណត់កាលបរិច្ឆេទប្រើប្រាស់, គ្រឿងស្រវឹង និងផលិតផលថ្នាំជក់គ្រប់ប្រភេទ, ចំណីអាហារដែលមិនមានប្រភពច្បាស់លាស់, ភេសជ្ជៈប៉ូវកម្លាំង ភេសជ្ជៈឆ្អែត កាហ្វេ ការ៉េម ទឹកស៊ីរ៉ូគ្រប់ប្រភេទ, ស្ករសូកូឡា ស្ករគ្រាប់ ស្ករកៅស៊ូគ្រប់ប្រភេទ, ចាហួយគ្រប់ប្រភេទ នំដូណាត់ និងនំផ្អែម៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍សំខាន់
ព័ត៌មានទូទៅ
អ្នកជំនាញចិត្តសាស្រ្ត ប្រាប់គន្លឹះថែរក្សាផ្លូវចិត្ត ខណៈថ្ងៃប្រឡងបាក់ឌុបកាន់តែខិតជិតមកដល់
បេក្ខជនបាក់ឌុបត្រូវប្រុងប្រយ័ត្ន! ក្រសួងអប់រំបែងចែកវិន័យ ៣កម្រិត ចំពោះសកម្មភាពលួចចម្លង និងធ្វើឱ្យខូចសណ្តាប់ធ្នាប់ពេលប្រឡង
សៀវភៅ ១លានក្បាលចែកដល់កុមារនៅតំបន់ដាច់ស្រយាល និងជុំវិញបឹងទន្លេសាប ដើម្បីជំរុញវប្បធម៌អាន
ACU ជ្រើសរើសអ្នកសង្កេតការណ៍ ជាង៤ពាន់នាក់ សម្រាប់ការប្រឡងបាក់ឌុបឆ្នាំនេះ
ឱកាសអាហារូបករណ៍ ១០០% ថ្នាក់បរិញ្ញាបត្ររង បរិញ្ញាបត្រ និងអនុបណ្ឌិត ចំនួន ៣១៤កន្លែង ពី ស.ស.យ.ក. រាជធានីភ្នំពេញ
យុវតីជនជាតិចិនមកពីគ្រួសារក្រីក្រម្នាក់ ទទួលបានអាហារូបករណ៍ពីសាកលវិទ្យាល័យល្បីៗ ក្រោយប្រឡងជាប់ Gaokao ក្នុងពិន្ទុខ្ពស់
ប្រការដែលបេក្ខជនត្រូវអនុវត្ត និងមិនត្រូវអនុវត្ត ក្នុងដំណើរការប្រឡងសញ្ញាបត្រមធ្យមសិក្សាទុតិយភូមិ
ក្រសួងអប់រំ ពង្រឹងវិធានការទប់ស្កាត់ជំងឺគ្រុនឈាមនៅសាលារៀន ខណៈកុមារជិត ១,៩០០នាក់ទទួលការព្យាបាលក្នុងមួយខែ
នាយិការងសាលាបឋមសិក្សា ថ្លុកជ្រៅ ៖ ”នៅពេលដែលបរាជ័យ សូមកុំប្តូរគោលដៅ តែត្រូវប្តូរយុទ្ធសាស្ត្រ”
កុំមើលរំលង! អត្ថប្រយោជន៍ដ៏អស្ចារ្យទាំង ៩ យ៉ាងរបស់ ”ផ្លែចេក” ចំពោះរាងកាយ
កម្មវិធីពិសេសរបស់ AMS EDUCATION
ព័ត៌មានសង្ខេប
