គន្លឹះទាំង៧ បង្កើនភាពស្និទ្ធស្នាលផ្នែកអារម្មណ៍ និងស្មារតីជាមួយនរណាម្នាក់

ភាពមិនចុះសម្រុះគ្នាដដែលៗនៅក្នុងគំនិត សកម្មភាពខ្វែងមតិយោបល់គ្នាញឹកញាប់ និងមិនយល់ពីគ្នារាល់គ្រប់កិច្ចការ កើតចេញពីកង្វះភាពស្និទ្ធស្នាលអារម្មណ៍របស់ខ្លួនចំពោះអ្នកដទៃ ។ អន្ទាក់នៃភាពស្និទ្ធស្នាល គឺជាអាការៈមិនយល់ពីគ្នា ឬមិនបានស្វែងយល់ពីគ្នា ។ រូបភាពទាំងនេះ តែងតែកើតឡើងជារឿយៗនៅក្នុងជីវិតរស់នៅប្រចាំថ្ងៃ រាប់ទាំងនៅក្នុងគ្រួសារ សាលារៀន កន្លែងធ្វើការ និងមួយផ្នែកនៃជីវិតលើបណ្តាញសង្គម ។ ពេលខ្លះអាការៈមិនយល់ពីគ្នានេះហើយជាប្រភពចម្បងដែលនាំឱ្យមនុស្សបាត់បង់ទំនាក់ទំនង គុណភាពជីវិតធ្លាក់ចុះ មនុស្សមិនទុកចិត្តគ្នា ហើយមិនអាចជំរុញឱ្យប្រសិទ្ធភាពការងាររីកចម្រើន ។

ស្របគ្នានេះគន្លឹះសំខាន់ដើម្បីឱ្យមនុស្សយល់ពីគ្នា ព្រមទាំងគិតស៊ីជម្រៅពីគ្នាទៅវិញទៅមកជាប្រចាំ គឺមនុស្សត្រូវបង្កើនភាពស្និទ្ធស្នាលផ្នែកអារម្មណ៍ និងស្មារតីជាមួយនរណាម្នាក់ តាមរយៈសិល្បៈទំនាក់ទំនងប្រកបដោយសេចក្តីថ្លៃថ្នូរ និងមានសីលធម៌វិជ្ជាជីវៈ ។ ខាងក្រោមនេះ ជាគន្លឹះទាំង ៧ចំណុចជួយបង្កើនភាពស្និទ្ធស្នាលផ្នែកអារម្មណ៍ និងស្មារតីប្រកបដោយប្រសិទ្ធភាពជួយបង្កើនទំនាក់ទំនងឱ្យកាន់តែល្អប្រសើរ ។

១. ការប្រាស្រ័យទាក់ទងគ្នា ៖ ទំនាក់ទំនងជាអាទិភាពសំខាន់បំផុតដែលត្រូវបង្កើ់តឡើងនៅកន្លែងការងារ និងគ្រប់ទីកន្លែងទាំងអស់ក្នុងស្មារតីបង្កើនប្រសិទ្ធភាពការងារ ព្រមទាំងភាពរីករាយក្នុងពេលបំពេញការងារ ។ ប្រសិនបើបុគ្គលខ្សត់ទំនាក់ទំនង នោះនឹងមិនងាយយល់ពីអារម្មណ៍អ្នកដទៃ ឬមនុស្សនៅជុំវិញខ្លួនឡើយ ។ ការប្រាស្រ័យទាក់ទងគ្នានេះ អាចបង្កើតឡើងដោយរូបភាពមួយចំនួន ដូចជា បំពេញការងារក្រុមជាមួយគ្នា ជជែកបញ្ហានិងរកដំណោះស្រាយជាមួយគ្នា ចែករំលែកគំនិតនិងអារម្មណ៍ដល់គ្នាទៅវិញទៅមកដោយបើកចំហ លើកទឹកចិត្តដល់គ្នាគ្រប់កាលៈទេសៈ និងរក្សារបៀបប្រាស្រ័យទាក់ទងដោយស្មោះត្រង់ចំពោះគ្នាទៅវិញទៅមក ។ ទំនាក់ទំនងល្អជាកត្តាសំខាន់នៃប្រសិទ្ធភាពការងារ និងគំនិតច្នៃប្រតិដ្ឋ ។

