ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ប្រសិនបើប្អូនៗសិស្សានុសិស្សបានកំណត់ទិសដៅថា ខ្លួនចង់ក្លាយជាមន្រ្តីរាជការ ជំនាញរដ្ឋបាលសាធារណៈ គឺជាជម្រើសដ៏ត្រឹមត្រូវបំផុត ។ នេះជាការលើកឡើងរបស់លោក សេង ប៊ុនមាន អនុប្រធាននាយកដ្ឋាន នៃអគ្គនាយកដ្ឋានចំណេះដឹងព័ត៌មានបរិស្ថាន នៃក្រសួងបរិស្ថាន និងជានាយកកម្មវិធីសច្ចធម៌ប្រវត្តិសាស្រ្តរបស់សហភាពសហព័ន្ធយុវជនកម្ពុជា ។
បើតាមអ្នកជំនាញដែលបញ្ចប់ការសិក្សាថ្នាក់អនុបណ្ឌិតរដ្ឋបាលសាធារណៈ មកពីសាកលវិទ្យាល័យស៊ីនហួរ ក្រុងប៉េកាំង រូបនេះថា ការរៀនជំនាញរដ្ឋបាលសាធារណៈ គឺមានមុខវិជ្ជាច្រើននិយាយអំពីគោលនយោបាយសាធារណៈ ច្បាប់សហលក្ខន្តិកៈ និយាយអំពីមុខងារសាធារណៈ ច្បាប់និងនីតិផ្សេងៗដែលពាក់ព័ន្ធទៅនឹងមន្រ្តីរាជការ ។ ដូច្នេះវាអាចជាចំណេះដឹងមួយសម្រាប់អ្នកដែលត្រៀមលក្ខណៈ ក្លាយទៅជាមន្រ្តីរាជការ ។
អ្វីជារដ្ឋបាលសាធារណៈ ?
បើតាមការឱ្យនិយមន័យរបស់លោក សន ប៊ុនមាន រដ្ឋបាលសាធារណៈ គឺជាដំណើរការរៀបចំប្រព័ន្ធរដ្ឋ អង្គភាពរដ្ឋ គោលនយោបាយសាធារណៈ និងទំនើបកម្ម ដើម្បីឆ្លើយតបនឹងតថភាពសង្គម និងប្រយោជន៍រួម ។ សម្រាប់អ្នកដែលចូលចិត្តអាន ចូលចិត្តតាមដានព័ត៌មានសង្គម សេដ្ឋកិច្ច នយោបាយ វាគឺជាផ្នែកមួយនៃទេពកោសល្យដែលអាចចាប់យកជំនាញនេះបាន ។
បើមើលទៅលើកម្មវិធីសិក្សានៅតាមសាកលវិទ្យាល័យនានានៅក្នុងប្រទេសកម្ពុជា ក្នុងរយៈពេល៤ឆ្នាំ ជំនាញរដ្ឋបាលសាធារណៈ គេនឹងសិក្សាទៅលើប្រវត្តិវិទ្យា វប្បធម៌ទូទៅ សេដ្ឋកិច្ច វិទ្យាសាស្រ្តនយោបាយ ស្ថិតិ ភូមិវិទ្យា ភាសា នីតិរដ្ឋបាល នីតិព្រហ្មទណ្ឌ រដ្ឋប្បវេណី ព្រមទាំងប្រវត្តិទំនាក់ទំនងអន្តរជាតិ ជាដើម ។
សម្រាប់នៅបរទេសវិញ បើតាមលោក ប៊ុនមាន មានប្រសាសន៍ថា របៀបសិក្សារបស់គេអាចខុសពីកម្ពុជាតិចតួច ដោយគេធ្វើការសិក្សាលើការវិភាគលើគោលនយោបាយដែលកំពុងអនុវត្តន៍ របៀបនៃការគ្រប់គ្រងអង្គភាព និងការស្រាវជ្រាវ អភិបាលកិច្ច ការអភិវឌ្ឍ ការគ្រប់គ្រងនិងការអនុវត្តជាក់ស្តែងនៅក្នុងប្រទេស និងក្នុងតំបន់ ហើយសិក្សាពីវប្បធម៌ អរិយធម៌ ក៏ដូចជាសិល្បៈក្នុងការដឹកនាំ ។
ហេតុអ្វីត្រូវរៀនជំនាញរដ្ឋបាលសាធារណៈ?
