រដ្ឋលេខាធិកាក្រសួងអប់រំ៖ ការប្រារព្ធទិវាជាតិអំណាន ជាការបណ្ដុះទម្លាប់អានផង និងបណ្ដុះទម្លាប់តែងនិពន្ធផង

ភ្នំពេញ – នាព្រឹកថ្ងៃទី០៩ ខែមីនា ឆ្នាំ២០២៣ ក្នុងពិធីបើកកម្មវិធីការប្រកួតប្រណាំងអាន ស្មូតកំណាព្យ និងតែងនិពន្ធ ពានរង្វាន់ “សម្តេចតេជោ ហ៊ុន សែន” អបអរសាទរទិវាជាតិអំណានលើកទី៨ ឯកឧត្តមបណ្ឌិតសភាចារ្យ ណាត ប៊ុនរឿន រដ្ឋលេខាធិកាក្រសួងអប់រំ យុវជន និងកីឡា មានប្រសាសន៍ថា ទិវាជាតិអំណានលើកទី៨ ជាការបណ្ដុះទម្លាប់អានផង និងបណ្ដុះទម្លាប់តែងនិពន្ធផង។

ឯកឧត្តមបណ្ឌិតសភាចារ្យ ណាត ប៊ុនរឿន រដ្ឋលេខាធិកាក្រសួងអប់រំ យុវជន និងកីឡា បន្ថែមថា ការប្រារព្ធទិវាជាតិអំណាននេះ បានបណ្ដុះស្មារតី រក្សាការពារ វប្បធម៌ខ្មែរឱ្យគង់វង្ស ស្ថិតស្ថេរ ព្រមទាំងចង់ផ្សព្វផ្សាយ និងពង្រីកវប្បធម៌របស់ខ្លួននៅលើពិភពលោក។ ឯកឧត្តមបន្តថា ទិវាជាតិអំណាននេះ គឺជាការផ្សារភ្ជាប់អន្តរជំនាន់ពីជំនាន់មួយទៅជំនាន់មួយ ពីជំនាន់មុនមកដល់បច្ចុប្បន្ន ហើយតទៅក្រោយទៀត មិនមែនគ្រាន់តែអាន គ្រាន់តែប្រឡងប្រណាំងទេ គឺបំផុសឱ្យមានការកសាងស្នាដៃទុកផងដែរ។

ឯកឧត្តមបណ្ឌិតសភាចារ្យ ណាត ប៊ុនរឿន បញ្ជាក់បន្ថែមថា ការរៀបចំទិវាជាតិអំណានដោយបង្កើតឱ្យមានការប្រឡងប្រណាំងអានអត្ថបទ ស្មូតកំណាព្យ និងតែងនិពន្ធនេះ ជាការឆ្លើយតបទៅនឹងច្បាប់រដ្ឋធម្មនុញ្ញនៃព្រះរាជាណាចក្រកម្ពុជា (១៩៩៣) បានកំណត់ថាប្រទេសកម្ពុជាមានទាំងភាសាសរសេរ និងភាសានិយាយជាផ្លូវការ គឺជាភាសាខ្មែរ ដែលកូនខ្មែរត្រូវនាំគ្នាគោរព និងអនុវត្តឱ្យបាន។ ឯកឧត្តមក៏បានផ្ដាំឱ្យកូនខ្មែរត្រូវស្គាល់ឱ្យច្បាស់នូវព្យញ្ជនៈទាំង៣៣តួ របស់ខ្មែរ រួមទាំងស្រៈពេញតួ និងស្រៈនិស្ស័យផងដែរ ។

ឯកឧត្តមបណ្ឌិតសភាចារ្យ ណាត ប៊ុនរឿន រដ្ឋលេខាធិកាក្រសួងអប់រំ យុវជន និងកីឡា

“ប្រទេសកម្ពុជា មានទាំងភាសាសរសេរផង និងភាសានិយាយផង យើងត្រូវមានមោទនភាពដែលបានកើតមកជាកូនខ្មែរ និយាយឱ្យច្បាស់ និងត្រូវចៀសវាង ការសរសេរខុសអក្ខរាវិរុទ្ធ”