២. ស្តាប់អ្នកដទៃដោយយកចិត្តទុកដាក់ (Active Listening) ៖ ទំនាស់របស់មនុស្សច្រើនកើតឡើងដោយសារការមិនយល់ពីគ្នា និងបានគិតពីគោលបំណងរបស់គ្នាទៅវិញទៅមក ។ សម្រាប់ការអប់រំនៅសតវត្សទី២១ ស្តាប់ក៏ជាជំនាញពិសេសមួយដែរ ដែលមនុស្សត្រូវមានជំនាញនេះ ដើម្បីយកទៅអនុវត្តនៅពេលបំពេញការងារ ។ ធ្វើជាអ្នកស្តាប់ល្អ អាចក្លាយជាអ្នកផ្តល់ចម្លើយល្អ ។

ប្រសិនបើស្តាប់អ្នកដទៃបានច្រើន និងស្តាប់ដោយយកចិត្តទុកដាក់ផងនោះ គំនិតច្នៃប្រតិដ្ឋ ឬការចូលរួមមតិយោបល់នឹងកាន់តែមានភាពចាស់ទុំ ហើយបង្ហាញពីការគោរពដល់អ្នកដទៃ ។ អ្នកស្តាប់ល្អតែងចាប់បានអារម្មណ៍ ចំណុចខ្លាំង ចំណុចខ្សោយ និងចំណុចគន្លឹះដែលជាវត្ថុបំណងរបស់អ្នកដទៃ ។ ភាពស្និទ្ធស្នាលផ្នែកអារម្មណ៍ និងស្មារតីរមែងកើតឡើងព្រមគ្នាតាមរយៈការស្តាប់ដោយយកចិត្តទុកដាក់ ។

៣. ការយល់ចិត្តអ្នកដទៃ ៖ មិនសំខាន់ថាអ្នកដទៃកំពុងនិយាយអ្វី ឬកំពុងគិតអ្វីនោះទេ នៅពេលដែលយើងព្យាយាមយល់ឱ្យបានច្រើនពីអ្នកដទៃ នោះភាពស្និទ្ធស្នាលផ្នែកអារម្មណ៍ និងស្មារតីនឹងកើតឡើងព្រមគ្នាដែរ ។ ដើម្បីយល់ពីអ្នកដទៃបានស៊ីជម្រៅ និងអាចចុះសម្រុងគំនិតគ្នា គឺទាមទារឱ្យបុគ្គលយល់ពីគ្នាទៅវិញទៅមកជាចាំបាច់ ។ កាលដែលបុគ្គលម្នាក់ព្យាយាមយល់ចិត្តអ្នកដទៃ ជួយឱ្យបុគ្គលនោះដឹងច្បាស់ពីតម្រូវការជាក់លាក់របស់មនុស្ស ព្រមទាំងផ្តល់ជំនួយ ឬចម្លើយប្រកបដោយប្រសិទ្ធភាពដែលជាប្រយោជន៍ទាំងសងខាង ។ “យកចិត្តគេដាក់ចិត្តខ្លួនឯង យល់ចិត្តខ្លួនឯងឱ្យក្រែងចិត្តគេ” មានតម្លៃជានិច្ចនៅក្នុងទំនាក់ទំនងរបស់មនុស្ស ។

៤. ការគាំទ្រ ៖ ផ្នែកមួយនៃការលើកទឹកចិត្ត គឺការគាំទ្រនេះហើយ ។ ការគាំទ្រមានទាំងសម្ភារៈ និងស្មារតីជាជំនួយដ៏វិសេសដែលមនុស្សចង់បានបំផុត ។ ការសិក្សាពីចិត្តសាស្ត្រសកលបានរកឃើញថា បើទោះបីមនុស្សមួយចំនួនដាច់ខាតមិនត្រូវការការលើកទឹកចិត្តក៏ដោយ ក៏បុគ្គលម្នាក់នោះមានអារម្មណ៍រីករាយនៅពេលទទួលបានការលើកទឹកចិត្តគាំទ្រពីនរណាម្នាក់ ។