ជាបទពិសោធន៍របស់លោក ប៊ុនមាន ការៀនជំនាញរដ្ឋបាលសាធារណៈ នឹងផ្តល់នូវសមត្ថភាពដល់យើងដូចជា ស្វែងយល់អំពីទំនាក់ទំនងការងារ រវាងស្ថាប័នរដ្ឋ និងឯកជន, ចេះពីការធ្វើលិខិតរដ្ឋបាល និងនិតិវិធីនានា ដើម្បីចូលរួមក្នុងដំណើរការគ្រប់គ្រងរដ្ឋ ។
យ៉ាងណាក៏ដោយ ប្រសិនបើយើងមិនមែនជាមន្រ្តីរាជការ ជំនាញមួយនេះ ក៏អាចប្រើប្រាស់នៅក្នុងការងារសង្គមស៊ីវិល ឬក៏វិស័យឯកជនផងដែរ ដោយទៅកាន់ការងារជាអ្នករដ្ឋបាល ជាអ្នកគ្រប់គ្របបុគ្គលិក ជាអ្នករៀបផែនការទីផ្សារ ជាអ្នកធ្វើទំនាក់ទំនងរវាងស្ថាប័នរដ្ឋជាមួយរដ្ឋ រដ្ឋជាមួយឯកជន ហើយជាពិសេសនោះធ្វើទៅលើការងារកសាងគោលនយោបាយសាធារណៈ ។
ដូច្នេះសម្រាប់ប្អូនៗសិស្សានុសិស្សដែលចង់សិក្សាទៅលើជំនាញរដ្ឋបាលសាធារណៈ លោក សន ប៊ុនមាន លើកទឹកចិត្តដល់ប្អូនៗឱ្យអភិវឌ្ឍន៍សមត្ថភាព ពង្រឹងជំនាញសំខាន់ៗចំនួន២ គឺជំនាញរឹង (Hard Skill) ដូចជារូបវិទ្យា គណិតវិទ្យា ហើយពិសេសបំផុតនោះគឺវិទ្យាសាស្រ្តសង្គម ។
លោក សន ប៊ុនមាន បានបញ្ជាកថា អ្នកដែលរៀនពាក់ព័ន្ធនឹងរដ្ឋបាលសាធារណៈភាគច្រើន គឺអាចថាជាអ្នកដែលចូលចិត្តអាន ចូលចិត្តរៀនពីវិទ្យាសាស្រ្តសង្គមច្រើន ។ អ្នកដែលចូលចិត្តអាន អ្នកដែលចូលចិត្តតាមដានព័ត៌មានសង្គម នយោបាយផ្សេងៗ អាចក្តាប់បានស្ថានភាពសង្គម ជាពិសេសការអនុវត្តគោលនយោបាយនៅក្នុងតំបន់ជាដើម ។
សម្រាប់ជំនាញមួយទៀតនោះ គឺជំនាញទន់ (Soft Skill) ដូចជាការប្រើប្រាស់កុំព្យូទ័រ ការប្រើប្រាស់បណ្តាញសង្គមផ្សេងៗជាដើម ដោយលោកបានលើកឡើងថា បើយើងអត់ចេះប្រើកុំព្យូទ័រ យើងចូលការងារយឺត ហើយនិងឆ្ងាយជាងគេ។ ជាមួយគ្នានេះ បណ្តាញសង្គម ក៏មានប្រយោជន៍ផងដែរ ប៉ុន្តែសូមប្រើបណ្តាញសង្គមឱ្យត្រូវជាមួយយើង ស្របជាមួយពេលវេលារបស់យើង ហើយនឹងចំណេញដល់ខ្លួនយើង៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ជំនាញបច្ចេកទេស និងវិជ្ជាជីវៈ១ នៅវិទ្យាស្ថានជាតិពហុបច្ចេកទេសតេជោសែន
ព័ត៌មានអាហារូបករណ៍, ព្រឹត្តិការណ៍
• 18/02/2025
វិទ្យាស្ថានជាតិពហុបច្ចេកទេសតេជោសែន កំពុងប្រកាសជ្រើសរើស សិស្ស និងសាធារណជនទៅរៀនជំនាញបច្ចេកទេស និងវិជ្ជាជីវៈ ជាច្រើនកន្លែងសម្រាប់ថ្នាំសិក្សាថ្មី ក្នុងកម្រិតសញ្ញាបត្របច្ចេកទេស និងវិជ្ជាជីវៈ១ ។
អាហារូបករណ៍រដ្ឋាភិបាលចិននៅសាកលវិទ្យាល័យ Beijing Jiaotong ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 14/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីរដ្ឋាភិបាលចិននៅសាកលវិទ្យាល័យ Beijing Jiaotong ឆ្នាំសិក្សា២០២៤។...
