ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ក្រសួងអប់រំ យុវជន និងកីឡា សហការជាមួយអង្គការរូមធូរីដកម្ពុជា រួមគ្នាពង្រឹងគុណភាពបណ្ណាល័យនៅកម្រិតបឋមសិក្សាចំនួន 265 សាលា ដើម្បីបណ្ដុះទម្លាប់អានដល់កុមារ។ ការងាររៀបចំអំណានក្នុងថ្នាក់ដំបូងនេះ មានគោលបំណងបង្រៀនសិស្សឱ្យចេះអាន ចេះសរសេរ និងរីករាយក្នុងការអាន។ ទន្ទឹមគ្នានេះ ជំរុញឱ្យមានការចូលរួមពីលោកគ្រូអ្នកគ្រូ ពង្រឹងគុណភាពនិងសមត្ថភាពបណ្ណារក្ស ពិសេសការចូលរួមពីម្តាយឪពុក ឬអាណាព្យាបាលសិស្ស។ នេះប្រសាសន៍លោក ជា វ៉ាន់ថា នាយកប្រចាំប្រទេសនៃអង្គការរូមធូរីដកម្ពុជា នៅក្នុងទិវាជាតិអំណានលើកទី 6 កាលពីថ្ងៃទី11 ខែមីនា ឆ្នាំ2021។
លោក ជា វ៉ាន់ថា នាយកប្រចាំប្រទេសនៃអង្គការរូមធូរីដកម្ពុជា មានប្រសាសន៍ថា៖
“ ដើម្បីបណ្តុះទម្លាប់នៃការអាន យើងបានអនុវត្តអនុកម្មវិធីចំនួនប្រាំ រួមមានទីមួយអភិវឌ្ឍវិជ្ជាជីវៈ គ្រូបង្វឹក នាយកសាលា គ្រូ និងបណ្ណារក្ស, ទីពីរចងក្រងនិងបោះពុម្ពសៀវភៅអំណាន, ទីបីបង្កើតនិងរៀបចំបណ្ណាល័យ, ទីបួនពង្រឹងបំណិនអាន និងសរសេរភាសាខ្មែរក្នុងថ្នាក់រៀន, ទីបួនបង្កើនការចូលរួមក្នុងសហគមន៍ មាតាបិតា អាណាព្យាបាលសិស្សនិងសាសាលារៀន និងជាពិសេសលើកទឹកចិត្តសិស្សឱ្យចូលរៀនឱ្យបានទៀងទាត់…”
លោក ជា វ៉ាន់ថា នាយកប្រចាំប្រទេសនៃអង្គការរូមធូរីដកម្ពុជា
ទន្ទឹមគ្នានេះនាយកប្រចាំប្រទេសនៃអង្គការរូមធូរីដកម្ពុជា បានបញ្ជាក់ថា ការផ្លាស់ប្ដូរពិភពលោកចាប់ផ្ដើមចេញពីកុមារដែលទទួលបានការអប់រំ។ យើងមានចក្ខុវិស័យឆ្ពោះទៅបញ្ចប់ភាពមិនអាចទៅរួចក្នុងការរួមចំណែកបង្កើតពិភពលោកមួយដែលគ្មានភាពមិនចេះអក្សរ និងវិសមភាពយេនឌ័រ។ ដើម្បីសម្រេចចក្ខុវិស័យនេះរូធូរីដមានគោលដៅច្បាស់លាស់ក្នុងការពង្រីកផលជះរបស់ខ្លួនដល់កុមារចំនួន 40លាននាក់ក្នុង 16 ប្រទេសក្នុងឆ្នាំ 2025 នៅទូទាំងពិភពលោក។
ចាប់តាំងពីឆ្នាំ 2003 តាមរយៈការគាំទ្ររបស់រូមធូរីដក្រសួងអប់រំបានអនុវត្តកម្មវិធីចំនួនពីរ មានកម្មវិធីអំណាន និងកម្មវិធីសមភាពយេនឌ័រនៅតាមគ្រឹះស្ថានសិក្សារដ្ឋ នៅក្នុងនោះមានខេត្តចំនួនប្រាំពីរ រួមមារខេត្តសៀមរាប ខេត្តបន្ទាយមានជ័យ ខេត្តកំពង់ធំ ខេត្តកំពង់ចាម ខេត្តត្បូងឃ្មុំ និងខេត្តកំពង់ស្ពឺ។