ការគាំទ្រលើកទឹកចិត្តគ្នានេះ ជួយជំរុញឱ្យមនុស្សមានការតាំងចិត្ត និងបង្កើនប្រសិទ្ធភាពការងារកាន់តែល្អប្រសើរ ។ ថ្វីត្បិតមនុស្សមិនស៊ីជោរមែន តែបង្អាប់ញឹកជាសសើរប្រាកដជាខឹងមិនខាន ។ ដូច្នេះការគាំទ្រជាសកម្មភាពចាំបាច់បំផុត ដែលជួយបង្កើនទំនាក់ទំនង និងភាពស្និទ្ធស្នាលផ្នែកអារម្មណ៍ចំពោះគ្នាទៅវិញទៅមក ។

៥. ការគោរព (Respect ) ៖ ការគោរពមិនប្រកាន់វ័យនោះទេ ពេលខ្លះមនុស្សចាស់បែរជាមកគោរពក្មេង រីឯក្មេងរឹតតែផ្តល់តម្លៃដល់មនុស្សចាស់ នោះគឺជាការគោរពដោយពិតប្រាកដ ។ ការគោរពគ្នាទៅវិញទៅមកនៅក្នុងតួនាទីការងារដោយមិនប្រកាន់វ័យជាយន្តការបញ្ជៀសទំនាស់ បញ្ជៀសការរើសអើង បំបាត់ចរឹកអាត្មានិយម ព្រមទាំងបង្កើតជាគំរូភាពល្អៗសម្រាប់អ្នកអ្នកដទៃ ។ ចំណេះដឹងស្តីពីការគោរពនៅតែមានតម្លៃជានិច្ច ដរាបណាបុគ្គលយល់ច្បាស់ពីខ្លួនឯង និងមនុស្សនៅជុំវិញខ្លួន ។

ជាមួយគ្នានេះ ប្រសិនបើបុគ្គលចង់ដឹងថា “ខ្លួនឯងមានការគោរពចំពោះអ្នកដទៃកម្រិតណានោះ” គេអាចវាស់វែងបានតាមរយៈសកម្មភាពគោរពពេលវេលាផ្ទាល់ខ្លួន និងគោរពការប្តេជ្ញាចិត្តរបស់ខ្លួន ។ ពេលដែលបុគ្គលគោរពវិន័យខ្លួនឯងបាន នោះការគោរពអ្នកដទៃនឹងក្លាយជាទម្លាប់ដ៏ងាយស្រួលបំផុត ។ ការគោរពគ្នាទៅវិញទៅមកមានសារៈសំខាន់ណាស់សម្រាប់ការកសាងទំនាក់ទំនងជិតស្និទ្ធ ។

៦. អបអរជោគជ័យ ៖ ទទួលស្គាល់និងអបអរសមិទ្ធផលរបស់គ្នាទៅវិញទៅមក ជាគន្លឹះជួយពង្រឹង និងពង្រីកចំណងទំនាក់ទំនងឱ្យកាន់តែប្រសើរឡើង ។ រឿងសាមញ្ញបំផុតដែលយើងអាចជួយឱ្យទំនាក់ទំនងកាន់តែល្អប្រសើរ គឺរៀនសាទរអ្នកដទៃដោយស្មោះអស់ពីចិត្ត ។

មិនខាតទេ បើអ្នកចេះពោលពាក្យសសើរដោយស្មោះត្រង់ និងការពិត ហើយក៏មិនអន់នោះដែរនៅពេលដែលមានអ្នកជោគជ័យនៅក្បែរខ្លួន ។ គ្រប់គ្នាសុទ្ធតែជាកល្យាណមិត្ត គ្រប់គ្នាសុទ្ធតែមនុស្សពិសេស ហើយគ្រប់គ្នាសុទ្ធសឹងតែជាបុគ្គលដែលជួយឱ្យជីវិតរបស់យើងពោពេញដោយថាមពលជានិច្ច ។ ទម្លាប់រីករាយនិងសាទរអ្នកដទៃនឹងជួយឱ្យមនុស្សមានភាពស្និទ្ធស្នាលគ្នាកាន់តែខ្លាំងឡើង ។