រដ្ឋលេខាធិការក្រសួងអប់រំ យុវជន និងកីឡា ក៏បានជូនពរដល់បេក្ខជនដែលមានសំណាងបានទទួលជ័យលាភីលេខមួយ មានឱកាសមកទទួលរង្វាន់ក្នុងកម្មវិធីទិវាជាតិអំណានលើកទី៨ ក្នុងពេលឆាប់ៗខាងមុននេះ ។ ឯកឧត្តមបណ្ឌិតសភាចារ្យ ក៏សូមជូនពរឱ្យស្មារតីទិវាជាតិអំណានស្ថិតស្ថេរជាអមតៈ ដើម្បីគាំទ្រដល់វប្បធម៌ខ្មែរ និងសូមឱ្យភាសាខ្មែរ ភាសានិយាយ ភាសាសរសេរស្ថិតស្ថេរជារៀងរហូត។

បើតាមលោក លោក ស៊ុន ប៊ុណ្ណា ប្រធាននាយកដ្ឋានអភិវឌ្ឍកម្មវិធីសិក្សា បានលើកឡើងថា កម្មវិធីប្រកួតប្រណាំងអានអត្ថបទ ស្មូតកំណាព្យ និងតែងនិពន្ធ នៅថ្នាក់ជាតិ និងថ្នាក់ក្រោមជាតិ ដើម្បីទទួលបានពានរង្វាន់ “សម្តេចតេជោ ហ៊ុន សែន” នឹងធ្វើការ​ជ្រើសរើសសិស្សទៅតាមកម្រិតសិក្សានីមួយៗ ក្រោមវិញ្ញាសាបីសំខាន់ៗរួមមាន ទី១.ការប្រឡងការប្រឡងប្រណាំងអាន ទី២. ការ្រប្រឡងប្រណាំស្មូតកំណាព្យ និងទី៣. ការប្រឡងប្រណាំងតែងនិពន្ធ ដែលមានបេក្ខជនមកពីរាជធានី-ខេត្តចំនួន២៥ ដែលមានបេក្ខជនចូលរួមចំនួន៧៥នាក់  ក្នុងនោះស្រី៦៣នាក់។

គួរជម្រាបជូនថា ក្រសួងអប់រំ យុវជន និងកីឡា នឹងរៀបចំប្រារព្ធទិវាជាតិអំណានលើកទី៨ នៅថ្ងៃទី ១១ មីនា ឆ្នាំ២០២៣ ដោយ​រំពឹងថា នឹងមានអ្នកចូលរួម ប្រមាណ ៤០០០នាក់ នៅវិទ្យាស្ថានបច្ចេកវិទ្យាកម្ពុជា៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាស​ទទួលបានអាហារូបករណ៍ ១០០% សម្រាប់ការសិក្សាថ្នាក់បរិញ្ញាបត្រ​នៅ​សហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 12/08/2024

ជាឱកា​សសម្រាប់សិស្ស​និស្សិត​ដែលមានបំណងចង់បន្តការសិក្សា​ថ្នាក់បរិញ្ញាបត្រ​នៅសហរដ្ឋអាមេរិក ពីកម្មវិធីអាហារូបករណ៍ American University Global Leader Scholarship 2025 ។

ឱកាសអាហារូបករណ៍នៅសាកលវិទ្យាល័យ Freiburg ឆ្នាំសិក្សា២០២៥ នៅប្រទេសអាល្លឺម៉ង់

ព័ត៌មានអាហារូបករណ៍, ព្រឹត្តិការណ៍

• 02/06/2025

កម្មវិធីអាហារូបករណ៍ University of Freiburg Scholarships in Germany 2025 ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Freiburg និងសាកលវិទ្យាល័យជាដៃគូ សម្រាប់និស្សិតអន្តរជាតិ សិក្សាថ្នាក់ឧត្ដមសិក្សា...

ឱកាសសិក្សាសញ្ញាបត្រជាន់ខ្ពស់ចំនួន១០កន្លែងនៅវិទ្យាស្ថានបច្ចេកទេស​ឧស្សាហកម្ម ឆ្នាំ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 22/11/2024

ឱកាសសិក្សាអាហារូបករណ៍ថ្នាក់កម្រិតសញ្ញាបត្រជាន់ខ្ពស់ ឬថ្នាក់បរិញ្ញាបត្ររង នៅវិទ្យាស្ថានបច្ចេកទេសឧស្សាហកម្ម ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនក្រោមការឧបត្ថម្ភ និងគាំទ្រពី...

