ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ភាពជោគជ័យរបស់មនុស្ស ឬនិស្សិតម្នាក់ៗមានច្រើនចំណុចនិងច្រើនវិធីសាស្រ្ត ។ ប្រសិនបើនិស្សិតមានវិធីសាស្រ្តឆ្ពោះទៅជោគជ័យរួចស្រេចហើយ គប្បីច្នៃវិធីសាស្រ្តនោះឱ្យទៅជាយុទ្ធសាស្រ្ត នោះដំណើរជីវិតសិក្សានៅសាកលវិទ្យាល័យនឹងកាន់តែមានប្រសិទ្ធិភាព ។ ទន្ទឹមគ្នានេះ ប្រសិទ្ធភាពសិក្សាពិតប្រាកដ ចាប់ផ្តើមពីនិស្សិតស្គាល់ច្បាស់ពីតួនាទី ព្រមទាំងភារកិច្ចនិងការទទួលខុសត្រូវរបស់ខ្លួន។ អ្នកស្រី នុត រត្ថា នាយិកាប្រតិបត្តិក្រុមហ៊ុនបណ្តាញព័ត៌មានអប្សរា (AMS) មានប្រសាសន៍ដូចនេះ នៅក្នុងសិក្ខាសាលា Winning University Life ចែករំលែកបទពិសោធន៍ដល់សិស្ស-និស្សិត កាលពីថ្ងៃអាទិត្យកន្លងទៅ នៅសាកលវិទ្យាល័យបញ្ញាសាស្ត្រកម្ពុជា ។
១. កុំស្រមើស្រមៃទាំងថ្ងៃ ៖ ដើម្បីចៀសវាងកុំឱ្យខ្លួនឯងក្លាយជាមនុស្សស្រមើស្រមៃច្រើនខុសកាលៈទេសៈ គឺត្រូវគិតពីសុខភាព គេង និងទទួលទានឱ្យបានគ្រប់គ្រាន់ ។ កត្តាទាំងនេះនឹងនាំឱ្យអ្នកមានអារម្មណ៍ល្អស្រស់ស្រាយ សប្បាយចិត្ត ហើយអាចផ្តោតលើការរៀនសូត្របានល្អ ។ លើសពីនេះនិស្សិតត្រូវតាមដានចិត្តខ្លួនឯងជានិច្ច ថាតើ ខ្លួនកំពុងអង្គុយក្នុងថា្នក់រៀន អាចយល់ឬតាមទាន់មេរៀនគ្រូកំពុងពន្យល់កម្រិតណា?
អ្នកស្រី នុត រត្ថា បានបញ្ជាក់ថា ៖
“ក្នុងនាមជានិស្សិតកុំភ្លេចតួនាទីខ្លួនឯង ពេលរៀននៅក្នុងថ្នាក់ត្រូវយកចិត្តទុកដាក់ស្ដាប់គ្រូពន្យល់ ចេះឆ្លើយឆ្លង ទំនាក់ទំនង ជជែកសួរសំណួរ និងបញ្ជាក់បន្ថែមត្រង់ចំណុចដែលមិនទាន់ច្បាស់ ដើម្បីឱ្យបរិយាកាសក្នុងថ្នាក់កាន់តែគួរឱ្យចង់រៀន ហើយរឿងទាំងនេះសុទ្ធតែអាចធ្វើបានទាំងអស់”
២. កុំគិតលើសពេក ៖ ត្រង់ចំណុចនេះ មិនមែនហាមនិស្សិតគ្រប់គ្នាមិនឱ្យគិតនោះទេ ប៉ុន្តែរឿងសំខាន់និស្សិតត្រូវដឹងពីរបៀបនៃការគិត មានន័យថាគិតឱ្យស៊ីជម្រៅ ប៉ុន្តែមិនមែនគិតបែករវើរវាយ ឬគិតអ្វីដែលលើសពេកនោះទេ ។ ឧទាហរណ៍ពេលដែលលោកគ្រូអ្នកគ្រូដាក់កិច្ចការឱ្យធ្វើរយៈពេលមួយខែ សូមកុំប្រើពេលតែមួយយប់ដើម្បីធ្វើ ទោះបីអាចធ្វើបានក៏ដោយ ព្រោះលទ្ធផលវានឹងធ្លាក់ទៅតាមនោះ ។
“លទ្ធផលជោគជ័យមិនអាចទទួលបានតាមរយៈផ្លូវកាត់ទេ ត្រូវការពេលវេលាជាស្ពានឈានទៅរករឿងដែលយើងប៉ងប្រាថ្នា”
អ្នកស្រី នុត រត្ថា នាយិកាប្រតិបត្តិក្រុមហ៊ុនបណ្តាញព័ត៌មានអប្សរា (AMS)
ទន្ទឹមគ្នានេះ អ្នកស្រីបានបន្តថា ជាទូទៅអ្នកដែលមានអំនួតភាគច្រើនជាបុគ្គលមានសក្ដានុពលខ្ពង់ខ្ពស់ ដោយអាងថាខ្លួនគេពូកែ ខ្លួនមានទេពកោសល្យ និងវៃឆ្លាតដាច់គេជាដើម ។ ទាំងនេះជាចំណុចគិតលើសពេកអាចនឹងធ្វើឱ្យមនុស្សភ្លេចខ្លួនឈានរកភាពអន្តរាយ ។ អ្នកស្រីបញ្ជាក់បន្ថែមថា ចំណុចនេះយុវជនសុំកុំគិតលើសពេក កុំគិតថាខ្លួនឯងខ្លាំងពេក ឆ្លាតពេក ពូកែពេក គឺត្រូវធ្វើវាឱ្យមានតុល្យភាព ហើយមានតែការខិតខំប្រឹងប្រែងតស៊ូបន្តិចម្ដងៗទេទើបជាការជោគជ័យដ៏ប្រសើរ ។
