ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កាលពីពេលថ្មីកន្លងមកនេះ ក្រសួងអប់រំ យុវជន និងកីឡាបានរៀបចំពិធីប្រគល់ទង់ជ័យលាភីវិទ្យាល័យដែលមានសិស្សប្រឡងបាននិទ្ទេស A ច្រើនជាងគេ និងប្រារព្ធទិវាគ្រូបង្រៀន ៥ តុលា ២០២៥ ក្រោមប្រធានបទ “គ្រូបង្រៀនជាតួអង្គសំខាន់នៃបរិវត្តកម្មបញ្ញាសិប្បនិម្មិត (AI)” នៅវិទ្យាស្ថានបច្ចេកវិទ្យាកម្ពុជា ក្រោមអធិបតីភាព លោកបណ្ឌិតសភាចារ្យ ហង់ជួន ណារ៉ុង ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា។
ចំពោះសាលារៀនវ៉េស្ទឡាញន៍ និងសាលារៀនណត្សឡាញន៍ទទួលបានទង់ជ័យលាភីវិទ្យាល័យដែលមានសិស្សប្រឡងបាននិទ្ទេស A ច្រើនជាងគេក្នុងការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២៨ តុលា ឆ្នាំ២០២៥ ។ ចំណែកចំនួនសិស្សប្រឡងជាប់និទ្ទេស A មាន៣៣នាក់ ដែលកើនឡើងជាងឆ្នាំកន្លងទៅ។
យោងតាមក្រសួងអប់រំ យុវជន និងកីឡា ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី ២៨ ខែសីហា ឆ្នាំ ២០២៥ ក្នុងចំណោមបេក្ខជនទូទាំងប្រទេស ១៤៦,៧២០ នាក់ (ស្រី ៨១,៤៤២ នាក់) ដែលចូលប្រឡង មានសិស្សប្រឡងជាប់សរុប ១២២,៤៧៣ នាក់ ដោយមានអត្រាជាប់ ៨៤.៥៦ ភាគរយ។
បេក្ខជនដែលទទួលនិទ្ទេស A មានចំនួន ៣,០០៣ នាក់ និទ្ទេស B ចំនួន ៩,៩០១ នាក់ និទ្ទេស C ចំនួន ២៨,៨០១ នាក់ និទ្ទេស D មានចំនួន ៤៥,៨៥៩ នាក់ និងនិទ្ទេស E មានចំនួន ៣៤,៩០៩ នាក់។
គួរបញ្ជាក់ថា ការប្រារព្ធទិវាគ្រូបង្រៀន នៅថ្នាក់ជាតិបានប្រព្រឹត្តទៅក្រោម ប្រធានបទ “គ្រូបង្រៀនជាតួអង្គសំខាន់នៃបរិវិត្តកម្មបញ្ញាសិប្បនិម្មិត” ដើម្បីបង្ហាញអំពីទិសដៅ គោលនយោបាយរបស់ក្រសួងអប់រំ យុវជន និងកីឡា ក្នុងការកសាងមូលដ្ឋានគ្រឹះរបស់គ្រូបង្រៀន ឆ្លើយតបទៅនឹងបរិវិត្តកម្មវិស័យអប់រំនៅកម្ពុជា ផ្តោតលើការប្រើប្រាស់ និងការចេះទាញយក អត្ថប្រយោជន៍ជាអតិបរិមានៃការរីកចម្រើនបច្ចេកវិទ្យាអប់រំ (EdTech) និងបញ្ញាសិប្បនិម្មិត (AI) ក្នុងការលើកកម្ពស់គុណភាពអប់រំ តាមរយៈការអភិវឌ្ឍបំណិនឌីជីថលដល់គ្រូបង្រៀននៅកម្ពុជា ដើម្បីឆ្លើយតបទៅនឹងការវិវត្តយ៉ាងឆាប់រហ័សនៃបច្ចេកវិទ្យាឌីជីថលក្នុងតំបន់ និងពិភពលោកដែលនឹងនាំមកនូវការផ្លាស់ប្តូរជាវិជ្ជមានយ៉ាងច្រើនដល់វិស័យអប់រំនៅកម្ពុជា៕