៧. បង្កើតសកម្មភាពចងចាំរួមគ្នា ៖ ធម្មជាតិនៃអារម្មណ៍របស់មនុស្សជារៀងរាល់ថ្ងៃតែងជួបរឿងសប្បាយ និងរឿងខ្លះមិនសមតាមបំណង ប៉ុន្តែរឿងទាំងអស់នេះអាចបញ្ជៀសបានតាមរយៈការបង្កើតសកម្មភាពចងចាំរួមគ្នា ដូចជា ការងារក្រុមជាមួយគ្នា លេងល្បែងថាមពលជាមួយគ្នា និងបង្កើតការចែករំលែងចំណេះដឹងដល់គ្នា ។ បង្កើតសកម្មភាពចងចាំរួមគ្នា អាចជួយបង្កើនភាពស្និទ្ធស្នាល និងកសាងស្មារតីចំពោះគ្នាកាន់រឹងមាំ ។ ការបង្កើនភាពស្និទ្ធស្នាលផ្លូវចិត្ត (អារម្មណ៍) ត្រូវការពេលវេលា អត់ធ្មត់ និងអភិវឌ្ឍជាប្រចាំតាមដំណើធម្មជាតិ៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្ររងចំនួន១០០កន្លែងនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃ

ព័ត៌មានអាហារូបករណ៍, ព្រឹត្តិការណ៍

• 17/12/2024

ឱកាសសិក្សាអាហារូបករណ៍ថ្នាក់បរិញ្ញាបត្ររងនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនចំនួន១០០កន្លែង តាមរយៈគណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហា...

ឱកាសអាហារូបករណ៍ថ្នាក់ភាសាចិនរយៈពេល ១ ឆ្នាំ នៅសាកលវិទ្យាល័យ YUNNAN NORMAL UNIVERSITY ចំនួន ៣០ កន្លែង

ព័ត៌មានអាហារូបករណ៍, ព្រឹត្តិការណ៍

• 28/02/2025

ជាឱកាស​សម្រាប់សិស្ស​និស្សិត ជាពិសេស​គ្រូបង្រៀនភាសាចិន ពេលនេះ​តាមរយៈ​សមាគម​និស្សិត​កម្ពុជា​ប្រចាំ​សាធាំរណរដ្ឋប្រជាមានិតចិន បានប្រកាស​ពីការផ្តល់អាហារូបករណ៍​ថ្នាក់ភាសាចិន​រយៈពេល​១ឆ្នាំ...

អាហារូបករណ៍២៥កន្លែងសម្រាប់ព្រះសង្ឃកម្ពុជាសិក្សាថ្នាក់បរិញ្ញាបត្រនៅពុទ្ធិកមហាវិទ្យាល័យសឹង្ហបុរី

ព័ត៌មានអាហារូបករណ៍, ព្រឹត្តិការណ៍

• 02/01/2024

ពុទ្ធិកមហាវិទ្យាល័យប្រកាសផ្ដល់អាហារូបករណ៍ដល់សមណ:សិស្សដែរមានបំណង់សិក្សានៅផ្នែកសិក្សាព្រះពុទ្ធសាសនាចំនួន២៥កន្លែងនៅសាកលពុទ្ធិកសាកលវិទ្យាសឹង្ហបុរីសម្រាប់ឆ្នាំ...

ឱកាសសិក្សាអាហារូបករណ៍ថ្នាក់ឧត្ដមសិក្សាពីរដ្ឋាភិបាលរុស្សីឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 15/11/2023

ឱកាសសិក្សាអាហារូបករណ៍ថ្នាក់បរិញ្ញបត្រ ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់ឯកទេស(Specialist)ចំនួន៤០កន្លែងនៅសហព័ន្ធរុស្សីពីកម្មវិធីអាហារូបករណ៍...