៣. កុំគិតថាខ្លួនឯងនៅក្មេង ៖ ក្នុងនាមជានិស្សិតម្នាក់កុំគិតថាខ្លួនឯងក្មេង ត្រូវរំឮកខ្លួនឯងជារឿយៗថា ខ្លួនបានចប់វិទ្យាល័យហើយ ហើយកំពុងសិក្សានៅសាកលវិទ្យាល័យ និងជាមនុស្សពេញវ័យម្នាក់អាចសម្រេចចិត្តបាន ។ យុវជនដែលមានអត្តចរឹកចាស់ទុំ មានភាពច្បាស់លាស់ទាំងគំនិត និងគ្រប់កាយវិការ គឺជាបុគ្គលដែលមានទំនួលខុសត្រូវលើការសម្រេចចិត្តរបស់ខ្លួន ។
ស្របគ្នានេះដែរ អ្នកស្រី នុត រត្ថា បានរំឮកទៅកាន់យុវជនចូលរួមសិក្ខាសាលាថា យុវជនត្រូវហ៊ានសាកល្បងធ្វើអ្វីដែលជាចំណង់ចំណូលចិត្តផ្ទាល់ខ្លួន និងរៀនចាត់ចែងកាលវិភាគរស់នៅប្រចាំថ្ងៃឱ្យបានត្រឹមត្រូវ ដើម្បីឱ្យពេលវេលាដែលមានក្លាយជាប្រយោជន៍សម្រាប់ខ្លួនឯង ។ គំនិតយល់ថាខ្លួនឯងមានពេលវេលាច្រើន ឬខ្លួនឯងនៅក្មេងខ្ចីពេក អាចឱ្យមនុស្សខាតពេលវេលាផ្ទាល់ខ្លួន ដូចឃ្លាថា ពេលវេលាជាមាសប្រាក់ប្រសិនបើចាយពេលមិនបានត្រឹមត្រូវស្មើនឹងការចាយប្រាក់ខុសខ្ទង់ ៕
សូមជម្រាបថា សាកលវិទ្យាល័យបញ្ញាសាស្រ្តកម្ពុជា (PUC) និងវិទ្យាស្ថានមគ្គុទេសនៃសាកលវិទ្យាល័យបញ្ញាសា្រស្តកម្ពុជា សហការជាមួយ The way of life Cambodia និង Buddhism for Education Association បានរៀបចំនិងបង្កើតកម្មវិធី Winning University Life ក្នុងគោលបំណងជួយពង្រីកចំណេះដឹងតម្រង់ទិសដល់យុវជនកម្ពុជាដែលទើបតែបញ្ចប់ថ្នាក់វិទ្យាល័យទី១២ និងនិស្សិត ឱ្យទទួលបានចំណេះដឹងជីវិតបន្ថែម ដើម្បីបន្តការសិក្សានៅសាកលវិទ្យាល័យប្រកបដោយគុណភាព ចំណេះដឹងពិតប្រាកដ និងភាពជោគជ័យក្រោយពេលបញ្ចប់ការសិក្សានៅសាកលវិទ្យាល័យ ។ សិក្ខាសាលានេះ មានវាគ្មិនជំនាញជាច្រើនរូបអញ្ជើញចូលរួមចែករំលែកបទពិសោធន៍ ៕
លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រចំនួន១០កន្លែងនៅវិទ្យាស្ថានជាតិបណ្ដុះបណ្ដាលបច្ចេកទេសឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 18/09/2025
វិទ្យាស្ថានជាតិបណ្ដុះបណ្ដាលបច្ចេកទេស (NTTI) ផ្ដល់អាហារូបករណ៍ថ្នាក់បរិញ្ញាបត្រ និងកម្រិតសញ្ញាបត្រជាន់ខ្ពស់បច្ចេកទេស ចំនួន១០កន្លែង ក្រោមការឧបត្ថម្ភ និងគាំទ្រពី ឯកឧត្ដមអភិសន្តិបណ្ឌិត ស សុខា និង លោកជំទាវ កែ សួនសុភី ឆ្នាំសិក្សា២០២៥-២០២៦។
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ១០កន្លែងនៅសាកលវិទ្យាល័យលីមកុកវីង
ព័ត៌មានអាហារូបករណ៍, ព្រឹត្តិការណ៍
• 18/12/2023
ជាឱកាសសម្រាប់សិស្សនិស្សិតដែលកំពុងស្វែងរកអាហារូបករណ៍សិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅសាកលវិទ្យាល័យលីមកុកវីង ពេលនេះ គណៈកម្មាធិការអាហារូបករណ៍...