សូមជម្រាបថា រូមធូរីដកម្ពុជា ជាអង្គការផ្ដួចផ្ដើមផលិតសៀវភៅរឿងសម្រាប់កុមារ និងប្រមូលសៀវភៅកុមារពីគ្រប់ស្ថាប័នបោះពុម្ពផ្សាយនានា ដើម្បីដាក់ឱ្យប្រើប្រាស់នៅតាមបណ្ណាល័យសាលាបឋមសិក្សារដ្ឋទូទាំងប្រទេសកម្ពុជា។ នៅក្នុងបរិបទកូវីដ-19 រូមធូរីដកម្ពុជាបានដាក់សៀវភៅអានដល់គ្រូបង្រៀន សិស្ស មាតាបិតា ឬអាណាព្យាបាលនៅលើ Literacy Cloud ចំនួន 24 ភាសា និង 1658 ចំណងជើង ព្រមទាំងដាក់តំណរភ្ជាប់ឯកសារទាំងនោះនៅក្នុងគេហទំព័ររបស់ក្រសួងអប់រំ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍សំខាន់
ព័ត៌មានទូទៅ
OCIC និង WCCI សហការបង្កើតសាកលវិទ្យាល័យបច្ចេកវិទ្យាអាកាសចរណ៍ដំបូងបង្អស់នៅកម្ពុជា
កម្ពុជា-អាមេរិក បន្តជំរុញឱកាសសិក្សា និងអភិវឌ្ឍជំនាញយុវជននៅសហរដ្ឋអាមេរិក
កម្ពុជាជំរុញការកាត់បន្ថយសំណល់ និងការពារបរិស្ថាន ដើម្បីពង្រឹងភាពស្អាត និងភាពបៃតង
ទិវាមនុស្សចាស់! សម្តេចធិបតីអំពាវនាវដល់គ្រប់គ្រួសារ បន្តពង្រឹងសីលធម៌ អប់រំកូនចៅឱ្យចេះគោរពមាតាបិតា ជីដូនជីតា និងព្រឹទ្ធាចារ្យ
រូបមន្តបែងចែកកញ្ចប់សន្សំ ៤ យ៉ាង ដើម្បីកសាងគ្រឹះហិរញ្ញវត្ថុរឹងមាំសម្រាប់យុវជន
សហភាពអឺរ៉ុបប្រកាសផ្តល់អាហារូបករណ៍ពេញលេញ Erasmus Mundus ថ្នាក់អនុបណ្ឌិតគោលនយោបាយសាធារណៈ
ជនរងគ្រោះពីអំពើហិង្សាផ្លូវភេទសម័យខ្មែរក្រហម ២៣៥នាក់ នៅខេត្តកំពត ទទួលបានសំណងក្រៅប្រព័ន្ធតុលាការ ដើម្បីស្តារជីវភាព និងសេចក្តីថ្លៃថ្នូរ
គម្រោង «PassKru» ជួយសម្រួលការស្វែងរកឯកសារប្រឡងគ្រូ ជាប់លេខ១ ក្នុងកម្មវិធី Next Gen Engagement Program Batch III
វិស័យអប់រំនៅអាស៊ីអាគ្នេយ៍កំពុងផ្តោតលើជំនាញសម្រាប់ពេលអនាគត
រដ្ឋមន្ត្រីអប់រំ ជំរុញឱ្យ NIE ផ្សារភ្ជាប់ការបណ្តុះបណ្តាលនាយកសាលា និងគ្រូបង្រៀនទៅនឹងស្តង់ដាតេស្ត PISA
កម្មវិធីពិសេសរបស់ AMS EDUCATION
ព័ត៌មានសង្ខេប
