ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ស្មារតីជាប់គាំងងាយនឹងកើតមានចំពោះមនុស្សនាសម័យកាលនេះណាស់ ពេលខ្លះមិនមានអារម្មណ៍ធ្វើអ្វីទាល់តែសោះ ហើយពេលខ្លះទៀតផ្លូវចិត្តមិននឹងន មានការខកចិត្ត តានតឹង និងថប់បារម្ភចាប់បន្តមានពីមួយដំណាក់កាល ទៅមួយដំណាក់កាល ។ ទោះបីជាមានគន្លឹះជាច្រើនអាចតទល់នឹងបញ្ហាទាំងនេះបានក៏ពិតមែន ប៉ុន្តែមិនមែនរាល់ដំណាះស្រាយទាំងនោះសុទ្ធតែអាចយកទៅដោះស្រាយបានឡើយ គឺទាល់តែមានការប្តេជ្ញាចិត្តខ្ពស់ និងការអនុវត្តឱ្យបានទៀងទាត់ជាប្រចាំ។
យ៉ាងណាក៏ដោយ បើតាមគេហទំព័រ Your Tango បានបង្ហាញទម្លាប់ចំនួន៤ ដែលអាចជួយលោកអ្នក ក្នុងការពង្រឹងសុខភាពផ្លូវចិត្ត និងដោះស្រាយបញ្ហាអារម្មណ៍ជាប់គាំង ៖
១. សរសរក្ដីមន្ទិលទាំងអស់ចេញមកក្រៅ ៖ ការអង្គុយសរសេររឿងរ៉ាវចេញមកដាក់ក្នុងផ្នែកណាមួយអំពីមន្ទិលដែលខ្លួនកំពុងជួបប្រទះ ការព្រួយបារម្ភ និងរឿងរ៉ាវដែលខ្លួនមិនពេញចិត្ត ហើយប្រើពេលធ្វើវាតែម្នាក់ឯងដើម្បីឱ្យកាន់តែជំរុញចិត្តលោកអ្នកមានអារម្មណ៍ប្រសើរ។ សរសេរបញ្ហាចេញមកក្រៅ យ៉ាងហោចណាស់សរសេរឱ្យបានប្រាំចំណុច អំពីកំហុសដែលបានប្រព្រឹត្តិ ក៏ដូចជាអ្វីដែលខ្លួនឯងមិនអាចទទួលយកបាន ដោយធ្វើយ៉ាងណាផ្តល់ឱកាសឱ្យខ្លួនបានបញ្ចេញទស្សនៈមិនល្អមកក្រៅតាមរយៈទឹកប៊ិក និងក្រដាសមួយសន្លឹកដែលមាននៅក្នុងដៃស្រាប់ ដើម្បីបង្កើនអារម្មណ៍សុវត្ថិភាព និងផាសុកភាព ក៏ដូចជាសន្តិភាពទៅកាន់សុខភាពផ្លូវចិត្ត។
២. សមាធិយ៉ាងហោចណាស់១០នាទី ៖ សមាធិមានច្រើនប្រភេទ ដូច្នេះជ្រើសប្រភេទដែលស្របនឹងស្ថានភាពបច្ចុប្បន្ន ក៏ដូចជាចំណូចចិត្តនៃខ្លួនឯង យ៉ាងណាអ្វីដែលគួរឱ្យចាប់អារម្មណ៍នៅត្រង់ចំណុចនេះ ត្រង់ថា យើងគ្រាន់តែស្គាល់អំពីផ្លូវដង្ហើមចេញចូល ប៉ុន្តែមិនមានន័យថាត្រូវទប់ចិត្តមិនឱ្យគិតរឿងរ៉ាវនានានោះទេ គឺគ្រាន់តែសង្កេត លើអារម្មណ៍ដែលកំពុងកើតមាននៅក្នុងខ្លួនប៉ុណ្ណោះ។
៣. ត្រឡប់ទៅមើលអ្វីដែលបានសរសេរទុកកាលពីមុន ៖ ជ្រើសយកបញ្ហាបីចំណុចសំខាន់ៗ ដែលអ្នកបានសរសេរទុក បន្ទាប់មកជ្រើសយកដំណោះស្រាយយ៉ាងតិចពីរភ្ជាប់មកជាមួយ។ តែយ៉ាងណា បើអាចកំណត់បញ្ហានិងដំណោះស្រាយឱ្យបានកាន់តែច្រើនជាងនេះ គឺរឹតតែល្អ បន្ទាប់ពីជ្រើសយកចំណុចសំខាន់ៗរួចហើយ បំបែកវាឱ្យទៅជាជំហានតូចៗក្នុងការដោះស្រាយ។
៤. ដោះបញ្ហាលក្ខណៈសាមញ្ញ ៖ ដំណោះស្រាយ ឬក៏ជំហានខ្លះសាមញ្ញៗទេ ដោយគ្រាន់តែប្រាប់អំពីអ្វីដែលអ្នកគ្រោងនឹងធ្វើឱ្យអ្នកដទៃបានដឹង ដែលវាជាការបណ្តុះស្មារតីឱ្យមានសេចក្តីប្តេជ្ញាចិត្តខ្ពស់ , ការប្រាប់ទៀតសោធន៍ អ្នកអាចជ្រើសយកបណ្តាញសង្គម ឬមនុស្សនៅក្បែរខ្លួន៕