វិទ្យាស្ថានបច្ចេកទេសឧស្សាហកម្ម ផ្តល់អាហារូបករណ៍ជាង៣ពាន់កន្លែង សម្រាប់ការសិក្សាជំនាញបច្ចេកទេស និងវិជ្ជាជីវៈ
ព័ត៌មានអាហារូបករណ៍, ព្រឹត្តិការណ៍
• 30/10/2023
វិទ្យាស្ថានបច្ចេកទេសឧស្សាហកម្ម (ITI) បានប្រកាសជ្រើសរើសសិស្ស និស្សិតទាំងពីរភេទឱ្យចូលរៀនជំនាញបច្ចេកទេស និងវិជ្ជាជីវៈ ថ្នាក់អាហារូបករណ៍ចំនួន ៣៤៨៥នាក់។
វិទ្យាស្ថានពហុបច្ចេកទេសខេត្តកំពង់ធំ ជ្រើសរើសយុវជនឱ្យចូលរៀនជំនាញបច្ចេកទេស ដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 13/03/2025
វិទ្យាស្ថានពហុបច្ចេកទេសខេត្តកំពង់ធំ ប្រកាសជ្រើសរើសយុវជនដែលមកពីគ្រួសារមានបណ្ណក្រីក្រ១ និងទី២ និងគ្រួសារងាយរងហានិភ័យ ឱ្យចូលសិក្សាជំនាញបច្ចេកទេស និងវិជ្ជាជីវៈ ដោយឥតបង់ថ្លៃ។
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យមហាសារ៉ាខាម នៃព្រះរាជាណាចក្រថៃ ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 25/12/2023
ក្រសួងអប់រំ យុវជន និងកីឡា កម្ពុជាប្រកាសជូនដំណឹងពីការប្រឡងអាហារូបករណ៍ថ្នាក់ឧត្ដមសិក្សានៅសាកលវិទ្យាល័យមហាសារ៉ាខាម នៃព្រះរាជាណាចក្រថៃចំនួន១៤កន្លែង...
អាហារូបករណ៍ជំនាញសំណង់ស៊ីវិល តាមរយៈកម្មវិធីអាហារូបករណ៍ផ្លូវមួយខ្សែក្រវ៉ាត់មួយ
ព័ត៌មានអាហារូបករណ៍, ព្រឹត្តិការណ៍
• 22/01/2025
តាមរយៈកិច្ចសហការរវាងសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន និងសាកលវិទ្យាល័យមួយចំនួននៅរដ្ឋធានីប៉េកាំង សាធារណរដ្ឋប្រជាមានិតចិន បានសម្រេចផ្តល់អាហារូបករណ៍ផ្លូវមួយខ្សែក្រវ៉ាត់មួយ សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់...
វិទ្យាស្ថានជាតិវិជ្ជាជីវៈបាត់ដំបង ប្រកាសជ្រើសរើសសិស្សចូលរៀនជំនាញវិជ្ជាជីវៈ កម្រិត១ ឥតគិតថ្លៃចំនួន ៦៣០នាក់
ព័ត៌មានអាហារូបករណ៍, ព្រឹត្តិការណ៍
• 08/12/2023
វិទ្យាស្ថានជាតិវិជ្ជាជីវៈបាត់ដំបង ដែលជាគ្រឹះស្ថានសិក្សារបស់រដ្ឋស្ថិតក្រោមក្រសួងការងារ និងបណ្តុះបណ្តាលវិជ្ជាជីវៈ បានប្រកាសជ្រើសរើសសិស្សចំនួន ៦៣០នាក់ សម្រាប់កម្រិតសញ្ញាបត្របច្ចេកទេស និងវិជ្ជាជីវៈ១ (C1)...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Porto នៃព័រទុយហ្គាល់ ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 08/10/2025
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Porto នៃប្រទេសព័រទុយហ្គាល់ សម្រាប់និស្សិតអន្តរជាតិជាច្រើនកន្លែង នៅឆ្នាំសិក្សា២០២៦។ អាហារូបករណ៍ផ្ដល់សម្រាប់ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់បណ្ឌិត។
អាហារូបករណ៍ថ្នាក់ឧត្ដមសិក្សានៅប្រទេសគុយវ៉ែតពីកម្មវិធីអាហារូបករណ៍ WMI ឆ្នាំសិក្សា ២០២៦
ព័ត៌មានអាហារូបករណ៍, ព្រឹត្តិការណ៍
• 10/07/2025
កម្មវិធីអាហារូបករណ៍ Wells Mountain Initiative 2026 (WMI) នឹងបើកទទួលពាក្យស្នើអាហារូបករណ៍សម្រាប់និស្សិតអន្តរជាតិ នាខែធ្នូខាងមុខនេះ។ WMI នឹងផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត...
កម្មវិធីពិសេសរបស់ AMS EDUCATION
ព័ត៌មានសង្ខេប
