ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យអាមេរិកាំងភ្នំពេញ AUPP កាលពីពេលថ្មីនេះ បានរៀបចំកម្មវិធី Open House ដោយមានអ្នកចូលរួមប្រមាណ៦រយនាក់ ដើម្បីជាឱកាសក្នុងការបង្ហាញជូន នូវព័ត៌មានទៅកាន់សាធារណៈជន ក៏ដូចជាសិស្ស ឬអាណាព្យាបាល ជាពិសេសសិស្សានុសិស្ស ដែលទើបបញ្ចប់មធ្យមសិក្សាទុតិយភូមិ ដែលមានបំណងស្វែងយល់បន្ថែមអំពីកម្មវិធីសិក្សា តម្លៃសិក្សា ឱកាសអាហាររូបករណ៍។
កញ្ញា ហង់ សុគន្ធា ប្រធានផ្នែកទីផ្សារនិងរដ្ឋបាល នៃសាកលវិទ្យាល័យអាមេរិកាំងភ្នំពេញ AUPP បានឱ្យដឹងថា សាកលវិទ្យាល័យដើរតាមស្តង់ដាររបស់អាមេរិកកាំង ហើយមហាវិទ្យាល័យនៅអាមេរិកក៏ដោយនៅអ៊ីរ៉ុបក៏ដោយ គឺតែងតែមានកម្មវិធី Open House ឬមួយក៏ហៅមួយបែបទៀតថា Open day ។ យ៉ាងណាមិញ ចំពោះកម្មវិធី Open House របស់ AUPP ក៏មិនខុសគ្នានោះដែរ គឺបង្កើតឡើង ក្នុងគោលបំណងសម្រួលដល់សិស្សវិទ្យាល័យជាចម្បង ពីព្រោះជាដំណាក់កាល ដែលពួកគាត់ត្រូវការស្វែងយល់ពីជំនាញ ពីកម្មវិធីរៀន និងឯកសារដែលពាក់ព័ន្ធនឹងការសិក្សាជំនាញនៅមហាវិទ្យាល័យ។
ប្រធានផ្នែកទីផ្សារនិងរដ្ឋបាលរូបនេះបន្ថែមថា កម្មវិធី Open House កន្លងមកសាកលវិទ្យាល័យក៏ធ្លាប់បង្កើតឱ្យមាន ដោយមួយខែ ឬពីរខែនឹងប្រព្រឹត្តឡើងម្តង ឬបើកឱ្យមាន ក្នុងអំឡុងពេលត្រូវការបើកវគ្គថ្មីៗ និងពេលដែលសិស្សវិទ្យាល័យគាត់ចង់បានព័ត៌មានបន្ថែម ។ ការមកចូលរួមក្នុងកម្មវិធី Open House គឺអាចជាឱកាសឱ្យសិស្សបានដឹងច្រើន និងទទួលបានព័ត៌មានទូលាយ។ ដូច្នេះក្រោយពេលដែលពួកគាត់បានចូលរួមកម្មវិធី គឺផ្តល់ភាពងាយស្រួលចំពោះសិស្ស ឬនិស្សិត ក្នុងការស្គាល់អំពីបរិយាកាសសាលា ជំនាញសិក្សា និងដឹងអំពីតម្រូវការពេលសម្រេចចិត្តថា តើជំនាញមួយណា ដែលចង់រៀនពេលដែលសម្រេចចិត្តបន្តដំណើរនៅមហាវិទ្យាល័យ។
ចំពោះអ្នកមួយចំនួន ជាពិសេសនៅវិទ្យាល័យតែម្តង គឺគាត់រៀនតែចំណេះដឹងទូទៅ ដូចនេះពេលដែលសិស្សមកដល់ទីតាំងមហាវិទ្យាល័យ គាត់អាចចួបសាស្រ្តាចារ្យ គាត់អាចមកមើល នោះនឹងអាចជួយឱ្យគាត់យល់អំពីព័ត៌មានបានកាន់តែច្រើន ដែលជំនួយដល់ការគិតរបស់សិស្ស…
កញ្ញា ហង់ សុគន្ធា ជាប្រធានផ្នែកទីផ្សារនិងរដ្ឋបាល នៃសាកលវិទ្យាល័យអាមេរិកាំងភ្នំពេញ AUPP
ប្រធានផ្នែកទីផ្សារ និងរដ្ឋបាលនៃសាកលវិទ្យាល័យអាមេរិកាំងភ្នំពេញ AUPP បន្ថែមថា កម្មវិធី Open House ក៏ដើម្បីបង្កើនទំនាក់ទំនងរវាងសាស្រ្តាចារ្យ និងសិស្ស ឱ្យមើលទៅក្នុងភាពស្មើគ្នា និងការបង្កើនឱកាសរាប់អានមិត្តភ័ក្របន្ថែម។ ហើយលើសពីកម្មវិធី Open House សាលាក៏មានជាកម្មវិធី career talk ផងដែរ ដើម្បីឱ្យសិស្សវិទ្យាល័យ ដែលគាត់ចង់រៀន ប៉ុន្តែមិនដឹងថារៀនអ្វី ឬថាតើគាត់គួរតែជ្រើសរើសជំនាញអ្វី ឬមួយក៏គាត់គិតថាមហាវិទ្យាល័យអាមេរិកកាំងភ្នំពេញគួរតែជាជម្រើសគាត់ ឬអត់ គាត់អាចមកផ្ទាល់ នោះគាត់នឹងរកបានចម្លើយទាំងអស់តាមរយៈបទបង្ហាញ ហើយក្រៅពីបទបង្ហាញរបស់សាស្រ្តាចារ្យ ក៏មានបទបង្ហាញពីកិច្ចការនិស្សិត (Student affair) ដែល បង្ហាញឱ្យឃើញថា មហាវិទ្យាល័យមិនមែនរៀននៅក្នុងថ្នាក់តែមួយមុខនោះទេ គឺមានរស់ជាតិជីវិតទាំងក្នុងថ្នាក់ និងក្រៅថ្នាក់។
អ្នករៀបចំកម្មវិធី បានបញ្ជាក់បន្ថែមថា កម្មវិធី Open House លើកកនេះបានបញ្ចប់ទៅក៏ពិតមែន ប៉ុន្តែនៅមានជាបន្តបន្ទាប់ទៀត ហើយបើគិតពីបច្ចុប្បន្ននេះ រហូតដល់ខែ១២ គឺសាលាមានជាកម្មវិធីតូចៗ ពីរទៅបីទៀត ដោយបំបែកជាតូចៗ ដើម្បីបញ្ជ្រាបព័ត៌មានអាហាររូបករណ៍ ជាពិសេសពេលដែលចប់ថ្នាក់ទី១២ ។ ដូចនេះហើយ ពេលដែលសិស្សវិទ្យាល័យគាត់អត់អាចមកទាន់នូវកម្មវិធី Open House លើកនេះ គឺគាត់នៅតែមានឱកាសអញ្ជើញមកនៅវគ្គក្រោយៗ ហើយព័ត៌មានបន្ថែមសាលានឹងធ្វើបច្ចុប្បន្នភាពជូនសាធារណៈជនឱ្យបានជ្រាប៕
