សន្និសីទនៃការបង្រៀនថ្នាក់ជាតិ (NTC) លើកដំបូងរបស់ព្រះរាជាណាចក្រកម្ពុជាបានបញ្ចប់ប្រកបដោយភាពជោគជ័យ នៅថ្ងៃទី២៤ និង២៥ ខែសីហា ឆ្នាំ២០២៤ ដែលជាសន្និសីទដ៏សំខាន់មួយសម្រាប់អនាគតនៃការអប់រំនៅក្នុងប្រទេស។ ប្រារព្ធឡើងរយៈពេលពីរថ្ងៃនៅវិទ្យាស្ថានបច្ចេកវិទ្យាកម្ពុជា សន្និសីទនេះបានប្រមូលផ្តុំអ្នកអប់រំ និស្សិត អ្នកគ្រប់គ្រង អ្នកបង្កើតគោលនយោបាយ និងអ្នកដឹកនាំគំនិត រួមទាំងវាគ្មិនថ្នាក់ជាតិ និងអន្តរជាតិជាង ១,៥០០នាក់។ ក្រោមមូលបទ៖ «ការរួមបញ្ចូលឌីជីថល និងបច្ចេកវិទ្យា៖ ឧបករណ៍ក្នុងការកែទម្រង់ការអប់រំ» សន្និសីទនៃការបង្រៀនថ្នាក់ជាតិ (NTC) បានផ្តល់វេទិកាដ៏មានតម្លៃសម្រាប់ការចែករំលែកចំណេះដឹង ជំរុញកិច្ចសហការ និងនវានុវត្តន៍។

ភាពលេចធ្លោរបស់សន្និសីទនៃការបង្រៀនថ្នាក់ជាតិ (NTC)

នៅអំឡុងពេលសម្ពោធពិធី ថ្នាក់ដឹកនាំ និងអ្នកជំនាញនៅក្នុងវិស័យអប់រំបានសង្កត់ធ្ងន់លើសារៈសំខាន់ និងលើកទឹកចិត្តដល់អ្នកអប់រំឱ្យស្វែងយល់កាន់តែច្បាស់លើការរួមបញ្ចូលឌីជីថល និងបច្ចេកវិទ្យានៅក្នុងការបង្រៀនរបស់ពួកគេ។

អ្នកឧកញ៉ា វេជ្ជបណ្ឌិត គួច ម៉េងលី ដែលជាស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. អេឌ្យូខេសិន បានថ្លែងសុន្ទរកថាស្វាគមន៍ដោយគូសបញ្ជាក់ថា៖ «ប្រធានបទឆ្នាំនេះពិតជាមានសារៈសំខាន់សម្រាប់អ្នកអប់រំ អ្នកបង្កើតគោលនយោបាយ និងអ្នកដឹកនាំគំនិតដើម្បីពិភាក្សា និងស្វែងរកដំណោះស្រាយរួមគ្នាដើម្បីពង្រឹងបទពិសោធសិក្សាដល់អ្នកជំនាន់ក្រោយ»។

ឯកឧត្តមបណ្ឌិត អ៊ុម រម្យណី រដ្ឋលេខាធិការ នៃក្រសួងអប់រំ យុវជន និងកីឡា បានថ្លែងសុន្ទរកថាបើកកម្មវិធីដោយសាទរចំពោះ ក្រុមហ៊ុន ម៉េងលី ជេ. អេឌ្យូខេសិន ក្នុងការផ្តួចផ្តើមរៀបចំសន្និសីទនេះឡើង។ ឯកឧត្តមបណ្ឌិត បានបន្ថែមថា៖ «ខ្ញុំសូមលើកទឹកចិត្តឱ្យស្ថាប័នអប់រំទាំងវិស័យរដ្ឋ និងឯកជនរួមគ្នាជាមួយខាងក្រសួងដើម្បីធ្វើការរួមគ្នាដើម្បីបង្កើតធនធានមនុស្សបន្ថែមទៀតប្រកបដោយសមត្ថភាពពិតប្រាកដ»។

