ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រុមបេក្ខជនមកពីសាកលវិទ្យាល័យកម្ពុជា ម្ចាស់គម្រោង “សត្វ២១” ត្រូវបានគណៈកម្មការប្រកាសជាជ័យលាភីលេខ១ នៅក្នុងវគ្គផ្ដាច់ព្រ័ត្រនៃកម្មវិធី «យុវជន២១» ដែលធ្វើឡើងក្រោមប្រធានបទ “សហគ្រិនឌីជីថល៖ គំនិតផ្ដួចផ្ដើមអាជីវកម្មក្នុងគន្លងថ្មី” ។ លោក ស៊ីន សុខសិនិទ្ធ ជានិស្សិត ផ្នែកវិទ្យាសាស្រ្តកុំព្យូទ័រ នៃសាកលវិទ្យាល័យកម្ពុជា និងជាប្រធានក្រុម គម្រោងអាជីវកម្ម “សត្វ២១” បានប្រាប់មក AMS ថា ការខិតខំប្រឹងប្រែងមិនបោះបង់ ជាកត្តាជំរុញឱ្យក្រុមរបស់ខ្លួនទទួលបានជោគជ័យពិតប្រាកដ។
លោក ស៊ីន សុខសិនិទ្ធ បាននិយាយថា គម្រោងអាជីវកម្ម “សត្វ២១” ផ្ដោតសំខាន់ទៅលើសត្វចិញ្ចឹមនៅក្នុងប្រទេសកម្ពុជា មានន័យថា នៅពេលសត្វមានជំងឺ ឬជួបបញ្ហាអ្វីមួយ ម្ចាស់សត្វអាចទទួលសេវាកម្មដែលគួរឱ្យទុកចិត្តបាន ដូចជា ការស្វែងរកគ្រូពេទ្យសត្វ ចំណីសត្វ ឬកន្លែងថែទាំសត្វជាដើម។ លោក ស៊ីន សុខសិនិទ្ធ បន្តថា នៅក្នុងគម្រោងអាជីវកម្ម “សត្វ២១” ក្រុមរបស់គាត់បានបំពាក់ច្ចេកវិទ្យាឌីជីថល តាមរយៈ App នៅក្នុងទូរស័ព្ទដៃ ដើម្បីងាយស្រួលជួបជាមួយគ្រូពេទ្យបានដោយគ្រាន់តែបង្ហាញ App “សត្វ២១” នេះ។
ម៉្យាងវិញទៀត អ្នកប្រើប្រាស់ក៏អាចបញ្ជារទិញរបស់របរប្រើប្រាស់របស់សត្វចិញ្ចឹម ដោយគ្រាន់តែចុចកុម៉្មង់ និងមានអ្នកដឹកជញ្ជូនទៅដល់ទីកន្លែងអ្នកទិញ។ ជាពិសេស អាជីវកម្ម “សត្វ២១” ក៏មានជារបៀបសន្សំពិន្ទុដើម្បីប្ដូរយករង្វាន់ ឬការប្រម៉ូសិន ហើយរាល់ព័ត៌មានដែលអតិថិជនប្រើប្រាស់នឹងត្រូវបានរក្សាទុកដោយសុវត្ថិភាព។
លោក ស៊ីន សុខសិនិទ្ធ
“ខ្ញុំមានអារម្មណ៍ថាសប្បាយចិត្តនៅពេលបានជាប់ជ័យលាភីលេខ១ ក្នុងកម្មវិធីយុវជន២១នេះ ព្រោះអ្វីដែលយើងបានលះបង់ និងបានខិតខំគឺមិនខកបំណងនោះឡើយ”
យុវជនវ័យ២២ឆ្នាំរូបនេះ បញ្ជាក់ថា តាមរយៈកម្មវិធីប្រកួតយុវជន២១នេះ លោកបានរៀនច្រើនពីរបៀបស្វែងរកក្រុម គឺតាំងពីមិនបានស្គាល់គ្នាទាល់តែសោះ រហូតដល់ក្លាយជាមិត្តសិទ្ធស្នាលជាមួយគ្នា ហើយចាប់ផ្ដើមសរសេរផែនការអាជីវកម្មជាមួយគ្នា រៀនពីការបង្កើតអាជីវកម្មជាមួយគ្នា ។ លើសពីនេះ ក៏បានបង្កើនសមត្ថភាពកាន់តែប្រសើរជាងមុន និងបានសម្រេចក្ដីស្រមៃដែលធ្លាប់តែចង់បង្កើតអាជីវកម្មដែលមិនទាន់បានធ្វើ ប៉ុន្តែឥឡូវនេះក្រុមរបស់លោកអាចធ្វើបាន។