អាហារូបករណ៍​សម្រាប់ការ​សិក្សាថ្នាក់បរិញ្ញាបត្រ​នៅ​សាកលវិទ្យាល័យ DALI ប្រទេស​ចិន

ព័ត៌មានអាហារូបករណ៍, ព្រឹត្តិការណ៍

• 18/07/2024

សាកលវិទ្យាល័យ DALI នៃ​សាធារណរដ្ឋ​ប្រជាមានិតចិន បាន​ប្រកាស​ផ្តល់​អាហារូបករណ៍​ថ្នាក់បរិញ្ញាបត្រ​ចំនួន១០កន្លែង ដល់និស្សិត​កម្ពុជា ដើម្បីទៅ​បន្ត​ការ​សិក្សា​នៅ​សាធារណរដ្ឋប្រជាមានិតចិន​ សម្រាប់ឆ្នាំសិក្សា​២០២៤-២០២៥។

ក្រសួងទេសចរណ៍​ផ្តល់អាហារូបករណ៍១០កន្លែង នៅវិទ្យាស្ថានទេសចរណ៍​សៀងហៃ

ព័ត៌មានអាហារូបករណ៍, ព្រឹត្តិការណ៍

• 20/01/2023

ក្រសួងទេសចរណ៍​កម្ពុជា បានប្រកាស​ទៅ​ដល់​សិស្ស និស្សិត បុគ្គលិក​ជំនាញ​ទេសចរណ៍ និង​មន្រ្តីរាជការ​ក្រសួងទេសចរណ៍​ទាំងអស់ ពីការផ្តល់អាហារូបករណ៍​ចំនួន​១០កន្លែង...

វិទ្យាស្ថានពហុបច្ចេកទេស​ភូមិភាគ​តេជោសែនស្វាយរៀង ជ្រើសរើស​សិស្ស​ចូលរៀនជំនាញ​បច្ចេកទេស ចំនួន៣៣០កន្លែង​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 04/10/2024

ជា​ឱកាស​សម្រាប់​យុវជន យុវនារី ដែល​មក​ពី​គ្រួសារក្រីក្រ ឬ​គ្រួសារ​ងាយរងហានិភ័យ និង​សាធារណៈជន​ទូទៅ ដែលមានបំណង​ចង់ទទួលបានជំនាញមួយ​ច្បាស់លាស់សម្រាប់ជីវិត, វិទ្យាស្ថានពហុបច្ចេកទេស​ភូមិ​ភាគ​តេជោសែនស្វាយរៀង ប្រកាស​ជ្រើសរើស​សិស្ស​ចូលរៀន​...

កម្មវិធីផ្លាស់ប្តូរវប្បធម៌ Autumn Korean Culture Camp 2024 នៅប្រទេសកូរ៉េខាងត្បូង

ព័ត៌មានអាហារូបករណ៍, ព្រឹត្តិការណ៍

• 26/07/2024

ជាឱកាសសម្រាប់សិស្សានុសិស្សក្នុងការសិក្សាស្វែងយល់អំពីវប្បធម៌ដ៏សម្បូរបែប និងទទួលយកបទពិសោធថ្មីៗនៅក្នុងប្រទេសកូរ៉េខាងត្បូងរយៈពេល ៦ ថ្ងៃ គឺចាប់ពីថ្ងៃទី១៧-២២ ខែវិច្ឆិកា ឆ្នាំ២០២៤...

ក្រសួងអប់រំជ្រើសរើសនិស្សិតអាហារូបករណ៍នៅសិក្សា​នៅប្រទេសថៃសម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 20/12/2023

ក្រសួងអប់រំ​ យុវជន និងកីឡា ប្រកាសប្រឡងអាហារូបករណ៍ជ្រើសរើសសិស្ស និស្សិត និងមន្ត្រីរាជធការកម្ពុជាទៅសិក្សានៅប្រទេសថៃក្រោមអាហារូបករណ៍ ព្រះអង្គម្ចាស់ក្សត្រីយ័មហាចក្រីសិរិថន។ អាហារូបករណ៍...