សហព័ន្ធសេវាអប់រំ​នៅ​កម្ពុជា បង្ហាញបេសកកម្ម៤ ក្នុងការ​ចូលរួម​លើក​ស្ទួយ​វិស័យអប់រំ និង​បណ្តុះបណ្តាលធនធាន​មនុស្ស​នៅ​កម្ពុជា

ជាការចូលរួមចំណែក​ជាមួយ​រាជរដ្ឋាភិបាល​ ក្នុងការ​អភិវឌ្ឍធនធាន​មនុស្ស​ដែលមាន​សមត្ថភាព​សម្រាប់អនាគត​របស់​ប្រទេស​ សហព័ន្ធសេវាអប់រំ​នៅ​កម្ពុជា បានបង្ហាញអំពីបេសកកម្មចម្បងរបស់ខ្លួនចំនួន៤ ក្នុងការចូលរួមលើក​ស្ទួយ​វិស័យអប់រំ​នៅ​កម្ពុជា និង​ការ​បណ្តុះបណ្តាលធនធាន​មនុស្ស ដែលត្រូវចាត់ទុកថា ជាទុនដ៏សំខាន់​ក្នុងការ​ជួយ​ឱ្យ​សេដ្ឋកិច្ច​កម្ពុជា​កាន់តែ​មានការ​រីកចម្រើន​យ៉ាង​ប្រសើរ ក្លាយ​ជា​ប្រទេស​មាន​ចំណូល​មធ្យម​កម្រិតខ្ពស់​នៅ​ឆ្នាំ​២០៣០ និង​ប្រទេស​មាន​ចំណូល​ខ្ពស់​នៅ​ឆ្នាំ​២០៥០។

លោក គង់ សំនៀង ប្រធានសហព័ន្ធសេវាអប់រំនៅកម្ពុជា មានប្រសាសន៍ថា សហព័ន្ធសេវាអប់រំនៅកម្ពុជា ត្រូវបានបង្កើតឡើង នាដើមឆ្នាំ២០២០ ក្រោមចក្ខុវិស័យចង់ឃើញ ធនធានមនុស្សនៅប្រទេសកម្ពុជាមានចំណេះដឹង ជំនាញ និងភាពជាអ្នកដឹកនាំកាន់តែខ្ពស់ ដើម្បីអភិវឌ្ឍប្រទេសជាតិ។ ក្នុងនោះ បេសកកម្មចំបងៗរបស់សហព័ន្ធសេវាអប់រំនៅកម្ពុជាមានដូចជា៖

  • ចូលរួមជាមួយរាជរដ្ឋាភិបាលក្នុងការអភិវឌ្ឍធនធានមនុស្ស ក្នុងវិស័យអប់រំចំណេះទូទៅ ការអប់រំបណ្តុះ បណ្តាលបច្ចេកទេស និងវិជ្ជាជីវះ ចំណេះដឹងសហគ្រិនភាព ចំណេះដឹងហិរញ្ញវត្ថុ ចំណេះដឹងបច្ចេកវិទ្យា និងការអប់រំភាពជាអ្នកដឹកនាំ
  • ប្រមូលផ្តុំគ្រឹះស្ថានអប់រំបណ្តុះបណ្តាល និងដៃគូពាក់ព័ន្ធបង្កើតប្រព័ន្ធអេកូឡូស៊ីគាំទ្រសម្រាប់ការអប់រំ និងបណ្តុះបណ្តាល ដើម្បីការរីកចម្រើនលើគុណភាពធនធានមនុស្សដែលគាំទ្រ និងឆ្លើយ តបល្អតាមតម្រូវការអភិវឌ្ឍសេដ្ឋកិច្ចជាតិ
  • ស្រាវជ្រាវ និងចែករំលែកចំណេះដឹងអប់រំ ព័ត៌មានទីផ្សារការងារ តម្រូវការចំណេះជំនាញនានា ដែលប្រទេសជាតិត្រូវការនាពេលអនាគត
  • ពង្រឹងចំណេះដឹង និងជំនាញគ្រូបង្រៀន គ្រូបណ្តុះបណ្តាល និងអ្នកអប់រំទូទៅ ដើម្បីធានាបាននូវលទ្ធផលការសិក្សាខ្ពស់របស់សិស្សានុសិស្ស និស្សិត និងសិក្ខាកាម ។

