ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ដើរជាសកម្មភាពជួយបង្កើនភាពរឹងមាំទៅកាន់សុខភាព ហើយការមើលរំលងទម្លាប់បែបនេះ ប្រៀបដូចជាការមើលរំលងសុខភាពផ្ទាល់ខ្លួន ការកម្សាន្ត និងការថែទាំខ្លួនឯង។ ដើរ ជាកីឡាមួយប្រភេទ ដែលមានភាពងាយស្រួល ហើយអាចដុតបំផ្លាញជាតិខ្លាញ់ក្នុងខ្លួន ពង្រឹងសាច់ដុំរាងកាយ ដុតកាឡូរី និងផ្តល់នូវភាពស្វាហាប់។
តាមរយៈ EatThis, NotThat បានបង្ហាញមូលហេតុសំខាន់៣នៃការដើរ ដែលជះឥទ្ធិពលវិជ្ជមានចំពោះរាងកាយក្នុងរយៈពេលលឿន ៖
១. សម្រកជាតិខ្លាញ់ពីក្នុងខ្លួន ៖ ត្បិតការដើរ មិនមានល្បឿនលឿនដូចរត់ ឬកីឡាដទៃ ប៉ុន្តែគុណសម្បត្តិនៃការដើរ មិនធម្មតាដូចការមើលឃើញពីរូបភាពខាងក្រៅនោះទេ ដោយហេតុថា ទោះបីដើរក្នុងល្បឿនមធ្យម ក៏អាចដុតកាឡូរី ជួយចង្វាក់បេះដូង ពង្រឹងសាច់ដុំរាងកាយ ជាពិសេសជើង។ ប៉ុន្តែដើម្បីឱ្យកាន់តែមានប្រសិទ្ធភាពទៀតនោះ គឺដើរមិនស្ពាយសម្ភារធ្ងន់ៗ ដើររលាស់ដៃបើកស្មា ហើយចំណាយពេលយ៉ាងហោចណាស់ពី៣០នាទី ទៅ៤៥នាទី ក្នុងមួយថ្ងៃ។ ហើយមួយអាទិត្យ ដើរយ៉ាងតិចបួនថ្ងៃ ប៉ុន្តែបើដើរបានរយៈពេលច្រើនជាងនេះ គឺរឹតតែប្រសើរ។
២. ដើរដែលមានការកំណត់ពេល ៖ ដើរធម្មតាៗ ក៏មិនជាចោទជាបញ្ហាដែរ ប៉ុន្តែពេលគិតដល់ប្រសិទ្ធភាពបន្ថែម ការដើរក៏ត្រូវមានការកំណត់ពេល និងល្បឿនដែរ។ ដោយឡែកល្បឿននៃការដើរនោះ គឺ មុនដំបូងចាប់ផ្តើមដើរក្នុងល្បឿនសមល្មម ដែលមិនផ្តល់សម្ពាធដល់រាងកាយ តែនៅពេលដើរបែបនេះបានប្រហែល៣នាទី ត្រូវបន្ថែមល្បឿនឱ្យខ្លាំងជាងមុន ឬក៏រត់តិចៗ ដោយប្រើពេលយ៉ាងហោចណាស់មួយទៅ ពីរនាទី។ ផ្លាស់ប្តូរបែបនេះ ចុះឡើងៗ ដើម្បីឱ្យការដើរមានប្រសិទ្ធភាពជាងមុន។
៣. ដើរបែបឡើងភ្នំ ៖ ការដើរបែបឡើងភ្នំ មិនចាំបាច់ទាល់តែទៅភ្នំទេ សូម្បីនៅទីតាំងហាត់ប្រាណក៏មានឧបករណ៍សម្រាប់ដើរដែរ។ ការដើរបែបឡើងភ្នំ ឬទីទួល មិនត្រឹមតែមានឥទ្ធិពលដុតកាឡូរី ឬពង្រឹងរាងកាយទេ ប៉ុន្តែបានជួយបង្រួមរាងកាយឱ្យមានភាពធនជាងមុនបានមួយផ្នែកដែរ។ យ៉ាងណា ចំពោះល្បឿនដែលកំណត់ក្នុងការដើរមួយវគ្គៗ វិញគឺ ចន្លោះពី១៥ ទៅ២០នាទី។ ការដើរដែលបានគិតអំពីរយៈពេល និងវិធីសាស្រ្ត បានរួមចំណែកដល់សុខភាពទ្វេដង បើប្រៀបធៀបទៅនឹងការដើរធម្មតាៗ ហើយការជ្រើសរើសរបៀបដើរ គឺផ្អែកទៅតាមសុខភាព ក៏ដូចជាតម្រូវការរៀងៗខ្លួន៕