ជាមួយគ្នានេះ កញ្ញា វ៉ុន ពិដោរ ជានិស្សិតសាកលវិទ្យាល័យកម្ពុជា ផ្នែកទីផ្សារ បាននិយាយថា រូបនាងពិតជាសប្បាយរីករាយនៅពេលបានទទួលបានជោគជ័យ ដោយសារមុននឹងទទួលបានជោគជ័យ ក្រុមខ្លួនបានឆ្លងកាត់ឧបស័គ្គជាច្រើន មានពេលខ្លះត្រូវគេងរហូតដល់ម៉ោង២ ឬម៉ោង៣ភ្លឺក៏មាន ព្រោះត្រូវធ្វើអាជីវកម្មមួយនេះឱ្យដំណើរការល្អ។ កញ្ញា បន្តថា ទម្រាំមកដល់ដំណាក់កាលនេះ ក្រុមខិតខំប្រឹងប្រែងដោយមិនបោះបង់ ចាប់តាំងពី២០សាកលវិទ្យាល័យ រហូតឈានមកដល់វគ្គផ្ដាច់ព្រ័ត្រ។
កញ្ញា វ៉ុន ពិដោរ
“ខ្ញុំមិនធ្លាប់គិតថាក្រុមនឹងជាប់ជ័យលាភីលេខ១នោះទេ ព្រោះក្រុមផ្សេងៗសុទ្ធតែមានសមត្ថភាពខ្លាំងពូកែ ប៉ុន្តែក្រុមរបស់យើងនៅតែបន្តខិតខំប្រឹងប្រែងសហការគ្នា កែលម្អចំណុចខ្វះខាតពីមួយដំណាក់កាលទៅមួយដំណាក់កាល ហើយទីបំផុតពួកយើងក៏ទទួលបានជ័យលាភីឆ្នើមក្នុងកម្មវិធីនាថ្ងៃនេះ”
កញ្ញា វ៉ុន ពិដោរ ក៏បានលើកទឹកចិត្តដល់យុវជនទាំងអស់ថា រូបកញ្ញាផ្ទាល់ក៏ផ្ដើមចេញពីមនុស្សម្នាក់ខ្វះភាពជឿជាក់ និងមានការភ័យខ្លាចច្រើន ប៉ុន្តែនៅពេលនេះ រូបកញ្ញាអាចធ្វើបាន ដូច្នេះ យុវជនផ្សេងទៀតក៏អាចធ្វើបានដូចគ្នា ឱ្យតែមានភាពអត់ធ្មត់តស៊ូជាមួយនឹងការខិតខំប្រឹងប្រែងដោយមិនបោះបង់ប្រាកដជាទទួលបានជោគជ័យ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្ររង និងបរិញ្ញាតបត្រ៥០កន្លែងនៅសាកលវិទ្យាស្ថានអភិវឌ្ឍន៍អាស៊ីសច្ចៈ
ព័ត៌មានអាហារូបករណ៍, ព្រឹត្តិការណ៍
• 01/02/2023
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្ររងនៅវិទ្យាស្ថានអភិវឌ្ឍន៍អាស៊ីសច្ចៈចំនួន៥០កន្លែង សម្រាប់សិស្សានុសិស្ស និងសាធារណៈជន ...
ឱកាសអាហារូបករណ៍សិក្សាវគ្គ Full-Stack Web Development Bootcamp IV ពី SabaiCode
ព័ត៌មានអាហារូបករណ៍, ព្រឹត្តិការណ៍
• 02/02/2024
ឱកាសសិក្សាអាហារូបករណ៍សិក្សាវគ្គ Full-Stack Web Development Bootcamp IV ពី SabaiCode ដែលមានការសហការណ៍ពី មូលនិធិអភិវឌ្ឍន៍ជំនាញ និង WING BANK សម្រាប់វគ្គ...