អាហារូបករណ៍ថ្នាក់ឧត្ដមសិក្សានៅសាធារណរដ្ឋប្រជាមានិតចិនឆ្នាំសិក្សា២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 27/11/2025
ឱកាសសិក្សានៅប្រទេសចិន តាមរយៈអាហារូបករណ៍រដ្ឋាភិបាលចិន (CSC) ចំនួន៧៥នាក់ សម្រាប់ឆ្នាំសិក្សា២០២៦-២០២៧។ អាហារូបករណ៍ផ្ដល់ដោយការប្រឡងជ្រើសរើសតាមរយៈក្រសួងអប់រំ យុវជន និងកីឡា...
ឱកាសសិក្សាអាហារូបករណ៍នៅសាកលវិទ្យាល័យ Columbia ប្រទេសកាណាដាឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 24/08/2023
ឱកាសសិក្សាអាហារូបករណ៍ថ្នាក់បណ្ឌិតនៅសាកលវិទ្យាល័យ Columbia ពីកម្មវិធីអាហារូបករណ៍ Schmidt Science Fellowships 2024 នៃប្រទេសកាណាដា ឆ្នាំសិក្សា២០២៤ ។ ជំនាញដែល...
អាហារូបករណ៍ថ្នាក់សិក្សា Online វគ្គខ្លីនៅសាកលវិទ្យាល័យ Stanford
ព័ត៌មានអាហារូបករណ៍, ព្រឹត្តិការណ៍
• 18/07/2023
ឱកាសសិក្សាជំនាញវគ្គខ្លីនៃសាកលវិទ្យាល័យ Stanford ពីកម្មវិធីអាហារូបករណ៍ Stanford University Free Online Courses 2023 ដល់និស្សិតបរទេសសម្រាប់ឆ្នាំសិក្សា២០២៣...
អាហារូបករណ៍កម្រិតសញ្ញាបត្រជាន់ខ្ពស់បច្ចេកទេសចំនួន៧២កន្លែងនៅប្រទេសវៀតណាម
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 13/09/2024
ឱកាសសិក្សាអាហារូបករណ៍កម្រិតសញ្ញាបត្រជាន់ខ្ពស់បច្ចេកទេសចំនួន៧២កន្លែងនៅប្រទេសវៀតណាមរយៈពេល៤ឆ្នាំសម្រាប់ឆ្នាំសិក្សា២០២៤-២០២៥។ អាហារូបករណ៍ភាគីវៀតណាមផ្ដល់ជូន និងរ៉ាប់រងលើថ្លៃសិក្សា ការស្នាក់នៅ និងការហូបចុក...
គន្លឹះទាំង៥ដើម្បីត្រៀមខ្លួនក្នុងការសម្ភាសន៍អាហារូបករណ៍ Chevening
ព័ត៌មានអាហារូបករណ៍, ព្រឹត្តិការណ៍
• 14/08/2023
វគ្គសម្ភាសន៍ជាដំណាក់កាលសំខាន់មួយក្នុងចំណោមវគ្គផ្សេងៗនៃការដាក់ពាក្យអាហារូបករណ៍គ្រប់ប្រភេទទាំងក្នុងប្រទេស និងក្រៅប្រទេស ។ បេក្ខជនជាច្រើនបានបាត់បង់ឱកាសទទួល...
អាហារូបករណ៍សម្រាប់និស្សិតថ្នាក់បរិញ្ញាបត្រនៅសាកលវិទ្យាល័យភូមិន្ទភ្នំពេញពី ធនាគា អ៊ូរី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 12/03/2025
សាកលវិទ្យាល័យភូមិន្ទភ្នំពេញ ប្រកាសដល់សិស្សនិស្សិតដែលកំពុងសិក្សាឆ្នាំទី២ ទី៣ និងទី៤ ក្នុងឆ្នាំសិក្សា២០២៤-២០២៥ អំពីការផ្ដល់អាហារូបករណ៍សាច់ប្រាក់ពី ធនាគារ អ៊ូរី (ខេមបូឌា) ម.ក សម្រាប់និស្សិតនៃសាកលវិទ្យាល័យភូមិន្ទភ្នំពេញ។
អាហារូបករណ៍ថ្នាក់បរិញ្ញាបត្រជាន់ខ្ពស់ជំនាញបច្ចេកវិទ្យាឌីជីថលចំនួន១០០កន្លែងសម្រាប់ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 02/12/2024
តាមរយៈក្រសួងប្រៃសណីយ និងទូរគមនាគមន៍ (ក.ប.ទ) ប្រកាសជ្រើសរើសសិស្សនិស្សិត និងសាធារណជនចូលសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ចំនួន១០០នាក់ ដើម្បីសិក្សាលើជំនាញបច្ចេកវិទ្យាឌីជីថល នៅបណ្ឌិត្យសភាបច្ចេកវិទ្យាឌីជីថលកម្ពុជា...
កម្មវិធីពិសេសរបស់ AMS EDUCATION
ព័ត៌មានសង្ខេប
