ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – មនុស្សគ្រប់គ្នាពិតជាដឹងហើយថា ការអានសៀវភៅវានឹងផ្តល់នូវចំណេះដឹង បទពិសោធន៍ ក៏ដូចជាព័ត៌មានដែលមិនចេះរីងស្ងួត។ ប៉ុន្តែការមានទម្លាប់អានល្អវាថែមទាំងជួយឱ្យយើងមានភាពឆ្លាតវ័យ ពូកែ ហើយលើសពីនោះវាក៏ជាផ្នែកមួយជួយទៅដល់សុខភាពផ្លូវចិត្តឱ្យល្អប្រសើរផងដែរ។ នេះគឺជាការលើកឡើងបស់លោក គីម ដារ៉ា ស្ថាបនិកសាលាបង្វឹក Startup Community។
ជាទម្លាប់ លោក គីម ដារ៉ា តែងតែកំណត់ពេលវេលាអានសៀវភៅចំនួន២ដង នោះគឺការអាននៅពេលព្រឹកទើបក្រោកពីគេង និងពេលយប់មុនចូលគេង ដោយលោកចាត់ទុកថា វាជាពេលវេលាសំខាន់ខ្លាំង ហើយការអានបន្ទាប់មកទៀត គឺលោកតែងធ្វើនៅពេលទំនេរ។
បើតាមលោក ដារ៉ា ការអានសៀវភៅបានជួយទៅដល់សុខភាពផ្លូវចិត្ត និងជីវិតរបស់លោក ហើយលោកតែងតែអនុវត្តន៍ទម្លាប់អាននេះជាប្រចាំ ដោយថា នៅពេលដែលយើងអានសៀវភៅដែលទាក់ទងជាមួយខ្លួនឯង វានឹងធ្វើឱ្យចិត្តស្ងប់ ធ្វើឱ្យមានសង្ឃឹម មានសេចក្ដីសុខ និងជាពិសេសជំរុញទឹកចិត្តឱ្យហ៊ានធ្វើអ្វីដែលត្រឹមត្រូវ។ ជាក់ស្តែង នៅពេលអានសៀវភៅដែលនិយាយអំពីភាពក្លាហានវានឹងឱ្យអ្នកមានភាពក្លាហាន និងជំរុញការតស៊ូទៅមុខជាដើម។ អ្នកនិពន្ធតែងតែបង្ហាញអំពីការស្រាវជ្រាវជាច្រើន និង បទពិសោធន៍នានាមកពន្យល់ នឹងស្វែងរកដំណោះស្រាយធ្វើឱ្យអ្នកអានទទួលបានឥទ្ធិពលវិជ្ជមាន។
អ្នកជំនាញរូបនេះបន្តថា អារម្មណ៍ចិត្តគំនិតមានការប្រែប្រួលជាខ្លាំងនៅពេលអានសៀវភៅដែលត្រឹមត្រូវ ពីព្រោះទម្លាប់អាន និងអត្ថន័យនៅក្នុងសៀវភៅទាំងអស់នោះ នាំឱ្យផ្លាស់ប្ដូរការគិតរបស់មនុស្ស ដូច្នោះ វាក៏បន្តឱ្យអារម្មណ៍ផ្លាស់ប្ដូរផងដែរ។ ពេលខ្លះមនុស្សមានបញ្ហាជីវិត អស់សង្ឃឹម គិតមិនដល់ និងការពិបាកចិត្តជាច្រើនធ្វើឱ្យប៉ះពាល់ទៅដល់សុខភាពផ្លូវចិត្ត ប៉ុន្តែពេលបានអានសៀវភៅ ហើយប៉ះចំអត្ថបទនៅក្នុងសៀវភៅស្រដៀងនឹងខ្លួនឯង នោះវាអាចនាំទៅរកដំណោះស្រាយ នាំចិត្ត គំនិត និងអារម្មណ៍របស់អ្នកអានផ្លាស់ប្ដូរទៅតាមនោះដែរ។
“ជាទូទៅ អ្នកនិពន្ធតែងតែយកគំនិតវិជ្ជមានយកមកសរសេរ ដូច្នេះនៅពេលអានសៀវភៅរាល់ថ្ងៃវាបណ្ដុះភាពវិជ្ជមានម្ដងបន្ថិចៗទើបវាធ្វើឱ្យយើងមើលពិភពលោកក្នុងផ្លូវវិជ្ជមានច្រើនជាងមុន មើលការងារផ្សេងៗក្នុងផ្លូវវិជ្ជមានជាងមុនជាដើម”