គួរ​បញ្ជាក់ដែរថា មកដល់បច្ចុប្បន្ននេះសហព័ន្ធសេវាអប់រំនៅកម្ពុជាមានសមាជិក ចំនួន ១៣០ ស្ថាប័ន ដែលរួមមានសាលារៀនជាតិ និងអន្តរជាតិ ស្ថាប័នបណ្តុះបណ្តាល ក្រុមហ៊ុនបច្ចេកវិទ្យាអប់រំ អង្គការគាំទ្រវិស័យអប់រំ និងក្រុមហ៊ុនមួយចំនួនទៀតដែលផ្តល់សេវាគាំទ្រដល់ការអភិវឌ្ឍធនធានមនុស្សមានបុគ្គលិកអប់រំ និង គ្រូបង្រៀនសរុបជាងប្រាំមួយពាន់ (៦,០០០) នាក់ និងសិស្សជាងមួយម៉ឺន (១០០,០០០) នាក់។

ជាមួយគ្នានេះ បើតាមលោក គង់ សំនៀង សហព័ន្ធសេវាអប់រំ​នៅកម្ពុជា ក៏នគ្រោងនឹង​អនុវត្ត​ផែនការ​សកម្មភាព​ចំនួន៩បន្ថែមទៀត ដើម្បីចូលរួមចំណែកអនុវត្តផែនការយុទ្ធសាស្រ្តបញ្ចកោណទី១ ការអភិវឌ្ឍមូលធនមនុស្សរបស់រាជរដ្ឋាភិបាល ដូចជា ៖

