ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងគោលបំណងបញ្រ្ជាបចំណេះដឹងអំពីការថែរក្សាបរិស្ថាន យុវជនឯកអគ្គរដ្ឋទូតសហរដ្ឋអាមេរិកមួយក្រុម នឹងរៀបចំធ្វើពិព័រណ៍ ArtEdVenture នៅចុងសប្តាហ៍នេះ តាមរយៈការបង្ហាញស្នាដៃសិល្បៈ និងគំនិតច្នៃប្រឌិតរបស់យុវជនក្នុងការការពារបរិស្ថាន។
កញ្ញា កៅ ម៉េងហ័ង សមាជិកក្រុមប្រឹក្សាយុវជនឯកអគ្គរដ្ឋទូតសហរដ្ឋអាមេរិក (AYC) ដែលរៀបចំព្រឹត្តិការណ៍នេះនិយាយថា នៅក្នុងការតាំងពិព័រណ៌ ArtEdVenture នឹងមានការចាក់បញ្ចាំងរឿងអប់រំខ្លីៗ ការកែច្នៃវត្ថុ សម្ភារៈប្រើប្រាស់រួច ជាសម្ភារៈលម្អ និងប្រើសារជាថ្មី ព្រមទាំងការបង្ហាញម៉ូតសម្លៀកបំពាក់។ ម៉េងហ័ង បន្តថា សមិទ្ធិផលដែលយកមកដាក់តាំងបង្ហាញ គឺសុទ្ធសឹងតែបង្កើតឡើងដោយសមាជិកទាំង៧រូប និងយុវជនស្ម័គ្រចិត្ត ២០នាក់ នៃគម្រោង ArtEdVenture រួមមាន ក្រុមគំនូរ ក្រុមកែច្នៃសម្ភារៈ ក្រុមផលិតរឿងអប់រំខ្លី និងក្រុមច្នៃម៉ូតសម្លៀកបំពាក់ ដែលពួកគាត់បានបង្ហាញសិល្បៈនៃការកែច្នៃសំរាមប្លាស្ទិក និងការបង្កើតថ្មីប្រកបដោយនិរន្តរភាព។
សមាជិកក្រុមប្រឹក្សាយុវជនឯកអគ្គរដ្ឋទូតសហរដ្ឋអាមេរិក (AYC) បញ្ជាក់បន្ថែមថា ការតាំងពិព័រណ៌ ArtEdVenture នេះ រៀបចំឡើងសម្រាប់សិស្សានុសិស្ស យុវជន និងសាធារណជន ចូលរួមទស្សនាដោយឥតគិតថ្លៃ ក្នុងការដាក់តាំងស្នាដៃប្លែកៗ ការបង្ហាញម៉ូត ដើម្បីទទួលបានការជំរុញចិត្តក្នុងការចូលរួមថែរក្សាបរិស្ថាន។
ជាមួយគ្នានេះ កញ្ញា ម៉េងហ័ង រំពឹងថា កម្មវិធីនេះ នឹងមានអ្នកចូលរួមទស្សនាច្រើន ព្រមទាំងទទួលបានការផ្លាស់ប្ដូរឥរិយាបទក្នុងការរស់នៅតាមរយៈការកាត់បន្ថយការប្រើប្រាស់សំរាមប្លាស្ទិក ដើម្បីជួយឱ្យកម្ពុជាមានសោភ័ណភាពកាន់តែស្រស់ស្អាត។
ការតាំងពិព័រណ៌ ArtEdVenture ធ្វើឡើងរយៈពេលពេញមួយថ្ងៃ គឺនៅថ្ងៃទី០២ ខែវិច្ឆិកា ឆ្នាំ២០២៤ចុងសប្តាហ៍នេះ ដែលមានទីតាំងនៅ Maloop រាជធានីភ្នំពេញ។
គួរជំរាបជូនដែរថា ArtEdVenture គឺជាគម្រោងមួយដែលជួយជំរុញ និងលើកកម្ពស់ភាពច្នៃប្រឌិត របស់យុវជនដោយប្រើសិល្បៈដើម្បីបញ្ជាក់ពីគំនិង និតជំនាញច្នៃប្រឌិតរបស់ពួកគេ៕
