ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ញាំៗ អស់អាហារពីចានដោយមិនដឹងខ្លួន ព្រោះតែជក់ចិត្តនឹងការមើល៍ទូរទស្សន៍ ការប្រើប្រាស់ទូរស័ព្ទដៃ ដែលបទពិសោធន៍មួយនេះ មានមនុស្សមិនតិចទេបានជួបប្រទះ ដោយនេះគឺជាផលរំខាននៃការទទួលទានអាហារ ហើយជំរុញឱ្យគុណភាព នៃការទទួលទានមិនមានតុល្យភាពគ្រប់គ្រាន់ ដូចជាញាំច្រើនពេក ញាំតិចពេក ឬទំពាអាហារមិនហ្មត់ជាដើម ដែលកត្តានេះ បានបង្កផលបះពាល់ ទៅដល់សុខភាពរាងកាយ ក៏ដូចជាប្រព័ន្ធរំលាយអាហារ។
មូលហេតុដែលត្រូវកាត់បន្ថយការរំខានអំឡុងពេលទទួលទានអាហារ គឺដើម្បីការពារពីការញាំច្រើន ឬញាំខុសពេល ជារួមគឺការទទួលទានដែលមិនសូវមានគុណភាព។ តាមរយៈគេទំព័រ chefsa បានបង្ហាញគន្លឹះត្រួសៗមួយចំនួនពាក់ព័ន្ធនឹងការកាត់បន្ថយដូចជា ការបិទឧបករណ៍អេឡិចត្រូនិច ញាំជាមួយមិត្តជិតស្និទ្ធ ឬសមាជិកគ្រួសារ បន្ថយល្បឿននៃការញាំ ផ្លាស់ប្តូរទីតាំងសម្រាប់ទទួលទានជាដើម។
១. បិទឧបករណ៍អេឡិចត្រូនិច ៖ ពេលញាំ គួរតែសម្រាកពីការមើលទូរទស្សន៍ ទូរស័ព្ទ ហ្គេម ឬក៏ឧបករណ៍ដទៃៗទៀត។ អំឡុងពេលទទួលទានអាហារ ប្រព័ន្ធគ្រឿងអេឡិចត្រូនិចអាចជាឧបករណ៍រំខាន ដ៏មានឥទ្ធិពលមួយ ដែលជំរុញមនុស្សឱ្យទទួលទានឈានដល់លើសចំណុះ ឬក៏ខ្វះជាដើម ការយកចិត្តទុកដាក់ពេលញាំអាហារ ប្រៀបដូចជាយកចិត្តទុកដាក់លើសុខភាពរាងកាយដូច្នោះដែរ។
២. ញាំជាមួយមិត្តជិតស្និទ្ធ ឬសមាជិកគ្រួសារ ៖ ទទួលទានអាហារម្នាក់ឯង ដោយលេងហ្គេមបណ្តើរញាំបណ្តើ ឬក៏មើលទូរស័ព្ទបណ្តើរញាំបណ្តើរ គឺជាការកម្សាន្តមួយបែប! ប៉ុន្តែក៏ជាកត្តាមួយជំរុញឱ្យបាត់បង់ការផ្តោតទៅលើអាហារនិងការតាមដានតម្រូវការនៃរាងកាយ ដូចនេះគួរតែការបិទរាល់ឧបករណ៍រំខាន ឬដាក់ភ្លេងយឺតៗ តិចៗ ប្រសិនបើត្រូវតែបរិភោគម្នាក់ឯងជាចាំបាច់។ យ៉ាងណា ប្រសិនបើមានគ្នាជាក្រុមដើម្បីបរិភោគអាហារ គួរតែអនុញ្ញាតិឱ្យខ្លួនឯងទទួលបាននូវបទពិសោធនៃការញាំអាហារជុំគ្នា ព្រោះអាចធ្វើឱ្យការញាំ និងស្មារតីស្ថិតក្នុងបច្ចុប្បន្នភាព។
៣. បន្ថយល្បឿននៃការញាំ ៖ មិនថាស្ថិតក្នុងស្ថានភាពឃ្លានខ្លាំងយ៉ាងណានោះទេ ព្យាយាមបន្ថយល្បឿនពេលកំពុងទទួលទាន ព្រោះទទួលទានយឺតៗ ធ្វើឱ្យការទំពារអាហារបានហ្មត់ និងសង្កេតពីរស់ជាតិនៃអាហារ ក៏ដូចជាជួយសម្រួលដល់ប្រព័ន្ធរំលាយអាហារបានមួយផ្នែកដែរ។
៤. ផ្លាស់ប្តូរទីតាំងសម្រាប់ទទួលទាន ៖ ក្នុងគ្រួសារមួយចំនួន ពួកគេមានទីតាំងសម្រាប់ទទួលទាន រួមទាំងមានច្បាប់ទម្លាប់យ៉ាងខ្ជាប់ខ្ជួន ដូចជាទទួលទាននៅលើតុ និងទីតាំងជាក់លាក់ណាមួយ ខណៈទីតាំងចម្រុះនៃការទទួលទានអាហារ បានដើរតួនាទីសំខាន់ដូចគ្នា។ ហើយការបរិភោគដោយផាសុកភាពមិនចាំបាច់ទាល់តែមានតុជាក់លាក់ណាមួយនោះទេ ការទទួលទានត្រូវការអារម្មណ៍ស្រស់ស្រាយ ហើយពេលខ្លះ ការផ្លាស់ប្តូរបរិយាកាស អាចធ្វើឱ្យបទពិសោធនៃការទទួលទានកាន់តែរីករាយ ដូចជាទទួលទាននៅលើដំបូលផ្ទះ ទីធ្លាក្រោយផ្ទះ និងទីតាំងដែលមានរុក្ខជាតិពណ៌បៃតងជាដើម។
៥. ផ្តល់ឱកាសឱ្យខ្លួនឯងចាប់ផ្តើមម្តងបន្តិចៗ ៖ ដើម្បីផ្លាស់ប្តូរទម្លាប់ណាមួយឱ្យមានប្រសិទ្ធភាព គឺចាប់ផ្តើម ម្តងបន្តិចៗ តួយ៉ាងការបរិភោគអាហារក៏ដូចគ្នាដែរ បើក្នុងករណីនៅក្នុងបរិយាកាសមិនល្អ ឬប្រញាប់ចេញដំណើរជាដើម នោះក៏អាចបត់បែនទៅតាមស្ថានភាពជាក់ស្តែងម្តងម្កាលបាន ឬក៏ជ្រើសយកវិធីសាស្រ្តញាំពេលកំពុងធ្វើដំណើរតែម្តង៕
