ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការទស្សនាខ្សែភាពយន្ត គឺជាការកម្សាន្តអារម្មណ៍មួយបែប ដែលមនុស្សមួយចំនួនធំតែងធ្វើ មិនថា ទស្សនានៅរោងកុន តាមកញ្ចក់ទូរទស្សន៍នៅផ្ទះ ឬតាមទូរស័ព្ទដៃនោះទេ ប៉ុន្តែមានរឿងមួយដែលឪពុកម្តាយ ឬអាណាព្យាបាលគួរដឹង នោះគឺកុមារតូចៗដែលនៅក្បែរខ្លួន។ អ្នកជំនាញបានប្រាប់ថា កុមារតូច គឺជាវ័យដែលឆាប់ទទួល និងធ្វើត្រាប់តាម ហើយប្រសិនបើពួកគេបានមើលខ្សែភាពយន្តបែបរន្ធត់ទៀតនោះ វាក៏នឹងធ្វើឱ្យប៉ះពាល់ដល់អាម្មណ៍ផ្លូវចិត្តរបស់ពួកគេថែមទៀត។
បើតាមការចុះផ្សាយរបស់គេហទំព័រ Madreshoy បានឱ្យដឹថា របៀបនៃការគិតរបស់កុមារគឺខុសគ្នាទៅនឹងមនុស្សធំ ក្នុងវ័យនេះ ពួកគេមិនទាន់មានសមត្ថភាពគ្រប់គ្រាន់ក្នុងការឈ្វេងយល់រឿងហេតុអ្វីមួយឱ្យមានភាពជាក់លាក់បាននៅឡើយទេ ។ ដូច្នេះបន្ទាប់ពីពួកគេទស្សនាខ្សែភាពយន្ត នោះរាល់ហេតុការណ៍ទាំងអស់នឹងដិតដាមក្នុងអារម្មណ៍របស់ពួកគេ ហើយស្រមៃថា ពួកគេជួបផ្ទាល់នូវក្នុងដំណើរជីវិតពិត ។ សម្រាប់កុមារដែលមានអាយុក្រោម១០ឆ្នាំ ស្ថានភាពផ្លូវចិត្តរបស់ពួកគេមិនទាន់អាចគិតបែបស៊ីជម្រៅបានទេ ដូច្នេះគេមិនទាន់អាចបែងចែងថារឿងណាពិត និងរឿងណាប្រឌិតដោយខ្លួនគេនោះឡើយ ដែលវាជាមូលហេតុធ្វើឱ្យពួកគេងាយរងឥទ្ធិពលមិនល្អពីរឿងរន្ធត់ទាំងនោះ។
គេហទំព័រដែលនិយាយពីកុមារមួយនេះ ក៏បានបញ្ជាក់ដែរថា ការមើលរឿងរន្ធត់អាចបណ្តាលឱ្យកុមារមានអាការៈធុញថប់អារម្មណ៍ (ភ័យ) ចង្វាក់បេះដូងលោតកន្រ្តាក់ គេងមិនលក់ មានអារម្មណ៍មិនមានសុវត្ថិភាព និងសុបិនអាក្រក់ជាដើម ហើយពួកគេនឹងឈានទៅដល់ដំណាក់កាលមិនហ៊ានគេងម្នាក់ឯង មិនហ៊ានគេងនៅកន្លែងងងឹត មានអារម្មណ៍រសេសរសល់ជាដើម ។
ដូច្នេះឪពុកម្តាយមិនគួរអនុញ្ញាតឱ្យកុមារមើលរឿងដែលភ័យរន្ធត់ឡើយ ហើយប្រសិនបើឪពុកម្តាយចង់ឱ្យកុមារមើលភាពយន្តអ្វីមួយ គួរពិនិត្យមើលភាពយន្តនោះអំពីការកំណត់អាយុថា តើខ្សែភាពយន្តនោះគេកំណត់ឱ្យទស្សនាចាប់ពីអាយុប៉ុន្មាន? ហើយប្រសិនបើខ្សែភាពយន្តមានការណែនាំឱ្យទស្សនា អាណាព្យាបាលក៏គួរពិនិត្យ និងវិភាគឈុតឆាកនៃសាច់រឿងទាំងនោះជាមុនសិន ដើម្បីឱ្យប្រាកដថា វាស្របជាមួយអាយុ ឬក៏ស្ថានភាពវ័យរបស់កុមារដែរឬទេ ។
តើត្រូវជ្រើសរើសខ្សែភាពយន្តឱ្យសមស្របសម្រាប់អាយុរបស់កុមារយ៉ាងដូចម្តេច?
