ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងឱកាសបើកការប្រកួតកីឡាពានរង្វាន់វេសឡាញ ២០២៥ កាលពីពេលថ្មីៗនេះ លោក តែ ឡាយ ប្រធាននាយកដ្ឋានអប់រំ និងធនធានមនុស្ស នៃក្រុមហ៊ុន វេសឡាញ អេឌ្យូខេសិន គ្រុប បានលើកឡើងថា កីឡា គឺជាបំណិនមួយ ក្នុងចំណោមបំណិនជាច្រើនទៀតដែលត្រូវបានដាក់បញ្ចូលទៅក្នុងកម្មវិធីសិក្សានៃបណ្តាញសាលារៀនវ៉េសឡាញន៍ទាំងអស់ ដើម្បីពង្រឹងកាយសម្បទាររបស់សិស្សឱ្យបានរឹងមាំ ស្វាហាប់ និងមានសុខភាពល្អ។
បើតាមលោក តែ ឡាយ កម្មវិធីកីឡា ដែលត្រូវបានដាក់បញ្ចូលទៅក្នុងកម្មវិធីសិក្សារបស់បណ្តាញសាលារៀនវេសឡាញន៍ មានដូចជា បាល់ទាត់ ប៉េងប៉ុង តេក្វាន់ដូ ហែលទឹក កីឡារាំ ដែលបានធ្វើកាហ្វឹកហាត់ ដោយព្យាយាមរហូតឈានដល់ ការប្រកួត ពានរង្វាន់ វេសឡាញ២០២៥នេះ។
យោងតាមរបាយការណ៍របស់លោក ទុំ តុលា គណៈកម្មការប្រកួតកីឡាសិស្ស បានឱ្យដឹងថា សម្រាប់ការប្រកួតពានរង្វាន់ វេសឡាញ ២០២៥នេះ កីឡាករមានលំដាប់អាយុចន្លោះពី ៩ឆ្នាំ ដល់១៩ឆ្នាំ ដែលជាសិស្សកំពុងសិក្សាទាំង១១សាខា នៃសាលារៀនវ៉េស្ទឡាញន៍ និងសាលារៀនណត្សឡាញន៍ សរុបចំនួន ២៥៩នាក់ ក្នុងនោះ វិញ្ញាសាប្រកួតឯកត្តជន កីឡាវាយកូនឃ្លីលើតុ ចំនួន ២៧នាក់, វិញ្ញាសាប្រកួតឯកត្តជន កីឡាហែលទឹក ២២នាក់, វិញ្ញាសាប្រកួតតេក្វាន់ដូ ៦៧នាក់ និង វិញ្ញាសាប្រកួតបាល់ទាត់ ចំនួន ១៤៣នាក់។
គួរជំរាបជូនថា ការប្រកួតកីឡាសិស្សពានរង្វាន់ វេសឡាញ ២០២៥ បានចាប់ផ្តើមកាលពីថ្ងៃទី៣១ ខែឧសភា កន្លងទៅនេះ នៅកីឡដ្ឋាន The Blue Sport Center ដោយមានការចូលរួមអបអរលើកទឹកចិត្តពី គណៈនាយក លោកគ្រូ អ្នកគ្រូសាលារៀនវ៉េស្ទឡាញន៍ និងណត្សឡាញន៍ គ្រប់សាខា មាតា បិតានិងអ្នកអាណាព្យាបាល ព្រមទាំងសិស្សានុសិស្ស ជាច្រើនរូប៕