ក្រសួងអប់រំជ្រើសរើសនិស្សិតអាហារូបរកណ៍រដ្ឋាភិបាលចិន៦០កន្លែង សម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 13/12/2023
ក្រសួងអប់រំ យុវជន និងកីឡាប្រកាសប្រឡងជ្រើសរើសសិស្ស-និស្សិតកម្ពុជាទៅសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន ៦០កន្លែង ទៅសិក្សាអាហារូបករណ៍...
អាហារូបករណ៍ ៥០កន្លែង ទៅសិក្សានៅប្រទេសចិន តាមរយៈកម្មវិធីអាហារូបករណ៍ អ.ម.ត.
ព័ត៌មានអាហារូបករណ៍, ព្រឹត្តិការណ៍
• 21/04/2026
អាហារូបករណ៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត សិក្សា នៅសាធារណរដ្ឋប្រជាមានិតចិន ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ (លើកទី២) ចំនួន ៥០ កន្លែង
អាហារូបករណ៍សម្រាប់ជំនាញសិល្បៈ និងតន្រ្តី នៅសាកលវិទ្យាល័យ Edith Cowan ប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 30/07/2024
កម្មវិធីអាហារូបករណ៍ Greg Benjamin WAAPA Music Entrance បានប្រកាសផ្តល់អាហារូបករណ៍ដែលមានតម្លៃរហូតដល់ ១ម៉ឺនដុល្លារ សម្រាប់និស្សិតភ្លេងព្យាណូ ...
ឱកាសសិក្សាជំនាញវិជ្ជាជីវៈចំនួន២៧០កន្លែងនៅវិទ្យាស្ថានពហុបច្ចេកទេសខេត្តព្រៃវែង
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 30/09/2024
វិទ្យាស្ថានពហុបច្ចេកទេសខេត្តព្រៃវែងប្រកាសជ្រើសរើសសិក្ខាកាមចូលសិក្សាជំនាញវិជ្ជាជីវៈវគ្គខ្លីក្រោមគម្រោង១លាន៥សែននាក់របស់រាជរដ្ឋាភិបាលកម្ពុជាសម្រាប់វគ្គសិក្សាថ្មី។ អាហារូបករណ៍ផ្ដល់ជូនការសិក្សាចំនួន២៧០នាក់ លើមុខជំនាញ៩ផ្សេងគ្នា។
ឱកាសអាហារូបករណ៍១០០% និង៥០% ជាច្រើនកន្លែងនៅវិទ្យាស្ថានតេជោសែន សាធារណការ និងដឹកជញ្ជូន
ព័ត៌មានអាហារូបករណ៍, ព្រឹត្តិការណ៍
• 27/12/2023
វិទ្យាស្ថានតេជោសែន សាធារណការ និងដឹកជញ្ជូន ប្រកាសផ្តល់អាហារូបករណ៍ ១០០% ចំនួន ៥០ កន្លែង និង ៥០% (បេក្ខជននារី) ជាច្រើនកន្លែងទៀត រហូតដល់បញ្ចប់ការសិក្សា តាមរយៈការប្រឡងចូលរៀនជំនាន់ទី៤។
អាហារូបករណ៍ថ្នាក់បរិញ្ញាបត្រ២២កន្លែង នៅវិទ្យាស្ថានភាសាបរទេស និងវិទ្យាស្ថានសិក្សាអន្តរជាតិ និងគោលនយោបាយសាធារណៈ
ព័ត៌មានអាហារូបករណ៍, ព្រឹត្តិការណ៍
• 19/12/2023
គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន ប្រកាសពីការផ្តល់អាហារូបករណ៍ចំនួន ២២កន្លែង សម្រាប់ការសិក្សាកម្រិតថ្នាក់បរិញ្ញាបត្រនៅវិទ្យាស្ថានភាសាបរទេស...
កម្មវិធីពិសេសរបស់ AMS EDUCATION
ព័ត៌មានសង្ខេប