បើតាមលោកស្រី Trudy Ruminer សហស្ថាបនិកនៃ Purposeful Play Family Enrichment ដែលធ្វើការងារពាក់ព័ន្ធនឹងកុមារបាននិយាយថា កុមារមានលក្ខណៈខុសៗគ្នា ដូចជាកុមារស្ថិតនៅក្រោមអាយុប្រាំឆ្នាំ ពួកគេពិបាកក្នុងការវិភាគអំពីរឿងរ៉ាវដែលបង្កើតឡើងមកដោយការប្រឌិត, កុមារក្នុងវ័យនេះ យើងត្រូវយកចិត្តទុកដាក់ចំពោះពួកគេដោយប្រុងប្រយ័ត្ន ហើយភាពយន្តចំពោះកុមារដែលមានវ័យនេះ គួរកំណត់ឱ្យនៅត្រឹមកម្រិតស្រាលក្នុងករណីមានឈុតឆាកភ័យរន្ធត់។
សម្រាប់កុមារដែលមានអាយុចន្លោះពី៥ទៅ៧ឆ្នាំវិញ ពួកគេអាចនឹងយល់ពីការសម្ដែង និងប្រៀបធៀបអំពីរឿងពិតនិងក្លែងក្លាយ ប៉ុន្តែវានៅតែមានការរំខាន និងការបន្លាចស្មារតីពីខ្សែភាពយន្តទាំងនោះដដែល ។
ដោយឡែកកុមារដែលមានអាយុ៧ទៅ១០ឆ្នាំ ជាទូទៅពួកគេនឹងទទួលរងនូវភាពភ័យខ្លាចនិងភាពឈឺចាប់ដោយតួអង្គអាក្រក់ ឬតួអង្គចម្លែក ហេតុដូចនេះ ការមើលរឿងដែលមិនសមស្របនឹងអាយុរបស់ពួកគេបង្កនូវការគម្រាមគំហែង ឬបណ្តាលឱ្យពួកគេរងនូវអារម្មណមិនល្អ ទោះបីជាកុមារមើលទៅហាក់បីដូចជាមិនមានអ្វីគួរឱ្យកត់សម្គាល់ក៏ដោយ ឬពួកគេបដិសេធន៍ថា គេមិនអីក៏ដោយ។
កុមារដែលមានអាយុ១១ទៅ១៣ឆ្នាំវិញ វ័យនេះពួកគេអាចមើលភាពយន្តរន្ធត់បាន ប៉ុន្តែក៏គួរតែប្រុងប្រយ័ត្នដែរ ដោយជាទូទៅប្រសិនបើគេទស្សនាភាពយន្តមានបញ្ចូលព្រឹត្តការណ៍សាហាវ ឬការបន្លាចអ្វីមួយ ពួកគេតែងលាក់អារម្មណ៍ភ័យរន្ធត់នោះ ហើយបង្ហាញមកវិញតាមរយៈ ការមិនហ៊ានគេងម្នាក់ឯង ឬក៏សុបិនអាក្រក់នៅពេលយប់ជាដើម។
ចំណែកឯក្មេងមានអាយុ១៤ទៅ១៦ឆ្នាំ ជាវ័យដែលមានការបម្រែបម្រួលច្រើនជាងវ័យមុនៗ ពួកគេមានសមត្ថភាពក្នុងការគ្រប់គ្រងអារម្មណ៍ភ័យខ្លាចបាន។ យ៉ាងណាក៏ដោយ អ្នកជំនាញបានឱ្យដំបូន្មានថា ប្រសិនបើកូនរបស់អ្នករំលេចឡើងនូវកាយវិការដូចជារងផលប៉ះពាល់ពីភាពយន្តដោយឈុតឆាករន្ធត់ណាមួយ នោះអ្នកចាំបាច់ត្រូវជួយពួកគេ តាមរយៈការកំណត់នូវអ្វីដែលគេអាចមើលបាន ឬក៏អនុញ្ញាតឱ្យគេមើលភាពយន្តនៅផ្ទះពេលដែលមានវត្តមានអ្នកនៅជាមួយ ដែលនេះជាវិធីសាស្រ្តគ្រប់គ្រងដ៏ល្អ៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍កន្លែងស្នាក់នៅសម្រាប់សិស្ស និងនិស្សិតពីអង្គការ ACE ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 11/07/2023
អង្គការ Advanced Centre for Empowerment (ACE) ប្រកាសផ្ដល់អាហារូបករណ៍កន្លែងស្នាក់សម្រាប់សិស្សថ្នាក់ទី១២ ឬនិស្សិតឆ្នាំទី១ និងចាប់ផ្ដើមឆ្នាំទី២ ។ អាហារូបករណ៍ផ្ដល់កន្លែង...
