ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ត្បិតថាឧបករណ៍បច្ចេកវិទ្យាដូចជាទូរស័ព្ទ កុំព្យូទ័រ ដើរតួនាទីសំខាន់ដើម្បីឱ្យការរស់នៅសព្វថ្ងៃមានភាពសម្បូរបែបយ៉ាងណាក៏ដោយ ប៉ុន្តែផលអវិជ្ជមានក៏រីកដុះដាលដូចគ្នា។ ការប្រើប្រាស់អេក្រង់លើសលប់ ធ្វើឱ្យមនុស្សបច្ចុប្បន្ន ពិបាកក្នុងការផ្តោត ខ្ជះខ្ជាយពេលវេលា និងទុកកិច្ចការសំខាន់ៗមួយចំនួនចោល ដែលជាហេតុ បង្ហាញឱ្យឃើញថា ការដឹងអំពីវិធីកាត់បន្ថយការប្រើប្រាស់ស្រ្គីន ឬទូរស័ព្ទ ជាកត្តាចាំបាច់ដើម្បីជំរុញផលិតភាពការងារ ឬក៏ការសិក្សា។ តាមរយៈគេហទំព័រ Best Life បានបង្ហាញគន្លឹះ៣ចំណុចដែលអាចកាតបន្ថយអាការៈងប់ងល់នឹងការប្រើប្រាស់អេក្រង់។
១. លុបកម្មវិធីប្រព័ន្ធផ្សព្វផ្សាយដែលមិនសំខាន់ ៖ ប្រព័ន្ធផ្សព្វផ្សាយនាពេលបច្ចុប្បន្ន មានការកើនឡើង និងបង្កើនភាពទាក់ទាញជាបន្តបន្ទាប់ ដើម្បីរក្សាទំនាក់ទំនង ផ្សាយពាណិជ្ជកម្ម និងបង្កើនដៃគូរសហការបន្ថែមក្នុងអាជីពការងារ។ ដោយសារតែភាពសម្បូរបែបយ៉ាងនេះហើយ ទើបកម្មវិធីទាំងនោះអាចទាក់ទាញចិត្តអ្នកប្រើប្រាស់ឱ្យកាន់តែចង់ចំណាយពេលបន្ថែម ទោះបីជាក្នុងកម្មវិធីមានការកំណត់ពេលនៃការប្រើប្រាស់ក៏ដោយ។ ដូច្នេះការលុបកម្មវិធីប្រព័ន្ធផ្សព្វផ្សាយមួយចំនួនចេញពីអេក្រង់ គឺជាវិធីសាស្រ្តដ៏មានប្រសិទ្ធភាព។
២. នៅឱ្យឆ្ងាយពីអេក្រង់ទូរស័ព្ទ ៖ ជាវិធីសាមញ្ញ ហើយគ្រប់គ្នាអាចចាប់ផ្តើមអនុវត្តន៍បាន តាមរយៈការរក្សាគម្លាតពីទូរស័ព្ទ ទុកទូរស័ព្ធក្នុងបន្ទប់ផ្សេងគ្នាពីបន្ទប់គេង ប៉ុន្តែបើក្នុងករណីត្រូវការម៉ោងរោទ៍ គួរតែប្រើនាឡិកាជំនួសវិញ។ នៅពេលញ៉ាំអាហារ មិនគួរប្រើប្រាស់ទូរស័ព្ទបណ្តើរញ៉ាំបណ្តើរនោះទេ ដើម្បីឱ្យរាងកាយទទួលបានការសម្រាកគ្រប់គ្រាន់។
៣. ធ្វើសកម្មភាពដទៃដើម្បីបន្លប់ ៖ កាលដែលចាកចេញពីអេក្រង់ទូរស័ព្ទ ឬឧបករណ៍ដែលកំពុងតែប្រើប្រាស់ វាពិតជាមិនផ្តល់នូវភាពងាយស្រួលប៉ុន្មាននោះទេក្នុងការគ្រប់គ្រងខ្លួនឯង។ ដើម្បីដោះស្រាយនឹងបញ្ហានេះ សូមព្យាយាមជ្រើសយកសកម្មភាពផ្សេងៗដើម្បីបន្លប់ ដោយចាប់ផ្តើមដំបូង ប្រើអេក្រង់ក្នុងរយៈពេលមួយដែលមានតុល្យភាពទៅនឹងជីវិតប្រចាំថ្ងៃ។ ជាឧទាហរណ៍ ប្រសិនបើប្រើទូរស័ព្ទ៣០នាទី ត្រូវអានសៀវភៅឱ្យបាន៣០នាទី ឬក៏សកម្មភាពដទៃទៀតដូចជា ហាត់ប្រាណ និងដើរទៅខាងក្រៅជាដើម៕
