ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈបណ្តាញសង្គមនៅថ្ងៃនេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានផ្ញើសាជូនពរទៅដល់បេក្ខជនដែលកំពុងប្រឡងសញ្ញាបត្រមធ្យមសិក្សាទុតិយភូមិទាំងអស់ សូមទទួលបានលទ្ធផលវិជ្ជមាន ជាមួយនឹងសមត្ថភាពពិត “អ្នកចេះគឺជាប់”។
ជាមួយគ្នានេះ សម្តេចនាយករដ្ឋមន្រ្តី ក៏បានជូនពរទៅដល់ថ្នាក់ដឹកនាំក្រសួងអប់រំ យុវជន និងកីឡា, ក្រុមការងារនៃគណ:កម្មាធិការរៀបចំការប្រឡង, អាជ្ញាធររាជធានី-ខេត្ត និងគ្រប់លំដាប់ថ្នាក់, អ្នកសង្កេតការណ៍ប្រឡង និងអ្នកស្ម័គ្រចិត្តទាំងអស់ សូមប្រកបដោយភាពជោគជ័យ និងសម្រេចភារកិច្ចជូនជាតិ ក្នុងការរៀបចំការប្រឡង ដើម្បីទទួលបានធនធានបន្តវេនយ៉ាងមុតស្រួចសម្រាប់ចូលរួមចំណែកក្នុងការអភិវឌ្ឍប្រទេសជាតិ និងកសាងផលប្រយោជន៍ថ្មីៗបន្ថែមទៀត។
ការប្រឡងសញ្ញាបត្រមធ្យមសិក្សាទុតិយភូមិ នឹងប្រព្រឹត្តទៅរយៈពេល២ថ្ងៃ គឺថ្ងៃទី២៨-២៩ ខែសីហា ឆ្នាំ២០២៥ នៅព្រឹកថ្ងៃទីមួយនេះ (២៨ សីហា ២០២៥) សម្រាប់ថ្នាក់វិទ្យាសាស្រ្ត ចាប់ពីម៉ោង ៧:៣០ ដល់ម៉ោង ៨:៣០ ជាការប្រឡងមុខវិជ្ជា ប្រវត្តិវិទ្យា (៦០នាទី) ហើយនៅវេលាម៉ោង ៩:០០ ដល់ម៉ោង ១០:៣០ ជាការប្រឡងមុខវិជ្ជា ជីវវិទ្យា (៩០នាទី)។ ដោយឡែកថ្នាក់វិទ្យាសាស្រ្តសង្គម នៅម៉ោង ៧:៣០ ដល់ម៉ោង ៨:៣០ ជាការប្រឡងមុខវិជ្ជា ផែនដី និងបរិស្ថានវិទ្យា (៦០នាទី) ហើយនៅវេលាម៉ោង ៩:០០ ដល់ម៉ោង ១០:៣០ ជាការប្រឡងមុខវិជ្ជា ប្រវត្តិវិទ្យា (៩០នាទី)។
នៅពេលរសៀល សម្រាប់ថ្នាក់វិទ្យាសាស្រ្ត មានការប្រឡងមុខវិជ្ជា គីមីវិទ្យា (៩០នាទី) និង ភាសាបរទេស (៦០នាទី) ហើយថ្នាក់វិទ្យាសាស្រ្តសង្គម មានមុខវិជ្ជា ភូមិវិទ្យា (៩០នាទី) និង ភាសាបរទេស (៦០នាទី)។
ដោយឡែកថ្ងៃទីពីរ (២៩ សីហា ២០២៥) សម្រាប់ថ្នាក់វិទ្យាសាស្រ្ត មានការប្រឡងទៅលើមុខវិជ្ជា អក្សរសាស្រ្តខ្មែរ (៩០នាទី), រូបវិទ្យា (៩០នាទី) ដោយពេលរសៀល មុខវិជ្ជា គណិតវិទ្យា (១៥០នាទី) ហើយថ្នាក់វិទ្យាសាស្រ្តសង្គម ពេលព្រឹកមានមុខវិជ្ជា គណិតវិទ្យា (៩០នាទី) សីលធម៌ ពលរដ្ឋ (៩០នាទី) និងពេលរសៀល អក្សរសាស្រ្តខ្មែរ (១៥០នាទី)៕
