ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យុវវ័យភាគច្រើនត្រូវការទទួលទានដំណេកចន្លោះចាប់ពី ៨ទៅ១០ម៉ោង ក្នុងមួយយប់ ហើយក៏មានមនុស្សជាច្រើនប្រទះនឹងបញ្ហានៃការគេង ឬគេងមិនស្កប់ស្កល់។ គេងមិនបានល្អ បណ្តាលឱ្យប៉ះពាល់ដល់អារម្មណ៍ ទំនាក់ទំនង និងសមត្ថភាពក្នុងការផ្តោតទៅលើកិច្ចការណាមួយ។ នៅពេលដែលយុវវ័យពិបាកក្នុងការគេងឱ្យបានស្ងប់ និងគ្រប់គ្រាន់ ពួកគេអាចនឹងទទួលបានលទ្ធផលមិនសូវជាល្អនៅក្នុងសាលា ។ បន្ថែមពីនោះ វាក៏បង្កើនឱកាសឱ្យយុវវ័យឆាប់មានជំងឺ ឡើងគីឡូ រួមទាំងបង្កើនហានិភ័យគ្រោះថ្នាក់នៅពេលបើកបរនៅតាមដងវិថី។
គេហទំព័រ Kidshealth ចែកជូនគន្លឹះបួនចំណុចដើម្បីពង្រឹងគុណភាព នៃការគេងរបស់យុវវ័យ ៖
១. ធ្វើសកម្មភាពឱ្យបានច្រើននៅពេលថ្ងៃ ៖ លំហាត់ប្រាណក្នុងមួយថ្ងៃយ៉ាងហោចណាស់ឱ្យបាន៦០នាទី និងធ្វើសកម្មភាពភាពឯទៀត ដែលបញ្ចេញកម្លាំងដោយរាងកាយ ក្នុងករណីនេះមិនត្រឹមតែពង្រឹងគុណភាពគេងប៉ុណ្ណោះទេ ប៉ុន្តែបានសម្រួលទៅកាន់ការបន្ថយភាពតានតឹង និងបញ្ឆេះអារម្មណ៍ឱ្យល្អប្រសើរបន្ថែម។
២. កាត់បន្ថយភេសជ្ជៈមានជាតិការហ្វេអ៊ីនមុនពេលគេង ៖ កាហ្វេ តែ ឬប្រភេទភេសជ្ជៈដែលមានជាតិកាហ្វេអ៊ីនទាំងឡាយ គួរតែត្រូវបានកាត់បន្ថយពីព្រោះ ភេសជ្ជៈទាំងនេះគឺជាកត្តា ពញ្ញាក់ស្មារតីឱ្យភ្ញាក់បានរៀងរាល់គេងពេលរាត្រី។ បើចាំបាច់ក្នុងការទទួលទាន គួរតែពិសានៅពេលព្រឹក ពីព្រោះបើពិសានៅពេលយប់អាចបណ្តាលឱ្យគេងមិនលក់។
៣. កាត់ចោលប្រព័ន្ធអេឡិចត្រូនិច ៖ កន្លែងគេង មិនគួរដាក់គ្រឿង ឬផ្ទុកប្រព័ន្ធអេឡិចត្រូនិចនោះទេ ដើម្បីរក្សាបរិយាកាសគេងមួយដែលមានគុណភាព។ ដោយហេតុថាពន្លឺពីឧបករណ៍អេឡិចជំរុញឱ្យខួរក្បាលគិតថាគឺជាបរិយាកាសពេលថ្ងៃដែលពិបាកនឹងគេងបានស្កប់ស្កល់។
៤. បង្កើតទម្លាប់ប្រចាំថ្ងៃនៃការគេង ៖ ការបង្កើតទម្លាប់ចូលគេងបានទៀងទាត់ជាប្រចាំ គឺជាការបន្សាំរាងកាយឱ្យមានទម្លាប់គេងបានគ្រប់ជាប្រចាំដូចគ្នាដែរ ហើយថែមទាំងនាំមកនូវអារម្មណ៍ល្អៗបន្ថែម៕