លោក គីម ដារ៉ា
ស្ថាបនិកនៃសាលាបង្វឹក Startup Community រូបនេះថ្លែងថា សៀវភៅដែលត្រឹមត្រូវ និងល្អលុះត្រាតែមនុស្សជ្រើសយកសៀវភៅមកអានឱ្យត្រូវនឹងស្ថានភាពសុខភាពផ្លូវចិត្តខ្លួនឯង។ មនុស្សគ្រប់គ្នាត្រូវដឹងអំពីខ្លួនឯងឱ្យច្បាស់ថា ខ្លួនឯងកំពុងនៅក្នុងស្ថានភាពបែបណានៅក្នុងជីវិត ប៉ុន្តែបើជ្រើសយកសៀវភៅមិនត្រឹមត្រូវ ការអាននឹងធ្វើឱ្យមនុស្សកាន់តែស្រ្តេស កាន់តែធុញលើសដើម។
លោក គីម ដារ៉ា បញ្ជាក់ថា ការអានដើម្បីភាពរីករាយអាចបង្កើនការគោរពខ្លួនឯង កាត់បន្ថយរោគសញ្ញានៃជំងឺធ្លាក់ទឹកចិត្ត ជួយបង្កើតទំនាក់ទំនងល្អជាមួយអ្នកដទៃ និងកាត់បន្ថយការថប់បារម្ភ និងភាពតានតឹង។ នៅពេលអ្នកត្រូវជាមួយសៀវភៅដែលល្អ អ្នកអាចត្រូវបានគេនាំទៅកាន់ពិភពលោកដែលដាច់ដោយឡែកផ្សេង ហើយអ្នកអាចបំបែកខ្លួនពីបញ្ហា ឬភាពតានតឹងដែលមាននៅក្នុងចិត្ត៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាថ្នាក់បរិញ្ញាបត្រជាន់ខ្ពស់អប់រំឯកទេសការអប់រំបឋមសិក្សា ចំនួន២០នាក់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 08/01/2025
ក្រសួងអប់រំ យុវជន និងកីឡា និង អង្គការយូណេស្កូ ប្រកាសជ្រើសរើសបុគ្គលិកអប់រំ ចូលសិក្សាថ្នាក់បរិញ្ញាបត្រជាន់ខ្ពស់អប់រំឯកទេសការអប់រំបឋមសិក្សា នៅវិទ្យាស្ថានគរុកោសល្យរាជធានីភ្នំពេញ ក្រោមកម្មពីធីពង្រឹងការអប់រំគ្រូបង្រៀននៅកម្ពុជា...
ឱកាសកម្មសិក្សានៅផ្ទះយុវជន ដើម្បីមិត្តភាពកម្ពុជា-ចិន
ព័ត៌មានអាហារូបករណ៍, ព្រឹត្តិការណ៍
• 13/08/2025
ផ្ទះយុវជនដើម្បីមិត្តភាពកម្ពុជា-ចិន (YHCCF) កំពុងប្រកាសជ្រើសរើស និស្សិតសាកលវិទ្យាល័យដែលកំពុងសិក្សាផ្នែកសេដ្ឋកិច្ច សហគ្រាលឬអាជីវកម្ម ការគ្រប់គ្រងផ្នែកគ្រោង ឬផ្នែកដែលពាក់ព័ន្ធ
អាហារូបករណ៍សាច់ប្រាក់សិក្សានៅសហរដ្ឋអាមេរិកផ្នែកវេជ្ជសាស្ត្រពីសមាគមសុខាភិបាលខ្មែរនៅអាមេរិក
ព័ត៌មានអាហារូបករណ៍, ព្រឹត្តិការណ៍
• 10/10/2023
ឱកាសទទួលបានអាហារូបករណ៍សាច់ប្រាក់ប្រចាំឆ្នាំពីសមាគមសុខាភិបាលខ្មែរនៅអាមេរិក (CHPAA)ទៅសិក្សាផ្នែកវេជ្ជសាស្ត្រនៅសហរដ្ឋអាមេរិក ។ បេក្ខជនជ័យលាភីអាហារូបករណ៍....