  • ប្តេជ្ញាចូលរួមបង្កើនស្នាដៃក្នុងការគ្រប់គ្រងសាលារៀន និងបង្រៀនឱ្យកាន់តែមានប្រសិទ្ធិភាពដើម្បីជំរុញលទ្ធផលសិក្សាសិស្សកាន់តែប្រសើរ ដោយផ្តោតលើគុណភាពអប់រំ កីឡា វិទ្យាសាស្រ្ត និងបច្ចេកវិទ្យា
  • ចូលរួមជាមួយរាជរដ្ឋាភិបាល និងគាំទ្រក្នុងការធ្វើបច្ចុប្បន្នកម្ម កម្មវិធីសិក្សានៅគ្រប់កម្រិត និងការបង្កើតបរិយាកាសល្អ សម្រាប់ការសិក្សាពេញមួយជីវិត ដោយផ្តោតលើការពង្រឹងសមិទ្ធិផលដែលមានស្រាប់ និងជំរុញឱ្យមានការពង្រឹងអភិបាលកិច្ច និងប្រសិទ្ធិភាពគ្រប់គ្រង ព្រមទាំងជំរុញការចូលរួម និងភាពជាម្ចាស់ការរបស់មាតា បិតា សហគមន៍ និងវិស័យឯកជនផងដែរ
  • លើកទឹកចិត្ត និងជំរុញឱ្យមានការកែលម្អលើទំនើបកម្មក្នុងវិស័យអប់រំជាពិសេសឌីជីថល ការអភិវឌ្ឍហេដ្ឋារចនាសម្ព័ន្ធឌីជីថលតាមសាលារៀន និងជំរុញក្នុងការចាប់យកមុខវិជ្ជា វិទ្យាសាស្រ្ត បច្ចេកវិទ្យា វិស្វកម្ម សិល្បៈ និង គណិតវិទ្យា ដែលហៅកាត់ថា STEAM
  • គាំទ្រនិងជំរុញលើការយកចិត្តទុកដាក់បង្កើនសីលធម៍ និងឥរិយាបថល្អដល់សិស្សានុសិស្ស
  • ជំរុញ និងផ្តោតលើការអភិវឌ្ឃជំនាញយុទ្ធសាស្រ្ត ជំនាញការត្រិះរិះបែបស៊ីជម្រៅ លើកកម្ពស់ការស្រាវជ្រាវ ការអភិវឌ្ឍ និងនវានុវត្ត ព្រោះជំនាញទាំងនេះគឺពិតជាមានសារៈសំខាន់សម្រាប់ទាំង វិស័យរដ្ឋ និងឯកជន
  • លើកទឹកចិត្តឱ្យមានឱកាសចុះហ្វឹកហាត់ការងារកាន់តែទូលំទូលាយសម្រាប់សិស្សានុសិស្សដើម្បី ឆ្លើយតបទៅនឹងយុទ្ធសាស្រ្តបញ្ជកោណរបស់រាជរដ្ឋាភិបាលក្នុងការបង្កើនអត្រាការងារក្នុងស្រុក
  • គាំទ្រការពង្រឹងគុណភាពនៃការបណ្តុះបណ្តាលគ្រូបង្រៀន និងវិធីសាស្រ្តបង្រៀន ព្រមទាំងការបន្តលើកកម្ពស់ជីវភាព និងគុណតម្លៃ បុគ្គលិកសិក្សា គ្រប់កម្រិត
  • គាំទ្ររាជរដ្ឋាភិបាលក្នុងការបណ្តុះបណ្តាលជំនាញ TVET និងគួរចាប់ផ្តើមតាំងពីកម្រិតអនុវិទ្យាល័យឡើងទៅដោយអាចតម្រង់ទិស និងផ្តល់ឱកាសឱ្យសិស្សបានរកឃើញនូវជំនាញដែលពួកគេពេញចិត្ត និងសាកសមតាមសម្ថភាពរបស់ពួកគេ
  • គាំទ្រគោលនយោបាយបញ្ចកោណរបស់រាជរដ្ឋាភិបាលក្នុងការពង្រឹងភាពជាដៃគូវិស័យសាធារណៈ និងវិស័យឯកជន ដែលរាជរដ្ឋាភិបាលបានចាត់ទុកវិស័យឯកជនជាក្បាលម៉ាស៊ីននៃកំណើន និងជាដៃគូរសំខាន់បំផុតក្នុងការបង្កើតការងារ បង្កើតគំនិតច្នៃប្រឌិត និងនវានុវត្ត ការលើកកម្ពស់ផលិតភាព និងការពង្រឹងសមត្ថភាពប្រកួតប្រជែងរបស់កម្ពុជាក្នុងទីផ្សារតំបន់ និងសកល៕



របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍សាថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Monash ចក្រភពអង់គ្លេស

ព័ត៌មានអាហារូបករណ៍, ព្រឹត្តិការណ៍

• 02/08/2023

កម្មវិធីអាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យMonash ប្រកាសបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិជាច្រើនកន្លែង ...

វិទ្យាស្ថានជាតិពហុបច្ចេកទេស​អង្គរ ផ្តល់​ឱកាស​សិក្សា​ជំនាញឥតគិតថ្លៃចំនួន ២៤០០កន្លែង

ព័ត៌មានអាហារូបករណ៍, ព្រឹត្តិការណ៍

• 28/07/2025

វិទ្យាស្ថានជាតិ​ពហុបច្ចេកទេស​អង្គរ ដែលមានទីតាំងស្ថិត​នៅ​ក្រុងសៀមរាប បានប្រកាស​ពីការផ្តល់អាហារូបករណ៍​សិក្សា​ជំនាញ​បច្ចេកទេស​វគ្គខ្លី​ចំនួន ២៤០០កន្លែង ដោយ​ឥតគិតថ្លៃ ហើយ​សម្រាប់​បេក្ខជន​ដែល​មក​ពី​គ្រួសារក្រីក្រ និង​ងាយរងហានិភ័យ...

អាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare ប្រទេសជប៉ុន

ព័ត៌មានអាហារូបករណ៍, ព្រឹត្តិការណ៍

• 03/05/2023

សាកលវិទ្យាល័យ International University of Health and Welfare ប្រទេសជប៉ុនប្រកាសជ្រើសរើសនិស្សិតឆ្នាំមូលដ្ឋាន និងឆ្នាំទី២ផ្នែកវេជ្ជសាស្ត្រនៃសាកលវិទ្យាល័យវិទ្យាសាស្ត្រ...

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Manitoba ប្រទេសកាណាដា

ព័ត៌មានអាហារូបករណ៍, ព្រឹត្តិការណ៍

• 29/01/2024

ឱកាសទទួលបានអាហារូបករណ៍សាច់ប្រាក់ដើម្បីសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Manitoba នៃប្រទេសកាណាដា ឆ្នាំ២០២៤។

មជ្ឈមណ្ឌលអន្តេវាសិកនិស្សិតនារី ប្រកាសជ្រើសរើសនិស្សិតនារី ១២០នាក់ឱ្យទទួលបានការស្នាក់នៅក្នុងឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 27/08/2025

ដោយមានការគាំទ្រ និងលើកទឹកចិត្តដល់វិស័យអប់រំ ក្រសួងអប់រំ យុវជន និងកីឡា ប្រកាសជ្រើសរើសនិស្សិតនារីចំនួន១២០នាក់ ឱ្យទទួលបានកន្លែងស្នាក់នៅបណ្ដោះអាសន្ន នៃអន្តេវាសិកនិស្សិតនារី ក្នុងឆ្នាំសិក្សា២០២៥-២០២៦។

ក្រសួងអប់រំជ្រើសរើសនិស្សិតអាហារូបករណ៍ ថ្នាក់បរិញ្ញាបត្រ ទៅសិក្សានៅ Southern University of Science and Technology ប្រទេសចិន សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 13/02/2026

ក្នុងឆ្នាំ២០២៦នេះ Southern University of Science and Technology (SUSTech) នៃសាធារណរដ្ឋប្រជាមានិតចិន បានផ្តល់ អាហារូបករណ៍ ចំនួន ១០កន្លែង ដល់និស្សិតកម្ពុជា ដើម្បីទៅបន្តការសិក្សាថ្នាក់បរិញ្ញាបត្រ...

ក្រសួងអប់រំជ្រើសរើសនិស្សិតអាហារូបរកណ៍រដ្ឋាភិបាលចិន៦០កន្លែង សម្រាប់ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 13/12/2023

ក្រសួងអប់រំ យុវជន និងកីឡាប្រកាសប្រឡងជ្រើសរើសសិស្ស-និស្សិតកម្ពុជាទៅសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន ៦០កន្លែង ទៅសិក្សាអាហារូបករណ៍...

រដ្ឋាភិបាលចិន​ប្រកាស​ផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិត MOFCOM 2026

ព័ត៌មានអាហារូបករណ៍, ព្រឹត្តិការណ៍

• 28/04/2026

ស្ថានទូតនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា បានជូនដំណឹងជាផ្លូវការហើយ ពីការផ្តល់អាហារូបករណ៍របស់ក្រសួងពាណិជ្ជកម្មចិន (MOFCOM Scholarship) សម្រាប់ឆ្នាំសិក្សា ២០២៦

ជ្រើសរើសនិស្សិតសម្រាប់ស្នាក់នៅក្នុងអន្តេវាសិកដ្ឋានពីសហគមន៍សេចក្ដីអំណរអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 02/11/2023

សហគមន៍សេចក្ដីអំណរអន្តរជាតិ ឬហៅកាត់ JIFA ប្រកាសជ្រើសរើសនិស្សិតសម្រាប់ស្នាក់នៅអន្តេវាសិកដ្ឋានជាច្រើនរូប។ ការជ្រើសរើសនិស្សិតស្នាក់នៅ...