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ENS de Lyon ប្រទេសបារាំងឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 10/09/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ENS de Lyon ចំនួន២០កន្លែងពីកម្មវិធីអាហារូបករណ៍ Ampere Scholarship ក្នុងឆ្នាំសិក្សា២០២៥។ ជំនាញដែលអាហារូបករណ៍ផ្ដល់ជូនរួមមាន ផ្នែកវិទ្យាសាស្ត្រពិត ផ្នែកសិល្បៈ និងផ្នែកមនុស្សសាស្ត្រ និងសង្គមសាស្ត្រ។
អាហារូបករណ៍អភិសន្តិបណ្ឌិត ស សុខា ផ្ដល់អាហារូបករណ៍ថ្នាក់ឧត្ដមសិក្សា៤០០កន្លែងនៅវិទ្យាស្ថានខ្មែរជំនាន់ថ្មី
ព័ត៌មានអាហារូបករណ៍, ព្រឹត្តិការណ៍
• 16/10/2024
ឱកាសសិក្សាអាហារូបករណ៍ចំនួន៤០០កន្លែងនៅវិទ្យាស្ថានខ្មែរជំនាន់ថ្មីសិក្សាថ្នាក់ឧត្ដមសិក្សាពីកម្មវិធីអាហារូបករណ៍អភិសន្តិបណ្ឌិត ស សុខា សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់។
សាកលវិទ្យាល័យភូមិន្ទវិចិត្រសិល្បៈ ផ្តល់អាហារូបករណ៍ ១០០% ជូនដល់កូនៗរបស់វីរយុទ្ធជនដែលបានពលីជីវិត ដើម្បីបុព្វហេតុការពារបូរណភាពទឹកដី
ព័ត៌មានអាហារូបករណ៍, ព្រឹត្តិការណ៍
• 04/08/2025
សាកលវិទ្យាល័យភូមិន្ទវិចិត្រសិល្បៈ សម្រេចផ្តល់ជូនអាហារូបករណ៍សិក្សាឥតបង់ថ្លៃ ១០០% រយៈពេល៤ និង៥ឆ្នាំ ក្នុងកម្រិតសិក្សាថ្នាក់បរិញ្ញាបត្រ គ្រប់ជំនាញសិក្សាទាំង៥មហាវិទ្យាល័យ ជូនដល់កូនៗរបស់វីរៈយុទ្ធជន
វិទ្យាស្ថានពហុបច្ចេកទេសកម្ពុជា ផ្តល់អាហារូបករណ៍ ១០០% និង ៥០% សម្រាប់សិស្សបាក់ឌុបជាប់និទ្ទេស A និង B
ព័ត៌មានអាហារូបករណ៍, ព្រឹត្តិការណ៍
• 17/08/2026
ជាការផ្តល់ឱកាសដល់សិស្សានុសិស្សដែលប្រឡងបញ្ចប់ថ្នាក់ទី១២ ទទួលបាននិទ្ទេសល្អ, វិទ្យាស្ថានជាតិពហុបច្ចេកទេសកម្ពុជា (NPIC) នឹងផ្តល់អាហារូបករណ៍ ១០០% សម្រាប់សិស្សនិទ្ទេស A
អាហារូបករណ៍ ICCR ទៅសិក្សានៅប្រទេសឥណ្ឌា ឆ្នាំសិក្សា២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 04/03/2026
រដ្ឋាភិបាលឥណ្ឌា បានប្រកាសផ្តល់អាហារូបករណ៍ពេញលេញសម្រាប់និស្សិតកម្ពុជា ទៅបន្តការសិក្សាថ្នាក់ឧត្តមសិក្សានៅប្រទេសឥណ្ឌា តាមរយៈក្រុមប្រឹក្សាសម្រាប់ទំនាក់ទំនងវប្បធម៌ឥណ្ឌា។
ឱកាសថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីអាហារូបករណ៍អូស្ត្រាលីឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 20/02/2025
កម្មវិធីអាហារូបករណ៍រដ្ឋាភិបាលអូស្ត្រាលីឆ្នាំសិក្សា២០២៦ ចាប់បើកទទួលពាក្យសម្រាប់សិស្ស និសិ្សត និងសាធារណជនកម្ពុជាហើយ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Western Australia ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 23/06/2025
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Western Australia សម្រាប់ឆ្នាំសិក្សា២០២៥-២០២៦។ អាហារូបករណ៍សិក្សាជាប្រភេទអាហារូបករណ៍ ពេញលេញសម្រាប់និស្សិតអន្តរជាតិ ដែលជាបេក្ខជនជ័យលាភីអាហារូបករណ៍។
ឱកាសសម្រាប់និស្សិតជំនាញនីតិសាស្រ្ត និងព័ត៌មានវិទ្យា ចូលហាត់ការនៅអគ្គលេខាធិការដ្ឋានក្រសួងអប់រំ
ព័ត៌មានអាហារូបករណ៍, ព្រឹត្តិការណ៍
• 22/04/2026
ជាឱកាសសម្រាប់និស្សិតទាំងពីរភេទដែលកំពុងសិក្សាជំនាញនីតិសាស្រ្ត និងព័ត៌មានវិទ្យា, អគ្គលេខាធិការដ្ឋាន ក្រសួងអប់រំ យុវជន និងកីឡា កំពុងជ្រើសរើសមន្រ្តីហាត់ការមកបម្រើការងារចំនួន ៨រូប ក្នុងនោះជំនាញនីតិសាស្រ្ត...
កម្មវិធីពិសេសរបស់ AMS EDUCATION
ព័ត៌មានសង្ខេប