អាហារូបករណ៍ថ្នាក់ក្រោយឧត្តមសិក្សា និងថ្នាក់បរិញ្ញាបត្រ ចំនួន១២០កន្លែង ទៅសិក្សានៅប្រទេសវៀតណាម ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 30/09/2025
ក្នុងឆ្នាំសិក្សា២០២៥-២០២៦ នេះ ក្រសួងអប់រំ យុវជន និងកីឡា នឹងធ្វើការជ្រើសរើសនិស្សិតអាហារូបករណ៍ថ្នាក់ក្រោយឧត្តមសិក្សា និងប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រ ចំនួន ១២០នាក់ ទៅសិក្សានៅសាធារណរដ្ឋសង្គមនិយមវៀតណាម។
រៀនជំនាញដូនតាដោយឥតគិតថ្លៃ ជាមួយក្រសួងវប្បធម៌ និងវិចិត្រសិល្បៈ
ព័ត៌មានអាហារូបករណ៍, ព្រឹត្តិការណ៍
• 07/04/2026
ក្រសួងវប្បធម៌ និងវិចិត្រសិល្បៈ ប្រកាសពីការផ្តល់ជូនការបណ្តុះបណ្តាលជំនាញដូនតាដោយឥតគិតថ្លៃ សម្រាប់ឆ្នាំ២០២៦ ដល់យុវជន និងសាធារណជន ដែលចង់ចេះជំនាញដូចជា តម្បាញសូត្រ និងអំបោះ, តម្បាញក្រមាពណ៌ត្រុំ,
ឱកាសផ្លាស់ប្ដូរការសិក្សាពីកម្មវិធីអាហារូបករណ៍ Hurford Youth Fellowship 2025 នៅសហរដ្ឋអាមេរិក
ព័ត៌មានអាហារូបករណ៍, ព្រឹត្តិការណ៍
• 08/07/2024
ឱកាសផ្លាស់ប្ដូរការសិក្សាសម្រាប់និស្សិតអន្តរជាតិពីកម្មវីធីអាហារូបករណ៍ Hurford Youth Fellowship 2025 នៅសហរដ្ឋអាមេរិក។ កម្មវិធីផ្លាស់ប្ដូរការ...
អាហារូបករណ៍ថ្នាក់ភាសាចិននៅសាកលវិទ្យាល័យសៀងហៃឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 02/04/2024
ឱកាសសិក្សាអាហារូបករណ៍ថ្នាក់ភាសាចិននៅសាកលវិទ្យាល័យសៀងហៃឆ្នាំសិក្សា២០២៤-២០២៥។ អាហារូបករណ៍សិក្សាមាន ថ្នាក់...
វិទ្យាស្ថានជាតិពហុបច្ចេកទេសតេជោសែន ជ្រើសរើសយុវជនជាង២ពាន់នាក់ ចូលរៀនជំនាញបច្ចេកទេសឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 27/05/2026
ក្រោមកម្មវិធី TVET 1.5M វិទ្យាស្ថានជាតិពហុបច្ចេកទេសតេជោសែន កំពុងប្រកាសជ្រើសរើសយុវជន និងសាធារណៈជនទូទៅ សរុបចំនួន ២៣៤០នាក់ ឱ្យចូលរៀនជំនាញបច្ចេកទេស និងវិជ្ជាជីវៈ (TVET) ក្នុងកម្រិតសញ្ញាបត្របច្ចេកទេស
កម្មវិធីពិសេសរបស់ AMS EDUCATION
ព័ត៌មានសង្ខេប