សន្និសីទនៃការបង្រៀនថ្នាក់ជាតិ (NTC) ក៏មានការចូលរួមដោយវាគ្មិនកិត្តិយសក្នុងស្រុក និងក្រៅស្រុកផងដែរ។ ក្នុងនោះមានដូចជា ឯកឧត្តមបណ្ឌិត សាន វឌ្ឍនា រដ្ឋលេខាធិការក្រសួងអប់រំ យុវជន និងកីឡា លោក Joon Lee មកពីស្ថាប័ន Oxford University Press និងលោកបណ្ឌិត ទៀង គឹមសែង មកពីសាកលវិទ្យាល័យភូមិន្ទភ្នំពេញ បានមកចែករំលែកពីយុទ្ធសាស្រ្ត និងវិធីសាស្រ្តបង្រៀនសម័យទំនើប និងនាំយកទស្សនៈពិភពលោកមកពិភាក្សា។ សន្និសីទនេះក៏បានផ្តល់ឱកាសជាច្រើនសម្រាប់ការបង្កើតទំនាក់ទំនង និងការស្វែងយល់ពីបច្ចេកវិទ្យាចុងក្រោយបង្អស់សម្រាប់ការអប់រំនៅឯស្តង់ពិព័រណ៍របស់អ្នកឧបត្ថម្ភកម្មវិធី។

ភាពលេចធ្លោមួយនៃសន្និសីទនេះគឺការចូលរួមពីសំណាកអ្នកអប់រំជាតិ និងអន្តរជាតិមកពីបណ្តាប្រទេសនានាមកចូលរួមចែករំលែកចំណេះដឹង និងផ្លាស់ប្តូរបទពិសោធល្អបំផុតសម្រាប់ការបង្រៀនសម្រាប់មូលបទនៅឆ្នាំនេះ។

ការឆ្លុះបញ្ចាំងពីតម្លៃស្នូល

សន្និសីទនៃការបង្រៀនថ្នាក់ជាតិ (NTC) បានគឺស្តង់ដារសន្និសីទអប់រំថ្មីនៅកម្ពុជា។ ក្នុងរយៈពេលពីរថ្ងៃ អ្នកអប់រំត្រូវបានផ្តល់សិទ្ធិអំណាចជាមួយនឹងយុទ្ធសាស្ត្រ និងឧបករណ៍ថ្មីៗដើម្បីនាំទៅក្នុងថ្នាក់រៀនរបស់ពួកគេ ដោយជំរុញបរិយាកាសសិក្សាដែលរួមបញ្ចូលបច្ចេកវិទ្យាសម្រាប់សិស្សនៅទូទាំងប្រទេស។ សន្និសីទនេះទទួលបានជោគជ័យក្នុងការបង្កើតសហគមន៍អ្នកអប់រំក្នុងការផ្តល់ការអប់រំប្រកបដោយគុណភាព និងភាពច្នៃប្រឌិត។

ការសម្លឹងទៅកាន់អនាគត

ភាពជោគជ័យនៃសន្និសីទនៃការបង្រៀនថ្នាក់ជាតិ (NTC) លើកដំបូង បានបង្ហាញពីការចាប់ផ្តើមនៃដំណើរឆ្ពោះទៅកាន់ព្រឹត្តិការណ៍អប់រំបន្ថែមទៀតដើម្បីពង្រឹងវិធីសាស្ត្រក្នុងការបង្រៀននៅប្រទេសកម្ពុជា។ សន្និសីទនេះគូសបញ្ជាក់ពីសក្តានុពលនៃការបន្តកិច្ចសហប្រតិបត្តិការរវាងរាជរដ្ឋាភិបាល វិស័យឯកជន និងអង្គការមិនរកប្រាក់ចំណេញ ដើម្បីលើកទឹកចិត្តអ្នកអប់រំ និងពង្រឹងការអប់រំនៅទូទាំងប្រទេស។

សម្រាប់ព័ត៌មានបន្ថែម សូមចូលទៅកាន់គេហទំព័រសន្និសីទការបង្រៀនថ្នាក់ជាតិ តាមរយៈគេហទំព័រ https://ntccambodia.com ឬតាមដានប្រព័ន្ធផ្សព្វផ្សាយសង្គមរបស់ ក្រុមហ៊ុន ម៉េងលី ជេ. អេឌ្យូខេសិន(MJQE)៕