វិទ្យាស្ថាន​ពហុបច្ចេកទេស​ភូមិភាគ​តេជោសែនតាកែវ ជ្រើសរើស​យុវជន​ចូលរៀនជំនាញបច្ចេកទេស និងវិជ្ជាជីវៈ១ ចំនួនជាង១ពាន់នាក់

ព័ត៌មានអាហារូបករណ៍, ព្រឹត្តិការណ៍

• 21/02/2025

វិទ្យាស្ថាន​ពហុបច្ចេកទេស​ភូមិ​ភាគ​តេជោ​សែនតាកែវ បានប្រកាស​ពីការជ្រើសរើស​យុវជន​ឱ្យ​ចូលរៀន​ជំនាញ​បច្ចេកទេស និង​វិជ្ជាជីវៈ១ ក្រោម​គ្រោង​កម្មវិធី ១,៥លាននាក់របស់រាជរដ្ឋាភិបាល រហូត​ដល់ទៅ​ចំនួន ១៦៨០នាក់ ក្នុងឆ្នាំ២០២៥នេះ។

ឱកាសសិក្សាតាមរយៈ Online ឥតគិតថ្លៃពីកម្មវិធី UNICEF Online Course

ព័ត៌មានអាហារូបករណ៍, ព្រឹត្តិការណ៍

• 21/05/2024

ឱកាសសិក្សាអាហារូបករណ៍តាមរយៈOnlineពីកម្មវិធី UNICEF Online Course ឆ្នាំសិក្សា២០២៤។ កម្មវិធីសិក្សាអាចផ្ដល់ភាពងាយស្រួលឱ្យអ្នកសិក្សា...

ឱកាសទទួលបានកម្មវិធីអប់រំនៅអង្គការដើម្បីភាពញញឹម នៃកុមារ ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 14/08/2025

អង្គការដើម្បីភាពញញឹមនៃកុមារ (PSE) កំពុងប្រកាសជ្រើសរើសសិស្សានុសិស្សដែលមកពីគ្រួសារក្រីក្រ ចូលរៀនអាហារូបករណ៍ក្នុងកម្មវិធីអប់រំសម្រាប់ឆ្នាំសិក្សា២០២៥-២០២៦។ កម្មវិធីផ្ដល់ជូនកម្មវិធីបណ្ដុះបណ្ដាលជំនាញវិជ្ជាជីវៈ កម្មវិធីអប់រំចំណេះទូទៅ...

ឱកាសសម្រាប់និស្សិតកម្ពុជា! អាហារូបករណ៍ពេញថ្លៃ DAAD ថ្នាក់បរិញ្ញាបត្រជាន់ខ្ពស់ ផ្នែក STEM នៅប្រទេសអាល្លឺម៉ង់

ព័ត៌មានអាហារូបករណ៍, ព្រឹត្តិការណ៍

• 05/06/2026

បច្ចុប្បន្ន កម្មវិធីអាហារូបករណ៍ដ៏មានកិត្យានុភាព DAAD Study Scholarships for STEM Disciplines របស់រដ្ឋាភិបាលអាល្លឺម៉ង់ កំពុង​​បើក​ទទួល​ពាក្យ​ស្នើសុំពីនិស្សិតមក​ពីប្រទេស​កំពុងអភិវឌ្ឍ រួមទាំងប្រទេសកម្ពុជាផងដែរ...

អាហារូបករណ៍ថ្នាក់បណ្ឌិត និង ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ King AbdulAziz អារ៉ាប៊ីសាអូឌីត

ព័ត៌មានអាហារូបករណ៍, ព្រឹត្តិការណ៍

• 11/09/2025

កម្មវិធីអាហារូបករណ៍ King AbdulAziz University Graduate Scholarship Programs បានប្រកាស​ពីការផ្តល់ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ King AbdulAziz អារ៉ាប៊ីសាអូឌីត

អាហារូបករណ៍ថ្នាក់ឧត្ដមសិក្សា១០កន្លែងនៅសាកលវិទ្យាល័យ Pavia ប្រទេសអ៊ីតាលី

ព័ត៌មានអាហារូបករណ៍, ព្រឹត្តិការណ៍

• 06/04/2023

កម្មវិធីអាហារូបករណ៍ថ្នាក់ឧត្ដមសិក្សានៃសាកលវិទ្យាល័យ Pavia ប្រទេសអ៊ីតាលី កំពុងបើកផ្ដល់អាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ ...