វិស័យអប់រំកាយ និងកីឡាត្រៀមខ្លួនជាស្រេចសម្រាប់ព្រឹត្តិការណ៍កីឡា

វិស័យអប់រំកាយ និងកីឡាត្រៀមខ្លួនជាស្រេចសម្រាប់ព្រឹត្តិការណ៍កីឡាស៊ីហ្គេម២០២៣

ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

25/11/2022 28/11/2022

ភ្នំពេញ – កីឡាស៊ីហ្គេម ( SEA Games) បានបង្កើតឡើងក្នុងឆ្នាំ១៩៥៩ និងប្រារព្ធឡើងរៀងរាល់ពីរឆ្នាំម្ដង ។ ការបង្កើតកីឡានេះមានគោលបំណងបង្កើនកិច្ចសហប្រតិបត្តិការលើកស្ទួយព្រឹត្តិការណ៍កីឡាក្នុងតំបន់ និងរឹតចំណងមិត្តភាព ព្រមទាំងការយល់ដឹងពីគ្នារវាងបណ្ដាប្រទេសនៅតំបន់អាស៊ីអាគ្នេយ៍ ។

ឆ្នាំ២០២៣ ខាងមុខនេះ ជាឆ្នាំដែលប្រទេសកម្ពុជាមានមោទនភាពមានសមត្ថភាពបង្ហាញឱ្យឃើញពីភាពរីកចម្រើន សុខសន្ដិភាពក្នុងប្រទេស និងជាប្រវត្តិសាស្ដ្រដែលកម្ពុជាទទួលបានទង់បន្តវេនធ្វើជាម្ចាស់ផ្ទះរៀបចំព្រឹត្តិការណ៍ប្រកួតកីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជាខកខានមិនបានរៀបចំអស់រយៈពេល ៦៣ឆ្នាំ ។

ឯកឧត្តមបណ្ឌិត រស់ សុវាចា អគ្គលេខាធិការ និងជាអ្នកនាំពាក្យក្រសួងអប់រំ យុវជន និងកីឡា មានប្រសាសន៍ថា ការត្រៀមខ្លួនធ្វើជាម្ចាស់ផ្ទះប្រកួតកីឡាស៊ីហ្គេមលើកទី៣២ នៅឆ្នាំ២០២៣ គឺជាអាទិភាពមួយដ៏សំខាន់ក្នុងចំណោមអាទិភាពទាំងប្រាំពីររបស់ក្រសួងអប់រំ យុវជន និងកីឡា ។

ឯកឧត្តមបណ្ឌិតបានបញ្ជាក់ថា គោលនយោបាយជាតិស្ដីពីការអភិវឌ្ឍវិស័យអប់រំកាយ និងកីឡា មានចក្ខុវិស័យកសាងមនុស្សគ្រប់រូបឱ្យមានសុខភាព និងសុខុមាលភាពល្អ កាយសម្បទាមាំមួន ឆន្ទៈមោះមុត ការអំណត់ព្យាយាម វិន័យ ស្មារតីក្រុម គំនិតច្នៃប្រតិដ្ឋ និងមានការតស៊ូស្វិតស្វាញ សំដៅដណ្ដើមបានលទ្ធផលល្អប្រសើរក្នុងការប្រកួតកីឡាលើឆាកអន្តរជាតិ និងមានជីវភាពរស់នៅប្រកបដោយសុខដុមរមនា ។

នេះបើតាមប្រសាសន៍របស់ឯកឧត្តមបណ្ឌិត រស់ សុវាចា អ្នកនាំពាក្យក្រសួងអប់រំ យុវជន និងកីឡា

“គោលនយោបាយអភិវឌ្ឍវិស័យអប់រំកាយ និងកីឡា មានគោលបំណងលើកកម្ពស់សិទ្ធិ ឱកាស និងបណ្ដុះវប្បធម៌អប់រំកាយ និងកីឡាដល់ប្រជាជនគ្រប់រូប និងមានគោលដៅ ដូចជា (១) អភិវឌ្ឍកីឡាសម្រាប់ទាំងអស់គ្នា (២) អភិវឌ្ឍវិស័យអប់រំកាយ និងកីឡានៅគ្រប់គ្រឹះស្ថានសិក្សា និងសហគមន៍ (៣) អភិវឌ្ឍកីឡាកម្រិតខ្ពស់ និង (៤) អភិវឌ្ឍឧស្សាហកម្មកីឡា និង (៥) អភិរក្ស និងអភិវឌ្ឍកីឡា និងល្បែងប្រជាប្រិយខ្មែរ”

ទន្ទឹមគ្នានេះ មន្ត្រីជាន់ខ្ពស់ក្រសួងអប់រំបានបញ្ជាក់ថា ដើម្បីត្រៀមខ្លួនរៀបចំការប្រកួតកីឡាស៊ីហ្គេមលើកទី៣២ នៅឆ្នាំ២០២៣ ខាងមុខ ក្រសួងអប់រំ យុវជន និងកីឡាបានដាក់ចេញនូវយុទ្ធសាស្ដ្រឆ្ពោះស្របតាមគន្លងប្រក្រតីភាពថ្មី ។

ក្នុងយុទ្ធសាស្ដ្រនេះ បានរំលេចយន្តការអនុវត្តឆ្ពោះទៅឆ្នាំ២០២៣ ដោយកំណត់ប្រភេទកីឡាសក្ដានុពល សម្រាប់ដាក់បញ្ចូលក្នុងកម្មវិធីប្រកួតកីឡាស៊ីហ្គេមលើកទី៣២ យុទ្ធសាស្ដ្រអភិវឌ្ឍន៍ធនធានមនុស្ស ដូចជាការហាត់ហ្វឹកហ្វឺនក្រុមកីឡាជម្រើសជាតិ សម្រាប់ដណ្ដើមមេដាយទាំងក្នុងប្រទេស និងក្រៅប្រទេស ។ ស្របគ្នានេះ ក្រសួងអប់រំ ក៏ជំរុញការហាត់ហ្វឹកហ្វឺនក្រុមកីឡាជនពិការ និងគ្រូបរទេសជាប់កិច្ចសន្យា និងយុទ្ធសាស្ដ្រដណ្ដើមមេដាយឆ្នាំ២០២៣ ។

យុទ្ធសាស្ដ្រឆ្ពោះទៅកីឡាស៊ីហ្គេមលើកទី៣២ ឆ្នាំ២០២៣ តាមគន្លងប្រក្រតីភាពថ្មីបានដាក់ចេញនូវវិធានការមួយចំនួន ដូចជា ការរៀបចំចាក់វ៉ាក់សាំងជូនមន្ដ្រីបច្ចេកទេស គ្រូបង្វឹក កីឡាករ ការជួសជុលកែលម្អទីលានក្នុងពហុកីឡដ្ឋានជាតិ និងសាងសង់ទីលានកីឡា ការរៀបចំបើកវគ្គបំប៉នសមត្ថភាពគ្រូបង្វឹកកម្ពុជា ការបញ្ជូនកីឡាករ កីឡាការិនីទៅហាត់ហ្វឹកហ្វឺននៅក្រៅប្រទេស ។

បន្ថែមលើននេះ ក្រសួងក៏បានជំរុញរៀបចំអាហារូបត្ថម្ភឱ្យសមស្របទៅតាមតម្រូវការថាមពលនៃប្រភេទកីឡានីមួយៗ ជំរុញឱ្យសហព័ន្ធជាតិរៀបចំការប្រកួតជើងឯកថ្នាក់ជាតិ និងស្នើសុំគណៈកម្មាធិការជាតិរៀបចំការប្រកួតកីឡាស៊ីហ្គេមផ្ដល់ឱកាសឱ្យសហព័ន្ធកីឡាជាតិចូលរួមប្រកួតជើងឯកក្នុងតំបន់ទ្វីប និងពិភពលោក ។

ការរៀបចំធ្វើជាម្ចាស់ផ្ទះនៃការប្រកួតកីឡាស៊ីហ្គេមលើកទី៣២ ឆ្នាំ២០២៣ នឹងមាន ៤០ប្រភេទកីឡា និង ៥៤៧វិញ្ញាសា គោលដៅសំខាន់គឺការរៀបចំការប្រកួតឱ្យបានល្អប្រសើរ និងគឺការដណ្ដើមមេដាយមាសឱ្យបានច្រើន ។

ការប្រកួតកីឡាស៊ីហ្គេមលើកទី៣២ ឆ្នាំ ២០២៣ ដែលប្រទេសកម្ពុជាធ្វើជាម្ចាស់ផ្ទះ ក្រោមមូលបទ «កីឡារស់ក្នុងសន្តិភាព» នឹងប្រព្រឹត្តទៅនៅថ្ងៃទី០៥ ដល់ ថ្ងៃទី ១៧ ខែឧសភា ឆ្នាំ២០២៣ ដោយបែងចែកតំបន់ប្រកួតកីឡាស៊ីហ្គេមចំនួន ០៦ តំបន់ ដូចជា (១) តំបន់រាជធានីភ្នំពេញ មាន ០៦ទីតាំង (២) តំបន់ខេត្តសៀមរាប ទីតាំងឧទ្យានជាតិភ្នំគូលែន និងអង្គរវត្ត (៣) តំបន់ខេត្តព្រះសីហនុ ទីតាំងឆ្នេរអូរឈើទាល (៤) តំបន់ខេត្តកែប ទីតាំងឆ្នេរកែប (៥) តំបន់ខេត្តកំពត ទីតាំងមជ្ឈមណ្ឌលកីឡាលើទឹក និង (៦) តំបន់ខេត្តកំពង់ស្ពឺ ទីតាំងឧទ្យានជាតិ ភ្នំគីរីរម្យ។

តើមានសកម្មភាពអ្វីខ្លះដែលនឹងជួយឱ្យការប្រកួតស៊ីហ្គេមនៅកម្ពុជាសម្រេចលទ្ធផលដូចការរំពឹងទុក? សំណួរនេះ ឯកឧត្តមបណ្ឌិត រស់ សុវាចា រដ្ឋលេខាធិការ និងជាអ្នកនាំពាក្យក្រសួងអប់រំ យុវជន និងកីឡា មានប្រសាសន៍ឱ្យដឹងថា ដើម្បីសម្រេចគោលបំណង និងគោលដៅខាងលើក្រសួងអប់រំបានដាក់ចេញយុទ្ធសាស្ដ្រចំនួន ១១ សំខាន់ៗ ។

យុទ្ធសាស្ដ្រចំនួន ១១ ដែលក្រសួងបានដាក់ចេញ មានដូចជា (១) អភិវឌ្ឍក្របខ័ណ្ឌច្បាប់ និងយន្ដការ, (២) លើកកម្ពស់ការអប់រំ ការបណ្ដុះបណ្ដាល និងការអភិវឌ្ឍសមត្ថភាព ដល់កីឡាករ មន្ដ្រីកីឡា និងគ្រូកីឡា, (៣) លើកកម្ពស់សមភាពយេនឌ័រ ក្នុងចំណោមកីឡាករ មន្ដ្រីកីឡា និងគ្រូកីឡា, (៤) អភិវឌ្ឍកីឡាជនពិការ, (៥) អភិវឌ្ឍហេដ្ឋារចនាសម្ព័ន្ធ និងសម្ភាររូបវន្ត, (៦) លើកកម្ពស់ការសិក្សាស្រាវជ្រាវទាក់ទងនឹងកីឡា, (៧) លើកកម្ពស់កីឡា និងល្បែងប្រជាប្រិយ ការអប់រំកាយ និងកីឡា តាមប្រព័ន្ធផ្សព្វផ្សាយនានា, (៨) ពង្រឹងតួនាទីរបស់អង្គការរដ្ឋកីឡា និងអង្គការសង្គមកីឡា, (៩) កែសម្រួល និងពង្រឹងរចនាសម្ព័ន្ធនៃការប្រកួត, (១០) ពង្រឹងសហប្រតិបត្តិការអន្តរជាតិ, និង (១១) លើកកម្ពស់ឧស្សាហកម្មកីឡា ។

គួររំលឹកថា ការប្រកួតកីឡាស៊ីហ្គេមលើកទី៣០ នៅហ្វីលីពីន កម្ពុជាទទួលបានមេដាយមាស ០៤គ្រឿង ប្រាក់ ០៦គ្រឿង និងសំរឹទ្ធ ៣៦គ្រឿង ចំណែកឯការប្រកួតកីឡាស៊ីហ្គេមលើកទី៣១ នៅប្រទេសវៀតណាម កម្ពុជាទទួលបានមេដាយសរុបចំនួន ៦៣គ្រឿង ដោយក្នុងនោះមេដាយមាសចំនួន ០៩ មេដាយប្រាក់ចំនួន ១៣ និងមេដាយសំរឹទ្ធចំនួន ៤១ ដោយឈរលើចំណាត់ថ្នាក់លេខ ៨ ក្នុងចំណោម ១១ ប្រទេស។ ការអប់រំកាយ និងកីឡារបស់កម្ពុជាមានមហិច្ឆតាចង់បានចំណាត់ថ្នាក់លេខ ៥ ក្នុងចំណោម ១១ ប្រទេស សម្រាប់ការប្រកួតកីឡាស៊ីហ្គេមលើកទី៣២ ឆ្នាំ២០២៣ នៅប្រទេសកម្ពុជា។

សូមជម្រាបថា តាមរយៈការប្រកួតកីឡាជាតិលើកទី៣ និងកីឡាជនពិការជាតិលើកទី១ ដែលប្រព្រឹត្តិទៅចាប់ផ្តើមប្រារព្ធពីថ្ងៃទី២១ ដល់ថ្ងៃទី៣០ ខែវិច្ឆិកា ឆ្នាំ២០២២ រាជរដ្ឋាភិបាលជឿជាក់ថា កីឡាគ្រប់វិញ្ញាសានឹងទទួលបានបទពិសោធន៍ល្អៗពីការប្រកួត ដើម្បីត្រៀមខ្លួនសម្រាប់ព្រឹត្តិការណ៍ប្រកួតកីឡាស៊ីហ្គេម ( SEA Games ) និង អាស៊ានប៉ារ៉ាហ្គេម (ASEAN Para Games) ឆ្នាំ២០២៣ ៕

លោក ម៉ៅ សំណាង | Mr. Mao Samnang

ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រ៦០កន្លែងនៅសាកលវិទ្យាល័យភូមិន្ទវិចិត្រសិល្បៈ ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 08/11/2024

ដើម្បីគាំទ្រ និងបន្តលើកស្ទួយវិស័យអប់រំ សម្ដេចអគ្គមហាសេនាបតីតេជោ ហ៊ុន សែន និងសម្តេចគតិព្រឹទ្ធបណ្ឌិត ផ្ដល់អាហារូបករណ៍ថ្នាក់បរិញ្ញាបត្រចំនួន៦០កន្លែង សិក្សានៅសាកលវិទ្យាល័យភូមិន្ទវិចិត្រសិល្បៈ សម្រាប់សិក្សា២០២៤-២០២៥។

អាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare នៃប្រទេសជប៉ុន ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 02/05/2024

ឱកាសសិក្សាអាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare (IUHW) រយៈពេល៦ឆ្នាំនៃ...

មជ្ឈមណ្ឌលស៊ីមេអូ SEPS ប្រកាសជ្រើសរើសសំណើគម្រោងស្រាវជ្រាវទស្សនវិជ្ជាសេដ្ឋកិច្ច

ព័ត៌មានអាហារូបករណ៍, ព្រឹត្តិការណ៍

• 26/12/2024

ក្រសួងអប់រំ យុវជន និងកីឡា កាលពីពេលថ្មីៗនេះ បានប្រកាសជូនដំណឹងដល់បុគ្គលិកអប់រំ និងអ្នកស្រាវជ្រាវ ពីការជ្រើសរើសសំណើគម្រោង ដោយមជ្ឈមណ្ឌលស៊ីមេអូ SEPS សម្រាប់កម្មវិធីគម្រោងគាំទ្រការស្រាវជ្រាវទស្សនវិជ្ជាសេដ្ឋកិច្ចគ្រប់គ្រាន់...

អាហារូបករណ៍ Unpad ASEAN Scholarship ថ្នាក់អនុបណ្ឌិត សិក្សានៅសាកលវិទ្យាល័យ UNIVERSITAS PADJADJARAN ប្រទេសឥណ្ឌូណេសុី

ព័ត៌មានអាហារូបករណ៍, ព្រឹត្តិការណ៍

• 30/10/2025

កម្មវិធីអាហារូបករណ៍ Unpad ASEAN (UAS) ដែលជាគំនិតផ្តួចផ្តើមរបស់សាកលវិទ្យាល័យ Padjadjaran (Universitas Padjadjaran) គាំទ្រដល់បុគ្គល និងអ្នកជំនាញឆ្នើមមកពីបណ្តាប្រទេសអាស៊ានដើម្បីបន្តការសិក្សាថ្នាក់...

ឱកាសគ្រូបង្រៀនចូលរួមកម្មវិធី Teacher Training Students នៅប្រទេសជប៉ុន ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 15/01/2026

ជាឱកាសសម្រាប់លោកគ្រូ អ្នកគ្រូ ដែលកំពុងបង្រៀននៅតាមសាលារៀនបឋមសិក្សា មធ្យមសិក្សា និងសាលាគរុកោសល្យ នៅទូទាំងប្រទេសកម្ពុជា, សម្រាប់ឆ្នាំ២០២៦នេះ កម្មវិធីអាហារូបករណ៍ Teacher Training...

ឱកាសសិក្សាថ្នាក់ Online ឥតគិតថ្លៃពី UNICEF Online Courses 2023

ព័ត៌មានអាហារូបករណ៍, ព្រឹត្តិការណ៍

• 06/06/2023

កម្មវិធីសិក្សាឥតគិតថ្លៃពី UNICEF online Course 2023 បើកទទួលនិស្សិតអន្តជាតិគ្រប់ជាតិសាសន៍សិក្សាដោយឥតគិតថ្លៃចំនួន១១៥៤វគ្គសិក្សា។ អាហារូបករណ៍ក៏មានផ្ដល់លិខិតបញ្ជាក់...

អាហារូបករណ៍ផ្លាស់ប្ដូរការសិក្សានៅប្រទេសកូរ៉េពី Global Korea Scholarship ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 28/01/2026

ឱកាសទៅផ្លាស់ប្ដូរការសិក្សានៅប្រទេសកូរ៉េ ពីកម្មវិធីអាហារូបករណ៍ Global Korea Scholarship សម្រាប់ឆ្នាំសិក្សា២០២៦។ កម្មវិធីអាហារូបករណ៍នឹងគាំទ្រពេញលេញលើបេក្ខភាពអាហារូបករណ៍ក្នុងរយៈពេលផ្លាស់ប្ដូរការសិក្សា...

វិទ្យាស្ថានពហុបច្ចេកទេសព្រះកុសុមៈ ផ្តល់អាហារូបករណ៍ថ្នាក់សញ្ញាបត្រជាន់ខ្ពស់២៨០កន្លែង

ព័ត៌មានអាហារូបករណ៍, ព្រឹត្តិការណ៍

• 05/11/2024

សម្រាប់ឆ្នាំសិក្សា២០២៤-២០២៥នេះ វិទ្យាស្ថានពហុបច្ចេកទេសព្រះកុសមៈ បានប្រកាសផ្តល់អាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេស និងសញ្ញាបត្រជាន់ខ្ពស់ពាណិជ្ជសាស្រ្ត (សិក្សារយៈពេល២ឆ្នាំ) រហូតដល់២៨០កន្លែងសម្រាប់សិស្ស...